|
|
 في الليلة ديك عمل ليهو بُلك وحزف من القائمة
|
كانت الشواكيش قديما تعطي مباشرة
اما الان فصارت الشواكيش اون لاين
يعني كان ادوك شاكوش اون لاين زي حبيبنا رقم صفر
الا تبقي هكر
الان اصبح الشاكوش بلك وحظر
والله الحب بي زي حب الربورتات
ولكن النقاش الذي اود طرحه هل اصبحت التكنلوجيا تتحكم في مشاعرنا
|
|
 
|
|
|
|
|
|
|
 Re: في الليلة ديك عمل ليهو بُلك وحزف من القائمة (Re: اساسي)
|
والله يا حبيبنا خوفتنىعلى رأسك الكبير ده
لكن معليش تحصل فى ارقى الماسنجرات يا سيدى
ولا يهمك .. بلوك يفوت ولا حد يموت...
سيدى
التكنولوجيا عامل مساعد للمشاعر فان كنت تخاطب الانسان وتحاوره وتسمع صوته وترى صورته إذن ماذا بقى لتحكم عليه او تحبه حتى ؟؟؟
ولكن احذر فالصور احيانا يغشاها مونتاج...
هاااى يكا
التكنلوجيا نعم سيدى تهدى مشاعرنا دفق حقائق وتجعلها تنحاز او تنفر من شخص ما..
لك تحياتى وسلامتك
| |
|
|
|
|
|
|
|
|
|
Re: في الليلة ديك عمل ليهو بُلك وحزف من القائمة (Re: اساسي)
|
أساسي
والله التقنية والتكنولوجيا دي مسخت حاجات كتيرة رغم إنها سهلت كتير
فكما تفضلت أنت مثل الشاكوش دا ، لما يكون أولاين أكيد وقعه ما يكون زي ما قد يحدث على الطبيعة، على الاقل الشمات بيكونوا انخموا في الموضوع .
من أظرف الحاجات اللي مسخها الماسنجر التهاني والعزاء ، يعني أنا أرسل للوالدة في الجزيرة ماسنجر أقول ليها والله البارح شفتك في المنام وكنت زعلانة . تقوم هي ترد علي وتقول لي بري ياولدي والله ادعو ليك صباح ومسا وشاحدة الله الكريم يديك ويطلق وكيلك .
وكما إذا في وفاة في البلد أرسل ليهم ماسنجر أقول ليهم البركة فيكم . بكل سهولة . لا تركب مواصلات ولا تذكرة ولا حتى مكالمة
شفت كيف
دا كله كوم والشواكيش وبرودتها كوم
| |
|
|
|
|
|
|
|
|
|
Re: في الليلة ديك عمل ليهو بُلك وحزف من القائمة (Re: Ahlalawad)
|
الاخ اساســــــــى
ســـــــــــلام
كثير من مستخدمى جهاز الكمبيوتر يمارسون
الاستنكــــــــــاح العاطفى
وهذا الجهاز عبارة عن آله لاتحس ولاتنطق
فينبغى علنا نحن كمستخدمى له التحكم فى مشاعرنا وعقولنا
لانها الميزة التى ميزنا الله سبحانه وتعالى
عن بقية المخلوقات
حتى لا ننساق وراء الاكاذيب والخداعات
التى عادة ما يكون الوقوع فيها سهل
نسبة لتوفر حسن النية
كما انك لاتستطيع ان تقيس او تتأكد من مصداقية الطرف الآخر
وترمى بكامل عواطفك واحاسيسك على مجرد كلام واقوال
فى حين أنه لايعد أن يكون مجرد قضاء فراغ
او تسلية أو الخروج من حالة زهج مؤقتة
لدى الطرف الآخر
فتكون النتيجة دمار للنفسيات والشعور بالسذاجة
لاحساسك بالاستغلالية
عارفين معنى الاستغلالية شنو؟ ولا اشرحها ليكم؟
| |
|
|
|
|
|
|
|
|
 Re: في الليلة ديك عمل ليهو بُلك وحزف من القائمة (Re: Ahlalawad)
|
لاقيتو فى الماسنجر
خلانى زول كسمبر
كتبت ليه رساله
وعملت ليها إنتر
أدانى كلمة حلوة
تكتل قليب عنتر
قال لى سمح حديسك
ينقط عسل وسكر
قُت ليه عايز أشوفك
قال لى بلاش تهظر
أنا مابشوفنى زولن
فى الكى بورد يفرفر
أنا بت جميلة خالص
بدور لى زول غضنفر
كدى رسل لى صورتك
بعدين براى بقرر
كتلت قليبى خالس
واحساسى صار مدمر
رسلت ليها صورة
شينة وكمان مصنقر
وقعدت راجى كلمة
من الحليوة سكر
وانا فى قليبى راسم
صورة الدهب مجمر
واحساسى بى جمالها
زى مدفعن معمر
جانى الخبر صقعنى
بلوك فظيع مدمر
ومن يومى داك أفتش
فى كل ايميل ماسنجر
وما لقيت غير أساسى
فى الحوش قاعد فى بنبر
شين شناتو مرة
زى مرفعين فى بربر
ما بكوس غير المشاكل
وبين السطور بيهظر
مديدة حرقانى
وفى الشكل بيحرر
ومازلت كل يوم أحلم
أن الحبيبة تغفر
لو مرة بس تقول هاى
وترجعنى للماسنجر
| |
|
|
|
|
|
|
| |
اساسي
قرشـــو
garjah
boco
يازولyazoalيازول
فيس بوك
تويتر
انستقرام
يوتيوب
بنتيريست