|
|
 بجيك قاطع مسافات العشم
|
بجيك قاطع مسافات العشم باكر بجيك
شايل معايا هوىالعيون وآمآلى فى اجمل نغم
باكر بجيك من سكه القلب العشق ذاتك سنين
من صرخه الماضى الليى كان قاسى وضنين
خايف يكون زيف المدن غير اصالتك والحنين
جايكى من ليل العذاب ارجينى بالصبح المبين
فتينى لليل الطويل يرمينى فى حضن الالم
فتينى بين شبح الظنون واحزان بتنبع من وهم
ارجينى فوق ارض الصبر جايكى من زمنا سجم
لا فيهو للافراح طريق ولا فيهو للايام طعم
باكر بجيك بى لعنه الريد الملت قلبى الجريح
بى حال بيغنى عن السؤال مابيوصفو الخاطر الفصيح
خايف يقصر بى العمر تحملنى من الدنيا ريح
لو كان مقدر انى اروح سويلى فى خاطرك ضريح
سافرتى ماخليتى خيط ابراهو للمرسى الجديد
سافرتى ماخليتى لى غير ذكرت الزمن البعيد
علمتى روحى الانشراح علمتى قلبى يحن شديد
فجأه اختفيتى من الدروب واخفيتى كل زمنى السعيد
لكنى لى احساس يسو خطواتى لى اجمل عيون
باكر بتلقى خطاى معاك تتمشى مابين الغصون
ماتقولى لى وصلت كيف ؟ مين دل قلبك ياحنون
اناقلبى اصبح ليك مكان ياالناسيه انىاناليكى كون
باكر بينكشف الضباب والقاكى فى فرح الشباب
تقشى فى دمع الفراق وتزيلى فى الم العذاب
بكره المسافات تجتمع وتلم قلوب يوم عيدا آب
ويعود شباب الفى هواك ياحلوه بى احزانو شاب
بجيك قاطع مسافات العشم بكره بجيك
|
|
 
|
|
|
|
|
|
|
|
Re: بجيك قاطع مسافات العشم (Re: 3asoola)
|
الاخوة الاعزاء
السلام عليكم ورحمة الله وبركاته
حقيقة اغنية رائعة وجميلة جدا
والشي الذي اريد توضيحه هو ان الاغنية للفنان المبدع عبد الرحيم عبد الحفيظ جاح الشيخ (( أرقـــــــــــــــــي
وليس لعبد القيوم الشريفوالتحية لكل مبدعي بلادي
| |
|
|
|
|
|
|
|
|
 Re: بجيك قاطع مسافات العشم (Re: 3asoola)
|
الاخوة الاعزاء لكم الشكر علي هذ التناول لهذه الاغنية لكن الشي الذي اريد توضيحة اضافة الي اخونا انور كما قال الاغنية للفنان عبد الرحيم ارقي وقد نزلت في المبه الاول حبك انا ليك كان زادى وشاعرها هو الشاعر الشاب المبدع عثمان عوض عثمان وهو ابن خالتي من ارقي شرق الدبة ايضا وقد كان يدرس في كلية الهندسة جامعة الخرطوم في ابداية الثمانينات وكنت اجلس معه في غرفة واحده ولكن فجاة ترك الدراسة في الجامعة دون اي اسباب وبداء يشعر بقلق شديد لا يستطيع النوم لازمة هذا فترة طويلة وكان يتغلب علية بالكتابة وقد كتب قصايد كثيرة وجميلة وله مرثيات في الاستاذ مصطفي سيد احمد اتمني أن اتمكن من اتزالها وكذلك الاستاذة ليلي المغربي وقد لجاء اخيرا الي الصحافة فهو الان بين دور الصحافة لا يسترزق منها فقط يحاول ان يشبع رغبتة في الكتابة وقد حاولت كيرا أن اخرجة من عزلته التي فرضها علي نفسة لكنني لم استطيع
الشكر اخي عسولة ولكم التحية
| |
|
|
|
|
|
|
|
|
|
Re: بجيك قاطع مسافات العشم (Re: albagir altahir)
|
شكرا ليك يااخ انور ... الشريط العندى والفيهو الغنيه دي برضو بتاع ارقي لكن قلتا احتمال وارد برضو انو يكون غناها عبد القيوم الشريف
التحيه ليك ياالباقر ولى ابن خالتك وحقيقى الغنيه اكتر من رائعه... وفى انتظار المذيد
bigeeet a'7y mara wa7da kida???????????
| |
|
|
|
|
|
|
|
|
 Re: بجيك قاطع مسافات العشم (Re: 3asoola)
|
السلام عليكم ورحمة الله وبركاته
التحية للاخ الشاعر عثمان عوض عثمان الذي ابدع واجاد في كل قصائده التي تغني بها الفنان عبد الرحيم ارقي
حقيقة لم اسمع هذه الاغنية من عبد الغيوم الشريف ولو حاول لن يجيد حيث هذه الاغنية لا تشبه اداء الفنان الرائع عبد القيوم
التحية لعثمان عوض
| |
|
|
|
|
|
|
|
|
|
Re: بجيك قاطع مسافات العشم (Re: 3asoola)
|
لك الشكر على هذه الوصلت الجميلة
والتحية للفنان عبدالرحيم عبد الحفيظ ارقــــــــــــــــــي
وللشاعر المبدع عثمان عوض عثمان وهو يبدع وسمعنا العديد من القصايد الروعت اطال الله عمره ومتعه بالصحة والعافية
| |
|
|
|
|
|
|
|
|
|
Re: بجيك قاطع مسافات العشم (Re: 3asoola)
|
الاخ عسولة بمناسبة الشاعر عثمان عوض عثمان
اليك واحدة من اروع قصايدة المغناه والني شدي بها الفنان عبد الرحيم ارقي اخيراً
اتمني أن تنال اعجاب الجميع ورضاك
ذات الشامة
ذات الشامة أنا يوم غنيتك
لاافكاري في وعيها كانت
ولا اشعاري لقت الهامة
لا في وصفك تعبت وعانت
عودي معاي للزمن الطول
يوم لاقيتك اول مرة
كل الكون في نظري اتحول
من افاق لي اجمل نظرة
ما غنيتك شان الناس تاطاك في الشارع
أو علشان الصوت الطالع يبقي مشارع
أنا غنيتك معني مقدس
سمي بالكلمة سماها السابع
خوفي اشوفك في الاسواق
من كافتريا عليك انادي
او من مطعم او من منجرة او من نادي
ما علبتك جوة شرايط
ما سويتك مبكي وحائط
ما حوجته اشواقي وسائط
او اعلام مبثوث من رادي
ذات الشامة ودعت الله
بكرة بجيك لا حيل لاروح
فوقي معاول الهم تتناوب
مني سنين افراحي تروح
مدي ايام لقايانا مشارع
للعابرين الليل في زحمة
للفارين من ظلم الواقع
يا اقنعتك تمشي معاي
يا اديتك باقي خطايا
يا قطرتك دمعة برايا
تبكي الماضي العدة جميل
ذات الشامة انا يوم غنيتك
| |
|
|
|
|
|
|
|
|
|
Re: بجيك قاطع مسافات العشم (Re: 3asoola)
|
التحية لك الاخ الباقر الطاهر
بهذه الوصة الرائعة التي تحكي عن ابداع الشاعر عثمان عوض عثمان
ونرجو منك المزيد من اشعار عثمان أو علاء الدين و عبد الله وجميع مبدعي ارقي
| |
|
|
|
|
|
|
| |
3asoola
اساسي
omar_ragab
bamseka
انور عمر
albagir altahir
فيس بوك
تويتر
انستقرام
يوتيوب
بنتيريست