|
|
 مذكرات انسانه مشكلتها انها سمييينه...5
|
ناس عزه وهنده قاعدين تحت الشجرة وشكلهم بتونسو ونسه كاربه . وأنا هنا ملطوعة في محل التصوير دا والراجل ايدو تقيله خلاص…..يا الله متين يخلص عايزه أموت وافت ليهم الشمار
أمس جاني عريس…أي والله عرييييييس عديل كدا. أمي فرحت تقول جايها هي ما أنا. أسامه الغياظ كالعاده تعليقو الوحيد كان….:
_-- مسكين……يا ربي يكون شغال مع ناس درء الكوارث والزلازل
وأنا . اقول ليكم وما تشيلو حسي…بصراحة كنت فرحانة لكن ما قدرت اتخفف…زي ما انتو عارفين وزني ما بسمح لي بدا.لكن مع دا كنت حاسة بشويه قلق…يا ربي دا مالو ود عينو مطاول؟؟ خالتي قالت انو بحب الناس السمان..وبعدين محمد عمر ..انساهو…ابيعو….يعني تقول هو شغال بي….لكن ما تتصورو امي اتبسطت كيف…المسكينه أظنها قنعانه مني عديل.
المهم الأستاذ العريس شرف بيتنا في زيارة ودية للتعارف وطبعا كان لابد من انو أشوفو ويشوفني واسمعو ويسمعني وسط دقات قلب امي ودعوات خالتي:
-يا رب يا يكون ود الحلال يا زينب يا بت فتحيه بركات المغارب والملك السارب.
ولا اخفي عليكم انو أول منظر كان مخيب للامال لكن قلت يا بت ابلعيها.
الزول كان قصيروووووني وضعييييييف
قلت خلاص اعتبرو نموذج مصغر من فارس احلامي.
_ أهلا انسه زينب
_ اهلا بيك
-تسلمي
_الله يسلمك
_ الله يبارك فيك
_الله يخليك
شفتو البيضنه دي؟
اها اتخيلو انو الحوار الباقي كلو كان جنس البري دا….امكن الحسنه الوحيدة أني لو عرستو حاتبري طبيعي وبعد شهر حابقي كلوديا شيفر بتاعه الحله.
اها اخير التصوير خلص….ز دا هين المزاكره هي المشكله…. زمان وأنا صغيره كان نفسي القرايه تكون في شكل حبوب حلاوه صغيره الواحد يا كلها طوالي يحفظ…والله لو كان كدا انشتاين في زمانو ما كان حصلني.
ازيكم يا فرد..شماركم شنو
_ كويس الجيتي…زينب ووب عليا شفت مها ابراهيم بعد ما جات من السفر
_ لا والله ….حصلتني واللا شنو
_ لا بالعكس….جات رشيقه وضعيفه يا ربي عملت شنو
_ اصلو ما معقول عليك الله
_ زينب انت …ما حصل فكرتي تعملي ريجيم
_ والله يا عزه اكضب عليك…فكرت والله بس….ما عارفه…كدي حسه خلينا من دا ما سمعتو شماري انا
……………….
_ اها وزي ما قلت ليكم الزول دا اطفشو كيف امي ماسكه فيهو قوي
_ والله عوجه يا اختي
…………وفي البيت لقيت امي وخالتي متمحنات
_ بونسواااااغ مالكم خير؟ الحاصل شنو
_ العريس
_ مالو جا تاني
_ جا بوين دا طفش
بصراحه اتصدمت بس بركه كدا كويس كويس الجات منو
_ لكن يا خالتو….هو مالو انت مش قلتي مزاجو في واحده سمينه؟؟
_ ايوه يا بتي لكن عاد…..ما للدرجه دي
|
|
 
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
ههههههههههه,,,والله قطعتي مصاريني بالضحك يا حنين يجعل ايامك كلها ضحك,,ياخيتي انتي بتجيبي الكلا مده من وين...عموما الراجل البحدد ومزاجي فيواحدة خدرا وسمرا وطويلة و قصيرة وسمينة ...ما اظن ده زول انا عن نفسي ممكن ابدا معاه مشوار لانه اكيد في حاجة مفقودة بتكون فيه,,,اكيد اليستاهلك لسى ما ولدته امه وبكرة يجيك سيد سيدو.....
ودمتي
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: تــاجوج)
|
العزيزة حنين
تحياتي وكل سنة وانت طيبة
حقيقي ما حاقول ليك ضحكتيني لانو القصة
ما مضحكة والبيضحك عليها بيكون ما حس حجم الماساة
...الحاولتي بلطافة تعكسيها... لكن للاسف هو واقع معاش
مع الاعتزار للاخت تاجوج ..لكن للاسف قصة انو ..(انا ما بحترم الرجال
البهتمو بالشكل ...ووالله لو اختارني لانو حلوة وجزابة وانيقة
ما حاعيش معاهو و الراجل البيهتم بالحاجات دي واحد فارغ..و...و..و..) دي شعارات ما عندها اساس من الصحة
لانو عنوان المراة من يوم بدء البشرية الجمال..حتي انو هابيل وقابيل اساس مشكلتم كان علي اختهم الاجمل..تفتكري اننا ممكن نغير البشرية كلها..؟؟؟طيب بافتراض قيام اساس الارتباط علي اساس الاخلاق والفهم وكده...ودي مفرغ منها..الانجزاب الاول بيجي كيف ؟؟؟
ما لازم نغالط نفسنا (يا معشر الانسات)..متي ما دام الرجل بشرا فدايما حيهمو المظهر في المقام الاول..وفكروا كدي لو كنتوا اولاد ببتعجبكم البت شينة والا معولقة والا سمينة؟؟؟
تحياتي
سكرا
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
الاحباب الغاليين تاجوج وسكرا:
شكرا ليكم على الرد اسعدتوني والله وانتو احلى ناس اصطبحت بيهم السنه الجديده ويا ريت وشكم يكون حلو على, بس اما لو طلعتو كج والله ما اخليكم لانو السنه دي مهمه بالنسبه وما دايره فيها اي كجاجه
لووووول
اها انا حاحاول اقرب وجهات النظر بينكم لو كان فهمي لكل واحده منكم صح
انا ما احدي انو المنظر بالنسبه للفتاه حاجه ما مهمه لانو فعلا المظهر هو عنوان الانسان: لكن كم وكم عنوان لا ينطبق على محتواه مش كدا؟
في واحد من الادباء قال انو المراءه تقضي وقتا في الاهتمام بالتسريحه اكتر من البتقضيهو في الاهتمام بما تحت التسريحه. اهو جنس الاهتمام دا الاحنا ما دايرنو ببساطه
اقتضت حكمه الخالق تعالى انو النساء كلهم ما قالب واحد وفي نفس الوقت الرجال كلهم ما قلب واحد
النقطه التانيه العايزه اقولها انو شخصيه زينب ما من النوع المتعقد من زياده وزنو على عكس اغلبيه السمينات وزمان في وحده صاحبتي قالت لي مثل انو البحب عيوبو الناس بتحبو (طبعا ما كل العيوب لو فهمتوني) وامكن دا البدي الحكايه بعد كوميدي مع انها فعلا مشكله
وكل انسان بتفاعل مع القضيه حسب افكارو وانا بحترم افكاركم دي عاد احترام شديد خلاص عشان كدا اضحكي يا تاجوج و تسلمي لينا يا سكرا على حنيتك دي
ودمتم لي
| |
|
|
|
|
|
|
|
|
 Re: مذكرات انسانه مشكلتها انها سمييينه...5 (Re: حنين)
|
الاخت سكرا اسمحي لي اني اقول ليك انو في رايي نظريتك خاطئه00لانو ما كل الرجال بيهتمو بالمظهر الخارجي في المقام الاول 00وانا ما بقول انو الشكل ما مهم بالعكس لكن برضو في الاهم 00وانا بشوف انو الراجل البيختارني عشان شكلي فعلا ما بيستاهلني لانو المرة ما جسد وبس وبعتبرو كمان رجل سطحي ومخو فاضي كمان00 ولازم كمان كل راجل تفكيرو كده يعرف انو الجمال ده شيء زايل00
مع احترامي للجميع00
سكرة000
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
بالله ؟؟ سكره بالتاء المربوطه وسكرا بالاف معليش يا بتي العتب على النظر
:الاعزاء سكرا وسكره:
طبعا اللذيذ في الموضوع انو اول مره اكتشف انو في سكرتين واحده بالعربي والتانيه بالانجليزي والحكايه دي لفت لي مخي اول حاجه الله يجعل ايامكم كلها سكر يا رب
انا شايفه انو نحنا كلنا بندور في نفس النقطه واي زول بيختار حسب الاتنين الشخصيه والشكل كمان بقى في ناس عندهم دي اهم وناس تانيين عندهم ديك اهم دي فروقات شخصيه
اكيد انا ما حاقدر اعيش لي مع تمثال جميل من غير روح ولا اخلاق لانو زي ما انتو عارفين في ناس فتحت خشمهم كدا السحر كلو بيتبخر …. والانسان بتعود على كل حاجه حتي المنظر الجميع لكن البتفضل طبعا هي الاخلاق اللي كل ما اتعود عليها حباها اكتر طبعا لو كانت اخلاق حميده ( فاظفر بذات الدين تربت يداك) وكلنا عارفين انو ديننا هو الدين القال عليهو رسولنا الكريم انما بعثت لاتمم مكارم الاخلاق. في ناس والله ما عندهم غير اخلاقهم بس وفي نظر الاخرين اجمل اخلق الله بينما العكس لا يمكن ابدا ان يكون صحيحا
وكمان على قول سكره نحن ما نقدر نقول انو نحن ملائكه او كائنات شفافه تري دواخل الانسان فقط لا لانو المظهر مهم و وفي دي بقى الناس بتتفاوت كتييير في تقييمها للجمال وعموما لا اؤمن بوجود انسان وخاصه امراه غير جميله لانو أي انثى في الدنيا تعشق الجمال وترغب فيه وتسعى لامتلاكه كل حسب مبادئه وقيمه وافكاره
واحيانا اعتقد انو امنا حواء بالرغم من انها كانت الست الوحيده في ذلك الوقت وما لا خوف على ادم انو عينو تزوغ كدا واللا كدا هي زاتها كانت تسعى للجمال
الحكايه ميزان مش كدا؟؟ لكن الناس بعد كدا بتختلف في تحديد أي كفتي الميزان ترجح…..
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
العزيز الغالي مدني اتفق معاك انو زنوبه صحبتي ما ممكن تكون متجاهله الموضوع دا تماما بس هي بتحاول تتعايش معاهو امكن غلطتها انها ما حاولت يوم تحل المشكله لكن هل هي حتحاول تابعها وشوف
النقطه الانا حاولت اوضحها ليك في البحب عيوبو الناس بتحبو وزي ما قلت ليك ما كل العيوب انو مرات الانسان بيكون عندو عيب معين وبعد محاولات عديده انو يصلحها بيفشل رغم انو حاول كل ما يستطيع ؟ هل يفضل عندو احساس بالنقص طول حياتو؟؟ هل يفضل معقد وحاقد على نفسو؟ لا ما اظن دا التصرف الصح اعتقد انو الحل انو يحاول يتعايش معاها وما يكبر الموضوع عشان ما يعيش في ماساه
تعال هات اضانك اقول ليك سر انا لمن كنت صغيره كنت لجناء أي والله ماتتضحك على ما بعرف اقول راء وشفع الحله كلهم كانو بيغيظوني والناس الكبار كمان ما ريحوني وكل يوم انا مدسوسه في الاوضه وماخده بكيه بعدين حاولت انفذ النصيحه دي واتخيل الحصل ؟؟ شفع الحله بقو كلهم يحاكوني فيها وكل شافع ماخد علقه من امو عشان بيكعوج لسانو وبتعاور. لوووول
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
حنين
انا انسان سنيقير - ضعيف جدا
فلو يعني وكده 
تكوني مشكورة
وانا عارف انو السمينات بكونو ظريفات جدا
ولما اعرس واحدة سمينة وظريفة احسن من اعرس واحدة رشيقة وصقيلة
صقيلة دي صاح كده؟
عليك الله ما توقفي الكتابات الممعنة في الخصوصيةزي دي لانها جد بتهبشنا من جوا
ودمتي
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
اختي حنين فعلا الجوهر بينعكس على المظهر الخارجي وليهو تاثير كبير عليهو00يعني انا بشوف انو البيحب بي صدق بيشوف حبيبتو اجمل انسانه في الوجود والدليل انو في كتير من الرجال في العالم ما ناقصم شيء وبيتزوجو وبيحبو بنات على قدر قليل من الجمال لكن رغم كده بيكونو مقتنعين اقتناع تام بي انو اجمل من الحبيبة دي مافي00
سكرة00
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: SUKARA)
|
اهلنا اديكم تجربة حقيقية
انا ارتبطت بواحدة فترة من الزمن يعني سنةونصف وهي خلوهاساي وزن ما طبيعي
المهم ما فيها عيب الا سمنتها الزائدة
وبديت معاها مشوار التخلص من السمنة ورفضت بدينا ما تنزل وقالت ما بتقدر توقف يدها من الاكل
لكن في النهاية انا نفسي لا اتحمل الوزن الزائد وكيف بالاوزان المفروضة عليك مستقبلا
واها قلت ليها لو ربنا ادانا عمر وفي نصيب بجيك ومن ديك...
لكن يا اخوان ما كدا الواحد يعيش بوزن زي دا
المسالة في النهاية ارادة لو الواحدة عاوزة تنقص وزنها ممكن
ولكل الناس اي شخص بيهتم بمنظر خطيبتوا حتي لو كان دا شرطوا العاشر اهم حاجة يا جماعة
عليك الله امشي معاك في الشارع كيف
انا جربت المشي في الشارع معاها
وما تسالوني من الحصل لكن جد احراج ما بعدوا من نظرات الي تعليقات
لازم يا بنات تنقصوا وزنكم
لانوا السودانيات بفتحوا بعد العرس بصورة فظيعة من اول انتاج
ومعليش الحقيقة حارة لكن الزمن جبار
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: مهاجر)
|
العزيزة سكرة
تحياتي
الله لا جاب خلاف يا ختي..لكن انت بتقولي البيحب
واحدة بتبقي في عيونو اجمل من في الكون
ويبقي السوال :هو اصلا حيحبها من الاول علي شنو؟
والا يبقي كلام الحبوبات (الهي يا بتي يجيك عميان ويكب فيك قنطار
دهب)خطين تحت عميان
حقيقي خلقت المراة لتكون جميلة ومن هنا بيجي جمال الروح جمال الخلق والاخلاق واكيد ما حننسي قول الرسول(صلهم):اظفر بزات الدين تربت يداك...وما ننسي كلام اخوانا :عايزا طويلة وصفراء وشعرا طوااال
ولك التحية يا اخ مهاجر علي هذة الصراحة
تحياتي
سكرا
| |
|
|
|
|
|
|
|
|
 Re: مذكرات انسانه مشكلتها انها سمييينه...5 (Re: سكرا)
|
العزيزة سكرا
حقيقة لو قدرنا ناخد شكل الصراحة بنقدر نعالج مشاكلنا
وانا بعيب الشباب الزمن دا الواحد ياجر عربية او يستلفا من واحد صاحبوا ويكون ضارب كام مليون خبتة سوق زي ما بقولوا ويدورر غش في بنات الناس
وبرضو الشجاعة ناقصة عند الجنسين يعني مفروض نعرف كيف نتم نواقصنا مع بعض بالمعني الواضح الواحدة تكون شايفة الجكس بتاعا عينوا زايقة يمكن من حاجة واحدة مثلا علق علي طريقة لبس بنت عجبتوا من ناحية هندمة يعني ودي هو بطريق غير مباشر عاوز يوصل ليها مفروض تعمل ماتشن لملابسها وهي العبيطة تاخدها الغيرة وتزعل
مفروض نكون نحنا برضو نبيهين لاشياء كتيرة خاصة موضوع السمنة دا
انا كنت صريح معاها لدرجة كبيرة وبديت معاها عدة مشاريع
لكن كلها باءت بالفشل
والزمن دا نحنا دايرين البنت الاصيلة بت البلد البتعرف تمسك بيت مش مظاهر دخلتي بكذا والشبكة بكذا
وبعدين تضيع الطارة
ولنا عودة
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
عسل والله..ولولا خشية أن ينتزع مني مشاكس صفة الإتزان لقلت أكثر من ذلك ولكنني سأكتفي هنا ياحنين بالقول لو أن الرقم 5 هذا يرمز إلى
أن هذه هي الحلقة الخامسة فإن أربعة أخماس عمري ضائعة..فهل من يدلني عليها؟..أدب اليوميات سواء كان رصدا لأحداث حياتنا اليومية أو كان شكل قصصي فأنه مقرؤ دائما ومحبب إلى النفس..من "كتاب اليوميات" الرائعين..بت قضيم وشيري..واسألوا معي لماذا كلهن بنات؟
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
العزير مهاجر
شكرا على مشاركتك لينا بقصتك
طبعا نحنا ما ملمين بتفاصيل موضوعك دا لكن انا متا كده انك ما قصرت معاها تب
لكن عارف يا مهاجر حكايه انقاص الوزن دا ما بالسهوله اللي الزول متخيلها والله وبعدين مرات احساس الوحده انها مرفوضه بالشكل دا بيزيد الموضوع سوء وبخليها محبطه وغير قادره على اتخاذ اي خطوه ايجابيه
انا اتمنى جد انها تكون وصلت لمعاده تخليها سعيده سواء كانت ضعيفه او سمينه
ولك كل حبي
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
بناديها:
عسل دي زاتها كتيره علينا والله.....الله يخليك
وبالمناسبه الجزء الاول في صفحه 18 والتاني برضو 18
اما التالت 16
والرابع دا اسكت ساكت ما تسال عنو لانو شكلي دقست وطوالي نطيت الخامس
بالمناسبه؟؟ يا بناديها ردت عليك واللا لسه لووووول
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
الاخت سكرا صدقيني اي بت في الدنيا بتلاقي الراجل البيعجب بيها ويحبها ويعشق جمالا00
يعني ما الكل مثلا عاوز الضعيفه ولا الكل عاوز الصفراعلى قولتك 00يعني في راجل يحب السمرا وراجل يحب الصفرا وراجل ما بتفرق معاهو بس بيحب شعرا يكون طويل وكده00الناس ازواق وبيختلفو في الاهتمامات والتفكير 00عشان كده انا بقول انو مافي حاجة اسما دي شينه ودي غير مرغوبه 00يعني الشكل ده مامهم بتلاقي البيقبلو لكن مافي زول بيقبل وحده سيئة الاخلاق مثلا او فيها بعض العيوب الغير مرضيه عشان هي جميله 00بس ممكن يقبل وحده ما جميله عشان بت ناس واخلاقا عاليه ومتعلمه مثلا00
ارجو اني اكون قدرت اوصل وجهة نظري00
سكرة00
| |
|
|
|
|
|
|
|
|
 Re: مذكرات انسانه مشكلتها انها سمييينه...5 (Re: SUKARA)
|
السرد ممتع ويعكس مشاكل حقيقيه نحاول ان نتجاوزها بالضحك
فالسرد ممتع وشيق وهى مقدرة ساحرة من الاخت حنين وبالاضافة الى ذلك تعكس فيها مشاكل اجتماعية ينبغى الوقوف عندها ومناقشتها
التحية للاخت حنين فانتى حنينه حتى بالسخرية التى تبدو فى هذا النص الممتع
ام واصل ومرافىء
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: حنين)
|
العزيزة حنين
تحياتي
حاولت اعكس مدي اهمية الموضوع وعدم تجاهله
ولكن يبقي الاصرار انو الناس تطمن روحا وتقول :انو
مافي زول ما بيقلا زولو ..ويمكن في ناس بيعجبا السمين
الشبعان من بيتو..والاخلاق احسنم من الخلقة ودي انا معاكم فيها
لكن براضو لازم نراعي المظهر الخارجي وتجميل اي شئ وصقله يلفت
الانتباه له ويجزب من يريد معرفة الجوهر...فاحسن نلمعوا من برة عشان
الناس تتشمشلر جوا في شنو؟؟ والا انتو ما معاي ؟؟؟
تحياتي
سكرا
| |
|
|
|
|
|
|
|
|
|
Re: مذكرات انسانه مشكلتها انها سمييينه...5 (Re: سكرا)
|
السلام يا سكرا
الجمال الخارجي مطلوب ولكن لجذب الإنتباه لأوّل مرة فقط لكن في النهاية الجوهر هو المهم. الإعتماد على سماح الصورة في البنضورة وجمال النبق في الطبق حدّّه قصير. وعمره الجمال الخارجي ما كان المقياس النهائي.
المرأة المقبولة الشكل أفضل من الصارخة الجمال لآسباب بديهية لا تخفى عليك حسب ظني. الجمال يتغير بتقدم الزمن ولكن الروح تظل كما هي وتزداد صقلا وخبرة بالسنين.
وفي النهاية السمينة ممكن تضعف والنحيفة ممكن تسمن لكن سيئة الخلق وعديمة التربية من الإستحالة بمكان أن تتغير. وعندنا مثل بيقول الطبيعة جبل.
والبقارة بقولوا كان غلبك السماح أجزر أي شوف المرا السمينة.
| |
|
|
|
|
|
|
| |
garjah
tmbis
مهاجر
banadieha
Ishraga Mustafa
cantona_1
فيس بوك
تويتر
انستقرام
يوتيوب
بنتيريست