|
|
 سؤال لكم جميعا : هل انعدمت المروءة فى الشعب السودانى ؟ ام ..........؟
|
نحب نحن السودانيين كثيرا الافتخار بانفسنا
( نحن اولاد بلد نقعد نقوم على كيفنا )
( نحن المؤسسين للاتحاد الافريقى)
( نحن اكثر ناس متكاتفين ونحب بعضنا)
( نحن اهل المروة ونكرم الضيف )
( نحن اكثر عرب كلامنا واضح ومفهوم)
وغيرها وغيرها
اركز على المروءة ومساعده المحتاج
هل مازلنا بهذه الخصلة؟؟؟؟؟؟
ام انها كانت مميزة لجدودنا وعندما وصلتنا العولمة رميناها ورانا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-----------------
احكى موقفا حدث لى قبل يومين
وانا متوجها من الحلفايا الى جامعة افريقيا العالمية فى شارع مدنى بصحبة احد الاصدقاء - ضرب لينا لستك فى العربية
واكتشفنا ان الاسبير برضو نازل
المكان فى شارع المطار قصاد شارع 37 العمارات
قعدنا ساعة نأشر نبحث عن فاعل خير ينقلنا لاقرب بنشر خاصة ان ما معنا من نقود كان لا يكفى ايجار تاكسى لاقرب بنشر ويغطى تكاليف البنشر
كانت تمر علينا سيارات بها بعض الشباب العابث المكثرين من الضحكات العابثة والمشاغلات لكل المارة وحتى نحن طالتنا مشاغلاتهم
--------------
طبعا قفلت معانا شديد
فجااااااااااااة"""""""""ا
وقفت عربية بوكس دبل كابينة
ونزل صاحبها باتجاهنا
فاذا به صينى الجنسية
لغته الانجليزية مكسرة
سالنا عما يعطلنا
وعندما عرف تحرك معنا حتى البنشر
واصر على ان ينتظرنا حتى يتم اصلاح اللستك
وعاد بنا لموقع العربة
واصر على ان يمكث حتى يتم تركيب اللستك
بعدها تحرك بعد ان عصرت ذهنى لانتزاع كل ما املك من عبارات الشكر باللغة الانجليزية
------------------------
فى رحلة العودة سالت نفسى كثيرا
هل انعدمت المروءة فى الشعب السودانى؟؟؟؟؟؟؟؟؟؟؟؟؟
ام ان حظى كدقيق نثروه
ثم قالوا لحفاه فى يوم ريح اجمعوه
|
|
 
|
|
|
|
|
|
|
|
Re: سؤال لكم جميعا : هل انعدمت المروءة فى الشعب السودانى ؟ ام ......... (Re: ودالحلفاية)
|
للا سف يا ود الحلفايه:
كان نفسي اقول ليك انو نحن لسه ناس مروءه وكرم وشهامه
كان نفسي اقول ليك انو حظك هو الماحلو لكن من واقع تجربتي الصفات الحلوه دي ما زي زمان ما عايزه اكون متشائمه واقول ليك اختفت مره واحده لانو الخير لسه في لكن ما زي زمن اجدادنا واباءنا ياربي ليه؟
هل بسبب اضائقه الماليه والاقتصاديه البتمربيها البلد الناس بقت زهجانه وما قادره تساعدنفسها لمن تساعد التانيين؟
والله احتمال
لكن ما في زول بيقدر ينكر انو المجتمع السوداني بيمر بتغييرات كبيره بعضها كويس وبعضها للاسف ما كويس
الله يديم المعروف بين الناس
| |
|
|
|
|
|
|
|
|
|
Re: سؤال لكم جميعا : هل انعدمت المروءة فى الشعب السودانى ؟ ام ......... (Re: حنين)
|
الأخ ود الحلفاية
عموما انا اصدق كل كلمة ولا اجد لاولئك العذر سوى اتهامكم بالتقصير فمن الابجديات ان يكون لديكم لستك ازبير بحالة جيدة ولعل هذا هو السبب الوحيد ..
وربما يعتبركم البعض محتالين فهنالك الكثير من الحالات التى حدثت بطلب مساعدة ثم تنقلب الى احتيال ونصب ولذا يحجم الناس عن مثل تقديم تلكم المساعدات..
ولكنى على يقين ان السودانيين بخير اخى ولو كانت هنالك حالات وتجارب مريرة مثل هذه..
لك تحياتى وارجو ان لا تفقد الثقة وراقب ثانية حالات اخرى لطلب العون من الاخرين وحبذا لو كانت بدون عربية ..
مع تحياتى
| |
|
|
|
|
|
|
|
|
 Re: سؤال لكم جميعا : هل انعدمت المروءة فى الشعب السودانى ؟ ام ......... (Re: قرشـــو)
|
نعترف بتقصيرنا من ناحية اللستك وربما كان ذلك للعجلة الشديدة
ويا ريت يكون ده السبب عشان نلوم نفسنا بس وما نفقد الثقة فى طباعنا القمنا بيها
لكن؟؟
لو عاينا من جهات تانية
مثلا
فى رمضان اتعودنا انو السودانيين بفطرو فى الشارع
كل الجيران مع بعض آملين انو يجى عابر سبيل يفطر معاهم
وتواصل اجتماعى من ناحية تانية
لاحظو معاى::::::::ا
بدات تلك الظاهرة فى الخبو رويدا رويدا
اختفت تماما فى الاحياء التى يقولو انها متحضرة وراقية مثل العمارات والطائف
وبدات تخبو فى الاحياء الشعبية كما ان ملاحظ مثل شمبات والحلفاية
-----------------
وهناك نواحى كثيرة يمكن ملاحظة التغيرات التى حدثت
------------------------------------------------------------------------------------------------------------------------------------------------------------------------------------------------
ياريت اكون انا غلطــــــــــــــــــــــــــــــــان
| |
|
|
|
|
|
|
|
|
|
Re: سؤال لكم جميعا : هل انعدمت المروءة فى الشعب السودانى ؟ ام ......... (Re: ابوبكر الصوفي)
|
المصيبة يا اخى ابوبكر ان اللستك كان بجهة السواق وانا متجه جنوبا
معناه ان اللستك كان بجهه الشارع
كما انو نحن كنا بنأشر وما كنا واقفين ساى
--------------
صعب جدا الاعتراف بانو فى تغيرات حصلت
وصعب الاعتراف بانو الحاجات الجميلة الوحيدة العندنا تاثرت
وبدات تتغير
ربما البعض يقولو دى ضريبة التطور وثورة المعلومات العالمية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احتمــــــــــــــــــــــال وارد
| |
|
|
|
|
|
|
|
|
 Re: سؤال لكم جميعا : هل انعدمت المروءة فى الشعب السودانى ؟ ام ......... (Re: ودالحلفاية)
|
قبل يومين لا أكثر يا عزيزى ود الحلفاية كنت ذاهب من أمبدة الى الثورة وكانت الساعة تقريبا الثامنة والنصف مساء . نفد بنزين عربتى وبحمد الله كان لدى جالون فى الضهرية. وقفت لأتم التنك وفق أمامى أخ بعربة صالون وسألنى هل تريد مساعدة ؟ شكرته ووضحت له سبب وقوفى فذهب . ملحوظة الشارع كان ممتلئ بالعربات والركشات . والشئ الذى أريد أن أقوله أن هذا الشخص كان سودانى ولا غرابة فى ذلك . بالله عليك هذا أمر عادى والمروءة غير مرتبطة بالجنسيات
| |
|
|
|
|
|
|
|
|
|
Re: سؤال لكم جميعا : هل انعدمت المروءة فى الشعب السودانى ؟ ام ......... (Re: ودالحلفاية)
|
العزيز ود الحلفايه
لا تنسى اننا مفجرى الثورات
و معلمى الشعوب
و اننا
و اننا
كلام كثير و شعارات اكثر
المصيبه الكبرى اننا لا نريد او لا نرغب فى تلمس عيوبنا و نحاول ان نذر الرماد على العيون
انك لست مخطئا
ولكن هناك الكثير من السلبيات تحتاخا لى وقفه مع الذات لاستكشاف مواطن الخلل حتى نواجه انفسنا و نستطيع تقويمها
لاكن محاولة نفيها انما هي محاوه للهروب من مواجهة الذات
تسلم ود الحلفايه لانك طرقت على هذه القضيه الهامه
اذا ما الجرح رم على فساد
تبين فيه اهمال الطبيب
| |
|
|
|
|
|
|
|
|
|
Re: سؤال لكم جميعا : هل انعدمت المروءة فى الشعب السودانى ؟ ام ......... (Re: hasan_6)
|
اخوى الشايقى
قصتك تجعل الدم يتجمع اعلى الراس من الفخر الشديد بماضينا
لاحظو::::::::::::::ا
بماضينـــــــــــــــــــــــــــــــــا
-----------
وقصص غيرها وغيرها
وعن تنقل الملحات فى الحلة . غايتو ده فى الحلفاية نسبيا موجود
( طبعا ما زى زمان )
لكن عادى لو جاء ضيف غير مترتقب
يتم اللجوء الى ملاح الجيران
الاخوة ود العجمى وحسن
لاحظو معاى المعادلة دى
| |
|
|
|
|
|
|
| |
ودالحلفاية
manubia
almulaomar
قرشـــو
Al-Shaygi
ود العجمى
Elmosley
فيس بوك
تويتر
انستقرام
يوتيوب
بنتيريست