مافي زول يقول لي الثقافة ما بتتجزا لاني عارفة بس الشرط الاساسي في المكتبة انها تضم الكتب السودانية و بس يعني اي كتاب مؤلفو سوداني اي كان موضوع الكتاب سواء ادب او شعر و تاريخ او سياسة او مرجع علمي اوقصة او دراسة اعني تلك الدراسات المهتمة بقضايانا و يقوم بعملها الطلاب ثم تنسى في مكتبات الجامعات و اي كانت اللغة التي كتب بها و من ما كان الكاتب مكن هسه نبدا نعمل قائمة باسم الكتب العارفينها و المرت على كل واحد فينا الكتب الفي الساحة و الكتب المنشورة الاتنشرت و الاتمنعت من النشر و الاتصادرت و الاتحرقت و الاتسرقت حتي الاتحرقت و لا شال مقص الرقابة لو كل واحد فينا مشي السودان اجازة و بحت في المخزن و حياة الله بلقى لي كتاب كتابين اها كان الكاتب في خير و بركة لو رحل نعيد النشر ماهو سوداني و ممكن نعمل نبدا كل واحد لاقى كتاب يكتب و نبدا نعمل لستة الكتب دي ما ليكم ياناس البورد دي زي شجرة الزيتون ما هتاكلو منها و كلنا بنكون مرت علينا بس اولادنا محتاجين
و في مرحلة تانية نشوف اي كتاب اتكتب عن السودان بس يكون هادف اقصد ممكن نستفيد منو
فكرة جديرة بالمتابعة يا أمنا...خاصة فى كتب كتيرة فاتتنا...وضيق قنوات النشر من ضيق نفس حكومة الجبهة طبعا.... وفكرة جديدة لأنها انحازت الى الكتاب فى ظل الهجمة الالكترونية ...
تحياتى ولدك
12-28-2002, 07:50 AM
Elmosley Elmosley
تاريخ التسجيل: 03-14-2002
مجموع المشاركات: 34683
فكرة جميلة يا عزة ..فعلا نحن محتاجين للتوثيق .. لكن ما الدافع ؟؟ كان عندنا مكتبة كبيرة جدا في البيت .. كتب .. اسطوانات .. و غيرها ... عناصر الأمن فتشوا بيتنا و صادروها .. نعمل شنو نحن في بلد زي ده ؟؟؟؟ نرجع لي فكرتك : طبعا فكرة جميلة جدا و تستحق الاحترام أحييك عليها و أحييك علي مواضيعك الراقية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
wadazza
Elmosley
ابو تميم
Modic
فيس بوك
تويتر
انستقرام
يوتيوب
بنتيريست