|
|
 دعوه لابناء رفاعه للتعارف
|
بدايه يطيب لى ان اكون احد ابناء تلك المدينه الشامخه المعطاءه والتى
لم تزل تنجب ابناء الوطن النوابغ والتى يشرفنى ان اكون منها
تلكم المدينه الفاضله والتى تعبر عن السودان كله بتنوعها الانسانى والثقافى
تلك المدينه التى كان بها اول مدرسه لتعليم المرأه فى السودان قاطبه والتى بناها الشيخ
بابكر بدري ذلك ارجل العظيم ومنها الشيخ لطفى ذلك الرجل الذى كانت على يديه بناء
اوائل المدارس الثانويه فى السودان والمرحوم الحاج الطيب التوم رجل البر والاحسان
وغيرهم الكثير الكثير منالرجلات والنساء الافذاذ الذين لايسع المجال لذكرهم فى شتى ضروب
الثقافه والفنون وكل ضروب الحياه ، وفى هذه
السانحه يطيب لى ان أجد الكثير من ابناء هذه المدينه الرائعه فى هذا البوردالجميل
يشرفنى ان اتعرف بهم ويكون بيننا جسر للتواصل رغم بعد المسافات لنحاول ان نعيد ولو قليل
منحق المدينه علينا فانا اعتقد بان رفاعه تمثل السودان كله جنوبه وشماله غربه وشرقه
وتكون نواه للتواصل بيننا اذا رجعنا الوطن الغالى
فما هو رايكم يابورداب رفاعه؟
|
|
 
|
|
|
|
|
|
|
 Re: دعوه لابناء رفاعه للتعارف (Re: Abomihyar)
|
شكرا لكل الاخوة
اخوكم نصفه من رفاعة .والدتي ولدت في رفاعة وترعرعت معها في رفاعة ايضا ولي اجمل زكريات في رفاعة الحبيبة.وكنت عضو فعالا في راربطة ايناء منطقة رفاعة بالهند.ولكم ولهم كل النحايا.
| |
|
|
|
|
|
|
|
|
 Re: دعوه لابناء رفاعه للتعارف (Re: Abomihyar)
|
يا ابو مهيار
اشكرك
جدى العوض الله يرحمه من منطقه التبيب والد ابوى وجاء امدرمان مبكرا فى حياته الاولى حيث انه انجب اعمامى ووالدى فى امدرمان الفتيحاب واصلا نحن جموعيه شياخه نسبه الى الشيخ ابوزيد يسمونها الان منطقه المويلح حيث ان الشيخ ابوزيد جدى لزم واصلا جاء امدرمان عام 1785
وتوفى عام 1885 بعد المهدى بى كم يوم وصلى عليه المهدى
وحقيقى انا لم اقطع حتى الان البنطون ذاهبا لاى رفاعه وده تقصير طبعا واعتقد يا ابو مهيار ما قصرته معاك
| |
|
|
|
|
|
|
|
|
 Re: دعوه لابناء رفاعه للتعارف (Re: Abomihyar)
|
تسلم أخى مشتاق على هذا البوست الرائع وقد كان لى شرف دراسة سنة واحدة فى رفاعة الثانوية ايام الناظر مجذوب ولنا فيها أصهار وأهل وأصدقاء أعزاء من أشهرهم مهلب على مالك أحد أهم أعز أصدقائى وشقيقه أبو محجن وحسن باشاب وغيرهم
حكت لى زوجة مهلب أن امرأة طاعنة فى السن وقفت فى كاونتر البنك لتصرف شيكا وقد طلب منها موظف البنك أن تبصم على ظهر الشيك فما كان منها إلا أن أخذت قلما وأمهرت توقيعا رائعا يشابه توقيع كوفى عنان
فما كان من موظف البنك الا أن سألها
يا حاجة إنتى من رفاعة؟؟؟؟؟
فرفاعة دليل العلم وشعاره فكل من فيها مثقف ومتعلم أرقى أنواع العلوم وهى سمة التصقت بها منذ عهد قديم
تسلموا يا أبناء رفاعة الأعزاء
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
آخواننا ديوانكم ده بقبل ضيف الهجعة المعجب بهذه المدينة؟ انا دخلت غايتو .. و لكم ان تعتبروني ضيفاً ثقيلاً و ما تعشوني
انا لست من رفاعة .. و اول مرة ادخل هذه المدينة البديعة كنت في المتوسطة اذ توفى الله مدير مدرستنا (المربي جعفر حسن ادريس) عليه الرحمة .. و ذهبنا كلنا لمنزل اسرته برفاعة .. كانت تلك المرة الاولى التي ارى فيها رفاعة (ما تقول لي زمن الانجليز) .. لكن هذه المدينة القرية يتردد اسمها كالاسطورة على السنة من احببت من الاعاريب. كفاية كده
الاستاذ الفنان حمزة سليمان .. و الله انا من زمان اقول الزول ده النضمي الكان بسوي فيه ده قطع شك مو جايي من فراغ .. يعني ما زي دوبيت عصام الترابي. اتاريك انت لاميها غرب و شرق!! لكن جدك ده كان من التبيب الوراني وللا القدامي
بقيت اثقل من اللازم. تسلموا يا ابناء رفاعة .. المدينة التي انعم عليها بطابع مدني قروي متفرد
| |
|
|
|
|
|
|
|
|
|
رفاعة الجميلة (Re: مشتاق)
|
التحية لرفاعة وانا في الجامعة كانت لي علاقة وثيقة بطلاب رفاعة بالجامعات والمعاهد العلياء وشاءت الظروف بأني زرت هذة المدينة الجميلة رفاعة وديم العوض والحلة اجديدة ومن هنا احي رابطة اصدقاء الكتاب برفاعة واحي طلاب مدرسة نفيسة عوض الكريم واحي الاخ/ سيف الدين عبد الله الزبيدي والاخ ابشر والاخ خالد ومحمد الزبيدي وتحياتي للاخت اميمة عبد المنعم الحلة الجديدة . كنت منتسب لرابطة اصدقاء الكتاب برفاعة وكم اقمنا الندوات والمحاضرات ومن على البعد تحياتي للدكتور معتصم عوض وخالد عباس وتجيات خاصة للقحيف النضيف
أخوكم ايوب خليل ميرغني جده
| |
|
|
|
|
|
|
|
|
|
Re: دعوه لابناء رفاعه للتعارف (Re: Ahlalawad)
|
عشان نصفي من رفاعة ما حيتوني
اها ديل اهلي
الزبير شبيكة والجزولي حاج عمر وبشير حمد وخلف الله الدابي
واعز صديق ابحث عنه الان عبدالرحمن علي عبدالرحمن
ويوجد كم غفير من اهل امي ومنزل حبوبتي في ديم لطفي منزل عبدالرحمن محمدسعيد اللورد.
وتحياتي لكم مرة اخري
| |
|
|
|
|
|
|
|
|
|
Re: دعوه لابناء رفاعه للتعارف (Re: مهاجر)
|
الاخوه الكرام
تحيه معتقه
طبعا معظم ناس رفاعه هاجروا واستقروا في ام درمان فاصبحت امدر تجمع الكثيرين من ابناء رفاعه العملاقه والكلام دا ليهو سنين طويله
انا من ناحيه الوالده من رفاعه وهو النصف الحلو طبعا
وحاليا لدينا جزء كبير في ،،الحله الجديده ناس عباس البلوله والمحامي علي عثمان وسليمان الماحي ولفيف من الاسره الكريمه
| |
|
|
|
|
|
|
|
|
|
Re: دعوه لابناء رفاعه للتعارف (Re: مهاجر)
|
مهاجر
ياخى التحية ليك
لكن حيرتنى , المرحوم الجزولى حاج عمر طيب الله ثراه جارنا الحيطة بالحيطة
وناس خلفالله الدابى وعباس وزوجتو ميمونة , والاستاذ اللورد
وناس حسن الجزولى وعبدالرحمن وانس الطاهر حاجعمر واولاد زين العابدين
ياخى ورينا اسمك منو وريحنا
بكرى احمد مصطفى
ودالنايرة
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
اخى الغالى اسامة
والله زى مابقولو القلوب شواهد
شكرا ليك على هذا الطرح الجميل
نشاء الله نتعارف كلنا واهو شايف فى شباب انا ماكنت قايلهم بلديات لكن طلعوا كدا , برضو مكسب
الله يكتر لينا البلديات
بكرى احمد مصطفى
رفاعة
| |
|
|
|
|
|
|
|
|
|
Re: دعوه لابناء رفاعه للتعارف (Re: سمندلاوى)
|
سلامات
الاحباب اهل المدينة الشموخ
اني اتمشدق الان في مشيتي وتري كلماتي تزداد زهوا وبهاء كيف لا وانا ابن رفاعة تربيت وترعرعت فيها وتربي فيها والديا وكنت ومازلت ارهن لها كل حياتي وساظل علي رهاني قابض
وكل يوما اصلي والدعاء ملء جوانحي للمدينة الحلم ارض العبقرية والعلم
رفاعة ياشفق الحنين
ياكأس المحبة ويادخر السنين
احب رفاعة واهل رفاعة ونيل رفاعة
عبدالرحيم عبدالله
ودرملية
باكمبا
وتلالا من الحنين اهديك يامدينة الافزاز
الدوحة
| |
|
|
|
|
|
|
|
|
|
Re: دعوه لابناء رفاعه للتعارف (Re: ودرملية)
|
اخونا بكري مرحب بيك يا سيدي
انا المرحومة بثينة خالتي وهي ربتني بحيكم من الصغر وطبعا البقية
عرفتهم.واسمي عباس احمد ابراهيم ايكن حاليا فداسي الحليماب.
الزبير شبيكة جدي وبرضو عبدالله ابو نورة قريبي
وبطلب لو في واحد من بريطانيا وعندوا اخبار عن احونا محي الدبن سليمان لانوا قامة ورجل فكر يمكن الاستفادة منه فب المنتدي.
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
البورداب الاعزاء
لم تكن لي مفاجأه تلك البوستات الرائعه لان اهل رفاعه لايزالون هم السباقون فى كل جديد
وانتم ايها البورداب الذين تربطهم علاقه بتلك المدينه اشكركم من اعماقى فانتم ايضا اهلي
ولقد نسيت فى البوست السابق ان اعرفكم بنفسى فانا واعوذ بالله من كلمه انا ،احد ابناء
تلك المدينه الفاضله ولدت ونشات وترعت فى ارجائها من اسره ال الضو وود التوم
حتى المرحله المتوسطه وشاء القدر ان ارحل عنها الى المملكه العربيه السعوديه وادرس
الثانوى هناك ومن بعدها الى دوله اوكرانيا لدراسه الطب وانا الان فى السنه النهائيه
يعنى كلها كم شهر ونتخرج باذن الله تعالى واشغل الان رئيس اتحاد طلبه الطب والصيدله
بمدينه اودسا واسمى بالكامل هو منير عبد المنعم حسن عثمان الضوء ،وبالمناسبه يا اخ ايوب
فان الاخت التى ذكرتها هى اختى وهى الان معيده فى كليه الزراعه جامعه بخت الرضا
واشكرك كتير على البوست الجميل وتحاياك
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
الاخ سمندلاولاى بعد قراءة البوست مره تانيه
طلعنا جيران يمكن فى نفس المربوع مع ناس حبوبتك
اخى العزيز عبد الرحيم ود رمليه اعتقد باننا نسايب ولا شنو ؟ بعمى مبارك حسن عثمان
واعتقد اننا بنعرف بعض؟ ولك التحايا فى غربتك
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
مشتاق
والله الجمتنى بهذا البوست , وما عارف اضحك ولا ابكى , ودعت رفاعة ذات صباح وتركت فيها شطر حياتى وجل اصدقائى وانا كل يوم احدث نفسى بامتطاء صهوات الشوق اليها , وقريبا عائد
علاءالدين مولى
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
سلام يا اهلنا ..
يا مشتاق انا بحييك والله على اللفته الجميله دى .. بعدين يا خوى انا زى اخونا حمزه سليمان جيرانكم الحيطة بالحيطة ..وممكن تسال بكرى ده ولا مش كده يا سمندلاوى
التحيه لكم وحبااااابكم
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
الأعزاء بلدياتنا أولاد رفاعة
كنت أعرف أخونا الفنان بكري أحمد المصطفى
أما الآن فلقد أصبح البورد يضم من بني عمومتي الكثير. أسعد بالتعرف عليكم
يابني أهلي ويامشتاق أنا عمك لأنه العاقب وعبد المنعم والرشيد وهذا ومبارك أخواني الكبار أما عبد الرحمن فصديق صباي .تحياتي لهم جميعا
أرجو أن تنقلوا تحياتي لأستاذي العزيز عبد الرحمن محمد سعيد اللورد وكل أهلنا في البلد وخارجها.
من أبناء رفاعة في البورد هناك أزرق والجندرية ونجم أظن أن هناك المزيد..
تحياتي لكم جميعا والشكر للدكتور مشتاق.
| |
|
|
|
|
|
|
|
|
|
Re: دعوه لابناء رفاعه للتعارف (Re: الجندرية)
|
الأخ العزيز أبومهيار
لقد بلغت تحاياك وأوصلتها الى الأخ مهلب وقد قرأ هذا البوست وسعد به أيما سعادة ولقد تعرف أيضا على شخصك الكريم من خلال رسالتك ومن خلال البروفايل ويقول لك سيملأ سلتك بكل ما هو جميل يا أ ، ع كما دعوته أيضا لعضوية المنبر وقد وعد خيرا وسيكون بلا شك إضافة كبيرة للمنبر
وشكرا جزيلا
| |
|
|
|
|
|
|
|
|
|
Re: دعوه لابناء رفاعه للتعارف (Re: يازولyazoalيازول)
|
لن انسى رفاعة
كنت كالسمكة
اسبح اليها في كل يوم
لم تكن تهمني رفاعة بالطبع
وانما مدرسة أحمد علي جابر للبنات
بالطبع لم أكن مدرساً فيها
ولم أكن الناظر
ولكنني أحببت فيها
وكنت أداوم في الحضور اليها أكثر من طالباتها
وأكثر من مدرسيها ومدراستها
ولكن الغفير الله يهديه جلدني جلدة لن انساها طيلة حياتي
ولن انس معها رفاعة التي منحتني كل الجمال
وقال لي الغفير
كل يوم ياحيوان تتحاوم بالمدرسة دي
عندك شنو هنا انت ؟؟
ولم يمهلني للإجابة فكانت جلدة الموسم
| |
|
|
|
|
|
|
|
|
|
Re: دعوه لابناء رفاعه للتعارف (Re: ودرملية)
|
سلامات
الاحباب ناس رفاعة
الطيبين والزينين
ابومهيار
محمد صلاح موش قريبك وناس عفان وحافظ علي قسم الله الناس ديل اصدقائي الروح بالروح
وتحية خالصة لي ديم لطفي
فانا لعبت في نادي النهر وكانت اخصب الفترات في حياتي
| |
|
|
|
|
|
|
|
|
|
Re: دعوه لابناء رفاعه للتعارف (Re: ودرملية)
|
اهلنا الطيبيين
اقترح علي اخوتنا واخواتنا توثيق رفاعة الثقافة والتاريخ والحاضر
وابداء بسم الله
بوالدنا الشيخ بابكر بدري
والكل يعرفهو وحتي الانجليز يعرفونه جيدا
وما انجزه من اجل المراة
وعندنا الشيخ عوض الكريم ابو سن
وعندنا امثلة كثيرة من شيوخ البطانة
وكذلك ارجو من الاخوة الكتابة لانوا انا في العمل
وتوجد امثلة كثيرة منها احتضان الطلبة الجنوبيين عند اشتعال حرب الجنوب
ودا غير وضعها الاقتصادي
ويلا يا اهلنا ابدوا التوثيق
| |
|
|
|
|
|
|
|
|
|
Re: دعوه لابناء رفاعه للتعارف (Re: مشتاق)
|
الاخ العزيز علاء الدين أو ازرق
كل سنه وانت طيب واتمنى من الله ان يجمعنا جميعا فى
رفاعه فى فريقكم بالقرب من الحدبه جنب السوق
فى زواجك وترجع بالسلامه ان شاء الله الى رفاعه
الاستاذه الغاليه سوما
لي عظيم الشرف بالتعرف عليكموان نكون اهل وجيران
واتمنى امتداد جسور المعرفه بيننا
ابومهيار
لااعرف هل اناديك عمي ام استاذى
واتمنى ان يكون البوست فى المسنجر وصلك!!!ا
الاستاذه الجندريه
يسعدني ان اسمع هذه الاخبار الحلوه
واخيرا وجدت لى عمه فى الغربه
العزيز ابوحراز (سيد الدكان)ا
بس لايكون خطيبتك كانت بتقرأ فى احمد على جابر
واهلا بيك بين اهلك
العزيز مهاجر
أثني على اقتراحك
واتمنى ان اتعرف عليك اكثر
ودرمليه
يادفعه!!!!!!!ا
| |
|
|
|
|
|
|
| |
مشتاق
مهيرة
Abomihyar
HAMZA SULIMAN
مهاجر
يازولyazoalيازول
Shinteer
Ahlalawad
سمندلاوى
ودرملية
الجندرية
ابوحراز
فيس بوك
تويتر
انستقرام
يوتيوب
بنتيريست