|
|
 شفتو اخر طرق الاحتيال السودانيه
|
فى يوم السبت الماضى وبينما كنت اتسوق مع صديق لى فى منطقة السوق العربى بالخرطوم ظهر لى فجاة احد الاشخاص ممن نقول لهم الدراويش كان يرتدى جلابيه خضراء وعمه بيضاء ويلبس فى يده كميه من الختم صافحنى بيده وقال لى ممكن لحظه واخزنى الى ركن بعيد ووضع يده فى كتفى واخذ يدعو لى بادعيه كثيره جدا وكنت اؤمن على كلامه واذكر فيما قاله لى ربنا يدخلك الجنه وربنا يقابلك بالنبى الخضر المهم بعد ان فرغ من الدعاء سالنى وقال لى هل عندك قروش قلت ليهو ايوه عندى قال لى ممكن تدينى فادخلت يدى فى جيبى واخرجت مبلغ الف جنيه لكى اعطيها له فقال لى لا لا انا اريد ما فى جيبك كله قلت ليهو القروش الفى جيبى دى كلها ما حقتى قال لى لا يا تدينى القروش الفى جيبك كلها ولا خليها لانو دى فرصه ما بتلقاها تانى انا من ال البيت وورانى يده المليئه بالختم وقال لى انا النار ما بتاكلنى قلت ليهو شوف يا شيخ انا اؤمن بحديث الرسول صلى الله عليه وسلم الذى قال فيه اذا اجتمعت الانس والجن على ان ينفعوك بشى لن ينفعوك الا بشى قد كتبه الله لك عندها تركنى وذهب فى حال سبيله ووضعنى فى حيره من امرى بالله عليكم ماذا تقولون فى هذا
شـــــرقــــاوى يــــــجرح ويـــــداوى
|
|
 
|
|
|
|
|
|
|
|
Re: شفتو اخر طرق الاحتيال السودانيه (Re: البيجاوى)
|
الحبيب بيجاوى
دا نوع من الدجل بالزات الامة الحايمة فى برندات السوق العربى ديل اكبر منافقين
كدى كلام بعيد عن الدجال اللاقاك دا
بورداب الخرطوم ديل عملو جلسة قبل كدا مالك لا جدعت ولا جبت الحجار
| |
|
|
|
|
|
|
|
|
|
Re: شفتو اخر طرق الاحتيال السودانيه (Re: البيجاوى)
|
اخونا البيجاوى
نعم ظاهرة طبيعية نسبة لتدنى الاحوال الاقتصادية فى البلاد , وهو احد المشاكل الخطيرة جدا فى بلدنا الحبيب .
والنظرية بتقول كلما تدنت الحالة الاقتصادية , كلما ارتفعت كمية الفساد الاخلاقى ومن ضمنها قصة الاحتيال دى.
ولك ودى
| |
|
|
|
|
|
|
|
|
|
Re: شفتو اخر طرق الاحتيال السودانيه (Re: soma)
|
والله يا بامسيكا انا لحدى الان ما بعرف بورداب الخرطوم ولا بعرف اى واحد منهم وما عارف الطريقه التوصلنى ليهم كدى ورينى اتصل بمنو واقابل منو على الاقل الواحد يتعرف بيهم شخصيا بدلا من التحاور على الشاشات
شرقاوى يجرح ويداوى
| |
|
|
|
|
|
|
|
|
 Re: شفتو اخر طرق الاحتيال السودانيه (Re: البيجاوى)
|
إنطلاقاً من مبدأ أبحث عن القديم على وزن فتش عن المرأة لقيت الموضوع ده والذي أرى أنه قد تناول مشكلة أزلية لا أتصور أن هناك خلاص منها إلى أن يرث الله الأرض ومن عليها والطريف في راوية البيجاوى أن ذلكم الدجال قال له أنه من آل البيت ، وحبذا لو طلب منه أخونا البيجاوي وقتها أن يحدد له من أى بيت هو ، وحتى لا أكرر فقد سبق إفراد مقال كامل في هذا المنتدى في وقت سابق بشأن البيوت وهي بالضرورة خشوم بيوت.
حدث في سوق أم درمان أن حضر شخص يرتدي جلبابا فضفاضا أخضر اللون حافي القديم ذو تفة تحاكي رؤوس الشياطين طبعاً العبد لله لم يشاهدها إلا أنه ورد ذكرها في القرآن وعلى ذلك تخيلتها تخيلوا ، وجاء لقهوة خلف الله العتيقة وخاطب أحد الجلوس قائلاً هات قروش ، وكان لسوء حظ هذا الدرويش أنه خاطب رجل قرفان ومفلس وبلا عمل فقال له الرجل ما عندي قروش فهمهم الدرويش بكلمات ليست كالكلمات وقال له بصوت عال حييييييييييي أقلبك كشكوش فما كان من هذا العاطل الزهجان إلا أن أمسك بتلابيب الدرويش وقبقبه قبقبةً كادت روحه أن تخرج معها إلى غير رجعه قال له أقلبني ديك أتلموا ناس القهوة والدرويش خلاص جاحظ العينين من الخنقة والناس فك الزول يازول والزول رافض وحالف بي رأس أبوهو إلا يحقق ليهوالدرويش أمنيته ويقلبو ديك.
| |
|
|
|
|
|
|
|
|
|
Re: شفتو اخر طرق الاحتيال السودانيه (Re: almulaomar)
|
تعرف يااخي الملاعمر الدرويش يكون طفش تاني ابدا مايقول ليه لي زول شئ لكن عفيت منه المفلس الزهجان دا
مرة صادفني احد هولاء الدجالين وبدا يقول لي انتي المزهجك من القرايه دي عين قويه وانا اساسا كنت يادوب مخلصه من الدراسه قلت له ايوه صاح انبسط طبعا وافتكرني حااقول ليه اديني حجاب ولا شئ لكن قلت ليه العين دي قويه ومااظن تقدر تعالجني وانا القرايه زاتها خليتها اسقط في يده وتركني وذهب
بس بركه الماخنقتو وقلت ليه مابفكك الا تديني دكتوراة هسي
لعلها اخوتي الظروف الاقتصاديه والحوجه وعدم تحقق الامال تجعل الناس يلجأؤن لمن يحقق لهم احلامهم ويقرأ لهم مستقبلهم وبالتالي صارت مهنة مربحه لضعاف النفوس لممارستها
لكم تحياتي اخوتي
| |
|
|
|
|
|
|
| |
bamseka
سمندلاوى
almulaomar
bint algazeira
فيس بوك
تويتر
انستقرام
يوتيوب
بنتيريست