|
|
 ما بين البشير وقرنق
|
بسم الله الرحمن الرحيم
أعزائي أعضاء المنتدي .لا بد لنا أن نتأمل في حقيقة الوجود الإنساني القائم على القيم والمبادي . عكس ذلك الذي تربأ على الفساد والدمار والإنحطاط .
لذلك أعزائي خلونا نتكلم  عن الإنسان ومبادئه وقيمه . وانحطاطه ودماره .
فكيف يكون الانسان ذا قيمه بين جنسه من بني البشر , وكيف يطرح بقيمته بينهما؟؟ .
اذا تاملنا السيد الرئيس البشير والمتمرد قرنق بنجد السيد الرئيس
( انسان بسيط تربي على الفضيله وحسن التعامل والصلاح والتقوي ويخاف الله ويقوم بواجبته الينبه والدنيويه على أكمل وجه .
عكس ( قرنق ) الذي لا يعرف لماذا هو موجود على هذه الأرض ولا يعرف كيف يتعامل مع الأخرين من الناس تجده ينافق لكي يصل الى ما يصبو اليه أو يكذب ليصل الى غايته أو يجامل على حساب نفه لاشباع رغباته المستقبليه . وأنا متأكد بأنه يعرف أن أسلوبه خاطئ ولكن تجده مستمر عليه .
فبعد ذلك نجد ياأخواني أن الفرق بين الإنسان والإنسان ( البشير, قرنق)
هو القاعده أو الأساس كيف نشأ (البشير) وكيف نشأ ( قرنق ) .
نلاحظ أن ( البشير) أساسه قوي ومتين وقواعده صلبه وهي دين الله وكتابه . أما ( قرنق ) أساسه ضعيف وقواعده الشيطان الذي كان يراه في أبويه أعوذبالله منه فلو كان الأبوين ينصحون ( قرنق ) بالصلاة ويعاقبه عليها اذا تركها لأصبح مثل ( البشير ) ولكن تجدهم هم كانو يريدون من ينصحهم ويعاقبهم . فلذلك أنصح كل انسان يتحمل المسئوليه أن يخاف الله في رعيته لأنه مسئول عليهم كامل المسئوليه أمام الله وأن يوجههم التوجيه الصحيح لكي يبرئ ذمته أمام الله وذلك ليضمن لهم مستقبل واعد مفتوح أمامهم بالخير والصلاح .
|
|
 
|
|
|
|
|
|
|
|
Re: ما بين البشير وقرنق (Re: abcde)
|
يا اهلنا
السودان مساحته مليون ميل....فيها قبائل متنوعة...ورطانات كثيرة....كذلك تنظيمات سياسية مختلفة....معناها فى ناس حزب امة كمان فى ناس حزب قومى....ناس مع الحكومة وناس معارضة....الكل ينظر لمصلحة السودان حسب انتمائه.....لما البشير مسك الحكم بالدبابات وقتلوا ما قتلوا قالوا اسمها ثورة وانقاذ....لكن ناس تانيه قال دا انقلاب......كذلك قرنق قال حركة تحرير ناس تانيه قال دا تمرد.....الحقيقة انوا لا يمكن نكون حزب واحد.افكار سوا, دين واحد, لون سوا..عشان نعيش سوا لازم نحترم معتقدات الاخرين ....نزعل لكن ما ننبز, نحارب لكن ما نكفر ,
ندافع لكن ما نتهم,نحتفل بنصرنا كذلك نتحمل هزيمتنا
player
| |
|
|
|
|
|
|
|
|
|
Re: ما بين البشير وقرنق (Re: waleed500)
|
المشكله وبعد ووصف قرنق بالكفر والالحاد والعماله
والارتزاق وافق البشير هذا علي وضع قرنق نائبا
له وبصلاحيات اوسع وفيتو...
والحقيقه ما عارفين مين نصدق وليد الزي وصف قرنق
با وصف او البشير الزي قال عن قرنق عقب لقاءكمبالا
قرنق وطني ووحدوي من نصدق من؟
| |
|
|
|
|
|
|
|
|
|
Re: ما بين البشير وقرنق (Re: kamalabas)
|
kamalabas
تحياتى
لقد وافق البشير عزيزى حتى يخطى البلد تلك الحروب
التى ارهقت الحكومه والشعب معا وحتى لو اتنصب قرنق نائب للرئيس ما بيكون ليه دور متكامل.... قرنق يا عزيزى رجل
منافق وله مائة وجه بيظهر خلاف ما يبطن وما بينفع يكون مع من يصنعون القرار وانت تعلم وانا اعلم وهو نفسه يعلم
| |
|
|
|
|
|
|
|
|
|
Re: ما بين البشير وقرنق (Re: waleed500)
|
الاخ وليد نهديك صوره البشير الدينيه والوطنيه
رسمها كتابه احد اسلامي البورد الاخ اكزورست
الاخ اكزروسيت تحيه طيبه وبعد
ممكن تورينا ليه ركع البشير لامريكا وما هو
الثمن في رايك وماذا يمكن ان يحدث له ان لم ينحني
للعاصفه ؟ وما هو موقع الشريعه من ذلك ؟ وراي
الشرع فيما اسميته ركوعا لامريكا؟
28-02-2003, 03:02 PM
EXORCIST7
.
Registered: 05-02-2002
Total Posts: 452
Re: ياليت بشيرنا ..كصدام حسين فى الصلابة والصمود والغيرة على الوطن 00 (Re: kamalabas)
الأخ كمال عباس
أسئلتك وجيهة جدا
ركع البشير: خوفا على كرسيه
الثمن:تقديم معلومات إستخباراتية عن الإسلاميين
إن لم ينحنى: سوف يذهب بلا رجعة
الشريعة: مغيبة فى الحكم على الحكام والمسؤلين
رأى الشرع: لا يجوز الركوع لأمريكا ، فالركوع والخنوع والخشوع يكون لله
| |
|
|
|
|
|
|
|
|
|
Re: ما بين البشير وقرنق (Re: waleed500)
|
يعني يا وليد الغائه عندكم تبرر الوسيله ففي
سبيل ايقاف الحرب تضع ما تسموه خائن وصليبي نائب
للرئس وطالما مابينفع موقع في موضع صنع وضعتوه ليه
النقطه اتعتقد ان البشير كذب ونافق حينماوصف قرنق
بالوطني والوحدوي؟
تانيا قرنق عنده فيتوا علي قرارات الرئس وهو
ما لم يتمتع به اي نائب رئس في العالم فكيف تصف
صلاحياته بالمحدوده بعد هذا كله؟
واخيرا ماهو رايك في طرح اكزروست في البوست السابق؟
وماذا تري في اتهام الترابي له بانه خان الامانه
ونقض البيعه لشيخ الحركه الاسلاميه؟
| |
|
|
|
|
|
|
|
|
|
Re: ما بين البشير وقرنق (Re: waleed500)
|
وليد500
دي كلها سياسه في سياسه والسياسه ما عندها مبدا.. عل قول المثل الي تغلبو البعبو,,,عشان كده ما في داعي تطلق الاحكام جزافا على خلق الله ده ما عنده مبدأ ودا زول كويس .. لانك انت ذاتك ممكن في يوم تغير رايك
في النهايه كلنا سودانيين ولنا نفس الحقوق وعلينا نفس الواجبات تجاه وطنا الغالي وما من حق اي انسان ينصب نفسه قاضي على الاخر
لبنى
| |
|
|
|
|
|
|
|
|
|
Re: ما بين البشير وقرنق (Re: waleed500)
|
Waleed 500
اولا دكتور جون قرنق تجرج من Iowa Stae University
ودرس في جامعة الخرطوم سنين عددا اما بشيرك فشهادته الثانوية تكفي.
اراهنك واراهن بشيرك الان قبل الغد بعمل انتخابات حرة
لرئاسة الجمهورية باشراف دولي ودعنا نري من سيتخار الشعب.
| |
|
|
|
|
|
|
|
|
|
Re: ما بين البشير وقرنق (Re: sudani)
|
الاخ وليد
تحية طيبة
لك الحق ان يكون لك ما يكون من الاراء عن قرنق والبشير ؛ وان يتفق معك الاخرون حولها او يختلفون
ليس لك الحف ان تهاجم ابوى جون قرنق ؛ والذين اشك فى انك تعرف عنهما اى شى ؛ حين تقول
----------
أما ( قرنق ) أساسه ضعيف وقواعده الشيطان الذي كان يراه في أبويه أعوذبالله منه
----------
وقد جاء فى الاثر ان لا يشتم الرجل اباه ؛ قيل وكيف يشتم الرجل اباه ؛ فقال : يشتم اباء الرجال فيشتمون له اباه
وشكرا
| |
|
|
|
|
|
|
|
|
|
Re: ما بين البشير وقرنق (Re: Abdel Aati)
|
المخضرم دوما
عبد العاطى
تحياتى بقدر شوقى وشوقى لك بلا حدود شاكر مرورك شاكر تنبيهك
kamalabas
تحياتى
هنالك حرب يا سيدى ولابد ان تتوقف بى اى طريقه من الطرق
ما طرحه الاخ اكزروست راى شخصى ويحق ليه ان يقول ما يراهو مناسب والحكومه حكومه شبه ديمقراطيه ولو شفتا الجرايد السودانيه بتظهر ليك الحقيقه دى متل الشمس
بنت بربر
نعم السياسه هكذا اتفق معاك لو احببت او كرهتا اتفق
| |
|
|
|
|
|
|
|
|
|
Re: ما بين البشير وقرنق (Re: sudani)
|
سودانى الما سودانى / دكتور قرنق البتتكلم عنه ده ياهو البعرفو انا ده ولا واحد اخر يا عزيزى ده شوية حرامى ما بيسوى الجزمه البسها احقر شماسى فى شوارع الخرطوم
واليك بداية صديقك قرنق لو ما عارفهاوالكلام ده كان منذلو ابو الهيثم من فتره بعنوان الحقيقه الغائبه
توقف الاقتتال في الجنوب وتوقفت النظرة الانفصالية في حقبة من حقب تاريخ سوداننا.. ولكن الذين يستمرون بقيادة الحرب وعبرها وضع السودان فى الدرك الاسفل كالاتى:
في العام 1983 وهو بداية الاستمرار للحركة الشعبية لتحرير السودان كان المتمرد كاربينو كونين قائداً لمنطقة بور العسكرية معقل دينكا بور أصل العقيد المتمرد جون قرنق. وفي تلك الفترة كان قرنق بفرع البحوث العسكرية بالخرطوم.. كانت هنالك علاقات تجارية بين قائد حامية الاستوائية وكاربينو تتمثل فى التجارة بسن الفيل ووحيد القرن وجلود النمر مقابل اسلحة وزخائر وبعض المبالغ.عندها حيث كان لكاربينو قليلة من القوة وهو يضاعفها فى مستنداته لينال رواتب البقية والاسلحة والزخيرة للقوة غير الحقيقة أو بمعنى أصح للقوة المزعومة والغير موجودة أصلاً.. علمت القوات المسلحة بالأمر وبدأت ترسل من يتلمس الامر ويتأكد منه فظن بكاربينو بقائد حامية الاستوائية وإعتبرها وشاشة .. فحاول إقتيال من أتوا دون فائدة وفى نفس الوقت إختلس السيد الدكتور العقيد جون قرنق مبلغ اثنين مليون جنية وفر الى تنزانيا فى اجازة ومنها دخل الى بور فوجد كاربينو قد فعل ما فعل .. وسلك كاربينو قيادة الحركة لقرنق لعدم وجود ثقل له وسط دينكا بور مثل قرنق.. ومن هنا كانت الشرارة
| |
|
|
|
|
|
|
|
|
|
Re: ما بين البشير وقرنق (Re: waleed500)
|
شكرا ياوليد السوداني جردتني من كوني سوداني اقول لك ان سيدك الكلب البشير لايستطيع تجريدي من كوني سوداني.
اولا تحدثت عن الدكتور جون قرنق بهذه الاساليب وهو حيكون نائب رئيس بصلاحيات مطلقة وربما استغني عن خدماتك في جهاز كلاب الامن نهائيا وحولك الي متسول في شوراع الخرطوم.
ما اعرفه عن الدكتور جون قرنق استاذي السابق بجامعة الخرطوم لاتستطيع ان تعرفه انت لانك فاقد عقل ودين وللحديث بقية
| |
|
|
|
|
|
|
|
|
|
Re: ما بين البشير وقرنق (Re: waleed500)
|
الاخ وليد تحيه طيبه وبعد
قلت ان الحكومه شبه ديموقراطيه ...طيب ايش المانع
تكون ديموقراطيه مائه المائه؟
وبمناسبه حريه الصحافه التي ذكرتها ممكن تذكر لن اسباب
ايقاف صحيفه الوطن بواسطه جهازالامن وليس القضاء؟
وشكرا
| |
|
|
|
|
|
|
|
|
|
Re: ما بين البشير وقرنق (Re: waleed500)
|
الأخ وليد 500
أكاد لا أصدق ما قرأته ولكن في النهاية هذا رأيك ويجب ان نحترمه من مبدأ إحترام الرأي الآخر فقط
أولا ما ممكن تقارن شخص عنده قضية حمل من أجلها السلاح ةترك داره بشخص نفعي كان أداة في أيدي الاسلاميين أو غيرهم
من ناحية الصفات الشخصية زولك البشير خسران خسران ومن ناحية الصفات السياسية زولك برضو محروق وما منو فائدة
لا أعرف هل انت تعرف جون قرنق شخصيا وتعرف كيف يفكر وهل يؤدي صلاته وكيف هي علاقته بربه ... الخ من الأشياء التي انكرتها عليه؟
اتقي الله يا أخ وليد وما تفكر بطريقة انه قرنق هو دراكولا ونصيحة أخوية خالصة.. ابحث عن دراكولا الحقيقي
| |
|
|
|
|
|
|
|
|
|
Re: ما بين البشير وقرنق (Re: Raja)
|
الصحفيه المخضرمه بنت العباسى
لك تحياتى
اولا بشكرك على احترام الراى الاخر حنى ولو كان منافى لما تحملى وده شى رائع واتمنا ان يسود بين اهل المنبر
ثانيا انا بعرف قرنق تماما واظنك انتى كمان بتعرفى قرنق لو انه بقيم صلاه او ما بيصلى من اصلو او حتى غير مسلم ما اظن الامر ده بيختلف فيه اثنين اطلاقا وبعدين يا استاذه منو القال ليك ان قرنق عنده قضيه حمل من اجلها لو كانت هنالك قضيه كانت اتحلت من زمن بعيد انما هو فى الاصل رجل منفعى من الدرجه الاولى كمان وحاولى راجعى تاريخ الرجل تماما اما عن البشير امكن مدة اقامته فى الحكم بتحكى وانجازته هى الشاهد الوحيد
| |
|
|
|
|
|
|
|
|
|
Re: ما بين البشير وقرنق (Re: waleed500)
|
وشهد شاهدا من اهلها
الا خ وليد نهديك خبرا في عدد اليوم من صحيفه اخر لحظه
الناطقه باسم شباب المؤتمر الشعبي يتحدثون فيها
عن فساد الرئس واخوته وحاشيته مما ينافي الصوره
الزاهيه التي تحاول رسمها للرئس فأخر لحظه ادري بشعاب
مكه
آخر لحظة تنشر يومياً أخباراً جديدة حول فساد السلطة الحاكمة
مسلسل السلطة في يد الرئيس و الثروة في يد إخوته لا يزال مستمراً !
المهندس علي حسن أحمد البشير يدشن منزله الجديد بكافوري
فقط بتكلفة إثنين مليار و العهدة على الراوي ، تم إفتتاح المسكن الجديد لشقيق الرئيس المهندس علي حسن أحمد البشير في كافوري . و في مناسبة الدعوة الفخمة التي حضرها قرابة المائة و خمسين شخصاً لحضور العشاء المبارك ، تنقل البصر في المبنى الجديد ، و الذي انضم لمجموعة ما يطلق عليه "مشردوا كوبر" عمارات الرئيس .
جاءت تكلفة العشاء حسبما أفاد مصدرنا في حدائق الريفيرا و التي استلمت إدارتها من حقيبة خاصة بشقيق الرئيس في المقعد الخلفي سبعة ملايين و نصف المليون جنيه سوداني لإقامة حفل العشاء .
مبروك للمهندس علي البشير و مبروك للدكتور عبد الله حسن البشير في قرضه من بنك التنمية الإسلامي جدة و مبروك للرئيس نصيبه في الإتفاقية الحصرية مع شقيقه عباس البشير و مبروك للرئيس نصيبه في دولارات عوض الجاز و مبروك له كحاكم في ظل الأمم المتحدة .
| |
|
|
|
|
|
|
| |
waleed500
يحي ابن عوف
abcde
PLAYER
kamalabas
bit barber
Abdel Aati
Raja
فيس بوك
تويتر
انستقرام
يوتيوب
بنتيريست