|
|
 خاص بالنساء..لمن تتذين المرأه؟
|
المرأه السودانيه خاصه أشتهرت بعدم الأهتمام بنفسها فى البيت ( أنا لا أقصد من ناحيه النظافه) فالمرأه السودانيه من أنظف النساء على الأطلاق, ولكنى أتحدث عن ذينتها بداخل البيت وأهتمامها برشاقتها وأناقتها فى المنزل
من المتعارف عليه أن المرأه السودانيه تجلس طوال وقتها بالجلابيه داخل البيت وتكتفى بأرجاع شعرها للوراء بدون فعل شئ مميذ ولا تفكر أن تضع شئا قليلا من المكياج فى داخل البيت وعندما تفكر فى الخروج لحفله أو لزياره أهل أو أصدقاء تجدها تلبس أجمل ما عندها, وتتزين بأجمل زينه وتتعطر بأقوى العطور, هزا غير الحنه ولبس المجوهرات والرجل المسكين يشمو قدحه, لا يرى غير أمرأه فى ثوب المطبخ وعليها رائحه التوم هزا أن لم يكن الشعر منفوش والوجه أغبر
يا ترى متى يجب على المرأه أن تتعلم أن أهتمامها بنفسها يبدأ من المنزل, وأنها بحاجه للبس هزه الملابس التى تلفت الأنظار بداخل المنزل وليس خارجه, وهزه الريحه والمكياج الصارخ أولى به زوجها, فأن خرجت من المنزل خرجه أنيقه بدون تبرج , ليست ملفته للأنظار بمكياجها أو كعبها العالى, فلماذا تتيح المرأه للرجال من غير محارمها ررؤيتها فى كامل زينتها بينما تحرم زوجها من رؤيتها بهزا الشكل المتجدد كل صباح
وفى أمان الله
لا اله الا الله
|
|
 
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
الاخت الكريمه بنت الاحفاد
شكرا علي هذا الطرح الهام
خصوصا عندما ياتي من امراءه
واقول لك نعم اتفق معك
وبجانب اهما الزينه
فهن يهملن الكلمه الحلوه
والتعبير الطيب للزوج
تصوري هنا في بلاد الغربه
تقضي المراءه كل الليل في القنوات
تنام في شق الصباح
وعندما يعود الزوج من العمل ظهرا يجدها نائمه
والشقه كلها كابه
في وقت قيلوته تصحي ومعها شفعها
فلا ينام
طلباتها هي الذهاب الي السوق
وزيارة ناس فلان فقط للاستعراض
اعرف الكثيرين بل الغالبيه في ديار الغربه
يشكون مر الشكوي من زوجاتهم
ولولا الاولاد لفنشوهن من زمان
عكس مانراه في الجنسيات الاخرين من حنان وتواد
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: elhilayla)
|
لو فى حاجة غلط بتكون من التربية التجارية لمفهوم العلاقة الزوجية للطرفين
يعنى الفتاة والفتى بتم اعدادهم الاتنين على اساس انه العلاقة الزوجية مسالة عرض وطلب، فيها ارباح وخسائر ، والمظهر والمغالاة فيه اهم عناصر اكتمال المفهوم التججارى دة بدليل انه اكتر من سبعين فى المية من الصرف على مراسيم الزواج بتتخصص فى زينة العروس، يعنى بعد الزواج ما يتم، المظهر دة بتنتفى اهميتو لانو الغرض الاساسى منو انتفى،
يعنى ما حصل صادفت فى السودان وثقافته العامة انى سمعت عبارة زى
feel good about oneself, or elevate one's self-esteem by looking good.
واللى فيه بكون الدوافع الاساسية هى رفع الروح المعنوية للانسان بجمال مظهرو، يعنى مسالة شخصية انك تختار المظهر البخليك ترتاح لوضعك وشعورك الشخصى وحالتك النفسية وصحتك وكدة ، مش عشان لو الواحدة عايزة تصطاد رجل عريس تبقى حلوة ولما تخلص من المهمة دى تتلولوح فى بطن البيت زى الغنماية الضالة ... وبرضو الراجل لما يكون عاوز يصطاد عروس يبالغ فى مظهرو ولكما يخلص من المهمة دى يسف ويلبس العراقى العجيب القالتو بت قضيم داك.
ما فى شك فى انه الحب فيه سحر جبار وبخلى الناس يحبوا انفسهم فى حبهم للآخر ... ويهتموا بمظهرهم عشان الطرف التانى يسر ناظره،
وفى الادب العربى المعاصر بنسمع عبارة [ انتهى حبهما بالزواج] ، انتهى؟
فعلا دة البحصل ... الزواج يتم بجاى ، الحب طيران من الشباك، وتانى المتسمحين ليها شنو؟ لكن لو الاتنين حاولوا يرعوا الحب، فى ظل الزواج امكن يحسوا باستمرار فعل السحر بتاع الحب
وبعدين كلامى دة ما تاخدوهو جد، لانى انا ما متزوجة.....هاهاها،
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: zola123)
|
الأخ عبد الله
شكرا لمشاركتك, لكن لم أسمع من قبل بالمرأه التى تساهر حتى الصباح وتنام كل النهار من قبل؟ سبحان الله يبدو أن المواذيين أختلت ولكنه الفراغ يا أخى الذى يعيشونه فهم لا يذهبون للمناطق الترفيهيه لأنشغال الزوج الدائم بالعمل, لا ينضموا للمكتبات لتثقيف أنفسهم ولا لمراكذ لتحفيظ القرآن وعلومه فماذا تريدهم أن يفعلوا طوال يوم كامل
بالنسبه للكلمه الطيبه فهزه مسؤليه مشتركه للرجل و المرأه سواء ويجب أن لا نلوم المرأه بفردها ..ويجب الا يتحجج الرجل بكثره مسؤليته فأين كانت هذه المسؤليه فى فتره الخطبه؟
الأخ الحليله
أشكرك للتصحيح وأتمنى أيضا أن تعى نساءنا هذا الكلام وأن يتيحوا لأذواجهم غض البصر بأهتمامهم بأنفسهم بداخل البيت
الأخت zola123
ما قلتيه ليس هذار ولكنه حقيقه مخيفه, ففعلا المرأه تهتم أن يراها من ترغب فيه فى أجمل صوره قبل الذواج أما بعده فهى أنسانه أخرى مختلفه تماما عن التى رأها من قبله
وفى أمان الله
لا اله الا الله
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
الأخت تماضر
أسفه ما لاحظت ردك, أوافقك الرأى, ولكنى أعتبر مسأله الأناقه والأهتمام بالنفس فى البيت مطلوبه وأهم من الأهتمام بالخارج سواء كانت الواحده متزوجه أم غير متزوجه ولكن يجب أهتمامها بنفسهايذيد أن كانت متزوجه وأكيد هذا يعطى المذيد من الراحه النفسيه ويذيد الثقه فى النفس وغيره الكثير
وفى أمان الله
لا اله الا الله
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: rummana)
|
خشبة يا رمانة .....سبقتينى
ده المفروض يحصل سواء للرجل او المراة ..الدافع انه تتزين لنفسها
عشان ترضى الانثى جواها اولا
من هنا ممكن اهتمامها يبقى اصل جواها وليس شئ مؤقت يزول بزوال الاسباب
الرجل البتتزوجه ده ح تبقى هى وهو واحد
مالو يشوفها مرة سمحة مرة شينة مرة انيقة مرة مبشتنة
لازم يشوفها فى كل حالاتها ..واتخيل لى ده بخلق نوع من الالفة بينهم لما تكون على طبيعتها
يعنى يبقى الفيصل الحد الادنى من الاهتمام ده لازم يكون موجود فيها بدافع انها انثى وترغب ان تتزين لنفسها ..لانها انثى
وحقوق الزوج دى اى واحدة بتتزوج بتكون عارفاها كويس واكيد ح تهتم للمحافظة عليها
بس الرجل دوره شنو هنا؟
هل هناك من يقول ..جميلة والله
فستانك حلو؟
تسريحتك رائعة؟
اللون ده لطيف؟
اذا هو اهتم ..هى -اكيد - ح تهتم
| |
|
|
|
|
|
|
|
|
 Re: خاص بالنساء..لمن تتذين المرأه؟ (Re: bint_alahfad)
|
وعليكم السلام ورحمه الله تعالى وبركاته
عزيزتى بت الاحفاد
أولا ألف حمد الله على السلامه
وأتمنى أن تعودى بشكل قاطع
أخاف أن تقتل العزله بداخلك
الأشياء الجميله التى تعودتى أن تمنحينا إياها
فماذا بيدنا أن نفعل وكل حاجه مسطره
الحزن لن يُجدى يا عزيزتى
إرتدى أبهى حللك وأنشرى عبق الكلام فدوآخلى آسنه تحتاجك
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
ياسر حنا ما احسن مني ولا حاجه ههههه يكه
والله موضوع يجب ان يناقش يابنات حواء الواحده تقول ليك ده توب البيت ود فستان البيت هههههه يكه وبتاع المرقه داك براهو بيرقش والله نحن مساكين لكن والله ارجو ان تفهمو بنات حواء انو المكياج والجنصصه تكون في الداخل يعني جوه البيت بعد داك لو دايره تطلع مهندمة مافي مشكلة مش الراجل يتعب يشتري ويجيب ومايشوفو الا بره البيت ههههههههه يكه عشان كده لمن الراجل يشوف ليهو مره تانيه بيقعد يبحلق فيها عشان محروم من الاناقه والاهتمام داخل البيت
اها انا لمن اعرس ح اعمل ليك في الفساتين السمحه والتياب خرم بي الجنبة كبير زي بتاع القماش بتاع الدعاية الفي الشارع عشان ماتطلع بيهو وتقعد بيهو في البيت ههههههههههه يكه
زاتوووووو
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
نحن زاااتنا يا ياسر اخدنا فيها حااااجه ههههههه يكه
دي عادي يامعلم بتحصل في ارقى العائلات هههههه يكه انا مصدقك انك كنت واعي لكن هم البيقنعهم شنو هههههههههه يكه
مره ياياسر كنت جاي من سفرة ونزلت في البحرين في فندق اها انا برضو لمن اتعب عيوني بتحمر شديد وجاني ليك صداع شديد خلاص نزلت لي بتاع الرسبشن تحت قلت ليهو عندك بنادول قام قال لي كده ماكويس شويه شويه وقعدت اضحك شديد قام اداني الحبوب وقال لي امشي نوم تاني ماتشرب ههههههههههههههههه يكه
زاتووووو
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
السلام عليكم ورحمه الله
شكرا للمشاركه يا جماعه, وأرجو من الجنس اللطيف
to take it easy
ولا ياخدوا الموضوع بصوره شخصيه, فهذه ظاهره واضحه للعيان وحتى أن لم يكن جزء من النساء من هذا النوع ولكن الجذء الأكبر من النساء تتذ ين خارج البيت لا بداخله وينصب أهتمامها بنفسها حين تكون ذاهبه الى مكان ما فى حين تهمل نفسها تماما داخل البيت وينحصر فى أعداد الأكل, نظافه البيت والأولاد وكلها مهن عظيمه ولكن لا يمكن أن تكون البديل للأهتمام المرأه بنفسها وذينتها ورشاقتها
وفى أمان الله
لا اله الا الله
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
بنت الأحفاد والصحبة الكريمة
سلامات
بدأت كلامك بأن المرأة السودانية اشتهرت بعدم الاهتمام بنفسها وهذا الكلام ليس صحيحا
الحقيقة أن المرأة السودانية تهتم بنفسها وتضيع ساعات عزيزة من وقتها في هذا الموضوع
طبعا أنا اتحدث عن المرأة المتزوجة لأنها المقصودة هنا
وطبعا عزيزتي لا داعي لذكر كل تفاصيل (الاجراءات) التي تقوم بها المرأة وتسمى زينة لكن ( للمناظر) فقط أذكر لك الحنة ولبس الذهب
فان لم تضع المرأة السودانية الظلال والماسكارا واساس الميكياج وتلون شعرها فهي على الأقل تواظب بلا انقطاع على وضع الكحل وتسوية حاجبيها
وطبعا كل هذه الاشياء تبقى في حالة وجودها في البيت او خروجها منه
أما قصة الشعر فهذه قصة أخرى
أن يبتلينا الله سبحانه بنوع من الشعور سيئة السمعة شيء لا يجب أن نحاسب عليه كما يحب ألا يزيد من عبء زينة المرأة والتي أعتقد انها تقوم بها لنفسها
حتى الجو لا يساعد في هذا الموضوع ناهيك عن (بعض اجراءات) الزينة الأخرى
اذا ماذا ينقص المرأة ليحكم عليها بأنها تتزين في البيت كما تتزين خارجه؟؟
لبس الفضفاض من الثياب؟؟
عزيزتي حتى الجلابية الآن في السوق اشكال والوان وبعضها في منتهى الجمال ويستاهل أن ترتديه المرأة في حفل زفافها
اذن المسألة مسألة ذوق وتذوق وحس فني
رائحة الثوم والبصل؟؟؟
ربما كان من الأفضل الا تطبخ...طبعا أنا واحدة من الذين سيهللون لهذا الموضوع ...هل من مساندة؟ 
ماذايمكن للرجل أن يتوقع؟ أنه تزوج دمية جميلة يجب أن تبقى جميلة دائما نظيفة مرتبة وشيك؟
قد يكون هذا الموضوع ممكنا في السنة الاولى من الزواج لكن ليس الى الأبد. وفي وجود الأطفال وزيادة المسؤليات (وعدم الحافز) لا يبدو لي أن الزوجة تتشجع لمواصلة ما انتهجته في السنة الأولى
وطبعا من ضمن عدم الحافز هذا ما ذكرته الأخت تماضر من أن الرجل يقنع نفسه أن المراة لا تهتم بمظهر الزوج داخل المنزل وهي قناعة غير صحيحة
تياب الجيران أو توب الصلاة او توب البيت لا أظن فكرتها غريبة او مناقضة لما يكون في المجتمعات الأخرى. فهناك casual wear
وهناك ملابس للسهرة وملابس للعمل وملابس للصبح وأخرى للمساء وكذلك ملابس لبيوت البكيات وأخرى للذهاب لعيادة المرضى في المستشفيات أو السوق...الخ
يعني لكل مقام مقال ولكل وقت او مكان لبس مناسب
لكن يا زاتوووووو اذا كان الزوج يرفض أن تكون المرأة معشكبة في البيت هل يوافق أن ينقلب الوضع فتخرج معشكبة خارج المنزل وتبقى فيه مرتبة؟؟
أما عدم محافظة المرأة على وزنها فهذا صحيح غير أن الشيء الذي لا يخفى على أحد هو أن المرأة (التي لا تحافظ على وزنها ) هي الممدوحة والتي تفعل هي الموصوفة بالسلوعة والهزال
أما ما ذكره الاستاذ عبدالله فلي عودة له ان شاء المولى
كلامي لا يعني أن المرأة بريئة تماما مما توصف به لكن
أتمنى أن يتحدث الناس حول هذا الموضوع وهم يستحضرون مقومات الواقع ولا يرمون عبأ أكبر من اللازم على المرأة المتزوجة
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: وجن)
|
الاخوات
السلام عليكم
لما نكتب موضوع بخصكم عشان تستفيدوا من النقاش
لكن ما تردوا الا تكتب بنت
ثانيا خلوا الخلقة في البيت
لما الواحد يرجع من العمل مفروض يلقي الجو مهيا للراحة
اول حاجة سؤال عن الطلبات
ثانيا انا ماشة وين ووين
ثالثا تجيب الغداء وتدعي التعب العجيب داك
رابعا لا تستقبلك بابتسامة وتتكلم معك بحنية
وما في واحدة تقول لي انتوا ما بتقولوا كلام معسول
انا بقول ليكم البنت هي ممكن تحرك الرجل بالذات في المواضيع دي
انا شخصيا احب زوجتي في اي شكل لاني اخترت الجوهر وروحها الحلوة لكن الاهتمام مهم جدا
اديكم مثال عندي بنت خالي والله لو شفتوها مع بنتها لن تعرفوا انها بنتها وعايشة في السودان
ودا لانوا هي تهتم بنفسها
مش من اول انتاج تفرش كل ما عندها وتتركوا للمقاسات المفتوحة
وما تزعلوا الكلام ناشف شوية
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: مهاجر)
|
والله ماعارفه يا أخ مهاجر
كلامك الاول والتانى
أبى يتقرى لى ولا انا فهمى بقى متاخر
لما نكتب موضوع بخصكم عشان تستفيدوا من النقاش
لكن ما تردوا الا تكتب بنت
ثانيا خلوا الخلقة في البيت
الغريبه ما ظاهر عليك متزوج
بعدين الطلبات دى هى بتمشى بيها بيت أبوها ماليك ولوليداتك
أها والمجامله ما ضرورى تجامل
لكن معقوله بس أنت من تقابله تقول ليك أنا طالعه قبل ما تسلم عليك
وتعمل ليك الأكل وتشوف طلباتك والله ما أظن فى سودانيه بتعمل كده
الا تكون إتخلفت
بعدين نقطه مهمه جداً
التعويده
إنا بلاحظ أن الأزواج بتعودوا أو بتعادوا من بعض فلو واحد هميم والتانى خمله
واحد فيهم بشيل طبعه التانى أوعى بس تعلم المدام الخماله
طبعاً بمزح ما أكتر
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: وجن)
|
الاخت وجن شكرا ليكي
لما انا اكتب موضوع مثلا يهم المراة ما بتشاركوا
ولما تكتبوا واحدة تردوا وتشاركوا
عشان كدا قلت زامن عاوز اعمل عضوية بواحدة اسمها بت السودان
يعني نحنا بكتب في المكتب يعني دقة سريعة وما بنراجع معليش
التانية يعني خلوا خلقتا في البيت شوفوا قبل الخلقة كيف ترحب بيك والذي منوا
طبعا ما متزوج
لكن متزوج بنات اختي وبنات اهلي هنا في الغربة لانوا ازواجهم وصولوا مرحلة قف
وتصدقي عينك يا تاجر يقول تعال ودي بنت اختك دي وين ووين
وانا عايشت حياتهم عندهن دودة اسمها الخروج ولو خرجوا اقل حاجة 5 ساعات
واي مناسبة انشاء الله واحد اخد قسيمة من الشرطة يمشوا يكفروا ليهوا
الطلبات كيف قايلاها تبداء بعد تخت الاكل طبعا دي طلباتها الخاصة
اما طلبات البيت قبل الاكل
ولي عودة
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: مهاجر)
|
الأخ مهاجر
شكرا ليك أنت
لا ياخ ما أظن دا مقياس والله أنا هسه رفعت البوست دا عشان أسال من
بت الأحفاد قالت لما تنتهى الحرب بعدين ترجع
أها وبعد داك رديت عليك ولا ماكده
بعدين حكايه الترحيب دى إتخيل لى شئ من التربيه ومن ثقافه
الجدود ما بتتغير بأخوى وأخوك
زكرتنى واحده صغيرووووونه أتزوجت ليها دكتوركبيييييييير
من أصل مصرى أها أول يوم قعدوا على الفطار مع أهله
أمه وأبوه وأخواته وأخوانه لقت ليك الناس نازلين أكل بالشوكه والسكين
إتلفتت جاى وجاى وإحتارت لآن الحاجه دى هى ما تعودت عليها
أها عامله ليك فيها البت ظريفه وقالت ياجماعه أنتوأكلوا بالشوكه والسكين
وأنا بأكل بيدى وبالخبز مسكت ليك الخبزه كده عايزه تقطعه
قامت أمه قالت ليه خلاص أنت أكله لما تتعود أها صاحبنا طبعا ما صدق
البت قامت جاريه على غرفته وأخدت ليها كم شهر كده بتأكل فيها
لكن هسه بتكون بقت لهلوبه
العافيه درجات
ضحكتنى بالدوده دى والله عجائب
أها أنا ماقلت حاجه براك جبته قلت أزواجم بقولوا ليك
تعال وديهم طيب هو بسوى فى شنو
طيب دى ماياها الخماله زاته...ماتقول لى تعبوا
التعب دا ماحاله وقتيه وبتنتهى ولا تعب الليله بيستمر ليه كم شهر كده
فى واحده من صديقاتى حكت لى موقف مشابه لكن قالت لى الغلطه منى ما منه
أنا العودته قالت يعنى مرات بتحن عليه بيكون تعبان وكده
أها تتصل على أخوانه يجوا يودوها
لكن الظاهر الشغلانيه جرَّت حتى فى إجازته
بقى يقول ليها ياخ ما تخلى أخوك يوديك أها شفت الإتكاليه
بعدين زى ماقلت ليك التعويده
المثل بقول ولدك على ماتربيه وزوجك على ما تعوديه
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
عزيزتي بنت الاحفاد
الاعزة الكرام أعضاء المنبر الحر
دي أول مرة أشارك في منبرك لانو صراحة مشدودة للاراء الجميلة والموضوعات الرائعة
وشكرا ليك جدا ياأخي الكريم بكري
وربنا يوفقكم للخير
لماذا تتزين المراة السودانية
انا بعتقد زي ما كتيرين منكم قالوا شي راجع لتربية البيت السودانية لانها قبل العرس عايزة عريس
وبعد العريس الموضوع انتهى
بس كون ان الوحدة تتزين عشان روحا دي عايزا ليها وقفة
ما هو الروح دي بتكون مبسوطة وراضية لمن الناس الحوالينة تكون راضية عنها
اذا الزوج برضو مسؤل وبشدة في الحته دي ما اصلوا النسوان ناقصات عقل ودين عايزيين يرضو روحهم بأي طريقة
و عشان ان الزوج ما مهتم تكون جميلة ولا لا ،
وان كان مهتم ما بيظهر اهتمامو
كأنو عيب لمن يقول ليها الفستان ده عليكي جميل او تسريحت شعرك رائعة
ولا بيطالب بيهو زي كانو ما عايزو
لكن الجارة والصحبة كلهم حيعلقو على التوب والتسريحة والحنة وغيرو
طيب هي حتتعب روحا لي شنو
ما كفاية اتجاه واحد
لكن والله يا جماعة أي وحدة بتلاقي الاهتمام ده من زوجه وان كانت مهتمة برا البيت برضوا ما بيكون خروجه بتبرج أبدا الا يكون الوازع الديني عندها ضعيف وزوجة ما شغال بالموضوع خاصة في دول الخليج تلاقي الواحدة منهم ريحتة واصلة لاخر الشارع وراجلة ماشي وراها زي كأنو ماشي خلف برنسيسة
الكلام كلوا ما بيطلع من شرع ربنا
دي حقوق مفترض الزوج يطالب بيها انو زوجتو تكون مهتمة داخل البيت وغير متبرجة خارجة
كلكم راع وكلكم مؤول عن رعيته
وما اكون تقلت عليكم من اول مرة
الاميرة98
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
الحبيبه وجن والناس القيافه
السلام عليكم ورحمه الله وبركاتو
وأسعد الله صباحكم وجعله معبقا برائحه الورد والياسمين
هاهى الحبيه وجن تشدنى شدا من عذلتى وتجبرنى قسرا على خلع عبائه الحداد ومسح الدمع وأخذ الطبشور للرسم على الجدران من جديد
تجبرنى على خلع الأسود من الثياب ولبس الفاتح من الألوان, لا أقول الأخضر لأننا لا نشعر بالأمن والأستقرار وأمريكااللعينه فاتحه فوهتها بالنيران لكل من يقول لا
لم ألبس الأحمر من الثياب لأنى كرهته من لون الدم الممتلئ به وجوه وأجساد أطفالنا فى كل مكان
أخترت لونا يبعد عن الأخضر وعن الأسود لأرتديه, نعم كان لونا باهتا ولكنه أفضل من الاشئ
المهم لا أود أن أدخلكم فى عالم الكأبه من جديد و أشكر غاليتى وجن وكل من شارك فى هذا البوست
أعود قريبا أنشاء الله لمتابعه الردود, حفظكم الله رعاكم
وفى أمان الله
لا اله الا الله
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
اها
الليلة انا قااااااشرة بمناسبة عيد ميلاد شكسبير
داخلة فى شخصية ديدمونة ، حبيبة عطيل الما استحمل غيرتو عليها لمن خنقها
وكل عام واهل المسرح بخير
بالمناسبة لو انتو فى دول غربية امشوا شوفوا مسرح شكسبير الليلة بكون معروض فى كل مكان
لك الحب يا صاحبة البوست
بعدين بجى اوريك لابسة شنو ، ولمنو
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
يا تماضر التمباك مالو عيبى لى,بس ريحتو عفنه وبوسخ الخشم وببوظ الاسنان,
يا جماعه انا ما داير الخبط ليكم النقاش,لكن كدى نفكر مع بعض,اعتقد اى زول امرآه او رجل اذا ما عمل الحاجه فى المقام الاول عشان نفسه تبقى ما عندها قيمه,اى شى بيتعمل نتيجه لمؤثر خارجى او للوصول لغايه معينه بينتهى بمجرد الوصول للهدف او بزوال المؤثر,صحيح ان الحب يولد فى البشر طاقه عجيبه وده شى جميل للنساء والرجال ويخليك عاوز تعمل كل حاجه كويسه عشان الزول البتحبو,لكن...ودى مساله متفاوته من شخص لاخر ورؤيته للدنيا والحياه بما فيها العلاقات العاطفيه والزوجيه,انو كيف يستطيع الناس تزويد و دفع علاقه معقده وشائكه بين فردين مختلفين فى كل شئ ..القصه ما ريحه و حمامات تقيله,والله لو الناس ما اشتغلو ليهافى كل المجالات,لا فليل دمور تنفع ولا صابون فنيك يحل....سلام للجميع...
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: safrajat)
|
السلام عليكم
بنت الاحفاد
جييت القي التحيه يا غاليه
فلي منك مده...
تحياتي واحترماتي
و
و اهديك هذه الورده عسي و لعل ان تخفف عنك حاله الكابه النتي فيها دي
للاسف ما متوفره الا بهذا اللون
لى قدام
| |
|
|
|
|
|
|
|
|
|
Re: خاص بالنساء..لمن تتذين المرأه؟ (Re: bint_alahfad)
|
السلام عليكم ورحمه الله
تحيه للجمع الكريم
الأخوه الكرام
omdurmani ومهاجر و safrajat
أشكركم على المشاركه
الغايبه الحاضره وجن
يعنى أذا حضرت الشياطين ذهبت الملائكه ولا شنو, تجيبينى وتذوغى خلاص أنا حأحرد البورد لغايه ما تجى, قلتى شنو؟ أظهرى وبان عليكى الأمان
الغاليه تماضر
كيفك يا عسل ومشكوره كتير لمحاوله التخفيف عنى, لسى ما جيتى وحكيتى لينا بتتذينى لمنو ولا كيف كانت المسرحيه, أها أنتى لو عايذ ه تفرقى على بصحيح ترسلى لى نسخه من المسرحيه بعد ما تتسجل, خلاص حأعتبر ده وعد منك ووعد الحر دين عليه..تسلمى يا غاليه
الأخت الغاليه الاميرة98
اولا مرحب بيكى وحبابك عشره بلا كشره ياذول
وأشكرك كثيرا على مشاركتك القيمه وأوافقك الرأى بأن الرجل هو فى كثير من الأحيان سبب مباشر أو غير مباشر فى عدم أهتمام المرأه بذينتها وما طولتى علينا ولا حاجه
الغاليه بنيه
الف سلام عليكى ياحبيبه, مشتاقين كثير والله, أخبارك وأحوالك, تمام التمام؟
معليش ما لقيت نظاره أشوف بيها الورده, بس مقبوله منك يا ستى وأشكرك على الطله , يلا تيك كير
وفى أمان الله
لا اله الا الله
| |
|
|
|
|
|
|
| |
bint_alahfad
elhilayla
Tumadir
zola123
rummana
وجن
Yassir7anna
ALZOLZATOO
مهاجر
safrajat
benyya
فيس بوك
تويتر
انستقرام
يوتيوب
بنتيريست