يوم فرشو البرش الأحمر أبو زيقتين وقعدن بنيّات عبدالقادر ال إثنين آمنة وزينب إشّهدن قرن ياسين وسوّنلي الضريرة بالعديل والزين والفنان محمد وليد كمال الدين سوى الغناوي واطرب الحاضرين والعمّة مريم قالت دقر يا عين والبنيّات رقصن رقصة ألوِزّين وزغاريد الأهل شاقه الحله لي نصين مبروك يا عشة على جناك بدرالدين داك اليوم كان ميلادي الحقيقي كان ميلادي يوم عقد القرانِ والمدفع ضرب سِمْعُه البعيد والدانيِ واتكفوا الضيوف والأهل والحبان والخير الفضل يكفي عرساً تاني وجات قعدت جنبي الرايدها ورايدانيِ أشبه بالملاك في صورة الإنسانِ دي القمره الفي السماء الليلة نازلة عشاني ودي الحورية البيها الإله خصاني عصفورين حلّقوا في سماء العرسانِ وإحساس بالخوف والفرح جانيِ ابشر يا أبوي ويا أخوي الثانيِ ربي أجاب دعاي وبي غرمها حبانيِ وتحققت كل الأماني بيك يا أماني كان ميلادي الحقيقي يوم قلبي ليها أختار دخلت قليب أهلي قبال تدخل الدار محبوبة من الجميع بتعرف حقوق الجار لو جبت ليها ضيوف إنشاء الله عشرة أنفار تبسم في وجيهم لو حتى خالية الدار هميمة كريمة عالية المقدار تلقاها في المطبخ تخدم كبار وصغار ما بتترفع ما بتتعالى وما بتعرف البوبار رزينة وصادقة أمينة تحفظ الأسرار مي نمّامة مي حوّامة عند المغارب توقد النار تعشي نسيبها أول قبال عشا الأطفال ولو شفتها مع نسيبتها أحلفلك يمين تحتار همّهن واحد وشورٍ واحد متطابق الأفكار وكتير وكتير ما بتوصفه الأشعار
عاطر التحايا بدرالدين شنا
09-15-2002, 10:40 AM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
حبابك يا عشاي ود أمي براي … حبابك وكت الله جابك ،،، والله البيشوف التحيـة دي يقول الزول دا عضـو مؤسس في البورد دا حرم أخوكم جديد وبيستاهل الترحيب ، لكن لما شفتا قريبي دا قلتا أسلم عليه بدري بدري .. باقي الدم للدم بيحن ولا ما كدا يا جنا الأنصاري حبابك عشرة
البدرى والله ما شاء الله.. وعينا بارده عليك يا ام اواب .. والقالو فيك البدرى ده والله نقطه فى بحر .. وتستاهلى اكتر من ده كلو .. كدى انت قول ما شاء الله وخليك بعيد من البنيه دى .. وجاوب على ناسك الفوق ديل .. براك بتجيبو لى رقبت .. اها اكان نسيت السعال انا بذكرك ليه .. القال ليك منو صبغ شعرك رمادى بى بيجى بى ابيض .. انا ما قلت ليك شغل الموضه ده اختاه ... برااااااك بتجيبو لى رقبتك . سلام وحبى لكم جميعا
09-15-2002, 01:08 PM
AlRa7mabi AlRa7mabi
تاريخ التسجيل: 08-15-2002
مجموع المشاركات: 1343
بتعرف حقوق الجار لو جبت ليها ضيوف إنشاء الله عشرة أنفار تبسم في وجيهم لو حتى خالية الدار هميمة كريمة عالية المقدار تلقاها في المطبخ تخدم كبار وصغار ما بتترفع ما بتتعالى وما بتعرف البوبار رزينة وصادقة أمينة تحفظ الأسرار مي نمّامة مي حوّامة عند المغارب توقد النار تعشي نسيبها أول قبال عشا الأطفال ولو شفتها مع نسيبتها أحلفلك يمين تحتار همّهن واحد وشورٍ واحد متطابق الأفكار وكتير وكتير ما بتوصفه الأشعار
اخونا الفاضل بدرالدين
تحياتى لك
وماشاء الله عينى بارده عليكم انت وامانى؟؟ بعدين كيف اخترت العروسه ال فيها كل المواصفات دى ؟؟ دى نادره جدا عايز لى واحده بنفس المواصفاة دى 000 امانى دى ما عندها اخت تشوفها لينا؟؟ وعينى بارده عليكم مره اخرى
الاخت الفاضله سوما
ايه الحركات حقتك دى تغطى على قريبك الراجل شيبو ظاهر وتقولى موضه عايزه بنات البورد يتغشو فيه والا شنو؟؟
الاخ الحلاوى
شنو العنصريه حقتك دى من اول يوم نشوفك طوالى تخلى الناس وترد على قريبك احسن تجى بالباب بدل الشباك تسلم على الناس وبعدين تجى ترد على قريبك
مرحب بيك يا اخونا الحلاوى
09-15-2002, 03:45 PM
Yassir7anna Yassir7anna
تاريخ التسجيل: 09-08-2002
مجموع المشاركات: 2634
أخوي عبده ما قلنا ليك (أبو...) أخيرلك تختها والله يلمو فيك ناس عمي بوش ديل تكوس لليخارجك ما تلقى، انا هسع جدي الرابع اسموه ابوسارة عديل كده مشيت لي ناس الجوازات قلت قلت ليهم يا اخونا سوري انا نسيت محمد عثمان ديل نفرين ما نفر واحد عشان اخارج ابوسارة ده وابقى على الخليفة ما لنا ومال دقوه شالو قروشوه
AlRa7mabi يطيب خاطرك ،،، والله حكاية الماسنجر دى ما متوفرة حالياً ، علا بعدين ممكن من البيـت إنشاء الله ألم فوقك بعدين ، والله يا أخوى أنا قايلك في عبي تب BAKASH والله لا عنصرية ولا حاجـة .. كل الحكاية إنو الزول دا نشطني أخش توف عليكم ، وحقك علينا..
09-15-2002, 02:12 PM
Tumadir Tumadir
تاريخ التسجيل: 05-23-2002
مجموع المشاركات: 14699
عزيزى بدرالدين وانا أطالع قصيدك - العصماء - تذكرت الشاعر ودالعيلفون الذى تنسب اليه قصيدة - حبيبى كش كشح الوسخ - فهل ياترى قد تأثرت بذلك الشاعر أم انت مدرسة شعرية قائمة بذاتها ؟؟
09-16-2002, 06:44 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
أخي الشين جداً بدر الدين الشين ماشاء الله تبارك الله وعيني ورجلي وأضاني كلهم عليك باردات وطبعاً ما قلت ليك نخرتي باردة لأنو النخرة الباردة عادة ما تكون نخرة الكلب وهي بالمناسبة بتكون باردة ليه فيها ثيرموستات يا ربي ، إنت يا بدر الدين يا أخوي كنت بتمشي درس العصر ولا شنو والله آمنت بيك كما آمن أهل العوض أجمعين بأنك شاعر وأكيد ناس الرحمابي هم الغاوون متابعنك من السودان لغاية سلطنة عمان.
05-12-2003, 11:17 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الأستاذ الكريم بدر الدين بصراحة ما زال السؤال قائماً أو قاعداً أو منبطحاً لا فرق إلا أنك لم تجاوب والإجابة هنا لا يمكن أن تكون بلا أو نعم يعني إجابه مبررة ، وأعيد السؤال عليك وعلى من يريد أن يحشر نفه حشراً في هذا المقام ويتبرع بالرد: نخرت الكلب ليه بارده ، يا السمحه يا الوارده. وطبعاً عمك أبو الملا يؤمن بأن الملائكة لا تدخل بيت فيه كلب ولا صورة عشان كده تعاملنا مع الكلاب يكون في نطاق الشارع العام أما الصورة فصورة جدي ما زالت معلقة في جدار الصالون عليه رحمة الله والرجل صباح خير وليهو شنبات تقول آية الله العظمي الخميني على جميع أموات المسلمين الرحمة والمغفرة. وطبعاً لن يتجرأ على إنزال الصورة لأنها ببساطة صورة جدي أبو أمي وإنزالها يكون بمثابة إعلان حرب تماماً مثل إنزال العلم الأمريكي من ساريته في قنصلية ماما أمريكا بالقاهرة. قلت لي لديك كمية قصائد للبيع ، هل هناك قصائد للإيجار طرفكم وماذا إذا لم تعجبني القصيدة هل يمكن إرجاعها وإرجاع نقودي وهل تتعملوا في بيع قصائدكم بالآجل أم أنه يتوجب على المشتري أن يدفع وما هي العملة التي تبيعون القصائد.
05-12-2003, 12:11 PM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
الملا عمر الرجل الثروة سلام بالآناف والآناف دي جميع أنف لكن حارة ما زي حقة الكلب
إنت عايز تحرجني بسؤالك دا ولا شنو؟
طبعاً البيت الفيهو الكلاب لا الملائكة ولا أنا ما بنخشو .. يعيش الملا الكبير ويعيش الجد أبو شنبات
القصائد التي تباع لا ترد وإذا ما عجبيتك ممكن تعدل فيها زي ما عايز ولو عايز حروف زيادة ممكن تجي الورشة وتشيل براك أما العملة فهي الين الياباني والتاباني
05-12-2003, 03:28 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
بدر الدين والله مش نقول مشاء الله دي نمشي ليك لأقرب فكي نحصنك بيهو ياخي دا ابداع متناهي وفات الحد تعرف انا بقراء ليك بس لانو محتار الواحد يكتب ليك شنو فبالجد مزيد من الابداع مزيد من هذه الدرر وياريت تظهر لينا معاك كمان سوما وممكن اقطتف هذه الورده واهديها لاحلي وردة ممكن ولا في مانع انا عارف مافي مانع وتسلم وتسلملك الامورة وعقبالنا كده عشان ننزلها ليكم هنا ونحشش بيها معاكم يارائع
وجات قعدت جنبي الرايدها ورايدانيِ أشبه بالملاك في صورة الإنسانِ دي القمره الفي السماء الليلة نازلة عشاني ودي الحورية البيها الإله خصاني عصفورين حلّقوا في سماء العرسانِ وإحساس بالخوف والفرح جانيِ ابشر يا أبوي ويا أخوي الثانيِ ربي أجاب دعاي وبي غرمها حبانيِ وتحققت كل الأماني بيك يا أماني كان ميلادي الحقيقي يوم قلبي ليها أختار دخلت قليب أهلي قبال تدخل الدار محبوبة من الجميع بتعرف حقوق الجار
05-13-2003, 07:14 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
صديقي وحبيبي/ إبراهيم علي سلام يحمل كلام مضمونه حبي
ياخي أشكرك على الثناء وهدية الورد مقبولة إن كانت للمدام أو الأمورة ربى ولك آلاف التحايا يا مهذب وإنشاء الله إنت كمان تتزوج وتحشحش زي ما قلت ولو ما نزلت قصيدة أنا بنزل ليك واحدة مجان كيتاً على الملا عمر
المبدع شنا تاني عائزين تخلني ازوج انا يادوبك كده عريس نصف كم (دي عليييك الله أسال منها أبوحراز لو ظهر) قال عريس قال مرة تانية ليك التحية ياغالي وللامورة وقصيدتك مقبولة بس بيني وبينك بديك الاسم وانت بعد داك اتفنن ذي ما عائز
05-13-2003, 08:32 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
ده كلام بورد ساكت ودي مثالية زيادة عن اللزوم بكرة الكلام دة كله بتقلب صدقني وبتقلبه انت مش هي يا بدر الدين وزي ما قالت ليك تماضر براحة عليها وهي باين عليها علي نياتها (أوي) قلبي معها
05-13-2003, 10:40 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
شكرا يا بدر الدين - عموما أبو سهى الله يديه العافية تمام بس ناقص الشعر زي بتاعك لكن نحن ما بنقولو عشان ما يطلع في راسنا - انتو معشر الرجال ما بتستحملوا الشكر راسكم بكبر بسرعة وبضو بصغر بسرعة ولا شنو انا زاتي بنتي قربت للعالى ياخوي لكن النصيحة ما بنموت بيها
05-13-2003, 12:59 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
ALZOLZATOO
Yassir7anna
AlRa7mabi
BAKASH
Tumadir
محمد سعيد شلى
almulaomar
Ahlalawad
ebrahim_ali
فيس بوك
تويتر
انستقرام
يوتيوب
بنتيريست