|
قرشو عريس
|
مرت كم سنة من مولدك يا قرشو؟؟ تكدكد فى العظام ما خلى عضمن قرشو البوست الجميل الليلة كبا ودرشو بيصارع فى العدو لمن رماهو وبرشو شلتو بالرجول أداه بنية ودقشو وبيعمل فى سكات البيت بناهو وعرشو بنوت الفريق فى حبو وقعوا انبرشو جابوا القرمصيص والفركة يوم انفرشو والدلكة الرهيبة والحنة ايدهم نقشو قاصدين الشباب ولدن صغيرن رقشو قالوا اليوم عريس مبروك عليك يا قرشو تدخل بيت حلال قرش يقرش قرشو
|
|
|
|
|
|
|
|
Re: قرشو عريس (Re: يازولyazoalيازول)
|
حكاية عجيبة يا قرشو هناك في الصالون الجماعة يوزعوا في الحلاوة والبنيات يقوقن هابي بيرث داي توو يوووو
وهنا الحنة ما شاالله ضاربة على كل حال نحن عشان ما بنعرف الاتيكيت بتاع حفلات عيد الميلاد استسهلنا الجية هنا ونرجو أن تقبل الواجبين اها .. مبروك وبيت مال وعيال وعقبال اب حراز و عمر مهدي والباقين
| |
|
|
|
|
|
|
عقبالنا (Re: يازولyazoalيازول)
|
مبروووووووووووووك للاخ قرشو وانشاء الله بيت مال وعيال وعقبالنا كلنا
ابشرو بي الخير يا عزابه اتحركو شويه خاصه حبيب الكل قاعد بس للشمار
| |
|
|
|
|
|
|
Re: قرشو عريس (Re: يازولyazoalيازول)
|
بنة بنة بيه يا بينة يابنينة بيه بنة بنة يا بنينة قرشو العريس عرس عروسة حنينة وحننوه حنة حنان موغبينة قرشو العريس اسدا حارسو عرينة عروسو السمحة شايلة الهلال في جبينة ابواتك يا عشاي زرعو وحصدو العينة أماتك يا عشاي ستات ديار بينة مبروك للعريس عيشة هينة ولينة
| |
|
|
|
|
|
|
Re: قرشو عريس (Re: المسافر)
|
غنت ليك انت الخاله الليله قرشو ساير فرحت بيك انت الجاره الليله قرشو ساير يوووووووووي الف مبروك وبيت مال وعيال ان شاء الله
| |
|
|
|
|
|
|
Re: قرشو عريس (Re: يازولyazoalيازول)
|
يا حماعة قرشو دة ما يعرس معاكم؟ لوووووول ياهشام، قال العريس دة وين؟ اسع هو نجم ساطع عديل كدة، كل ما يجى قاطع النسوان يزغردن... والرجال يبشروا والملايكة ما خالنو يمشى ، والمحفظة اتحتت حت، من المسميات الما بتخلص،
الف مبروك يا قرشو
| |
|
|
|
|
|
|
Re: قرشو عريس (Re: يازولyazoalيازول)
|
الأخ الرائع الريس والأخ الرائع قرشو (الحاج قرشلي على وزن الحاج متولي ) شنو المفاجآت دي ياجماعة أدونا خبر علشان نجي نباك ونبشر ونتب ونخت في الكشف ، عاد ده كلام يا ريس تلومونا مع قرشو والله بالغتو عديــــــــــــــــــــــــــــــــــل كدي الجعلي
| |
|
|
|
|
|
|
Re: قرشو عريس (Re: يازولyazoalيازول)
|
مرت كم سنة من مولدك يا قرشو؟؟ تكدكد فى العظام ما خلى عضمن قرشو البوست الجميل الليلة كبا ودرشو بيصارع فى العدو لمن رماهو وبرشو شلتو بالرجول أداه بنية ودقشو وبيعمل فى سكات البيت بناهو وعرشو بنوت الفريق فى حبو وقعوا انبرشو جابوا القرمصيص والفركة يوم انفرشو والدلكة الرهيبة والحنة ايدهم نقشو قاصدين الشباب ولدن صغيرن رقشو قالوا اليوم عريس مبروك عليك يا قرشو تدخل بيت حلال قرش يقرش قرشو
قرشو مختفى يا خوانة شكلو عملها لحق ود عمتى قرجة لووووووووووول
| |
|
|
|
|
|
|
Re: قرشو عريس (Re: يازولyazoalيازول)
|
والله يا قرشو ألف مبروك لكن دي عملية تعملها في أبو حراز الزول دا بموت كل يوم واحد يعرس وهو واقف زي ياسر عرفات - ياجبل ماتهزك ريح - شكلوا والله شوف عيني حيعرس بعد موديك شد حيلك يا أب حراز بقيت في وجه المدفع
| |
|
|
|
|
|
|
Re: قرشو عريس (Re: بت قضيم)
|
الف مبروك يا عمدتنا والله عجبنا ليك انشاء الله بيت مال وعيال
وانشاء الله تغلبك بكيمان العيال وانت تملأ ليها دولابها بالملايات
| |
|
|
|
|
|
|
Re: قرشو عريس (Re: shiry)
|
ههههههههه والله تحمد ربك ياعمدتنا عشان زوجاتك ماشافوا الناس وهم بيباركو ليك من جديد طبعا الواحده من الخُلعه الحتدخل فيها ماراح تعرف دابوست قديم ولا جديد على العموم أنت أكيد مجنن بعبارتك الشهيره البحرمابيابا الزياده الا صحيح أنت مختفى وين الأيام دى هههههههههههه ولا كُل دى إشاعات إفتقدناك ياعمدتنا أظهر وبان لتلطف الأجواء بيراعك الهادى
توم وجيرى أوه قصدى كولا وقرجه كيفنكم
| |
|
|
|
|
|
|
Re: قرشو عريس (Re: يازولyazoalيازول)
|
قرشو جابو ليهو ولد ولسه بتباركو ليهو
توم اند جيري قالت
في بوستات معينة حقو يكون عندها مدة صلاحية
يعني مبروك الزواج صلاحيتو اسبوع
نحمد للنفسا...يومين
الشكلة والدشمان يوم واحد وتصفى النفوس قبل النوم
يعني مافي زول يبيت بغبينتو
| |
|
|
|
|
|
|
|