|
|
 شباب المسنجر
|
كلهم عمرهم بين 32 سنة و35 سنة
عزاب
كلهم الولد الوحيد لامهم وابوهم
امهم دايراهم يعرسوا هسة دي
قيافات
خريجين احسن الجامعات
مروا بتجربة عاطفية فاشلة وفي حاجة ماسة للحنان
لا يهتموا بجمال الشكل المهم جمال البواطن
يؤدوا صلاة الجمعة في مواعيدها
من البيت للشغل ومن الشغل للبيت
أول مرة يستعملوا المسنجر ويعرفوا بنات
كلهم عاملين عندهم قنبور وبيصدقوا انو البتكلموا معاها فعلاً عمرها 17 سنة
وبعدين يعني؟؟؟
كرهتونا بيل قيتز زاته
|
|
 
|
|
|
|
|
|
|
|
Re: شباب المسنجر (Re: بت قضيم)
|
عزيزتي, عندك تعليقات ظريفة
لاكن نصيحتي ليكي ما تاخدي موضوع الماسنجر ده جد
زي ما بيقولو ليكي البنات كضابات و بيقولو معلومات غلط, تأكدي انو البيقولها ليك هو الغلط زااااتو
منذ زمن وانافقدت القدرة على التصديق بين اهلي وناسي, اصدقائي وزملائي, فمل بالك بمجموعة من البشر احترفت الصيد على مقاعد الانترنت, واستمتعت باللهو لمجرد اللهو, واضحت البنت عندهم كلمة من 3 حروف(جكس) تتغير بها هوية الفتاه لاكنها تظل واحدة في أعينهم
رحم الله الشباب والشابات ورزقهم الحلال بعيدآ عن أروقة الماسنجر المظلمة
مع حبي لكي و تقديري يا فاكهة المنتدى
| |
|
|
|
|
|
|
|
|
|
Re: شباب المسنجر (Re: بت قضيم)
|
ههههههههههههههه يكه
زاتووووووووو
______________
مارايت في الكون ياحبيبي اجمل منك في دلالك وتيهك وفي صغارة سنك
| |
|
|
|
|
|
|
|
|
|
Re: شباب المسنجر (Re: ALZOLZATOO)
|
اول شئ يا بت قضيم كان ما مرندقة ما كان بتقبلي اي اضافة من طرف علشان تسمعي الموال زاته
واجمل مافي البنات كلهم انه اخلاقهم بتمنعهم انهم يحظروا لانه دي ما اخلاقهم
لوووووووووووووووووووووووووووووول
والفرمالة ليهم كلهم انه بحبوا الصداقة النقية
والصورة الرسلتها ليك دي بالصدفة لقيت لي اسكانر وطبعتها ما لقيت واحدة جاهزة غيرهاواسع شكلي اتغير كتير من الصورة دي
والله الا كان مشيتي المنقطة الصناعية تصلحيها
هههههههههههههههههههه
وما بحب اسال في الخصوصيات لكن انت مريت بتجربة قبل كدا
وهاك يا زهور وابتسامات مع السلام
ومرات السلام بيكون اطول من المحادثة زاتها لانه بتستخدم فيهو كل رموز الماسنجر والاكس بي والزت واي زاتو
هاهاهاهاهاهاهاهاهاهاها
يا بت قضيم بضحك بس والله وما تشيلي هم
| |
|
|
|
|
|
|
|
|
|
Re: شباب المسنجر (Re: بت قضيم)
|
عارفك انا يااساسي طول اليوم خاتي الكرسي جم الماسنجر وتشاغل في الماشه والجايه هههههههههههه يكه
واي واحده مشلخه شايفك مابتشتغل بيها ههههههههه يكه
زاتوووووو
| |
|
|
|
|
|
|
|
|
|
Re: شباب المسنجر (Re: ALZOLZATOO)
|
والله يا أساسى خبرة عديل كدة لكن أوعك تقول لى كلموك كلام دى يا أخوى شغلة زول مجرب والله شنو يا زاتو ويا بت قضيم إنت الكلام دا سمعتيبو والله جابو ليك
ولنا لقاء عبر المسنجر ماتنسى نفس المواعيد ?????
| |
|
|
|
|
|
|
|
|
|
Re: شباب المسنجر (Re: بت قضيم)
|
لا اطيق هذا الداهي
وإذ تكلمت تكلمت عن عموماً..ثم اني بعمري هذا كبيرة على المسنجر وحركاته...وواحد عمره 35 سنة ده يعني انا بكون حبوبته...لست من جيل المسنجر...نحن جيل القطر...حيث القطر الشال حمادة يتكسر حاجة حاجة..ما عارف حاجة دي شنو المقصود بيها...الآن يوجد اكسبرس وليس قطر كريمة... ومن غير قطر حتى...رسالة حب عبر البريد الإلكتروني وواحدة رد وبكرة خطوبة وتنتهي قصة الحب فيما يقرب اليومين تلاتة وكله على السريع...قطر شنو وسنة شنو ...حتى التأوه استغنواعنه بطرقعة لوحة المفاتيح
تخيلوا مثلاً ... ان واحدة من جيل الإنترنت والمسنجر تسمع اغنية لواحد مصقوع في راسه يغني لها يوم كامل كفريد الأطرش مثلاً أغنية تمتد نص ساعة ..تلت ساعة منها تأوه وعوجة حنك...يا عم الدنيا مصالح وكله على السريع
لي قريبة ...امتنعت عن الحياة الطبيعية وهي تجلس مدلهة امام هذا الشباب الرز الآتي من الجنة شباب الإنترنت...رفضت كثير من عروض الزواج بسبب ذاك الذي يدعي ان إحدى عيناه زرقا والتانية بنفسجي...حاجة تخوف
وطبعاً البنات حدث ولا حرج
لكن البنات من زمان دي حركاتهم...ربي لما الواحدة ترسم دور رقة ما قدرها...تديني احساس اقوم اجضمها هسة دي
المهم
يا اساسي
حقيقي
loooool
والله خطفت الكلام من لساني لكن ما شاء الله عليك...كفيت ووفيت
نحن نعاني من مشكلة جيل المسنجر..وانا من منبري هذا المنبر الحر القديتونا بالمنبر الحر المنبر الحر الله يجازي محنكم...من منبري هذا انادي بمنع المسنجر من الشباب والشابات..ولا يمارس إلا تحت رقابة شديدة...وبقوانين صارمة يكون أحدها الوعي...يعني الجالس على المسنجر أو الجالسة واعي بقدر كاف يسمح له الدخول لعالم التكنولجيا...يعني ما كل من دلوه من القطر يجي يعمل فيها تكنلوجي
لانه وفقاً لدراسة مطولة (حقيقي الموضوع ده ما هزار) وجد أن 90 في المية من مرتادي المسنجرات قوماً خياليون يعيشون الوهم..الذي لا بد يوماً يجنح لبعض الواقعية...وهنا المصيبة حيث استطدام الخيال بالواقع وما ينتج عنه من مشاكل نفسية وعقد استاتيكية يا لطيف...
غير طبعا المشاكل الأخلاقية وهنا نتوقف لئلا ندخل مع مشاكل مع حرس الحدود
يعني اردت ان اقول لولي الأمر أوكل من درج نفسه تحت المسمى.....انتبهوا...خطر في الطريق محدق يسمى المسنجر
وطبعاً ليس كل سلب سلب...هناك الكثير من الإيجابيات وتبادل الأفكار وتعلم اللغات والثقافة العامة والتعرف على عادات البلاد الأخرى إلخ إلخ إلخ...بس دايماً الكلام الفارغ يغلب المليان
في الأغلب يعني حسب لاهوت الدنيا
شكراً للجميع ودام كرمكم
| |
|
|
|
|
|
|
|
|
|
Re: شباب المسنجر (Re: بت قضيم)
|
بالغوا لكن يا ورروك مش؟؟؟
ياخي انا متأكدة كان في ردود اكتر من كده تقول علي
الأرضة اكلت البوست واللا شنو؟؟؟
ما قالوا جربت الحجر صحي
| |
|
|
|
|
|
|
|
|
|
Re: شباب المسنجر (Re: بت قضيم)
|
الله يعافيك يا شوق
ودي عندك فيها حق
العيب فينا
انا لا الوم المسنجر انا مستغربة بس
ما قادرة افهم ليه الشباب تحديدا بعتبروا المسنجر وسيلة من وسائل الإيقاع بالفريسة
مع ان الغرض الأساسي منه التعارف وتبادل الثقافات
وبيعتقدوا برضو ان اي واحدة/واحد مستخدم المسنجر لا بد انه ببحث عن علاقة حب ضائعة،،، أو مغامرة أو شئ من هذا القبيل
وانا هنا بتكلم عن الجنسين ما افضل ليك واحد عن التاني
ما اردت أن اقوله هنا ليس تساؤل بقدر ما هو تنبيه الآباء لوضع
المراهقات والمراهقين تحديدا
وتحديدا للمسنجر أو الغرف الخاصة في الشات ليس الشات العام
فالمسنجر يشبه غرفة مغلقة مش معروف الغول الفيها نوعه ايه وشكله كيف وافكاره كيف
لا اقول ان نمنع المسنجر بالعكس هو وسيلة جميلة لفض الكبت الكلامي الذي يعيشه الجيل الجديد
بس بوعي وتحذير
يعني واحدة راسها خفيف دي ما تستعمله
وكذا الشباب بالطبع
شكرا يا شوق
| |
|
|
|
|
|
|
|
|
|
Re: شباب المسنجر (Re: بت قضيم)
|
دا من البوستات الـ ما بدخلو من أول نظرة .. كلام ظريف يا بت قضيم .. واستفدنا من خبرات عتاولة المسنجر .. نعمل حسابنا باقي نحن ناس راسنا خفيف
على فكرة أنا عمري ما اتنين وتلاتين زايد كم شهر بس
| |
|
|
|
|
|
|
|
|
|
Re: شباب المسنجر (Re: بت قضيم)
|
عزيزتي بت قضيم.. أحي روحك المرحة.. وإصابتك للهدف.. وطعن الفيل بدلا عن ظلّه!!!
عزيزتي المشكلة ليست المسنجر.. والله يخلي لينا بل غيتس.. المشكلة أن الناس وجدوا نافذة آمنه.. دون تحمل مسؤلية.. وباب لا يعرفون إلى أين يؤدي.. كلام في الطاير.. وأمشي عيش.. قبل الماسنجر كان هنا
IRC
والأمر لم يختلف.. المشكلة في العقول الشغالة.. والشخصيات المهزوزة التي تحتاج لستار النت كي تتحدث..
والعوض على الله.. في الجيل ده كله.. والله يحفظنا
التحية
بنت الحسين
| |
|
|
|
|
|
|
|
|
|
Re: شباب المسنجر (Re: بت قضيم)
|
اهل العوض اسم بت قضيم ده ما بيدي الإحساس انا عمري كم سنة؟؟؟
عتاولة مسنجر كيف يعني واحنا خارج
rang
الزمن؟؟؟
انا بتكلم عن المراهقين
مع ان اسوأهم خلي بالك
مراهقي ما بعد الأربعين
لوووووووول
بالله وانت طالع ادفع حق المحاضرة
دي خبرات ما بالساهل يعني
يخليك
| |
|
|
|
|
|
|
|
|
|
Re: شباب المسنجر (Re: بت قضيم)
|
ما برد عليك يا بت قضيم .. لأنك انتي قلتي الناس الراسهم خفيف يعملو حسابم
أها نعمل حسابنا
بعدين الصندوق انا شايفو ، يبقن علي اتنين عمى وخفة راس
| |
|
|
|
|
|
|
|
|
|
Re: شباب المسنجر (Re: بت قضيم)
|
مريم بنت الحسين
ياخي انا متابعاك ومعجبة بفهمك لله فالله كده
لانه عندي احساس انك صغيرة في السن وفاهمة
وازيدك كمان
الشباب (السوداني تحديدا فخبراتنا محلية) عندو رأي في بنات المسنجر
لا يصدقوا
لا يصدقوا
أخي قال لي انهم يطلقون عليها اسم مش لطيف ابدا
وإحدى قريباتي الصغار الملطوشة في عقلها بسبب المسنجر
وصل عدد اسماؤها للآن حوالي ثلاثين اسما
وحكت لي مرة وهي تتضاحك ،،، انها دخلت على واحد باسم من المجموعة الثانية فهي مقسماهم على مجموعات
ولما عبت عليها ذلك قالت لي بالحرف
يعني هو القاعد يتكلم الصادق الرضي؟؟؟
يا عمة خلينا نتسلى
لا تعليق بالطبع
غير ان ابيها الفاهم جداً،، يحرمها من التمشي في الشارع العصريات بحجة ايه عارفة؟؟؟
بحجة الشباب الفارغيت المرمين هنا وهناك
!!!!!
عارفة يا مريم
وقت أن فكرت افتح هذا الموضوع للنقاش،،، قبل فترة طويلة،، كنت اكيدة اني حادخل في حيص بيص لان بالتأكيد سأعطي الانطباع اني اتحدث عن نفسي
بس قلت ومالو؟؟؟
انا عموما مش مهتمة ولا اسعى لرسم صورة لطيفة عني امام العالمين
مسيخة وقطيمة وشينة احمد الله
في بوست لإحدى الصديقات باسم (صورتي في النت) جميل جدا وبناقش الفكرة دي
خلينا نسوق ليه
انا بقول في شنو؟؟؟
شكرا لك ولتشجيعك الطعن في موطن الداء مباشرة دون الاهتمام برأي الغير
سلمتي
| |
|
|
|
|
|
|
|
|
|
Re: شباب المسنجر (Re: بت قضيم)
|
العزيزة بت قضيم... لزيزة شديد لكن...
أستاذ عادل حكي لي عنك ,,, وعن شيري وعن تماضر.. الحقيقة أنني لم أقصد الجميع.. بل قصدت من حددتيهم بحديثك.. عن هذا الجيل الجديد.. لم أقصد أن أعلّق على الجميع.. هناك من يعرف كيف يتعامل مع هذه التكنولوجيا.. انا صغيرة ربما.. لكن ظهري انحني بالهموم..
أشكرك على الطرح الجميل.. وروحك المرحة تجعل الموضوع أكثر جمالاً..
بنت الحسين
| |
|
|
|
|
|
|
|
|
|
Re: شباب المسنجر (Re: بت قضيم)
|
تسلمي يا مريم ويسلم استاذ عادل
ولو اني ما عرفت اي استاذ عادل فيهم تقصدين
سلمتي انت لردك هذا
وكل الحب يا جميلة
| |
|
|
|
|
|
|
|
|
 Re: شباب المسنجر (Re: بت قضيم)
|
الاخت بت قضيم
الظاهر عليك اخدى خبره كبيره مع الماسنجر عشان كتابتك دى هى نفس الحركات بتاعت الجماعه
لكن حكايه الولد الوحيد 10/10
بت الحسين
حكايه العمردى شنو ما خلو الطابق مستور يا مواليد 1982
بهظر ساكت فى حكايه العمر دى
ودعقاب
| |
|
|
|
|
|
|
|
|
|
Re: شباب المسنجر (Re: بت قضيم)
|
الاخت بت قضيم
الظاهر عليك اخدى خبره كبيره مع الماسنجر عشان كتابتك دى هى نفس الحركات بتاعت الجماعه
لكن حكايه الولد الوحيد 10/10
بت الحسين
حكايه العمردى شنو ما خلو الطابق مستور يا مواليد 1982
بهظر ساكت فى حكايه العمر دى
ودعقاب
| |
|
|
|
|
|
|
|
|
|
Re: شباب المسنجر (Re: بت قضيم)
|
احباط الغربه
يمه جيت راجع عشانكم
وغربتي مليت دروبها
حزن دائم ودمعه كابه
وكل حاجه كمان غريبه
وناس قدر ما تحب عيونها
ما بتلاقي عيون حبيبه
شوق معذب وذكرى مره
وسيره ما بنقدر نسيبها
كل حاجه هنا بدراهم
وبي طرق قاسيه وصعيبه
بلدي أعظم وناسها اصدق
وعيشتهم في الدنيا طيبه
وان غلت في بلادنا حاجه
حتى كان قمره بنجيبها
أصلو عيشة الغربه قاسيه
وحتى ناسها كمان عجيبه
***
عزنا وعزة بلدنا فتنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتي لا لا ويمه قولك ما سمعنا
ودابو قولك جانا واقع إلا قبلو كمان وقعنا
ونحن مما فتنا دارنا في العيون يوم ما ارتفعنا
التمن يا يمه غالي ونحن ليهو الروح دفعنا
هم كبير ودرب خطير وسكه تب ماليها معنى
لا دراهم لا مظالم نحنا بس للعز رجعنا
***
الحياه لحظات قصيره يمه وين نلقاها تاني
وين بنلقى رضا الحبايب صبحوا يا حليلهم أماني
وبلدي مما فت منو ديمه سيرتو معذباني
والمكان الرحت ليهو أصلو يوم ما كان مكاني
ما قدرته أحس بفرحه والجمال غيركم عماني
وعقدة الذنب بي فراقكم يمه والاحباط شقاني
شلته دمعي وباقي شمعي وجيت أفتش عن حناني
ولو هربت أنا من بلادي كيف حاهرب من زمانى
***
يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
حتى ناس بلدي الهناك البسالمك يمه نادر
وحتى أقرب اقربائك لا بيحن ليك لا بيزاور
كل واحد يقضي ليلو ساهي في أوهامو ساهر
مره يحلم باللواري وهمو يصبح أغنى تاجر
ولما يصحى يبكي تاني لما يشعر روحو خاسر
أصلو دنيا الغربه سراً البيكشفو ما بيسافر
***
يمه أغفري لينا جينا لي بلدنا ولي ترابها
كلمي النيلين تصفق والصداقه تضوى بابها
والعصافير المهاجره خلى يبقى النيل شرابها
وتوتي بي خضرة جروفها وضىء أماسيها ورحابها
والمدن الزاهيه ترقص بكره بيرجعوا كل شبابها
وكل واحد فات بلادو ضاق شقا الغربه وعذابها
حس إنو بلادو أجمل مهما كل الغاليه جابها
أصلو عزك في بلادك وفيها سيرة الموت حبابها
| |
|
|
|
|
|
|
|
|
|
Re: شباب المسنجر (Re: بت قضيم)
|
انشاءالله تكون عجبتكم وتقبلوني معاك في البورد الجميل
وشكرا ليكم
ما قلنا ليك الحي طريق قاسي وصعيب من اول
ما رضيت كلامنا وبقيت براك يا هداه العذاب اتحملو
| |
|
|
|
|
|
|
|
|
|
Re: شباب المسنجر (Re: بت قضيم)
|
بت قضيم الظريفة تحياتي
موضوعك ظريف زييك و أسلوبك أظرف
لـكـن ما قلتي لينا عن تجاربك إنتي في الماسينجر اللي خلتك تقولي
عنو الكلام دا ؟؟؟؟
تحياتي
| |
|
|
|
|
|
|
|
|
|
Re: شباب المسنجر (Re: بت قضيم)
|
مساء الخير
أخي ود عقاب
شكرا لحسن ظنكم بنا
وما كتبت يعتبر حقيقة سواء أن قلتها واللا سكت عنها
تسلم للمشاركة
فرفورة الحبيبة
طبعا أهلا بيك شديد
القصيدة التي كتبت جميلة جدا
ذكرتني بواحدة اخرى شايقية بنفس السياق لكن من ام لولدها (العكس يعني) لو لقيتها وعدا افردها ليك مخصوص
وانت تعجبي واهلا بيك بينا كلنا هنا اخوانك
يا ذوق
وتسلمي
ابو حسين
تسلم والله انت الظريف رفعت منعوياتي
بخصوص خبرتي وطالما انك الوحيد الذي تساءلت إذا كنت اتحدث عن خبرة شخصية والا لا،،، فيسوئني أن اخبرك اني فعلا كبيرة على حركات المسنجر (للأسف الشديد)
هذه كانت دراسة في بعض مدارس الطالبات قمت بالإشراف عليها لمعرفة تأثير النت وخصوصاً الشات في سن المراهقة فقط ولم يتعد البحث أكثر من هذه المرحلة العمرية بصراحة،، لكن من هنا وهنا تستطيع أن تكون فكرة عن جيل كامل وليس فترات عمرية محددة.
بس
ده كل الموضوع
وعن خبرتي الشخصية (عملت ليك فيها ام العلوم صح؟؟؟) عن خبرتي أنا فطبعا استخدمته لكن ليس بالشكل المرضي الذي اتحدث عنه واقصده حيث للأسف الشديد كما قلت تعديت مرحلة المراهقة زمااااااااااااااااااااااان
ما تعد بس
وتسلم للحضور
| |
|
|
|
|
|
|
|
|
|
Re: شباب المسنجر (Re: بت قضيم)
|
بسم الله الرحمن الرحيم والصلاة والسلام على اشرف المرسلين سيدنا محمد وعلى آله وصحبه أجمعين
يا المكاشفي اب عمر
يا دكين لما ارى مشاركة لك قلبي يدق وافقد احساس الزمان لاني عديل كده بخاف من تعليقاتك ودايما دايما عندي احساس انك حتجلط ليك رد في مكان غلط يوم ما
سأرد عليك بناء على ما تقدم في حديثكم،، لكن وجب الاعتراف قبلاً أنني اشك انك قاطع الكلام من راسك لاني حقيقي حقيقي اظن أن بت الناس الصبيتها بكلامك ده عندها حق في انك (ما براك)
تتجازى يا دكين
سأخذ الموضوع من ناحية جادة ويسترنا الله من لسانك المتبري منك
انا لا اؤمن بعلاقات الإنترنت دي على الإطلاق
لأنه ممكن البت الكليمة اللذيذة الحلوة الفاهمة الرايعة الماخدة موقف من خشب الشاف، الفتاكة المدمرة ال ال ال،،، تطلع ما بتتسوك
مثلاً
معليش انا اتحدث بصراحة شديدة جداً جداً وبمثل جداً مقرف وجداً غريب لكنه اقرب صورة لتوصيل الواقع بالحياة
والسودانين عندهم مثل
يقول ليك بتعرف فلان
تقول ايوة
يقول ليك عاشرته؟؟؟
لو لم تعاشر انساناً لما خبرته بالتالي التعارف وش لوش فيه نظر ويشبه البطيخ المقفول،،، فما بالك بمسنجر يحكمه حروف وصورة جميلة قد تكون صورة بطلة لإحدى الروايات ؟؟؟
تعلقك بالفتاة منطقي جداً،،، فقد تراها غريبة أو قد تكون جيدة في الكلام،، غير البعد الغامض في الموضوع وهو عنصر الخطر الحقيقي،،، الغموض هو الجاذب الحقيقي وله قوة الف مغناطيس،،، صعب الفكاك منه
كأن اقول لك اذهب دوغري ولا تنظر خلفك أبداً،،، وانت تكون من الاساس واضع فكرة لخلفك هذا جيدة وجميلة وغامضة،، صعب بل قد يكون مستحيل ان تقمع روح الفضول ولا تلتفت،، هذه الروح على فكرة من الأشياء الأساسية الفارقة بين الإنسان والبهيمة
الله سبحانه وتعالى ضرب مثلاً نفسياً يدرس في أرقى جامعات العالم باسم علم النفس،،، في سورة الكهف اظن ما دايرة افتي انا لست اكيدة
وهي قصة الفتى وسيدنا موسى عندما قال له لا تسأل
علم النفس يسميها (الممنوع مرغوب) أو المافي مطلوب
بنتك هذه ذكية،،، (ده لو ما كانت من بنات افكارك وجنك براك)
فلو كانت اتجملت بقليل من الصور الانسانية التي تجيدها الفتيات عادة،، ربما ما لفتت نظرك بهذه الطريقة التي قرفت بها اصحابك
هي تدرك أن الغريب والغامض مطلوب ومشوق ويثير إحساس الأكتشاف وبالتالي التفكير الكثير وبالتالي التعلق،،، وعليه انت اتشبكت فيها شبكة السنين
هذا رأي بمنتهى الصراحة (وهو رأي علمي بحت) ولو اردته مختصراً مفيداً لقلت،،، انت عايش في حلم جميل،، وبتك دي خطيرة اعمل حسابك منها
ولو اردتني ان اتحدث لك بلسان فتاة رومانسية لقلت لك
ومالو؟؟؟ ما فيها حاجة
اديها فرصة قد تكون بت ناس ولم تعرفك بعد وربما يكون هذا سبباً في ارتباطك بها،،، المغتربين بعرسوا بالصور والتليفون،،والسعوديين بعرسو بالأم والنسب فلما لا تتزوج انت بالمسنجر والحنك؟؟؟
دمت يا كابتن
بيكو
تسلم،،، والأمثلة كثيرة
وربما المشكلة اننا مجتمع مظهرجي،،، قليل من المظاهر ترفعنا وقليل من الحقائق تخسف باحاسيسنا الأرض
يعني لو الواحد عامل بسيط لكنه ممتاز في ادائه، لصعب عليه احترام نفسه وتنكر لمهنته،،، ولو كان مهندس واللا دكتور فاشل ،، فلا بأس يرفع روحو السما لما يعسمنا معاه
الخواجات لما اخترعوا المسنجر ما سوهو لجنس مظاهرنا وكذبنا ده
تسلم للمشاركة
| |
|
|
|
|
|
|
|
|
|
Re: شباب المسنجر (Re: بت قضيم)
|
سلام بت قضيم
ما قدمه لنا المسنجر من اتصال عبر المسافات
ليس بالهين فلقد ادخلنا بيوتنا واصبحنا
من اي مكان فى العالم داخل غرفنا بالصورة
والصوت فهو رحم كل اللذين خارج الوطن
و للكثير من الناس قلص الفاتورة
بس الخطورة منه هو استخدامه لغرض تقضية الوقت
اما الحماية منه التوعية ثم التوعية
لكى الود
قرنفل
| |
|
|
|
|
|
|
|
|
 Re: شباب المسنجر (Re: قرنفل)
|
أسعدتنى جداً هذه العوده للثنائى المُدهش
بت قضيم وعشا البايتات دكين
سبحان الله يابت قضيم نفس الإحساس يتاع الجلبطه دا بجينى
بحتار منه الزول دا على قولك
أبداً مابراه
لكن بصراحه أنتوا الإتنين إمتداد لبعض بس دكين الظاهر طفرته
إطورت بقى خارج نطاق السيطره
دكين
كلامك دا لوقاطعه من رأسك فأنت رهيب
ولو دى ونسه
دى ونسه بين شواطين
وأسال زول كده طوالى حيجى يلصق ليك الفتوه هنا
بعدين تعال هنا هسه الهاجس بتك العسل دى
ولا أرضك الفى الكدرو المهاتى بيهاليل نهار
دا حالته لسه فى التسجيل لو وصلته الإمدادات الماحتجيك ولا فى أحلامك
حتعمل شنو طبعا ما حقول ليك البنى دا تنسى بس
بيعه ياخ دى فى آخر الدنيا ما بتشبهك أنت شبهك كلاكلات بس
قلت لى الحلبه مالن؟؟؟؟؟؟ياعديم العشره
| |
|
|
|
|
|
|
|
|
|
Re: شباب المسنجر (Re: بت قضيم)
|
بركة الجيت طيب يا قرنفل
وعندك حق
لكل عملة وجهان،،، وغالباً احدهما سئ والآخر نبيل،،، فلو اننا فقط تعلمنا أن نستفد من الجانب المضئ،، لما كانت هناك أي مشاكل
وتسلم
وجونة الحلبية
والله الحلب ديل ناس حلوين،،، حتى لو انه السمار نص الجمال،،ده بس حقد ساي من الناس الزرق
الغريبة كلمة الزرق دي ما بتدي احساس ابداً باللون الأسمر الجميل
ما علينا
سميتينا ثنائي مدهش؟؟؟
أدام الله فضلك
حالتك عارفة حالتو الصحية العقلية؟؟؟
هوووووووي وحاة امي انا بكاوي ساي
تسلمي يا عسل
| |
|
|
|
|
|
|
|
|
|
Re: شباب المسنجر (Re: بت قضيم)
|
حتى انت يا وجن
والله انتي ما عارفة الطفرتو بقت خارج نطاق السيطرة منو....
مرق من يدنا تب .. دخل في يدين الحكومة المحلية ..
البوليس في عبارة اخرى ..
دي اصلها نتيجة طبيعية للفلتان الامني منقطع النظير ...
وبعدين كدرو شنوالببيعا ..
ياختي انا يا الكدرو ..يا حلة حمد..ما عندي تالت ..انا مرقتا من بري اللاماب قبل كدا عشان واحد ما حيلتوش اللضا ..
قرنفل انا عندي بالصوت بس
تخيل لحدي هسع بت الذين ما شفتا صورتا
يبدو لي انها بتشبه سلمى الحايك ..
ولذلك ما طلبتا منها صورة...اسوي بي صورتا شنو انا ماشي اعقد عليها
بت قضيم
بداية
لو استمريتي تقولي لي انو انتي حاسة اني حاجلط في مكان ما ..
فتاكدي اني حاقوم اجلط ..انتي عارفه اني بريدك من زمان ..
وان كان موقعك قد تاخر في الصف درجة بسبب هذه العزة (امنقا بت) وبسبب جكس القماير ودي حالة مرحلية ، ولكن يظل موقعك في الدرجة الممتازة ..
وعليه واستنادا على هذه الريدة مقرونة مع التحليل السايكولوجي (يا بتاعة السايكو) لو انتي كرررتي الكلام دا حالقى نفسي مندفع لان اجلط بي سبب او بدون سبب فقط لارضي هذة الريدة السايكو لوجيكال ..
اشمعنا يعني الغموض عندو قوة الف مغناطيس ؟؟
الف وواحد مثلا ما بنفع ؟؟
يا بت ما تبطلي النجري بتاعك دا..
بعدين ما تشطحي يا تاني امنقا بت المسالة ما فيها اي سلوك نفساني ولا الما موجود مرغوب ولا تلفت لي ورا وهلم طراش ...
بي بساطة البت قالت لي انها مشلولة يعني مكسحة ..تسير على دواليب..الدنيا ما قدرت تشيلها واقفة على حيلها ..قعدتا ترتاح.
وانا حسيت بي معاناتا ..
لاني عندي كراع راحت في حق الله وحق الدفعة 43 ضباط القوات المسلحة ..
43 الما كان فيها قط واحد قبيح الطلعة ..كانوا ابدا في كامل بهائهم ، استرد الله ما استرد منهم..وينتظر الصامتون في اعالي النيل وادارة العمليات العسكرية وضواحي نيروبي وحلة خوجلي دورهم في ادب تام ...
يعني هبشت فيني كراع ..آلمني ان تظل حبيسة مقعد ...
لا اقدام لديها ..
وانا رايت بعينى ويدي وانفي وبكل ما فيني من حواس.. رايت كيف تزول اقدام الرجال عند احتدام غضب الرجال ..
ولامر في نفسي لا يوصف ...
اثرت في حشاشتي ..ولاني زول رياد...وشفوق ردتها (سمعتي نكتة العقرب الشفوق)..
وما قررتا ذلك الصباح اني اشخت ليها إلا لانها مسكونة ..
بتقول ليها حاجات اكاد اقولها...
كأن افكر اقول اسم رايح لي تقوم المشوطنة تقولو لي ..
وتواصل الحديث عادي كان لم يكن ، بي كل اندياح تتونس وانا على الطرف الاخر من الميسنجر تقع زيتونتي في الكي بورد من الخلعة ...
وانا زول عشتا حياتي كلها بي صورة غير طبيعية .. ولدى شغف ما اعتيادي اني اعيش ما تبقي لي بصورةاعتيادية ..
يعني اطيق اني اتزوج كمغترب حسُن الظن من قريبتي التي لم اراها والتي تمارس الحياة كما غيرها ..ببني ادمية ِصرفه .
او من بت حسين شكري - الحلبية ، التي لا يمكن ملاحظة شواربها الاعند الاستغراق في التامل وجلي النظر - ولا اعرس لي بت تبدو كشيطان او بت شيطان ما معروف ..
تقعد تسبقني في الكلام الانا عايز اقولو ..
وتظل هكذا تغتسل في الحدقات بين ادمعي....
و تدهشني وتوقع زيتوناتي...
الى ان ياتي اليوم الذي تواصل فيه الحديث وحدها وتقول كل الكلام ، واظل انا كثيفا في صمتي..وبلا زيتونات في فمي .
وبعدين خطيرة القلتيها دي قصدك بيها شنو .؟؟خطيرة يعني مقطعا السماحة مثلا؟؟
ولا خطيرة شديدة الذكاء لدرجة الخطورة؟؟
ولا خطيرة ملغمة وممكن تشيل الكراع التانية ؟؟
ممكن تفضلي بي توضيح اكثر وانتي زولة عهدناك ام الوضوح ذاتو ..
ولو تفاصيل الونسة البيني وبين عزة الفوق دي ما كافية لمزيد من تحليلك الرائع ..
ابدا ما تشيلي هم دكين جاهز لمزيد من العرض ..
ختاما ما تتخيلي انا سعيد قدر ايه بمعرفتك
ختاما خالص
عرفتي كيف انو البت قات لي انتا ما براك ؟؟؟
خالتو
انتي قاعدة تقري من وين؟؟
| |
|
|
|
|
|
|
|
|
|
Re: شباب المسنجر (Re: بت قضيم)
|
لا بأس يا دكين
ربنا شال منك كراع،،، واداك بدالها عدد خمسة لسان في شكل لفة قماش واحدة
انا اساساً اظن انك اتخلقت في الأصل لسان وبعدين قام ليك زول
هكذا درسونا في السايكو( يا سايكو) ان نحلل وفقاً للمنظورات
هسة كدي خلينا
قلت لي مكاني زح ورا في طابور الصباح بتاعك؟؟؟
يا خسارة
حالتي كنت حاجزة بطوبة،،، وللغرابة اني اول مرة اشوف لي زول بحجز طوبة بطوبة
شفت كيف؟
دكين
الله يرضى عليك،،، ويهديك،،، كنت قايلاك (ما براك)، تخيلتك مشوطن،،، لم اتخيل أنه ما براك دي قد تعني معاك قبيلة،، ديل لميت فيهم وين تتجازى يابا الظار ما سواها؟؟
هسة الناس دي ذنبها شنو انك ما مشيت مواعيد الفكي الأسبوعية
هوووي
يا هذا،،، انا امزح ببعض جد
ثم اعذر قرآتي الغريبة،،، (خالتك) السكر هدا حيلها وانت عارف،،، تأثيره القوي على النظر،،،فربما انا قرأت الكلام من نهاية السطر
لكن الغريب ،، تحت تحت يعني،،، جاء في عناوين الأخبار،، أنه جاء في معرض حديثكم المنسوخ في النقاط اللاحقة(معرض دي بالضمة يا عسكري،،، معليش وجب التوضيح باقي العساكر ديل عربيهم ملجن)
-------
يعني لو لقتي الضنب .............مضمونة؟
[email protected] says:
احلفي؟
azza says:
والله انت ما براك
------
وبناء عليه،،، اتى ردنا
واعذرنا إن كنا لا زلنا نثق في مصادر أخبارنا حتى لو كانت (ما براها)
ونطمنك،،، حتى لو لم تكن البت قالت،،، فثق بي،،،اوعدك،، قريباً ستفعل ده لو ما كنت سبباً في حل كربها وجعل ارجلها المشلولة تجري حتى لو بلا ساق كما جاء في القصيدة اللي يوم الليلة ما فاهماه دي
وقلت لي كراعك استقلت بذاتها؟؟
متأكد انت انها حرب واللا من خلاف؟؟؟
كدي ارفع يدينك ديل،، باقي الكلام دخل الحوش
وعن صديقتك المقعدة،،، فقلبي معها،،، ونجاها الله من بلاوي الدنيا،،، يبقى كرسي وشيطان مسنجر؟؟؟
وبعد
خلينا جد شوية
يا دكين،، انا قلت لك رأي خالصاً مخلصاً،، لوجه الله،،، واحب اضيف،،، الكلمة الطيبة صدقة،،، مالك مع الناس شايل طوبك وتطقع فيهم؟؟؟
على فكرة
من حقهم عليك ان تعتذر،،، فقد كسرت الفرامل
واللللله يجيبه ليك سالم
قول إن شاء الله بس
| |
|
|
|
|
|
|
|
|
|
Re: شباب المسنجر (Re: بت قضيم)
|
لا اله الا الله والله يا وليدات وبنات الزمن دا بقينا معاكم بس الاطرش في الزفه ان شاء الله كان بفهم كلامكم تنزل فيني صاعقه تايلنديه احتاج لي معجم عربي انجليزي اقصد يعني تتم ترجمه كلامكم بالانجليزيه الفصحي
| |
|
|
|
|
|
|
|
|
|
Re: شباب المسنجر (Re: doma)
|
سلام بت قضيم
سلام دكين
كويس انك ما عندك كمرة لانو حيكون هناك صراع ما بين الصورة
والكمرة وقطعة ارض الكدرو
لك هذه الاغنية هدية
| |
|
|
|
|
|
|
| |
بت قضيم
Tumadir
zola123
ALZOLZATOO
7abib_alkul
اساسي
رقم صفر
WAD ELGAALI#4
woroorrook
مريم بنت الحسين
ABUHUSSEIN
beko
وجن
doma
فيس بوك
تويتر
انستقرام
يوتيوب
بنتيريست