|
|
 من ذاكرة الزول
|
شباب عندي ليكم ركن جديد داير اسميهو ليكم من ذاكرة الزول ارجو ان ينال اعجابكم فيه قصص طريفه هههههههههههه يكه
الحلقه الاولى
جارنا التفتيحه
عند وفاة جدتي رحمة الله عليها ذهبت مع جارنا حيطه بالحيطه عشان نشتري خروف وطبعا جارنا تاجر تفتيحه شديد ركبنا في البوكس بتاعو وشلت معاي مبلغ 6000 جنيه مشينا لي شارع المنطقه الصناعيه بامدرمان حيث يتواجد بايعو الخرفان بي كثره وسالني جاري شايل معاك كم قلت ليهو 6000 جنيه قال لي ح ناخد احسن خروف ههههههههه يكه
وقفنا جم واحد بتاع خرفان ودار الحوار التاني بين جارنا وبتاع الخرفان
جارنا : يازول الخروف الواقف براهو داك بي كم
البائع يمسك خروف تاني دا بي 12000
جارنا : لا يازول انا قلت ليك الواقف براهو داك الاحمر ابو قرون
البائع : دا بي 15000 جنيه
جارنا : يازول ها نحن ناس بهائم ماتلعب علينا طبعا جارنا من منطقة ريفي ود حامد
البائع : اها يازول بتدفع كم انت اخترت بهيمه كويسه
جارنا عندنا خمسة الاف جينه قلت شنو
البائع : يترك الخروف يذهب وسط الخرفان خمسه الف والله لو اضبحو واديهو الكلاب ما ابيعو بي خمسه الف ههههههه
جارنا : خلاص معاك سلامه يحرك عربيته قليلا
البائع : يازول بي 14 الف اشتريت جارنا يحرك العربيه قليلا 12 ثم 11
جارنا : يازول ماتاخرنا نحن الخروف دا عايزنو لي بكاء مش لي عرس قلت شنو
البائع : عشره الف كويسه
جارنا : قلت ليك يازول نحن ناس بهائم والخرفان ديل بنسعاهم عندنا في البلد ما تتكلم معانا كتير
البائع خلاص انت بتدفع كم
جارنا : انا عند خمسه الف وخمسمائه
البائع لا لا لا يازول مابائع ليك
جارنا خلاص ويحرك البوكس قليلا
البائع خلاص يازول بي تمانيه الف ثم سبعه الف ثم اخيرا سته الاف جنيه
جارنا خلاص يازول ارفعو في البوكس ويقوم البائع بربط الخروف في البوكس ودفعت المبلغ للبائع
البائع والله يازول ده تمن القش الاكلو هههههههههه
جارنا يدير البوكس وشاف بالمرايه واحد ركب مع الخروف واتضح انه ضباح هههههههه يكه جارنا قال لي الليله اطبق ليك في الزول ده نظريه وذهبنا الى شارع الثوره بالشنقيطي وبعد مسافة طويله جارنا يوقف البوكس وينادي الزول الراكب بي وراء
تعال يازول انا فجاءة عاينت بالمرايه شفتك ماشي وين
الضباح قال ليهو ماشي اضبح ليكم الخروف
جارنا : يازول نحن جنازتنا حاضره ويمكن الموضوع ده يتاجل لي بكره ههههه الكلام ده كان تاني يوم الوفاة
الضباح ينزل من البوكس خلاص اديني حق المواصلات عشان ارجع
جارنا يدخل يدو في جيبو ويطلع حقة الصاعوت قال ليهو والله انا حق الموصلات ماعندي لكن خت ليك سفه كبيره كده واتوكل علي الله هههههههههههههههههههههههه يكه
الضباح يشيل العلبه ويخت ليهو سفه تاريخيه وقال ليهو والله انت زول صعب خلاص ههههههههههههههههه يكه
وانا ضحكته لحدي ماوصلنا البيت وبعد داك بالرجاله سكته لانو الناس كانو قاعدين هههههههههههههههه يكه
زاتو
|
|
 
|
|
|
|
|
|
|
|
Re: من ذاكرة الزول (Re: ALZOLZATOO)
|
والطريفه يا اساسي
انو لمن مشينا البيت
ابوي ضبح الخروف وقال لي اسلخو وانا بسلخ فيهو كده جه بتاع حمار قال عاوز الجلد
جارنا جاهو قال ليهو يازول تسلخ لينا الخروف ده وتشيل الجلد وتدفع كم المهم صاحبك سلخ الخروف وكسر اللحم وشال الجلد ودفع لينا 120 جنيه ههههههههه يكه خالي قال والله انا اول مره اشوف زول بيسلخ الخروف ويكسرو ويدفع قروش ههههههههههههههههه
زاتو
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
وانت يا زاتو الزول يسلخ الخروف ويكسروا ويدفع ليكم 120 يعني الجلد بالميت مكلف 250 وثمن الخروف ستة الف دا جلد ولا بطانية يا زاتو
هههههههههههههههيكة
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
يازول قلت ليك الخروف تمنو 15000 لكن جارنا تفتيحه
وبعدين الجلد كبير ممكن يعمل 20 جوز بتاع جزم
ولو عملوهو مصلاية ممكن يصلو فيهو جماعه ههههههههههههههههههههههه يكه
زاتو
افترضتك لون اساسي يمنح اللوحه اذدواجية القرايه
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
رجعت للبورد ورجعت البسمه فيها ولله يا غالي
لكن كدي سؤال جزارك دا كان راكب حمار والا راكب فيل
خليفه نفر خليفه نفرين ............. مرر
ههههههههههههههههههههه يكه
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
ياحبيب والله مشتاق ليك شوق ماعادي
شوق الحمام لي وليده ههههههههه يكه
والله يكون راكب الفيل دي مامتاكد منها
بعدين ياخي انا قلت ليك علمني بتكتب الحاجات دي كيف وعامل تقيل
لكن ليك يوم يابلوم هههههههههههه يكه
زاتو
______________
i will love u like i never love again
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
اسمعنى
انت الخروف بتاعكم دة دبل كبينة ولا شنو يا حلو؟
وبالمناسبة انا عايز استلف منك حاجة ممكن؟؟
عايزك تسلفنى هههههههههههههههه يكة بتاعتك دى
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
عمر مهدي
والله مشتاقين شنو يازول انا قلت الراجل ده ضرب معاهو اللوتري وشغال في الاجراءات
قالوا واحد جه قال لي ابوهو فلان وقع عليهو لوتري ابوهو قال ليهو انشاء الله مايكون عوقو ههههههههههه يكه
ود الجيلي
انا لمن سمعت صوتك قلبي زاتو للدنيا ابتسم شكرا ليك يازول وخليك صاحي ح اردها ليك
يامنعم ياوجيه ههههههههه يكه
خروفنا مادبل كابينا خروفنا خمسة شنكل ههههههههههههه يكه
ليك رسالة لو روحك يوم تنسى دلالها
لكن يامنعم الصورة بتاعتك دي اتصورتها بعد هيروشيما ولا شنو هههههههه يكه
اسمع ههههههههه يكه للجميع مافي مشكله
زاتو
__________
اندب حظي ام امالي
| |
|
|
|
|
|
|
|
|
|
Re: من ذاكرة الزول (Re: ALZOLZATOO)
|
وليام شكرا ليك وربنا يعرس ليك
الكلام ده كان في شهر فبراير 1993 يعني ممكن تعرس باعتبار ماكان ههههههههههههههه يكه
ياخي ماشرط تجيب خروف بالبلح ساكت ممكن تعرس
زاتو
| |
|
|
|
|
|
|
| |
ALZOLZATOO
اساسي
7abib_alkul
Wad Aljaili
garjah
willeim andrea
فيس بوك
تويتر
انستقرام
يوتيوب
بنتيريست