الأسلحة الكيميائية وحقيقة استخدامها في السودان في منتدى ميديكس للحوار
|
|
 زمن البيبى فوق......فوق .....فوق.... البيبى فوق
|
فى وسط الرصانه اللغويه واللحنيه التى قدسها الكثير من الاساتذه الفنانين
كانت تسير مع هذه الرصانه ما يليق بها من تعبير من مشاعر تجاه الاغنيه
فنجد العرضه فى ايقاع السيره ورقصه الشبال (الرقبه) والتمتم والليله هوى
يا ليله 0
ولكن نجد فى التجارب الجديده من المغنيين المعاصرين فى تناولهم لبعض
الاغنيات وتسريع اياقعها بحجه المواكبه تقابل من المتلقى الذى صاغه
المعاصرين من المغنيين الان بتعبير اخر وهذه التعابير لا صله لهابالمشاعر
فاصبحت ردود الافعال هستيريه 0
اذا كانت هذه البيبى فوق لها علاقه مضمونا لما كان الامر حارقا لكن هناك
تفكير لاظهار الجسد من ناحيه الايقاع, سؤال هل رد فعل الاغنيه اصبح يخاطب
الجسد اكثر من العقل والعاطفه؟ اعتقد ان هناك هناك عاطفه وعقل تساوى
الروح لكن ان تنفعل العاطفه والعقل وتساوى الجسد فهذا امر جديد.
وعموما البيبى فوق كرقصه يسقط فيها المؤدى مابى روحه شى مريح , لكن يجب ان
يرحم الزمن الخاطر حتى لا يكون سبب فى انحراف معايير ردود الافعال الروحيه
فهل يمكن ان نعتبر هذه الجبجب ....والكبكب ....و فوق فوق خلاصه اسقاطات
القرن الفات ؟
|
|
 
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: Elmosley)
|
اخوانا حمزه وموصلى... تحياتى
طبعا الواحد لما يلقى بوست كاتبو حمزه ولا موصلى بيقراهو براحه وبيتخارج يعنى بصراحه كده الواحد بيخاف عديل يرد على البوست .. الموصلى وحمزه سليمان مره واحده .. وانت منو يا ديك الجن عشان ترد على الفطاحله ديل .. غايتو احسن شئ تقرا البوست وتشتت .. وتدعوا ليهم ربنا يديهم لينا العافيه ويديهم بقدر ما ادونا من طرب وفرح سعاده ..وتحمد الله انو فى يوم من الايام جمعك بيهم ولو من خلال النت ..0 فلكم التحيه والاجلال احبيتى
ونحن فى انتظار المزيد
ديك الجن
| |
|
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: HAMZA SULIMAN)
|
الفنان الراقي حمزه
اتذكر المثاقفه العنيفة بيني والمرحوم جمعه جابر حول اهلية بيت العرس
للاغنيه الراقيه في ظل وجود مختلف الامزجه الناس عايزه تفرح وترقص
بصرف النظر عن اي شئ اخر والرقص عندنا اصبح مربوط بسرعة
الايقاع ليه ما عارف مع انو حتي الراب ايقاعه المعزوف ليس سريعا
ولكن السرعه موجوده في الايقاع الداخلي للكلمه واللحن
يديك العافيه
| |
|
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: HAMZA SULIMAN)
|
الاساتذة الاجلاء
موصلى وحمزة
شكرا على أنكم فتحتم هذا الموضوع وهو ضرورة حتمية مناقشته فى هذا البورد وغير البورد لأنه فعلا مشكلة حقيقية وأنا كنت قد أعطيت اشارات للأستاذ سيف الجامعة عند الترحيب به فى هذا البورد وقلت له نحن لا نريد أن نتونس معك فقط نحن نريد أن نتحاور فى قضايا الفن التى فاحت رائحتها.. وأتمنى أن ينضم أخونا واستاذنا سيف للنقاش ..على حسب رأيى المتواضع أنكم أنتم سبب الصورة التى وصلت اليها الأغنية السودانية اليوم .. وأنا أعلم أن الظرف حكام وأن اليد الواحدة لا تصفق .. ولكن بالله عليكم أين هو الانتاج الفنى الراقى فى الاونة الاخيرة الذى بإمكانه طرد الغث من الساحة الفنية.. أحبتى لا يجب أن ننظر ونقول هذا جيد وهذا سئ ونحن بإمكاننا أن ننتج أين هو الانتاج الان .. محمود عبدالعزيز؟؟ نادر خضر؟ فرفور ؟
يجب علينا أن نحترمهم هم وجيلهم والذين أتوا بطرق جديدة فى الغناء..المهم انهم الان موجودين فى كل الساحة الغنائية هذا اذا لم أقل أنهم هم كل الساحة الغنائية اليوم.... فى زمن مضى كنت متابع لجميع حفلات عقد الجلاد وكنت أنا وأصدقائى نتابعهم بواقع حفلتين أو ثلاثة فى الاسبوع ولا نملهم .. عندها لم يكن هناك شكوى من الغناء الباهت لأن أبوعركى وعقد الجلاد ومحمد الامين موجودين ولكن فجأ ضاع أبو عركى . ومحمد الامين ضاق صدره بجمهوره فى كثير من حفلاته ولا داعى للتفصيل .. وعقد الجلاد ذهبت مع الريح .. وبالتالى كان ظهور هذا الجيل الذى أنا شخصيا أقف له بكل احترام لأنه حمل الراية واجهد والدليل على ذلك أنه موجود .. ب جبجب أو تمتم ما فرقت يا استاذ حمزة المهم الحضور وتوصيل الرسالة للأجيال القادمة
أتمنى المواصلة
| |
|
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: الجندرية)
|
حمزة وود عمى
زى ما قال ليكم كحلوش لو شفتو رقصة (القرد ) ولا (النبق) هسه تقولوا شنو
هيستيريا بمعنى الكلمة
بس ارجعكم لسؤال تانى
تفتكروا استخدام الاورج كآلة منفردة له دخل فى المسالة دى؟
لانه هسه البجيب له فنان باوركسترا فى اى مناسبة ده بكون نادر جدا
وبتاعين الاورجن هم ملوك الساحة .. الفنان المعاهم ما بغنى غير اغنيتين تلاتة والباقى كلو ..كشلو كشلو ونطيط
| |
|
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: الجندرية)
|
الاستاذه الجندريه
سؤالك رائع رائع
ما يحرك الجسد هو الايقاع لان الجسد ايقاعى بى فطرته حتى الدواخل تحتاج لان تتوازن وكثيرا يقول الناس هكذا
وطالما انو الحركه الايقاعيه الجسديه مدوذنه مع التوازن النفسى فهذا يغنى ان الاغنيه اى كان نوعها الفيصل فقط فى المخاطبه فمثلا
يا ريتنى لو اقدر اقول فيك الكلام المانكتب
اغنيه رائعه وملتزمه وراقصه وفيها كثير من الشعبيه والتلقائيه
ومثلا
فى عيونك ضجه الشوق والهواجس
اغنيه ملتومه وراقصه ونطرب لها
الفرق يا استاذه يا رائعه فى المخاطبه
يعنى
حماده بوظ اعصابنا
ففسرى انت الخطاب فى هذه الاغنيه
متى تحول الى حماده وكيف بوظ اعصابنا
وبالمناسبه يا جندريه انا بتعامل مع الصطلح فقط فى القول البيقول اغنيه هابطه لانو فى الحقيقه ما فى اغنيه هابطه
ولى عوده
والف شكر على سؤالك الجميل
| |
|
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: ود العجمى)
|
ود العجمى يا رؤيه
كل من يجارى السوق او المقوله الناس دايره كدى ده فى راى انهزم ابادعيا سيستمر حينا من الدهر لكنه سيتلاشى من غير حتى استذكار
فالفنون لا تعرف السطحيه وهذه الاسماء التى لم تكن غير متاحف لم تستطع حفظ ما تغنيه للغير او التعبير عن الةاقع اعتقد يا ود العجمى هم فاقدين الهويه لا قادرين يقدموا الجديد بالشطل المتطور التعبيرى ولا قادرين يحافظوا على الكلاسيكيه ويقدموها فى قالب مواكب فهذا زمان البيبى فوق وحقيقى القرد لسه ما شفناها
| |
|
|
|
|
|
|
|
|
|
Re: زمن البيبى فوق......فوق .....فوق.... البيبى فوق (Re: HAMZA SULIMAN)
|
استاذنا حمرة
زمان قالوا الكحة ولا صمة الخشم
الناس ديل هم الكحة وانا على يقين من ذلك .. أما صمة الخشم فمن المسئول عنها ؟ كنت قد طرحت هذا السؤال عليكم ولم أجد إجابة .. نحن نتقف بأن الغناء الهابط هابط والغناء الجيد جيد ومجارات السوق لا تعنى الجودة ولكن هذا هو المتاح .. أقول المتاح بصفتى مستمع فقط ولست فنان أو مؤدى ؟؟ وبرضو بكرر الكحة ولا صمة الخشم
بعدين أختنا الجندرية سؤالها شايفك طنشت منو؟؟
أخيرا احترامى وودى
يا رؤية برضو
| |
|
|
|
|
|
|
| |
Elmosley
ود العجمى
الجندرية
HAMZA SULIMAN
فيس بوك
تويتر
انستقرام
يوتيوب
بنتيريست