|
|
|
 Re: zain.sd عالم استهبال واستغفال (Re: عبدالحفيظ ابوسن)
|
ترجا وتحبس والشبكة في عولاقها
تظهر علامة الشبكة فوق فول . لكنك لن تستطيع التصفح
تاني يوم شرحو
وروحك تنسل
ضربت هسة لاقتني بت اسمها امل . هم بخلوك ما تسمع الاسم كويس . بجدعو ليك جدعة ويصرو يعرفو اسمك
المهم بعد لت وعجن ضربت ليها 7:41 ص واخدت معاي 6:34 دقيقة عشان اكون دقيق وكدة 😆😆 وطلعت منها بحاجة واحدة
انها ما بتقدر ترفع لي بلاغ مالم ناس الهندسة يردو لي دون تحديد سقف زمني محدد !!!
يعني هم كتر خيرهم استلمو بلاغك وانت تنتظر بس .
حتي رقم المتابعة زاتو ما تعرف تتابع بيهو وين ؟
| |
 
|
|
|
|
|
|
|
|
Re: zain.sd عالم استهبال واستغفال (Re: عبدالحفيظ ابوسن)
|
شركة تبيع ليك خدمة مدفوعة مقدما . ومربوطة بي زمن ثم تنقطع منك ولا تديك زمن لارجاعها او تعويض زمنك الاكلو منك؟؟!!
اول اجراء مفروض يكون ارجاع الزمن حقك الراح
نمرة اتنين
امس البت قالت لي شايفاك خاشي وشبكتك كويسة
قلت ليها الا كان اتهكرت وخاشي في حسابي زول تاني
مشغل واي فاي
قلت ليها ابدان
طيب الشريحة في موبايل ولا راوتر
قلت ليها يعني دايرة تمتحنيني ولا شنو ؟ ما هو اصلا الجهاز الشغال بيهو بكون ظاهر عندك
ضحكت بس
اها ماعندهم جهاز بوريهم انو الشبكة كويسة ولا كعبة
ولا اصلا هي كوتة محددة لكل الناس
كل ما كترو عدد المستخدمين ضعفوها ؟
شركة زين شركة قديمة ولكنها لا تقيم وزنا لمشتركيها
ولا احترامهم
ولا تقدير انهم ناس بفهمو في الشبكات
الاستغفال والاستعباط ما بفيد
ومخاطبة العميل بي استاذ في تأدب رائف لن تحل مشكلة الشبكة
| |
|
|
|
|
|
|
|
|
|
Re: zain.sd عالم استهبال واستغفال (Re: عبدالحفيظ ابوسن)
|
الواحد قدر ما يطول بالو ويقول بتصلحو يزدادو سوءا
شوف عندهم خدمة بالساعة كمان . يعني تعافر في ساعتك دي ولا تعافر تضرب ليهم . واذا اردت العربية اضغط واحد واذا اردت شنو اضغط كم مابعرف
وعفوا اتخذت خيارا خاطئا الرجاء المحاولة من جديد
يبدو لي الناس ديل قاعدين في عنبر كبير كل واحد قدامو شاشة وسماعة ، لأنو اول امس ولا متين البت قالت لي بإدانة وتهديد بقفل الخط بشكل خفي
ارجو انك تقفل السماعة الخارجية ما قادرة اسمعك
قلت ليها
سماعة شنو الخارجية هو انا الما قادر اسمعك من الجوطة العندك .. قاعدين تتونسو ولا شنو ؟
فصمتت
لكن رددت ليها رقم الشريحة لامن زهجت . مرة رقمين رقمين ومرة واحد واحد وببطء
المهم
كلو مسجل عندهم زي ما قالوا
يا جماعة في طريقة شكوي تعويض ؟
مش ارجع قروشي بس لكن تعويض علي اشياء معنوية زي التوتر وكدة
ولا بحلم ساي 😆😆😆
| |
|
|
|
|
|
|
|
|
|
Re: zain.sd عالم استهبال واستغفال (Re: عبدالحفيظ ابوسن)
|
بعدينك النت دة عبارة عن ايميلات سريعة عامل الزمن فيها مهم
يعني ترسل لي زول تقول ليهو
حصل فلان طيارتو بعد ساعتين وصل ليهو الدوا ولا المصاريف
الشبكة تعصلج وانت تتوتر والدوا ما يصل
وكمان الدوا زاتو ولا الاسبير انت مصورو في رسالة
يعني
زولي دة لو حصلت ليهو حاجة ممكن ادفع ناس زين 😆😆😆
| |
|
|
|
|
|
|
|
|
|
Re: zain.sd عالم استهبال واستغفال (Re: عبدالحفيظ ابوسن)
|
الاخ الفاضل / عبد الحفيظ ابوسن . جمعة مباركة ، وكل عام وانتم والجميع بالف خير .
زين !!!
زين عالم شين ياخي .
ديل حتي مبادئ الخدمة ما عندهم .
حتي ان موظفي المكاتب او الفروع ، تحس كأنك تتحدث مع شخص تم تلقينه مجموعة من الكلمات يظل يرددها ببلاهة في كل لحظة . ويحاول اقناعك انه وشركته علي حق وانت علي باطل .
*
في السياق نفسه اخي عبد الحفيظ .
حضرت في احدي اجازاتي للسودان ، واحضرت معي ( راوتر ) ، بغيه استعماله في البيت لي وللاسرة ( حيث انهم مجموعة ، وكل شخص لديه هاتفه الخاص ) . وقلت ( يلا خليهم ينبسطوا فترة وجودي معهم في الاجازة ، واحاول في الوقت نفسه تعريفهم ، علي تقنيه المشاركة الجماعية ) .
استفسرت فور وصولي عن ( شريحة بيانات ) . وتم الاشارة لي بالذهاب لاحد المكاتب ، وبالتحديد ( جنوب مدينة المهندسين بامدرمان ) . مكتب خدمات ( زين ) .
بعد اجرأأت ، كأنك تريد استخراج جواز سفر . ( تصوير الهوية م والرقم الوطني ) . ومن ثم تجلس في المقاعد منتظرا دورك .
طلبت من الموظف شريحة بيانات . ودخلت معه في حوار ودي مطالبا بمعرفة ( كمية / وتاريخ انتهاء الشريحة ) .
فقال انه توجد لديه فقط شريحة ( 50 غيغا ) ، ومدتها شهر .!!!
فأبديت استغرابي للأمر ف 50 غيغا ليست بالشيء الهين ، ومن الصعب ان تنتهي مدتها في شهر ، حتي لو نصبت خيمة في اليوتيوب يوميا .
المهم قمت بدفع المبلغ المطلوب ، وكررت عليه مطالبا بالتأكيد علي انه قام بتفعيلها ، فاكد لي ذلك .
لم تستغرق معي اكثر من اسبوع ، علي الرغم اني طلبت من الجميع عدم تحميل أي مقاطع او فيديو .
رجعت لنفس المكتب ، ودخلت مباشرة للمشرف الذي يجلس منفصلا عن الموظفين .
دخلت معه في جدال فني عن الكمية ، وعن الفترة الزمنية للشريحة . لكن كأنك ( تأذن في مالطا ) .
وكل تبريراته هزيلة ، لا ترقي لمشرف خدمة عملاء .
المهم . استعوضت ربي ، وقمت بتفعيل شريحة هاتفي ، مستخدمها في متابعة ايميلاتي وغيرها .
ورجع باقي الشباب كل يستعمل شريحة هاتفه ، متحسرين علي الراوتر ، بعد ما كانوا مستمتعين بالشبكة القوية له .
*
خدمة الاتصالات في السودان ياخي عبد الحفيظ ، غير مستثناه ، عن باقي المؤسسات وغيره الذي ( خرب ) في السودان .
يابركة هذا الشهر الكريم اصلح بلادنا ، واحفظ اهالينا وجنبهم التعب والمعاناة ، واقتص من الذي محي الفرحة من قلوبهم .
اسف للإطالة
تحياتي ،،،،
| |
|
|
|
|
|
|
|
|
|
Re: zain.sd عالم استهبال واستغفال (Re: Hasheem Karouri)
|
صدقت كاروري
دة ما ياهو استحقار الناس
مفروض تخت في مقدمة خدمتك افضل الناس لأنهم واجهتك . هم البائعين البكونوا عارفين الخدمة ويقدروا يسوقوها
لكن حسب ما سمعت والله اعلم لا اقطع بصحة المعلومة ، انو خدمات المشتركين بشغلو فيها الشباب ستة شهور ويفصلوهم دون حقوق تحايلا علي مكتب العمل
ودة بكون خصما علي الخدمة زاتها
| |
|
|
|
|
|
|
|
|
|
Re: zain.sd عالم استهبال واستغفال (Re: عبدالحفيظ ابوسن)
|
وقت اصلو خدمتكم متذبذبة ما تبيعوها مقدما . مش متذبذبة وبس وحتي كمان يحق ليك ببلاغ واحد بس
وقت اصلو كدة خلو الخدمة بدون سقف زمني زي الرصيد . استعملو متين ما دايرو .
وما تحاكو الشركات الاجنبية ذات الخدمات الجيدة وانتو ماعندكم ليها مؤهلات ولا كفاءات ولا مروة
اشتري 5 قيقا زي الرصيد واستعملها وقت ما داير
مش تبيع لي 5 قيقا في الشهر وما اقدر استعملها طول الشهر لسؤ شبكتم . وتنتهي مع نهاية الشهر
| |
|
|
|
|
|
|
|
|
|
Re: zain.sd عالم استهبال واستغفال (Re: Asim Ali)
|
سلام اب سن
الامور دي كلها ناتجة عن سياسات خاطئة اتخذت من قبل
بالنسبة لخدمات المشتركين اصبحوا يعينوا الخريجين
لمدة سنة غير قابلة للتجديد والحنك التدريب و الهدف
مرتبات ضعيفة من غير امتيازات ولا حقوق بعد الخدمة
ماذا تنتظر من شخص معين بالشروط دي ومن غير امل في التثبيت.
الادهي و الامر طبقوا نظام الاوتسورس حتي بالنسبة لعضم الشركة ناس Network و ال IT ودخلوا شركات تقوم بالاعباء الفنية و عملوا ليهم شركة و خيروا الموظفين والفنيين تنضم للشركة الجديدة براتب اقل و بدون الامتيازات السابقة او تاخد حقوقك و تمشي ، معظم الكفاءت هجت بره البلد، حتي shops حولوها لي Franchise ما دايرين اعباء مالية و لا ادارية.
اساءو للاوتسورس كمفهوم في البزنس وهدفهم خفض المصاريف
مما ادي لانخفاض في الجودة في كل شئ ..
النتيجة الحتمية لكل هذا انهيار الخدمة
| |
|
|
|
|
|
|
| |
عبدالحفيظ ابوسن
سفيان بشير نابرى
Hasheem Karouri
Asim Ali
Nasser Amin
فيس بوك
تويتر
انستقرام
يوتيوب
بنتيريست