|
|
|
 Re: مهددات الثورهـ (Re: محمد حمزة الحسين)
|
كبسولات ول ابا سماعين العنصريه دون استثناء للعنصريين من مثلث حمدي ...
دينق ..دينق دا اكبر مهدد للثورهـ ...
الغريبه الأثنين شايفهم الايام الأخيرهـ شايفهم بقو عقلانييين يبدو إنها تُقية ...
| |
 
|
|
|
|
|
|
|
|
Re: مهددات الثورهـ (Re: محمد حمزة الحسين)
|
ههههههههههههه
| Quote: وعارف ناشد حسي يا عارف في ضمتك قصتك دي كوز بي يعملا... |
في دي صدقت ..
نحن الاستفزازات المبطنة بالإستخفاف الجهوي بنصرف ليها كبسولة من نفس النوع ,, عسى ولعل يرعوي أصحاب الأمخاخ الممخوتة
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
تهديدات هيثم غالي بإلإنتقام والتشفي ...
دا بأخر ساعة الوصول للميس بأقل خساير ...
يا هيثم لو البديل نظام اقصائي لا يحتكم للقانون والعداله ...
المقاله بتقول جناً تعرفو ولا جناً مجهول ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
إقحام الحواته والديامه والدرايسا ...
دا تكبير كوم ما عندو معني معقول مشروع ثوري من شباب عشريني ...
غير ملون تخطتفوهـ بتلوينه ...
استعجال العنف ضد الأجهزهـ الأمنيه البي تقع في وجه المحتجين ...
عجبني موقف ناس بري لمن تصدي عقلاء المحتجين للحيولوله دون أذي شرطي أعزل ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
ول ابا محمد حمزة
| Quote: لم تخيب ظني أنت من هذا الشعب وإليه ... |
لقد قال الشعب كلمته
وما على كل عاقل إلا الرضوخ و الإمتثال ,,
البوست مواكب للحظة ,,
فالنبتعد عن الخلافات المنبرية و التي في غالبها شخصية ,,
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
ليس في وضع يسمح لي بنصح المحتجين ...
لكن تباعض الإحتجاجات وموسميتها أكبر مهدد ...
وهذا لن يتسني إلا بي مظاهرات الأحياء ...
لمعرفة ناس الحي والأحياء المجاورهـ لبعضهم البعض ...
مقدرتهم علي الصمود لأطول ايام ممكنه ...
لاحظوا ايام ...
لان الخروج في ساعات زمن ومن ثم الذهاب للحاق بشراب شاي المغرب ومراجعة اللايفات عشان تشوف صورتك وحماسك دا شووو ليس إلا...
بالتالي مهدد سرطاني للثورهـ ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
في تقديري الهُتافات والشعارات التي يُرددها الشباب أقوى
وأمضى من كل سلآح، الهُتافات والشعارات سلآح فتاك يقلق
نوم العسكر ويسبب الأحلآم المزعجة . لا لأيّ تُدخُل مُسلح .
عارفك أصنج ؤ ما بتتعلم ؤ قدُر ما حاولت أعلمك الفرق بين
الهاء والتاء المربوطة غلبني، دحين في داخل البوست عُوّس
عُواستك لكن في العنوان عليك الله تحرى الصواب عشان
أنا كبدتي فرِد وحِيّدا ...
| |
|
|
|
|
|
|
|
|
|
Re: مهددات الثورهـ (Re: معاوية المدير)
|
الاخ الكوز محمد حمزة الحسين
ياخ انت الثورة دي تتمناها تقيف اليوم قبل بكرة
خليك واضح
والواضح ما فاضح
لا تحاول تتذاكي علينا
الشعب اذكى منكم بكتير
فشنو خليك متسق مع نفسك
نحترمك
افهمت!!!
.......
ثم ان الثورة انتصرت خلاص يا باشا
فشنو سلموها
ولو عندكم دم؛
| |
|
|
|
|
|
|
|
|
|
Re: مهددات الثورهـ (Re: عبدالمنعم الطيب حسن)
|
وانت مطالب بموقف اخلاقي
يدين القتل المجاني لاولادنا واخواننا؛
......
ويدين دخول البيوت الامنة ومطمئنة واقتحام حرماتها وكشف عوراتها..
ويدين ضرب الاطفال والرجال الكبار
والنساء الكبيرات
والطالبات....
يدين ضرب اي سوداني واي سودانية
وبعدها نشوف؛
| |
|
|
|
|
|
|
|
|
|
Re: مهددات الثورهـ (Re: عبدالمنعم الطيب حسن)
|
Quote: في تقديري الهُتافات والشعارات التي يُرددها الشباب أقوى
وأمضى من كل سلآح، الهُتافات والشعارات سلآح فتاك يقلق
نوم العسكر ويسبب الأحلآم المزعجة . لا لأيّ تُدخُل مُسلح . |
شكراً يا مدير لرفض اي تدخل مسلح غريب علي عاداتنا ونسيجنا الإجتماعي ...
لكن ما لم تقدرهـ اغلب هؤلاء الشباب هم ابناء القيادات الإسلامية والقيادات العسكريه ...
انا عندي لسته بأبناء قيادات نافذهـ من الإسلامين والجيش تم اعتقالهم من لب الإحتجاجات حتي تفاجأة قيادات الأمن ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote:
الاخ الكوز محمد حمزة الحسين
ياخ انت الثورة دي تتمناها تقيف اليوم قبل بكرة
خليك واضح
والواضح ما فاضح
لا تحاول تتذاكي علينا
الشعب اذكى منكم بكتير
فشنو خليك متسق مع نفسك
نحترمك
افهمت!!! |
يا عبد المنعم كونو اتمناها تقيف وابت تقيف فمن حقي احرسا ما تتلون ...
افهمت يا عبدالمنعم حسن الطيب ...
أما الإتساق فياريت توريني موقفين غير متسقات عشان اواسقن ليك ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
كتب الاخ محمد حمزة حسين
.. -| Quote: لكن ما لم تقدرهـ اغلب هؤلاء الشباب هم ابناء القيادات الإسلامية والقيادات العسكريه ... |
اغلب ! الثوار هم ابناء القيادات الإسلامية! من اتيت بهذا التخريج العجيب ؟
ىعني ابناء القيادات الإسلامية يهتفون سقطت -سقطت ياكيزان !ونحن مرقنا - ضد الناس السرقو
عرقنا- واي كوز -بندوسوا دوس !
- ثانيا الثورة الان لايحركها - مايكتب في سودانيزاون لاين وانما تحركها عوامل موضوعية
ولايعطلها كتابة هذا او ذاك بالمنبر!
ثالثا الثورة الجارية ضد الانقاذ ومايسمي بالحركة الاسلامية - ضد النهج والممارسة والقيادة !
رابعا قل لنا قبل هذا كله ماهو موقعك انت من هذه الثورة الهادفة لاسقاط النظام -؟
| |
|
|
|
|
|
|
|
|
|
Re: مهددات الثورهـ (Re: كمال عباس)
|
| Quote: رابعا قل لنا قبل هذا كله ماهو موقعك انت من هذه الثورة الهادفة لاسقاط النظام -؟ |
والله يا كمال شكلك ما مصدقني في الكلام الفوق دا بعدين دي هتافات أجندة...
بعدين الكيزان خشم بيوت ياخي ...
حسي عليك الله انا كوز والفاتح عزالدين كوز 
أنا مراقب ...
مع تمنياتنا لها بالنجاح الذي نرجو ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote:
وانت مطالب بموقف اخلاقي
يدين القتل المجاني لاولادنا واخواننا؛
......
ويدين دخول البيوت الامنة ومطمئنة واقتحام حرماتها وكشف عوراتها..
ويدين ضرب الاطفال والرجال الكبار
والنساء الكبيرات
والطالبات....
يدين ضرب اي سوداني واي سودانية |
يا عبد المنعم حسن الطيب ياخي يعني افتح بوست منفصل ...
ما تراني مباري البوستات دي أدين وأشجب وأترحم علي الميتين وأنصح في الحييين لعدم استفزاز القوات الأمنيه يعني ما كفايه ...
ياخي املص جلابيه كهنة توزيع صكوك النضال والثورة ...
انا شخصياً محمد حمزة الكوز دا ومعاي كثيرون يراقبون الوضع عايزين الشباب ديل يمثلون اداة ضغط لذهاب الفرعون عمر البشير ...
لكن اسمع مني اي اختطاف نحن له بالمرصاد ...
طبعاً يا عبد المنعم (نحن) دي ماليها علاقه بكتائب الظل بتاعت شيخ علي 
لكن هم جموع الشعب السوداني المراقب وما اكثرهم.
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
| Quote: ثم ان الثورة انتصرت خلاص يا باشا |
المقتبسين أعلاهـ من مهددات الثورة ...
Quote: فشنو سلموها
ولو عندكم دم؛ |
فشنو يا حبيب انا والله ما ماسك اي حاجه بس يهمني تماسك النسيج الإجتماعي بعيداً المزايدهـ ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
سلام محمد حمزه . لاحد يستطيع اقصاء احد لرايه
لكن انت بس اجدع معانا وتامل خير تعبنى يااخى من الجماعه ديل
وقلنا الروب حى صمود هؤلاء الشباب لاتبخس امالهم
| |
|
|
|
|
|
|
|
|
|
Re: مهددات الثورهـ (Re: عمر دهب)
|
Quote: سلام محمد حمزه . لاحد يستطيع اقصاء احد لرايه
لكن انت بس اجدع معانا وتامل خير تعبنى يااخى من الجماعه ديل
وقلنا الروب |
شكراً يا عمر دهب دا نفس ينبغي ان يسود ...
ليعلي من قيمة التعايش عشان نمشي لي قدام ...
الكيزان ليس كلهم شر ينبغي النظر بعين العقل ...
| Quote: حى صمود هؤلاء الشباب لاتبخس امالهم |
من هنا أُحي صمود هؤلاء الشباب في الخروج المتباعض لكن ما زالت المسيرة طويلة ...
شوف يا عمر دهب قصة نظاهر للشو في الخرطوم ...
في المجلس الوطني ...
في ميدان عقرب ...
خلاس اختبار مرا بنجاح جيد ...
المرحلة الجاية يا دهب الصمود للتظاهر في الأحياء عندها ميزات ولاد حيك وبتعرفهم ...
المعونات اللوجستيه .... تشتيت جهود الأمنجيه ...
بي صراحه انا قلت لي ابوحتحوت مرا كدا اضمن لي اعتصام متواصل لي مدة عشرة يوم بضمن لك تدخل آمن للجيش...
وبجيك راجع ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
الزول ده قال الكيزان ناس كويسين والكيزان برة السلطة والكيزان ما فاسدين الفاسدين هم الشيوعيين والبعثيين الحولهم فعشان كده لازم تناقشوه في مهددات الثورة ،بكري التحيات الزاكيات لم تصحى رش الحبرتجي أو أصرف لي مداخلتين في الأسبوع مع إنهم كتيرات عليه
| |
|
|
|
|
|
|
|
|
|
Re: مهددات الثورهـ (Re: muntasir)
|
المطلوب من " الكوز" محمد حمزهـ حشد بقية الكيزان المشابهين والمماثلين وضمهم ايضا للثوار
بعد انضمامه غير المشروط معانا.
ياخي انا بعرف زول عيشتو وماضيهو ومستقبلو الأنقاذ
تتصور واقف مع الثوار الآن بقوة وصفحته علي الفيس مبالغة! ضد الفرعون !
___________________________
عملت لي ود المدير شنو في موضوع التاء المربوطة ؟
| |
|
|
|
|
|
|
|
|
Re: مهددات الثورهـ (Re: MOHAMMED ELSHEIKH)
|
| Quote: يا هيثم لو البديل نظام اقصائي لا يحتكم للقانون والعداله ... |
هههههههههههه
شوفوا الاقصائي الذي ينتمي لحزب ولحكومة اقصائية جاي يكلمنا عن سوء الاقصاء
بس ياها زااتا الشايلة موسا وتطهر وهي لي بت ام روحها............
وين انا قصيت او دعيت للاقصاء يا كوز؟؟
ووين ان هددت بالانتقام بالمعنى الانت فهمتو .. طبعاً فهمك جاي من ممارساتكم كحكومة وكحزب
بان الانتقام بنفس طريقتكم..
لا طبعاً .. المحاسبة الانا بهدد بيها والانتو خايفين منها دي هي محاسبة القانون
والما عامل جريمة ما بخاف من القانون يا ود الحسين
لكن نقول شنو.. كلكم بلا استثناء عارفين جرايمكم عشان كدا حاسين
زي ما قالا نافع قبل كدا .. حاسين انو سكين الضبح مختوتة فوق رقابكم
حينما يتغير هذا النظام ونستعيد دولة القانون والدستور عندها سيكون
انتقامنا وفق ما يسمح به القانون كعقاب لجرائمكم التي لا تحصى ولا تعد
طبعاً دي ثقافة انتو ما بتعرفوها لانكم مرضى عدوانيين ولا تتورعوا عن القتل
والضرب والسحل ولم تنج من سياطكم حتى النساء داخل بيوتهن فأي اخلاق واي فظاظة هذه
ثم في موضع تاني من مداخلتك في هذا البوست شايفك ذكرت انو في اتنين عاقلين
انقذوا شرطي (اعزل) من الثوار ..قرقرقرقر يا عملات اميرنا الكوشي بشاشا
اسع ما بتخجل تقول اعزل دي وكأنو الشرطي المسكين مظلوم؟؟ ههههههه
هل سألت نفسك الشرطي دا جاي يعمل شنو في سرادق عزاء لشهيد استشهد برصاصهم الغادر داخل منزله؟؟
ياخي انتو ما بتخجلو؟؟
ورغم هذا لم يتعرض له احد بنفس العدائية والعشوائية التي يتعرض بها رجال الشرطة والامن للثوار
يعني الشرطي لمن يكون اعزل دا مفترض الناس ما تواجهو وللا كيف؟؟
طيب هو ليه ما عندو شرف وبواجه الثوار العزل بالسلاح ؟؟؟
اما كان ينبغي لك يا محمد حمزة الحسين ان تمهد لمثل هذا البوست
بكلام ولو على سبيل الخجلة سااااااكت كدا تدين فيهو القتل والضرب الحاصل البتمارسو اجهزتكم الامنية
وكمان داخل البيوت .. ياخي انتو ما بتستاهلو شعب راقي وفاهم ومسالم زي الشعب السوداني
انتو تستاهلو وحوش ومسوخ بشرية مثلكم تماماً عشان تذيقكم ويلات ما تفعلوه بالثوار السلميين
المطالبين بحقوقهم المشروعة وفق الدستور الارتضيتموه انتو زاااتكم ولكنكم تخرقوهو وترموه في الزبالة
ولا تحترموه متى ما تعارض مع اهوائكم ومصالحكم الشخصية التافهة الحقيرة
اخجل يا محمد حمزة واختشي على عرضك وشوف الفيديوهات التي يهاجم فيها
عساكر امنكم الحريم والحرمات داخل البيوت ..
هل ترضى مثل هذه الانتهاكات على اهل بيتك؟؟
| |
|
|
|
|
|
|
|
|
|
Re: مهددات الثورهـ (Re: Haytham Ghaly)
|
الحمرة الأباها المهدي ...
من أخطر مهددات الثورهـ ...
لذا لجأ البشير للصوفيه فهم ترياق هذا الشعب من التشّيِعْ والتشّيُعْ الأولي مراكسية بكسر الياء والثانيه فارسية بضم الياء ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote: الزول ده قال الكيزان ناس كويسين والكيزان برة السلطة والكيزان ما فاسدين الفاسدين هم الشيوعيين والبعثيين الحولهم
فعشان كده لازم تناقشوه في مهددات الثورة ،بكري التحيات الزاكيات لم تصحى رش الحبرتجي أو أصرف لي مداخلتين في الأسبوع مع إنهم كتيرات عليه |
مستنيك يا منتصر ...
| Quote: بكري التحيات الزاكيات لم تصحى رش الحبرتجي |
ياخي الكلام دا اعوج عليك انا ما حبرتجي ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote:
المطلوب من " الكوز" محمد حمزهـ حشد بقية الكيزان المشابهين والمماثلين وضمهم ايضا للثوار
بعد انضمامه غير المشروط معانا. |
مشكور يا هندسة للثقة العالية ...
الكيزان تلاته مكنات ...
مكنة طوب احمر بالأسمنت ...
ومكنة طوب أحمر بالمونه الترابيه ...
ومكنة طوب أخضر ...
Quote: ياخي انا بعرف زول عيشتو وماضيهو ومستقبلو الأنقاذ
تتصور واقف مع الثوار الآن بقوة وصفحته علي الفيس مبالغة! ضد الفرعون ! |
صاحبك دا مكنة 3
بعدين البشير ما فرعون البشير بقلدفي شيخ حسن زمان نظريتو كانت الغرب دا عايز شنو نعملا ليهو ...
حسي البشير بقول لك نمشي نوريهم الناس العايزننا قدر إيش شوفت كيف ...
| Quote: عملت لي ود المدير شنو في موضوع التاء المربوطة ؟ |
نسوي كيفن عدلناها رغم إنها كدي هـ عاجباني .
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote:
ووين ان هددت بالانتقام بالمعنى الانت فهمتو .. طبعاً فهمك جاي من ممارساتكم كحكومة وكحزب
بان الانتقام بنفس طريقتكم.. |
لا خلاس معذرة للفهم ....
Quote: لا طبعاً .. المحاسبة الانا بهدد بيها والانتو خايفين منها دي هي محاسبة القانون
والما عامل جريمة ما بخاف من القانون يا ود الحسين
لكن نقول شنو.. كلكم بلا استثناء عارفين جرايمكم عشان كدا حاسين
زي ما قالا نافع قبل كدا .. حاسين انو سكين الضبح مختوتة فوق رقابكم
حينما يتغير هذا النظام ونستعيد دولة القانون والدستور عندها سيكون
انتقامنا وفق ما يسمح به القانون كعقاب لجرائمكم التي لا تحصى ولا تعد
طبعاً دي ثقافة انتو ما بتعرفوها لانكم مرضى عدوانيين ولا تتورعوا عن القتل
والضرب والسحل ولم تنج من سياطكم حتى النساء داخل بيوتهن فأي اخلاق واي فظاظة هذه |
يا هيثم غالي بلاش الفظاعه دي خلينا نمشي خطوة لا قدام نحو التغيًر...
Quote: ثم في موضع تاني من مداخلتك في هذا البوست شايفك ذكرت انو في اتنين عاقلين
انقذوا شرطي (اعزل) من الثوار ..قرقرقرقر يا عملات اميرنا الكوشي بشاشا
اسع ما بتخجل تقول اعزل دي وكأنو الشرطي المسكين مظلوم؟؟ ههههههه
هل سألت نفسك الشرطي دا جاي يعمل شنو في سرادق عزاء لشهيد استشهد برصاصهم الغادر داخل منزله؟؟ |
يا هيثم غالي سُكاتي ولا الكلام الني ...
ياخي أضغط علي الإيجابيات وثبتا كأخلاق ثورية ...
ياخي الفش غبيتو خرب مدينتو ...
Quote:
اما كان ينبغي لك يا محمد حمزة الحسين ان تمهد لمثل هذا البوست
بكلام ولو على سبيل الخجلة سااااااكت كدا تدين فيهو القتل والضرب الحاصل البتمارسو اجهزتكم الامنية
وكمان داخل البيوت .. ياخي انتو ما بتستاهلو شعب راقي وفاهم ومسالم زي الشعب السوداني
انتو تستاهلو وحوش ومسوخ بشرية مثلكم تماماً عشان تذيقكم ويلات ما تفعلوه بالثوار السلميين
المطالبين بحقوقهم المشروعة وفق الدستور الارتضيتموه انتو زاااتكم ولكنكم تخرقوهو وترموه في الزبالة
ولا تحترموه متى ما تعارض مع اهوائكم ومصالحكم الشخصية التافهة الحقيرة
اخجل يا محمد حمزة واختشي على عرضك وشوف الفيديوهات التي يهاجم فيها
عساكر امنكم الحريم والحرمات داخل البيوت ..
هل ترضى مثل هذه الانتهاكات على اهل بيتك؟؟ |
يا هيثم يا غالي ياخي أنا بكتب وفق قناعاتي ولا دخل للخجل أو العرض في ذلك في ذلك ...
كما إن الأجهزة الأمنيه تعمل وفق خطط واستراتيجيات قد نتفق أو نختلف في ملائمتها للواقع أو الأخلاق أو العرف ...
فما حدث في بري هو عزم للمحتجين للإحتماء برمزية بري الدرايسه هروباً من رمزية الديامة ,غصرار للقوات الأمني لكسر تلك الرمزية ...
بعدين يا غالي أنا مواطن يجمعني مع هذا التنظيم ايدلوجيا الدين والأخلاق والإنسانيه فمتي ما أنحرف ووجدنا البديل المعقول سننحاز لذلك ساعدونا وطمنونا واللا بنحرن زي دا كدا ...
أنا لن انحاز لتنظيم حتي الآن ما قادر يقول انا فلان وبرنامجي كيت وكيت ...
يا غالي تعال نتفق للحد الأدني ونمشي خطوة خطوة كملنا الطريق أهلاً وسهلاً إختلفنا لكم دينكم ولنا ديننا ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote: بعدين يا غالي أنا مواطن يجمعني مع هذا التنظيم ايدلوجيا الدين والأخلاق والإنسانيه فمتي ما أنحرف ووجدنا البديل المعقول سننحاز لذلك ساعدونا وطمنونا واللا بنحرن زي دا كدا ...
أنا لن انحاز لتنظيم حتي الآن ما قادر يقول انا فلان وبرنامجي كيت وكيت ...
يا غالي تعال نتفق للحد الأدني ونمشي خطوة خطوة كملنا الطريق أهلاً وسهلاً إختلفنا لكم دينكم ولنا ديننا ... |
عن اي دين تتحدث يا محمد حمزة الحسين؟؟؟
هل في رأيك ان الانقاذ تمسكت بادني مباديء الدين؟؟
ما اظن نتفق على اي شي يا ود الحسين لانو الارضية مختلفة تماماً طالما انت وغيرك الى الان بحاولو يعزفو على وتر العاطفة الدينية الكاذبة
نحنا متشاركين في وطن واحد يجمعنا لا استطيع ان انزع عنك سودانيتك ولا تستطيع انت نزعها عن اي احد والوطن له علينا حقوق وواجبات
فيبقى الفيصل بيننا فيمن خان الوطن ومن لم يخنه.
في تقديري ان اي مواطن ايد نظام الانقاذ الذي وضح جلياً انه غير وطني والدليل فصله الجنوب مقابل البقاء في السلطة والدليل الثاني تخليه عن الفشقة وحلايب
اما ادلة السرقة والفساد فطوب الارض يعلم بها ، فأي مواطن ايد هذا النظام ودافع عنه سواء بالسلاح او بالكلمة فهو مجرم في حق الوطن ويجب محاكمته حينما نسترجع دولة القانون
يعني بصريح العبارة يا ود الحسين بما انك تدافع عن الانقاذ التي فرطت في البلاد واذلت شعبها ونهبت الاموال فانت مجرم
وود الباوقة مجرم والسيدح مجرم والشفيع وراق وفرانكلي وكل الكيزان اللذين يطبلون ويدافعون عن هذه العصابة هي مجرمة كجرم العصابة في حق الوطن والمواطن
وبالتالي يا ود الحسين ما ادعو له انا هو محاكمة القانون في دولة القانون وليس انتقاماً شخصياً وانما محاكمة من خان الوطن بتأييد الانقاذ .
| |
|
|
|
|
|
|
|
|
|
Re: مهددات الثورهـ (Re: Haytham Ghaly)
|
Quote: يعني بصريح العبارة يا ود الحسين بما انك تدافع عن الانقاذ التي فرطت في البلاد واذلت شعبها ونهبت الاموال فانت مجرم
وود الباوقة مجرم والسيدح مجرم والشفيع وراق وفرانكلي وكل الكيزان اللذين يطبلون ويدافعون عن هذه العصابة هي مجرمة كجرم العصابة في حق الوطن والمواطن
وبالتالي يا ود الحسين ما ادعو له انا هو محاكمة القانون في دولة القانون وليس انتقاماً شخصياً وانما محاكمة من خان الوطن بتأييد الانقاذ . |
تأكد أخي هيثم يا غالي ...
إن هذه هي بعينها لغة التجريم والتخوين التي تعد أحد أهم مهددات الثورة ...
يا هيثم يا غالي من يدافع عن الحق لن يخاف الوعيد علي الأقل يلقي الله وليس في عنقه وقفة في شأن الحق ولم يلقها ...
إذا لم يختشي اصحاب الأردية الحمراء عن الدفاع عن العلمانية وفصل الدين علي الدولة لماذا يترواي اصحاب القيم من الوقوف علي صراط الحق ...
ياخوي البرقص ما بيقطي دقنو ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
كلام صلاح قوش في التسجيل المسرب في الدقيقة 14 وعشرون ثانيه ...
خلو بالكم منو ...
بقول ليكم الحكومة سقطت في الأسافير ...
فتضخيم حجم الثورة في الأسافير يعد من اهم مجهضات الثورة لانو بخلي الوحوش المتأهبة تنقض عليها قبل تستوي ...
| |
|
|
|
|
|
|
|
|
|
Re: مهددات الثورهـ (Re: عمر التاج)
|
يا عمر التاج ياخي رغم إنك كوز ومتصدر لستة العار
(ما لقيت لي ايقونة زي بتاعت الوات ساب ديك مغمض عين ومادي لسان )
لكن انت اكتر زول بقراء بتجرد ونكران أجندهـ ...
اليومين ديل بفتش لي بوست النسب بالله لو لقيتو ارفعو لينا انا العشرة % زاتا عايز انقصا رغم دخول الكيزان والمتأسلمين وابناء القيادات في التظاهر ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
وجووود مولانا الحسيب النسيب محمد عثمان الميرغني بالسلطة ...
وممثله حاتم السر بالمنصة أكبر مهدد للثورة مولانا بشوف من زاوية العلم اللدني ...
وكأنه يقول يا حاتم امشي اقيف في المنصة وقول العايز تقولو الإحتجاجات دي فورة لبن ...
عاش ابوهاشم حوض العاشم ...
| |
|
|
|
|
|
|
|
|
|
Re: مهددات الثورهـ (Re: محمد حمزة الحسين)
|
Quote: دينق ..دينق دا اكبر مهدد للثورهـ ...
الغريبه الأثنين شايفهم الايام الأخيرهـ شايفهم بقو عقلانييين يبدو إنها تُقية ... |
الكوز محمد حمزة الحسين.
صحي الاختشوا ماتوا.
| |
|
|
|
|
|
|
|
|
|
Re: مهددات الثورة (Re: Arif Nashed)
|
Quote:
محمد حمزة..
أنت غير مؤهل لتتحدث عن مهددات الثورة...
بلاش كلام فارغ.. |
يا عارف ناشد دا إقصاء وتوزيع صكوك مؤهلات ...
بالطريقة دي إنت عدم إتساقك أخلاقياً بهدد الثورة ...
انا مواطن ومن حقي إطمئن علي مسار الثورة ...
والغريق قدام ...
ما يحدث الآن إحتجاجات تمني تتبلور لتكون نواة ثورة ...
دينق إختشي ...
وجودك حول الثورة مهدد كبير وخطير جداً إنت عارف كويس نحن السودانيين جننا وجن التدخل الأجنبي ...
| |
|
|
|
|
|
|
|
|
|
Re: مهددات الثورة (Re: محمد حمزة الحسين)
|
Quote: يا عارف ناشد دا إقصاء وتوزيع صكوك مؤهلات ...
بالطريقة دي إنت عدم إتساقك أخلاقياً بهدد الثورة ...
انا مواطن ومن حقي إطمئن علي مسار الثورة ...
والغريق قدام ...
ما يحدث الآن إحتجاجات تمني تتبلور لتكون نواة ثورة ...
|
محمد حمزة..
مفتكر نفسك بتتذاكي علي القراء بهذه الدغمسة التي تمارسها.
معروف بأنك كوز (مغفل نافع)..
الدليل بأنك تصف ثورة الشعب بالاحتجاجات وهي تطالب برحيل وإسقاط النظام الدغمسة دي اصلو كيفنها!!..
قال احتجاجات هذا قمة السفه..
| |
|
|
|
|
|
|
| |
محمد حمزة الحسين
اسماعيل عبد الله محمد
معاوية المدير
عبدالمنعم الطيب حسن
كمال عباس
عمر دهب
MOHAMMED ELSHEIKH
عمر التاج
Deng
Arif Nashed
فيس بوك
تويتر
انستقرام
يوتيوب
بنتيريست