|
|
|
 Re: ***** أم در أمـان صـمـام الأمـان ***** (Re: ABUHUSSEIN)
|
عاااااجل ...
بيان شباب ام درمان
بسم الله الحق .. العدل .. المعز .. المذل ...
ثم بإسم دماء الشهداء
بيان هام من شعب أمدرمان العظيمه
الي كافة القطاعات والجماهير والاحزاب والقوات النظامية. بطول إمتداد بلدنا السودان..
لكم منا تحية تتغير بتغير النوايا والمقاصد ..
نود نحن ابناء امدرمان ان نوضح الاتي ...
1/ الي كافة الثوار ..
حللتم اهلا ونزلتم سهلا .. ولنا عظيم الشرف بإستقبالكم في يوم 9 يناير .. فأنتم في رحاب اهل العزة والكرم والجود ...
2/ الي كافة القوات النظامية ..
نرجوا منكم احترام الاعراف والتقاليد والعادات والاديان التي تربينا عليها ...
وننوهكم بأن الثوار في حمايتنا فهم في دارنا شيبهم وشبابهم واطفالهم .. اما نسائهم فهم عرضنا وشرفنا وعزنا ..
إن انحزتم للشعب فهو ما نبتغي ..
ولكن ان تعتدوا علي شيبنا ونصمت .. لا والله .. أن تعتدوا علي اطفالنا .. ونصمت .. لا تالله .. أن تعتدوا علي نساءنا ونصمت لا تالله وفي ذلك حساب عسير فوقسما بالذي رفع السماء بلا عمد لايكفينا فيكم غير الدم ..
والموت فالدفاع عن عرضنا شرف نبتغيه. ولا سلمية في ذلك..
ابناء وبنات امدرمان المنتمين الي تلك القوات .. عندما ارسلوكم اهليكم الي تلكم القوات لتكونوا سند وعزه .. لا لتكونوا خاضعين خانعين موطوا اجسادكم ووجوهكم نحو الارض فيقتل اهليكم وانتم ساكتون .. يضرب كبرائكم واخوانكم وتنتهك حرية بيوتكم وانتم خاضعون ..
ليتها عقمت بطون امهاتكم إن رضيتم بإذلالهم واستباحتهم ..
3/ الي جماهير شعب أمدرمان .. باحيائها وحواريها وازقتها ومشايخها وبفنانيها وسياسيها ..
لنا في 9يناير ملحمة سيسجلها التاريخ بحروف من دمائنا.. فأخرجوا من كل فج .. ثائرين كما انتم .. مناضلين كما انتم لا يرهبنكم عدو جبان البس زبانيته من اشباه الرجال الخمار والنقاب ..ليخفوا وجوههم خوفا وجزعا وكسرة نفس بما يقترفون من عار وسوء ..
افتحوا ابوابكم لضيوفكم .. قدموا لهم من كرمكم ما انتم اهل له وما هم يستحقون ..
الي حرائر امدرمان .. إغلوا المياه واسكبوها علي كل باطل يدخل خلسه ليسرق ابنائكم ..وينتهك حرمة بيوتكم ..
الي الطرق الصوفيه .. اخرجوا النوبات والاجراس ليمدح بها فنانينا بما يلهب حماسنا ..
الي شعب امدرمان .. العباسيه .. ابو كدوك .. ابوسعد .. صالحة .. المربعات .. امبدات .. ودنوباوي .. الملازمين .. بيت المال .. البوستة العرضه ..العمده .. ود ارو.. ودنوباوي .. ابروف .. الهجره .. القماير .. الثورات .. الرياض .. الروضه .. الواحة .. الاسكان .. الجرافه .. المناره .. المسالمه.. الي كل حي ذكرته اولم اذكره من احياء امدرمان .. موعدنا 9يناير .. صينية المهندسين ..
تنقد الرهيفة إن شاء الله ما تتلتق
#تسقط_بس ..
| |
  
|
|
|
|
|
|
|
 Re: ***** أم در أمـان صـمـام الأمـان ***** (Re: ABUHUSSEIN)
|
انتفاضة ابريل ناس الثورات متحركين في مظاهرة ليها اول و ما بتشوف آخرها ...
لم تصل حي العمدة تلقى جرادل المويه في الشارع و الزغاريد تنسيهم التعب و تديهم طاقة و دافع للتقدم زيادة ......
لا فيهم زول عطشان و لا فيهم زول تعبان .....
#اللهم_انصر_شعب_السودان
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: doma)
|
| Quote: الجنرال في متاهته الاخيره الزول دا يا اطرش واعمى ولا فاقد عقله وغير مؤهل للحكم.ماعنده وجيع يوديه الضل |
كلهن يا دوما يا اختي ......
بدون (ولا) .....
اتاريه العالم كلو يضحك علينا بي سببو هو ...
بالله دا رئيس يمثلنا قدام رؤساء العالم ... ؟؟؟؟
| |
|
|
|
|
|
|
|
|
 Re: ***** أم در أمـان صـمـام الأمـان ***** (Re: ABUHUSSEIN)
|
Quote: *رسالة ناس امدرمان*
نحن مافي زول بطول لسانو علينا
ناس فزعة مسردبين
للسمحة أو للشينة
ستارين عروض مافينا خاين اضينة
امدرمان بلدنا الفيها اتربينا
ما بنجود بوطنا ترابو غالي علينا
مابنعرف الخوف صامدين قلوبنا متينه
اسياد سيوف ودرق
والدنيا تشهد لينا
باكر يوووووووومنا بس
والراجل يمرق لينا
تسقط بس#
منقووول |
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
| Quote: بعد النقلة النوعية لعطبرة وبري والقضارف, ستأتي محطة أمدرمان |
و الله يا ود اختي عطبرة و القضارف و بري صعبوها على الباقين ....
لكن ام در قادمة بقوة ....
الشفوت مع الخبرة حا نتصدر بيهم دوري الثورة إن شاء الله ....
#اللهم_انصر_الشعب_السوداني
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
Quote: شكراً ابو حسين
فعلاً المواقف الشجاعة لن تنسي
عاش نضال المرأة السودانية
لك الرحمة الحاجة فاطنة بت عبد الرحمن
فعلا كانت تسقي المتظاهرين عندما يمروا بحي العمدة
و أظنك يا ابو حسين شربت ماء من يدها الطاهرة.
أذكر ايضا و نحن صغار كانت طالبات جامعة امدرمان
الاسلامية عندهم اعتصام في الداخلية جنوب مقابر أحمد شرفي
كانت عليها الرحمة تطلب مننا ان نوصل لهم سندوتشات و عصير
ليمون و ثلج كان ذلك عام ٧٩ او ١٩٨٠م
عاش نضال المرأة السودانية .
|
اخونا حامد الصاوي
الآن امدرمان تعيد ذكرى ابريل و بي تكتيك جديد
الوسط مولع و صلو البرلمان و الاطراف بدأت تتحرك منها مظاهرات يعني شغل مجيه و منظم ....
ربنا ينصرهم .....
تحياتي
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: كمال عباس)
|
Quote: شكراً ابو حسين
فعلاً المواقف الشجاعة لن تنسي
عاش نضال المرأة السودانية
لك الرحمة الحاجة فاطنة بت عبد الرحمن
فعلا كانت تسقي المتظاهرين عندما يمروا بحي العمدة
و أظنك يا ابو حسين شربت ماء من يدها الطاهرة.
أذكر ايضا و نحن صغار كانت طالبات جامعة امدرمان
الاسلامية عندهم اعتصام في الداخلية جنوب مقابر أحمد شرفي
كانت عليها الرحمة تطلب مننا ان نوصل لهم سندوتشات و عصير
ليمون و ثلج كان ذلك عام ٧٩ او ١٩٨٠م
عاش نضال المرأة السودانية .
|
اخونا كمال عباس
مافي اي مقارنة بين ناس طلعت عن قناعة بي حقوق مشروعة تطالب بيها
و بين ناس وقفو ليهم العربات و اغروهم بي قروش و سكر و وعود كذابة ....
تحياتي
| |
|
|
|
|
|
|
|
|
 Re: ***** أم در أمـان صـمـام الأمـان ***** (Re: ABUHUSSEIN)
|
Quote:
الشهداء في حالة كر و فر .....
و العوقة يرقص في الساحة الخضراء ....
|
.
شر البليه مايضحك
اثناء اذاعه خطابو مباشر كنا فى البنك فى مارثون البحث للحصول على بعض كاش وما ان بدا الخطاب صمت الجميع دايرين يشوفو كلامو شنو ؟
اها يكرر فى كلامو واحد قال الزول دام مالو بيكرر فى كلامو رد ليو واحد منتظر المزيكا .
اول ما انتهى وبدا يرقص انفجر الحضور موظفين وعملا منتظرين بالضحك
.
شر البليه مايضحك
ضحك امر من البكاء
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
حبيبنا أبوحسين .. تحياتي ..
أمدرمان لها وقع خاص ومكانة في القلوب
ثورة أمدرمان سوف تكون لها طعم خاص ودافع قوي لمواصلة النضال
منظر البشير كان مخزي اليوم .. قناة العربية (الحدث) نقلت الخطاب .. يا ريب ما كان
حاجة مخجلة جداً لا تليق برئيس دولة ..
أهم الحاجة الاحزاب تبعد وتترك الشباب ..
واصلوا
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: معاوية المدير)
|
Quote: شر البليه مايضحك
اثناء اذاعه خطابو مباشر كنا فى البنك فى مارثون البحث للحصول على بعض كاش وما ان بدا الخطاب صمت الجميع دايرين يشوفو كلامو شنو ؟
اها يكرر فى كلامو واحد قال الزول دام مالو بيكرر فى كلامو رد ليو واحد منتظر المزيكا .
اول ما انتهى وبدا يرقص انفجر الحضور موظفين وعملا منتظرين بالضحك
.
شر البليه مايضحك
ضحك امر من البكاء |
زول عقلو صغير يا عاصم
مفتكر كدا الناس حا تقتنع بي انو هو في مأمن و كل الامور تحت السيطرة
و المظاهرات ما مسببة ليه اي ازعاج ....
ربنا يلطف بي اهلنا الطيبين
تحياتي
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: Asim Ali)
|
Quote: حبيبنا أبوحسين .. تحياتي ..
أمدرمان لها وقع خاص ومكانة في القلوب
ثورة أمدرمان سوف تكون لها طعم خاص ودافع قوي لمواصلة النضال
منظر البشير كان مخزي اليوم .. قناة العربية (الحدث) نقلت الخطاب .. يا ريب ما كان
حاجة مخجلة جداً لا تليق برئيس دولة ..
أهم الحاجة الاحزاب تبعد وتترك الشباب ..
واصلوا |
حبيبنا استاذ علي سلامنا و تحياتنا ...
رئيس و الله ما بشبهنا نحن السودانيين الطيبين السمحين ...
الزول دا ناس الجيش قالو كانو بقولو عليه عمر الكذاب .... !!!!
واحد قال الزول دا يا بكذب يا برقص .... 😂😂😂
تحياتي و ربنا ينصرنا ان شاء الله
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: عمر دهب)
|
Quote: والله بسالة مُنقطعة النظير .
أرقد في أمان يا وطن الأشاوس ... |
يا ود المدير كل البيوت مفتوحة و كل بيت قدامو ثيرموس مويه و جردل عصير ليمون و بعض السندوتشات و الدعوات (ربنا يغطي عليكم) ....
ياخ شعب طيب راقي متسامح و كريم و شعب جميل و سمح شديد و الله حرام يكونو فيه أشكال الكيزان ديل مش كمان يحكموه حرامية فاسدين قتلة ...
أللهم أنصر شعب السودان
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
| Quote: وزغايد النساء التى تعطر هتافات الشباب وتحمسهم اعادت الى الذاكره نفس المشهد فى ابريل |
و الله يا عاصم فعلاً أعادوا لينا ذكريات أبريل ....
دا الشعب اللي كل الناس شالو حالو و قالو عليه الكتير أهو رد عليهم بيان بالعمل ...
ربنا يحفظ السودان و أهل السودان و ربنا يفرحهم و يسعدهم و يحقق ليهم كل أحلامهم ....
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
مستشفى أم درمان مزدحم بالمصابين و حتى المرافقين للمرضى شغالين مع الأطباء و الممرضين في إسعاف المرضى
نواقص كثيرة من قطن و شاش و حقن و .......
الدكاترة و المرافقين عملو شيرنق لشراء النواقص....
عمك ضرير جالس في المستشفى طلع الفي جيبو كلو و قال ليهم دا كل العندي شيلوه كملو بيه .....
بالله دا شعب يحكمو البشير ...؟؟؟؟؟؟؟؟
أللهم أنصر الشعب السوداني
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
كتب احدهم في الولتس :-
عاجل:
التحية لناس ام درمان وخاصة العباسية وبانت والملازمين وود نوباوي وشارع العرضة واب روف
ياخ انا مبسوط منكم والله رجال
اقسم بالله الحصل اليوم دة ما حصل في الحروب
ناس العباسية ورو الامنجية الطفا النور عارفين عملوا شنو👇👇👇👇
ياخ ديل طبعا عندهم تكتيك ومهارات في الكر والفر واستدراج الامنجية
اقسم بالله ما شفتها في حياتي
طبعا بطلع جزء من الشباب كطعم للامنجية عشان يستدرجوا الامنجية ويقوموا جارين داخل الاحياء وكل المنازل بتطفي الانوار وبقية الثوار علي اسطح المنازل وبردموهم بقزاز البيبسي والطوب وعدد كبير من الامنجيه مصابون من ضرب القزاز والطوب والدماء علي بكاسيهم وبعضهم ترك البكاسي وفروا منها.
والبكاسي بتاعة الامنجية تجي خاشة الحي في الشوارع بخطفوا الامنجية من البكاسي بعد يطفوا انوار المنازل والبكسي يمشي فاضي 😂😂😂😂
واقسم بالله دة مفروض يدرس عديل كدة
عفيت. منكم يا ناس ام درمان وخاصية العباسية
وانا احيكم من قلبي والله وتمنيت اكون من ام درمان الحبيبة.
| |
|
|
|
|
|
|
|
|
|
Re: ***** أم در أمـان صـمـام الأمـان ***** (Re: ABUHUSSEIN)
|
و كتب آخر ؛-
#عاااااجل
ف العباسيه و العرضه و بانت طفطفو الانوار و شركو ل كلاب الامن جوه الحله ووروهم عرض بخصم 50% ردم من طرف بختفو الكيزان من البوكس و هو ماشي 😹😹😹🔥✌
الكيزان ب عرباتهم جرو الشارع الرئيسي 😹😹
#حديد_لاقى_حديد 💪
#سقطت_سقطت_ي_كيزان 🔥✌
| |
|
|
|
|
|
|
| |
ABUHUSSEIN
MOHAMMED ELSHEIKH
doma
عمر دهب
محمد حيدر المشرف
Asim Ali
Hamid Elsawi
كمال عباس
علي عبدالوهاب عثمان
معاوية المدير
فيس بوك
تويتر
انستقرام
يوتيوب
بنتيريست