|
|
|
 Re: أطفالنا يحتجّون لإسقاط النظام (Re: حاتم إبراهيم)
|
Quote: ا
يا بهلوي أمسك قوي
أوعك تقع
نكل بمن لا يرعوي
وأرخي السمع
أخد الحذر ثم الحذر من كل شئ
ضلك تحدق فى النظر ما تختشي
لو كشكشت صفقة شجر
روح وانزوي
خلي المشي
يمكن خطر
يا بهلوي
واطلق رصاص على كل شئ
على كل نسمة تمر وما تأخذ إذن
على كلمة بدون جواز
علم عصافير البلد تكتب تقارير الجهاز
علم شبابيك المدن علم فوانيس القرى
وكل عيدان الذرة
خلي النمل يدخل صفوف المخبرين
خلى الرذاذ يكتب تقارير الجهاز |
| |
  
|
|
|
|
|
|
|
|
Re: أطفالنا يحتجّون لإسقاط النظام (Re: حاتم إبراهيم)
|
يا أسامة مصيبتنا إننا ما حنقدر نتجاهل خباثات هذا البهلوان
من عدة شهور بيلعب لعبة خبيثة جدا جدا جدا جدا
حقيقة ما عارف الهدف شنو
بيترصد لحدي ما يلقى ثغرة ممكن من خلالها يوهم القراء إنه فلان دا عنصري
وبالتالي تلقائياً هو نصير الغالبية العظمي من الوطن والهم المهمشين
أهلنا في دارفور وكرفان والجنوب والشرق
انتبهوا لهذه المكيدة ومحاولة جركم لنقاش خبيث زي دا
لما مرة المشرف قال أنا بطني نضيفة
ومعروف لكل السودانيين معنى العبارة
إنه أنا ما بحمل حقد على زول
مسك في كلمة بطني نضيفة وقعد في خباثة يكوم في الشفرات حولها
حتى يصور إنه المشرف بيقول جلدي نضيف
وبالتالي مين الجلده وسخان
ومن ديك يشحن في الفهم الخبيث أبان بطون نضيفة
أمس في حوار معاي حاول يلعب على جملة عقلي نضيف
بس كنت فاهم الكوبلي بتاعه
في الحقيقة حاجة مزعجة البعمل فيها حاتم دي
من محاولات خلق فتن عنصرية هدفه منها
إنه يصور كل من قرر إنهم أعداءه بعنصريين
وإنه حامي حمى المهمشين
معروف المشرف يساري وانت يساري وانا يساري
واليسار ما كان عمره إلا نصير المهمشين طبقياً وعرقياص وكل شيء
قارن بين خباثات حاتم عليك الله وبين رقي خطاب عبدالواحد
عبدالواحد في خطابه بيسحب الكرت البحاول قوش وحاتم يلعبوا عليه
فعلاً يستحق لقب القائد
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: حاتم إبراهيم)
|
وطوالي انت نفسياتك قالت ليك التأويل السليم إنه المشرف بتكلم كلام عنصرية
يا حاتم روق المنقة
البطن النضيفة عندها معنى واحد
لكن أي زول بيفهم حسب ما مؤهل لفهمه
ومؤهل دي فيها الجانب النفسي يا أستاذأما أعرف نفسك انت بتخاطب منو
ياما وردت في مئات المداخلات بتاعتك بس بحروف مختلفة
أي مداخلة بتستفز فيها زول أو تقلل من قدره
دي بتقول
أعرف نفسك انت بتخاطب منو
يا حاتم عليك الله المنبر ما بستحمل فتن أكتر من كدا
نحن حمدنا الله فاتت تراجي
فرجاء وقف لحدي هنا
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: عبد الصمد محمد)
|
كيف يكون اليسار نصير المهمشين
والعنصري دا بيستهجن مهنة المنطقة الصناعية وبيفترض وضاعتها؟
مش دي الطبقة العاملة المكافحة الهو ملتزم بشعار نصرتها؟
والعنصري التاني بيستقبح نطق الصاد سين قال (قسس)
ونكرها أول وبعدها قال دي سخرية من ناس إثيوبيا ورجع تاني قال لا أنا قاصد السودانيين ودي نكتة ساي.
مين في رأيك بينطق الصاد سين غير أطراف السودان غير المستعربة زيك كدة؟
مش ياهم المزارعين وأصحاب المهن البسيطة؟
الطبقة العاملة العاملة يعني.
___
فاحترم نفسك.
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: حاتم إبراهيم)
|
يا حاتم ما أسهل حذف كلمة من سياقها
وإستخدامها كعنوان لموضوع جديد ما عنده علاقة بالزول أبداً
ودا البتعمل فيه انت يا حاتم هنا
وصفك للناس بالعنصري بيخلينا نسأل سؤال خطير
بأي شرعية بتمتلك الحق في إطلاق هذه الأحكام
ما تقول لي من كلامه
لأنه كلامه شيء وفهمك لكلامه شيء
صدقني في جيوش من محاربي العنصرية الأفذاذ في هذا المنبر
ولن يحوجوك لتولي عبء المهمة
لو ظهرت بوادر عنصرية
أما ما تقوم انت به
فهو الفتنة
الفتنة ولا غير الفتنة يا حاتم
وليه
مندري
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: عبد الصمد محمد)
|
الغريبة إنك من دقيقتين كان دليلك على عنصرية المشرف
إنه قال ليك أعرف نفسك انت بتخاطب منو؟
طيب لما تكتب انت لعضو منبر
وما تباريني بعقلك الصغير دا.
دا يبقى شنو ؟
مجرد كلام بريء مش كدا
ألهم لا تحاسبنا بما يفعل السفهاء منا
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: osama elkhawad)
|
خلاص دلل على صدقك وأبدأ بمحاربة العنصري المعترف بيها، انصحه.
أما دا فأنا كفيل بيهو.
مفتي الغازات دا بيستخدم لفظ (الاسم السلافي)
في اكتر من مناسبة وما أظنك تجهل معنى (سلافي).
___
فبالله احترم نفسك للمرة التالتة.
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: حاتم إبراهيم)
|
يا حاتم أرجوك أمشي اسمع كلام عبدالواحد محمد نور
عشان تشوف كيف الناس الفي مواقع قيادة بعرفوا إنه لكل مقام مقال
البلد بتتأكل من أطرافها
وأهلنا وأبناءنا في السودان
قرروا يتحدوا معاً عشان يواجهة أكبر ترسانة عسكرية وآيدلوجية
مرت على تاريخ السودان الحديث
وانت عاوزني أدور معارك بترجع الناس لوراء
ليه؟
الهدف شنو مثلاً؟
عليك الله أمشي أقرأ مداخلات بشاشا
وهو بينصح الناس للإبتعاد عن مثل هذه الفتن التي حتماً وراءها النظام وجداده الإلكتروني
الوكت ما وكت تفتيش ضماير
وتأويل كلامات كوقود لصراعات جانبية
الناس في وقت ذي دا تكرس جهودها للوحدة
ما عدا الجداد
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: osama elkhawad)
|
ومن صغرة عقلك ما قادر تفهم كيف التلون بيحصل هنا والمداراة بغير المقصود.
فمافي أي سبب يخلي المخلوق دا يجيب فيديو ويجمع معاهو تعليق مقتبس من مكان تاني
مافي أي سبب غير التركيز على المحتوى بغرض الفتنة العنصرية
ودا خطاب النظام نفسه.
___
طبعا أنت ذكي.
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: عبد الصمد محمد)
|
بس يا (ذكي) أنا ما طارح نفسي بطل ولا ممتهن سياسة يساري أو يميني!
تناقضات شايفها وبعلنها للناس
الكضاب بفرزه والمنافق بكشفه
كمان المدافع بالباطل برضو ياخد تشة.
___
وهي البلد الخربها شنو غير الاصطفاف البليد مع الباطل.
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: حاتم إبراهيم)
|
وتناقضاتك انت يا حاتم حتعمل فيها شنو؟
مش بقولوا رحم الله رجلاً شغلته تناقضاته عن تناقضات منير وعبدالقادر والحارث وعيييييييك
وليه في الوقت دا الفيه كل البورداب
منتبهين لشيء واحد بس
كشف ألاعيب وضعف النظام
حتى من كانوا يظنون فيه خير
زي المفتاح وحسن حماد الليلة بدأوا يقولوا إنهم بيؤيدوا الثورة ضد النظام
فلماذا يا حاتم تدور في الفتن؟
لماذا؟
مندري
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: عبد الصمد محمد)
|
برجع وبوصيك تبعد عن الأساليب الرخيسة!
أنا ما محتاج اتكلم عن نفسي ولا أدفع تلميحاتك وتلفيقاتك الغبية.
أنا بقول رأيي في البشوفو خطر على تعريض إجماع الناس سواء بالنفاق أو التلون
أو الاصطفاف الجهوي والحزبي.
فيبقى تحترم نفسك وتبطل شخصنة
لاحظ أنك بتدخل البوستات من سنة 2016 لمهاجمتي تحديدا.
___
ياخي دي علقنة شنو المتذاكية دي.
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: حاتم إبراهيم)
|
يااااااا رااااااجل
ما قلت نوبة
لما تبعد انت عن الأساليب الرخيصة أعدك بإني أبعد عنها
فعلاً انت ما محتاج تتكلم عن نفسك ما هي أفعالك بتتكلم عنك
انت بتقول في رأيك وأنا شايفك بتسعي في تدوير فتن في البورد وأي حد من حقه يشوف البشوفه
بعدين لو زول في مقام عبدالواحد الإتهمته الحكومه وجمعت أبناء دارفور للإعتراف على الهواء زوراً بأنهم جزء من فتنة
لو زول زي عبدالواحد وبوعي عالي بحذر الناس من جنس البتعمل فيه دا يا حاتم
فما بالك وانت القاعد في الضل تقوم بدور إبليس
أبطل شنو؟
حكمة ولله وحكاية تشغل أذهان العباد
معليش بجيب ليك إسكريم وتاني ما بهاجمك
خلاص ما تزعل
| |
|
|
|
|
|
|
|
|
|
Re: أطفالنا يحتجّون لإسقاط النظام (Re: عمر دهب)
|
Quote: حقيقه ياحاتم الوقت ما وقت مطارده . دع الخلق يعبرون
عن احلامهم الحكايه كترت شديد ما ممكن كده . |
حكاية شنو؟
من السهل جداً لأي شخص يتنبأ بالحيحصل إذا تسرب العنصريون هؤلاء بجلود مناضلين
كل المكتسبات تضيع إذا لم يتم علاج الداء من أصله، علاج الجذور.
___
يحلموا، بس بجلودهم الحقيقية البنعرفها.
| |
|
|
|
|
|
|
| |
osama elkhawad
حاتم إبراهيم
عمر دهب
فيس بوك
تويتر
انستقرام
يوتيوب
بنتيريست