شرقت شرقت عطبره مرقت ضد الناس النهبت وسرقت ودار الشيطان يوم اتحرقت لمعت أسنان عطبره برقت *** ديسمبر قال الموعد حان موعد .. حريتك .. ياسودان اشتعلت بربر وبورسودان واتهاوت شجرة علي عثمان *** سنار زادت اشعال النار شبت في حلوقكم ياأشرار الشعب العندو معاكم تار جاكم في الموعد بي اصرار *** الدامر تار نار المجذوب وباكر مدني مع حنتوب ماراجعين كان قتو الروب قطركم صفّر و مافي هروب *** الفاشر يا غضب السلطان وقضارف خيرك ياسودان دمازينك أسدا زعلان هجمت أنيابو علي الكيزان *** باكر تقدل ام درمان وتطفي النور من الكيزان وبحري تعلق في الميدان رموز الهمبته والطغيان *** حان الموعد ياخرطوم تنهي عهود الزمن الشوم يا كيزان موعدنا اليوم مصير القتله مصير معلوم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة