|
Re: الثورة مستمرة؛ وسننتصر!!! (Re: عبدالمنعم الطيب حسن)
|
بإسم الذين تيتموا .. بإسم الذين تحطموا بإسم الترابْ .. بإسم الوجوهِ المشرقاتِ على المقاصلِ بإسم هاتيك الرقابْ .. بإسم الشهيد وأمهِ .. وبإسم الغدِ المولودِ من رحمِ الضبابْ .. نستلُّ سيفَ الشعبِ .. سيفَ السادسِ المنصورِ من أبريلِ نبتديء الحساب : فلتخزأ ال############انُ والصنمُ المهشمُ والطبولُ الخاوية .. وليخزأ الطبَّالُ والدجَّالُ واللقطاءُ فكراً والذئاب العاوية .. وليسقط الطاغوتُ والجبروت يرحلُ عن صدور الناس نحو الهاوية .. وليسكت النخاسُ إنَّ الصوتَ صوتُ الشعبِ قولتهُ تجلجلُ في المسامع داوية .. وليكتب التاريخُ والشرفاءُ تُملي والزمانُ الراوية ...
ود بادي
الكلمة المشطوبة ال ج ر ذ ان
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
Quote: مقار المؤتمر الوطني هبود في عطبرة والدامر قال احد مواطني عطبرة ان هذه الدار مستفزة للمواطن العطبراوي واضيف وللمواطن السوداني في كل مكان؛
...... صفرجت |
ارادة الشعب اقوي من جبروت الحاكم الثورة تنتصر الثورة تتمدد
| |
|
|
|
|
|
|
Re: الثورة مستمرة؛ وسننتصر!!! (Re: عبدالقادر محمد)
|
كتب عبد المنعم حسن الطيب صباح الخميس 20 ديسمبر في في تمام الساعه الـــ 07:57 دقيقه مايلي ...
Quote: الحاج يوسف شارع واحد مولع
الشرارة وصلت الخرطوم
|
عبدالمنعم حسن الطيب لا تجهض الثورهـ بمعلومات غير مؤكدهـ ... ربما تكون هنالك تجمعات شرطيه كما كل المواقع في الولاية تحسباً ليس إلا ... : : : مع التحيات لله الزاكيات
| |
|
|
|
|
|
|
Re: الثورة مستمرة؛ وسننتصر!!! (Re: النذير حجازي)
|
Quote: صحيفة الوطن: إعلان الطوارئ وحظر التجوال عقب احتجاحات بعطبرة المهدي يدعو لحكومة قومية برئاسة وفاقية الحكومة: تتكبد خسائر فادحة بدعم السلع ونتعامل بالكسر في الوقود
الجريدة احتجاجات في عطبرة والحكومة تعلّق الدراسة بالمدراس وتعلن الطوارئ وحظر التجوال
|
| |
|
|
|
|
|
|
Re: الثورة مستمرة؛ وسننتصر!!! (Re: محمد حمزة الحسين)
|
Quote: عبدالمنعم حسن الطيب لا تجهض الثورهـ بمعلومات غير مؤكدهـ ... ربما تكون هنالك تجمعات شرطيه كما كل المواقع في الولاية تحسباً ليس إلا ... عبدالمنعم حسن الطيب لا تجهض الثورهـ بمعلومات غير مؤكدهـ ... ربما تكون هنالك تجمعات شرطيه كما كل المواقع في الولاية تحسباً ليس إلا ...
|
عايز تقنع منو انك مع الثوار ؟
| |
|
|
|
|
|
|
Re: الثورة مستمرة؛ وسننتصر!!! (Re: Arif Nashed)
|
03:19 PM December, 20 2018 سودانيز اون لاين Hassan Farah-جمهورية استونيا مكتبتى رابط مختصر
وكالة: مظاهرات السودان أصبحت على بعد كليومتر واحد من القصر الرئاسي العالم العربي 17:07 20.12.2018(محدثة 17:10 20.12.2018) انسخ الرابط 0 10 ذكرت وكالة "رويترز" للأنباء أن الاحتجاجات التي تشهدها العاصمة السودانية الخرطوم، أصبحت على بعد كليلو متر واحد من القصر الرئاسي. وقال شهود عيان، لـ"رويترز" اليوم الخميس 20 ديسمبر/كانون الأول، إن الاحتجاجات في السودان، باتت على بعد كيلومتر واحد من القصر الرئاسي.
ونقلت الوكالة عن شهود عيان قولهم إن أكثر من 500 متظاهر اقتربوا بنحو كيلومتر واحد من القصر الرئاسي، فيما أطلقت الشرطة السودانية القنابل المسيلة للدموع تجاههم.
وأوضح شهود العيان أن المتظاهرين كانوا يرددون هتافات مطالبة بسقوط النظام، ويرفعون الأعلام السودانية. https://arabic.sputniknews.com/arab_world/201812201037641354-%D9%85%D8%B8%D8%A7%D9%87%D8%B1%D8%A7%D8%AA-%D8%A7%D9%84%D8%B3%D9%88%D8%AF%D8%A7%D9%86/؟utm_source=pushandutm_medium=browser_notificationandutm_campaign=sputnik_eghttps://arabic.sputniknews.com/arab_world/201812201037641354-%D9%85%D8%B8%D8%A7%D9%87%D8%B1%D8%A7%D8%AA-%D8%A7%D9%84%D8%B3%D9%88%D8%AF%D8%A7..._campaign=sputnik_eghttps://arabic.sputniknews.com/arab_world/201812201037641354-%D9%85%D8%B8%D8%A7%D9%87%D8%B1%D8%A7%D8%AA-%D8%A7%D9%84%D8%B3%D9%88%D8%AF%D8%A7..._campaign=sputnik_eg
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
ابو نعامة تنتفض وود النيل؛
......... النقابة المركزية لاطباء السودان تعلن الاضراب عن العمل في كل السودان عدا الحالات الحرجة وجرحى المظاهرات؛ الاضراب حتى سقوط النظام....
ودا التطور النوعي الابرز ......... اطباء امدرمان في الشارع الان
...... صفرجت
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
Quote: المآذن تؤذّن للثورة
ابداع حقيقي: شباب ام روابة اتفقوا من امس بالليل انهم يتوزعوا في مساجد المدينة بعد صلاة الصبح ويستلموا مكرفوناتها ويؤذنوا في الناس بالثورة في وقت موحد. قال ليك البلد كلها في لحظة واحدة مكرفوناتها دورت (حي على الثورة.. حي على الحرية.. حي على الحياة.. حرية سلام وعدالة والثورة خيار الشعب).. الشمس لامن طلعت لقت المدينة كلها في الشارع ومبخره باللساتك المحروقه...
تطهيرا بالهتاف |
| |
|
|
|
|
|
|
Re: الثورة مستمرة؛ وسننتصر!!! (Re: محمد بدرالدين)
|
المناقل تنتفض؛
القولد تنتفض...
............ التطور الابرز في مسيرة الثورة السودانية هو ان تجمع النقابات وكان له مسيرة مقررة غدا التلاتاء للبرلمان لتقديم مذكرة عن غلاء المعيشة؛ الان ارتفع سقف مطالب الشعب فبدلا من البرلمان الزيف ستتحول لرئاسة الجمهور؛ تتحول للقصر وبدلا من البرلمان الزيف تتحول لمن سمكر البرلمان المزيف وبدلا عن المعيشة فان المذكرة السياسية المزمع تقديمها غدا تطحن في الفيل مباشرة ومطلبها واحد تنحي الرئيس....
........ عظيم انت يا شعبي👍
........ الثورة مستمرة و سننتصر؛
| |
|
|
|
|
|
|
Re: الثورة مستمرة؛ وسننتصر!!! (Re: محمد بدرالدين)
|
صباح الثورة صباح الخير صباح التغيير .......... اليوم يوم تاريخي في مسيرة الشعب السوداني توحدت كلمة الشعب كل الشعب.... وتوجه راسا نحو راس الافعى؛ الم يقل نحنا شلناها قلع والدايرا اللجينا؛ ......... لماذا لم تنتظر الشعب في قصرك العالي؟
........ ولسع قدامنا الصباح؛
....... تغيير سلمي ديمقراطي؛؛؛ ........ نتمناها باقل دم ممكن وبلا دم ان امكن...
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
لم افقد يوما ايماني بهذا الشعب العظيم واصلا العنوان دا هو توقيعي في منتدى سودانيات منذ ٢٠١٠ حتى تاريخه اسعد لحظاتنا هذه الايام والشعب كاد ان ينعتق من الحكام الفاسدين ....... *منطقة المحفورة محلية السنوط (ولاية غرب كردفان) تنتفض (الآن الأربعاء 2 يناير 2019م) في ثورة الكرامة والديمقراطية والسلام والعدالة...
........... والثورة مستمرة و سننتصر
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
*في ثورة يناير المصرية* سأل المذيع إحدى شابات الثورة في ميدان التحرير عن توقعاتها فقالت: أن الثورة حتما سوف تنتصر لأن الانتهازيين بدأوا في الانضمام إلينا وهم عندهم مقدرة فائقة على معرفة اتجاه الريح.
......... #تسقط بس
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
عطبره تركع النظام بدأ صباح اليوم بمدينة عطبره عصيان مدني شمل كل احياء المدينة وتمثل في خروج كل الأسر والجلوس أمام منازلها وبدون هتافات في تحد صامت لاجهزة النظام الأمنية وحتي سقوط الدكتاتور
.......... تسقط بس؛
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
رصد الحراك الثوري .. الجمعة 4/1 *************************** ✵ الليلة في ناس كتاااار كانو مترقبين الشغل حايكون كيف وهل تجمع المهنيين قدر يوحد الناس خلفوا ولا لا ... وطبعا الاجابة بتكون في شكل الاستجابة للشغل الدعي ليهو تجمع المهنيين اليوم حسب الجدول المعلن ......... ✵ الحمد لله الشغل كان جميل جدا ومرتب لاقصي درجة وانتشرت المظاهرات الداعية لاسقاط النظام بعد صلاة الجمعة مباشرة في الخرطوم والولايات ... ✵في الخرطوم خرجت احياء كتييييرة في تظاهرات كبيرة ابرزها (ود نوباوي وبري وامبدة والشقيلاب وبيت المال وشمبات والحلفايا والجريف وابوادم وودالبخيت ودار السلام) ✵ ناس #ودنوباوي كالعادة بمجرد م انتهت الصلاة طلعوا الشارع وهتف باسقاط النظام رغم كثافة الحشود العسكرية والبمبان لكن صوت الثورة كان اقوي ... ✵ ناس #بري شكلو اكبر هاجس للرباطة لانهم عارفين هم بعملوا في شنو وبطلعو متين وبقفلوا ياتو شارع ويهتفوا وين ودي شغل جهجه الرباطة جهجهة شديد ... ✵ ناس #بيت_المال طلعوا كلهم سوا رجال ونسوان وشفع وشباب وقفلوا الشارع بالطوب وختو سراير عديل في نص الظلط وهتفوا الشعب يريد اسقاط النظام ..... ✵ ناس #الحلفايا كتموها كتمة سمحة شديد في شارع المعونة وخلو صوت بحري يكون عالي في مظاهرات اليوم برفقة اصوات متظاهري #شمبات الصمود ✵ في الولايات ناس #الجزيرة طلعوا في مدينتين. #رفاعة_والهلالية ورغم المسافة الكبيرة بيناتم الا انو اي ناس كانو مصرين انو هتافهم يوصل التانين .... ✵ ناس #سنجة طلعوا الشارع وناس الجهاز قالو ليهم ارجعو وحانخلي ليكم عيشتين بجنيه لكنهم اتمسكوا بي #تسقط_بس ✵ ناس #عطبرة الصمود رغم الحشود الامنية الكبيرة الا انهم اصروا علي الخروج وطلعوا لحدي السوق وهتفوا حرية سلام وعدالة والثورة خيار الشعب ..... ✵ ناس #بورتسودان لقو الطلوع للشارع سمح بعد نجاح موكبهم بتاع يوم امس عشان كدا الليلة تاني طلعوا .. ✵ناس #كسلا مهما هم تاخرو فانهم يأتون ... طلعوا وهتفوا مادايرنك مادايرنك .... يسقط يسقط يسقط وبس... ✵ الثورة اتحولت لي وعي عام وثقافة جيل وحاتلقو كم صورة لبعض المواقف في الشارع (في الكتب في حيطة بيتو ارحل وفي الكتبا في عربيتو وفي شاب اتصور في الدهب وكاتب في الواطة تسقط بس وناس ام تريبات علقوها لافتة في بداية الحلة) ....... ✵ شغل الجمعة كان سمح شديد والمعنويات ارتفعت ودا حالتو وردية الليل لسة م بدت ...... ✵ استاذة جامعة الجزيرة طلعوا بيان ادانو فيه قمع المظاهرات وطالبو البشير بالتنحي الفوري .... ✵ اضراب الاطباء اتعب الكيزان تعب شديد وهددوهم وتاني رجعو حنسوهم والاضراب متواصل عن الحالات الباردة ... ✵ ناس #مدني اعلنوا عن موكب يوم الاحد الجاي ورتبو شغلم كويس ومنتظرين منهم اخبار تشرف ..... ✵ الناس تواصل بنفس الطريقة لحدي الموكب القادم يوم الاحد الجاي ومنتصرين بأذن الله ...... #الثورة_مستمرة
........ منقول
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
#طيبة_الشيخ_عبدالباقي رئاسة السجادة القادرية العركية بالسودان تدعو كافة ابناء الشعب السوداني للمشاركة في موكب التنحي يوم غدا الاحد . كما دعت الشرفاء من ابناء ولاية الجزيرة للمشاركة في موكب مدينة ود مدني الذي سوف ينطلق من السوق الكبير لتسليم مذكرة التنحي. كما أعلن شباب السجادة العركية بطيبة كامل الدعم لجميع مواكب المهنيين السودانيين في كل بقاع السودان ومشاركتهم فيها المشاركة الفاعلة وأن تجمع المهمين يمثلهم
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
الثورة تمددت وصارت حنينا وجنينا في اعماقنا جميعا؛ انها ايام الطلق الجميل... ياخ في ناس كنت زهجان منهم هسع عادي بقينا متصالحين مع الذات والمحيط ودي كلها من بشريات الانتصار والتغيير شخصيا حاسي بنفسي خفيف وروحي طايرة
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
اعترف ايقاع الشعب على الشارع في الطرقات في الجخانين وساعة الكتمات؛ اسرع وانصع من كتابي على الكيبوردات؛ ........ ايقاع الشعب متزن ونبيل منسجم وجميل ........ حرية سلام و عدالة والثورة خيار الشعب ......... ما اعتى ظلمك يا ولد واعدل قضيتك واعظما لا ترجع السيف الجفير والدنيي فايرة مصادمة من غير تجيب تار البلد غير العوارض تهزما ......... تطرد مع ابليس الاخير ساعة الضلال من جنتك يا ادما .......... تاكل من الشدر الحلال يغشاك نعاس في ضل رما
| |
|
|
|
|
|
|
Re: الثورة مستمرة؛ وسننتصر!!! (Re: عبدالمنعم الطيب حسن)
|
اليوم الاحد ١٧-١- ٢٠١٩ في تمام الواحدة ظهرا بالتوقيت المحلي؛ تنطلق المواكب المطالبة بتنحي الرئيس واسقاط النظام في اثنتي عشرة مدينة هي: ام روابة ابوجبيهة الدويم القضارف رفاعة وعطبرة الخرطوم الجنينة سنار الابيض مدني
.......... مدن السودان تنتفض
......... يوم حاسم ومفصلي في تاريخ الثورة وتاريخ الشعب
........ الشعب المعلم ........ في هيبة جلالك يطيب الجلوس مهذب امامك يكون الكلام ....... وميعادنا في وس الفجر؛
| |
|
|
|
|
|
|
|