حاجة غريبة مسألة النكات على الأزمات وكأنها نسج خيال أو تحدث في زمان غير الزمان ومكان غير المكان
Quote: حسن جا شايل كيسو ووصل الفرن ولقى كل الحلة وزملان الشقى والجا من الجريف والجا من الجبل 😢 . الليلة حتما يجيب عيش .الدقيق في البيت كمل بعد اكلو قراصة باي حاجه.ا(لصباح اختو اكلت نوتيلا بالقراصة) . لما حس انو ما حيصل الفرن بالصف المليوني ده 😳 زهج ووقف وسط الناس وقال ليهم ده شنو يا خوانا البحصل لينا ده ؟ اي حاجه ازمة ونحن ساكتين وصلونا الحد . القروش عندهم والعلاج عندهم يودو اولادهم يدرسو برة ويتعالجو برة. ياخوانا سكاتنا شين نطلع ويموت مننا خمسين والبلد دي تتصلح. 😡 واثناء الخطبة العصماء دي جا زول لابس اشتراكية ونزل من موتر وطلع موبايلو وقعد يصور وضرب لي زول وقال بي صوت عالي جيب لي الطارة في المخبز الفلاني عندنا شغل ... والناس تلكز في حسن وهو يقول ليهم خلوهو يجيب لينا العساكر . يا زول بقت ولا فارقة معانا وديني محل ما توديني. ولا اقول ليك كلام جيب لوري وتعال شيلنا كلنا نموت ونحن بندافع عن حقنا ونموت شهداء. 😤 حسن خلص خطبتو واتلفت لقى المحل فااااضي مد يدو قال لبتاع الفرن اديني عيش بستين لي وبعشرين للاصلي ده. طلعو من الفرن وحسن قال لصاحبو خلاص يا مان بكرة فرن الحلفايا بدري بالله 🌚
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة