|
|
|
 Re: طريقة مبتكرة للاستثمار في الأراضي في أمري (Re: النذير حجازي)
|
سلام النزير
لاحظت البيوت والأراضي في امريكا أرخص من كندا ليه السبب شنو؟
والدي مشتري بيت في تورنتو موقع ممتاز بي مليون ونص
الكلام دا قبل كم سنة
لما قارنتوا بي الاسعار في امريكا لقيت غالي جدا
و ممكن اشتري في امريكا بسعر اقل من كدة
بيت اكبر وبي مواصفات احسن وموقع ممتاز
| |
 
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: وضاحة)
|
سلام يا حبيبتنا وضاحة،
سؤال ممتاز، وكان حوله نقاش حامي خارج المنبر، والسبب بسيط جداً،
وهو للأسف كندا أكتر بلد مشهورة بغسيل الأموال، عكس أمريكا،
خلي أبوك يبيع بيت كندا، ويشتري بسعرو عشرين بيت في أمريكا،
ويأجر الواحد بمبلغ ألف دولار على الأقل.
| |
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: امتثال عبدالله)
|
| Quote: عند شراء قطعة الأرض لازم تلاحظ وجود خانة للعناوين، بمعني أي يكون جارك على اليسار مثلاً ينتهي برقم 2 وجارك على اليمين ينتهي برقم 24 |
الاخ حجازي
هل تقصد اراضي سكنية ام زراعية؟
للاراضي السكنية ما في طريقة للقفز الرقمي، الارقام الفردية بجهة والزوجية بالجهة المقابلة
في الحالة السكنية ممكن تقسم بيتك، ولكن مع الاحتفاظ بالعنوان الاصلي ، وتقسيم الاجزاء الاخرى بالحروف ؤقم A رقم B
,g; hg,]
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: Kostawi)
|
سلام للجميع
ممكن نساعد بى شوية المعلومات العندنا .. من خلال التجربة .. ممكن تشترى بيت مع شركات العقارات. الامريكية .. وانت فى مكان فى العالم والتوقيع على العقودات اليكترونك سقنتشا ... وتصلك شهادات البحث والضرائب السنوية و المصروفات الأخرى بالعنوان المسجل ..الشئ التانى الدفع اى الاجراءات المالية تتم بواسطة واير بنك ... اشتريت بيت وانا فى ولاية اخرى كملت الاجراءات واستلمت الاوراق خلال اسبوعين .. بعد ثلاث اشهر رسلت صاحبى وصفت ليهو مكان المفتاح فى البيت .. شفت البيت من خلال فيديو فقط ..اما المستثمرين الاستثمار فى حدود 120000 الف دولار الكلام دا قبل 4 سنوات تقريبا ... ما متاكدا اذا حصلت تغيرات ام لا ... فى سؤال تانى ..
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: أيمن نواى على)
|
اما الناس خارج امريكا .. مطلوب إجراءات اخرى .. مرتبطة بال IRS مكتب الضرائب الامريكى لفتح ملف للدفع الضريبى لابد مم الحصول على الرقم الضريبى .. ملئ الفورم w7. ارسال الجواز للحول على الرقم .
التزامات القطع الخالية لابد من شخص او جهة تقوم بتنظيف الحشائش او الثلوج فى السايت واك ان وجدت .. ولا تاخذ تحزير ثم بعدها مخالفة .
اما مخاطر البيوت كثيرة .. ابتداء من ال inspection عند الشراء ..الى الصيانة .. الى مشكلة الايجار .. هناك بعض الشركات تتولى مشاكل الايجار مقابل مبلغ بسيط شهرى وهذا هو الافضل .. تحزير لا تؤجر الى اى شخص بى نفسك او اى شخص المخاطر كبيرة جدا لك و للاخرين .
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: اسامه العريفي)
|
حجازي وشركاه فور انفستمنت
انت ياالنذير شنو حكاية باليمين2 والشمال24
والجهة المقابلة مشت وين؟ اي قطعة في امريكا او في سيراليون
ليها رقم ..والتقسيم من خلال نفس الرقم..معقول قطعة اقسمها واعبي
ارقام في الفراغ..والله دي محلية اﻻ في محلية حلة كوكو
اديك النصيحة من كلمتين بس بتلخص وبتختصر ليك اي حاجة في سوق العقارات
وتعتبر قاعدة ثابتة..العقار( حباله طويلة)
يعني يلزمك الصبر
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: اسامه العريفي)
|
سلام يا شباب، وأشكركم على التفاعل مع الموضوع، وقبل كل شيء سلام خاص للعريفي (كدا تكون طالبني سلامين بس هههه)
ما ح أقدر أرد على جميع المداخلات على كل فرد على حدا، ولكن ممكن أشملها كلها في هذا الرد، وكويس في ناس جاوبت عني،
وأولاً عند شراء أي عقار وخصوصاً أرض لازم يكون موقعها في المدينة وتكون الارض على شارع، في أراضي مغلقة وليس لها طريق للعبور إليها، ودي دائماً بتكون بتراب القروش، تجنبوها
ثانياً: لمن تشتري الأرض أو العقار لازم يكون سعر الشراء أقل بكتير من سعر الضرائب ما يغشوكم، ودي بتحدد أرباحك في الشراء
ثالثاً: كما لمح الفنان ترهاقا بأن كل منطقة في أمريكا محددة ب Zone في زون زراعي وزون سكني وزون تجاري وهكذا
للسكن الزون الزراعي بكون أفضل وأكثر حرية ويمكن تقسيمه كما يحلو لك
بالنسبة لجلال، يا ريت تكتب لينا عنوان الأرض ونحللها لك، وممكن نعرضها للبيع هنا إذا حسيت إنك تورطت، وشايف ناس الخليج (ود الشيخ والعريفي) جاهزين، وناس الخليج ديل معروفين بأنهم تفاتيح في قصص الأرباح والخسائر،
لو شافوك خسران ما بناسبوك هههههه
ويا أحمد يس، سأقوم بشرح مفصل على النقطة التي أثرتها، وكذلك أثارها الفنان ترهاقا، ما عارف مشكلة الموسيقيين من الأرقام شنو ههههه، وكلام ترهاقا صحيح ما كل الاراضي تقبل تقسيم الأرقام، ولكن التقسيم بالحروف ممكن ولكن لا أحد يفضله فهو غير مرغوب عند الشراء والبيع.
بالنسبة لأسئلة حبيبنا فيصلوني، أظن نواي قد أجابك، وأضف عليها العقارات رخيصة شديد ولرخصتها ما بتديك أي ميزة
سأعود بالشرح، وشاكراً لكم جميعاً، وكان بودي أن أرد عليكم فرداً فرداً، بس الزمن ما بسمح لي
أرقدوا عافية
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
اولا نجهز عدة الشغل وهي مواقع ولها تطبيقات أيضاً:
1. Zillow
2. Realtor
3. موقع ال GIS للمحلية التي تنوي شراء العقار فيها
من المواقع اعلاه، ما عليك إلا تدخل العنوان، وتجيك كل المعلومات:
مالك العقار
سعر العقار المعروض في السوق
تقدير سعر العقار في حالة بيعه مستقبليا، كم ستربح
قيمة الضرائب للعقار، لازم تشتري سعر الشراء اقل من قيمة الضرائب
الزون للعقار، هل هو للاستخدام السكني، التجاري الزراعي وخلافه
كيفية تقسيم العناوين
سأقوم كان ربنا هون بشرح مثال حي مع الصور
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
موضوع مفيد جدا تشكر عليه اخي النذير فنحن اصبحنا في الخليج نبحث عن مخارج زي دي للاستثمار فيها لانو الكل يعرف ان الحياة في السعودية اصبحت غير مجدية ماديا لذا انا صراحة ابحث عن مخرج من السعودية ومخرج للاستثمار لقد هرمنا ولا نملك بيتا في السودان ولا نملك ما يعيننا على الحياة مستقبلا لذا ارجو منك المساعدة في تنويرنا واذا لم يكن مانع لديكم ستستعين بكم في المستقبل القريب لكي نخوض معكم هذه التجارب ونسال الله ان يوفقنا واياكم لما فيه الخير لنا ولكم ... والسلام عليكم ..
وارجو من الجميع الشرح المستفيض عن تجاربهم اذا وجدت حتى نستطيع ان نحدد وجهتنا وطريقنا ... في انتظارك وفي انتظار سرد الجميع هنا ...
عشان ما نتجه لسؤال الاستاذ جلال او الاخت الدكتورة وضاحة ... ههههههههههههه
تحياتي : ياسر العيلفون ....
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
https://www.0zz0.com
نجي لشرح التقسيم هذا من موقع المحلية للعنوان 8020
ستلاحظون بأن العنوان اللي على جواره 8100
والطول على الطريق بمقدار 500 قدم
ممكن نقسم قطعة الأرض 8020 إلى خمسة قطع على أن يكون الطول مع الشارع لكل قطعة مقدار 100 قدم
عناوين الأرضي الجديدة ستكون:
8020
8030
8040
8050
8060
إذا كان سعر الأرض الأم بمقدار 30 ألف دولار
يمكنك بيع كل قطعة أقل شيء بمقدار 10 ألف دولار لأنها بداخل المدينة، وتكون ربحت 20 ألف دولار، قول تكاليف ومنصرافات البيع والشراء وتقسيم المساحة كلفك 3 ألف دولار
ح تكون ربحان 17 ألف دولار
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
https://www.0zz0.com
نجي لموقع zillow
وندخل العنوان
ح يدينا السعر الحقيقي للأرض أوع يغشوكم
كما تلاحظون سعر الأرض للقطعة رقم 8020 (المعلمة بالقلب) هو 57 ألف دولار
وهو سعر الضرائب مقدر بواسطة متخصصين
لو لقيت زول مزنوق ممكن يبيعها ليك بمقدار 30 ألف دولار
وتكون ربحان من البداية 57 - 30 = 27
أي ربحان 27 ألف دولار
كسرة: الزول الجميل ود العيلفون ياخي منور البوست يا راقي
في أمريكا ممكن تلقى قطعة أرض بأربعة ألف دولار بس، ومرحب بيكم في أمريكا
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: أيمن نواى على)
|
أهلا بالنذير والأفكار الحياتية
أيوا كدا خلينا نعرف بس أهم شئ عندي .. ممكن ارفع عليها علم السودان (القديم) ؟؟؟
لو ممكن حتى لو اسجله شعار لي شركة مافي مشكلة
لو لقيت قطعة ممكن تكون بداية لي شغل مشترك وخلينا في بالك
في المنبر دا قبل كدا بدينا شراكـة مثمرة لعمل في السودان أتى أكله والحمد لله
تحياتي
أحمـد الشايقي
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
سلام يا النزير
تسلم يا حبيب .. قبل خمس سنوات كنت عايز اشترى 20 فدان. فى king dominion va. قريبة من المكان على الخريطة الجبتها ... ثمنها 20 الف دولار والدفع الف دولار لمدة عشرين شهر .. عيبها. مقسومة الى اثنين مارى فيها ابراج الكهرباء الضغط العالى ماخد منها مساحة .. والسبب الثانى قالوا مسموح ببناء منزل واحد فقط مكون من ثلاث غرف. وهنقر ورك شوب فور اسمول بزنز والباقى مزرعة .. مسالة التقسيم لم تخطر بى بالى .. اثناء البحث لو وجدت نفس الديل راسلنى على الماسنجر .
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: أيمن نواى على)
|
سلام يا حبيبنا نواي،
ياخي شكلنا كدا جيران شديد،
فتش في موقع Realtor دا
وممكن تنزل تطبيق، وبعد ما تعجبك الأرض
ممكن تضع offer بالذي تريده
اصحاب الأراضي متساهلين شديد،
وبرضو نسيت اقول ليكم، قبل الكريسماس دا انسب
وقت لشراء العقارات بتكون رخيصة
وما بتوقفوا معاكم،
اديني ال zip code
وبشوف ليك حاجة ما تخلص
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
برضو في شيء مهم عند شراء الأراضي وهو المرافق مثل الماء الكهرباء والصرف الصحي والغاز وبطلقوا عليها اسم ال utilities
وتقسم الى ثلاثة أنواع
احلى حاجة طبعا لمن يقول ليك onsite
دي براها بتوفر ليك حوالي عشرة الف دولار
والنوع التاني بقول ليك at street
دا برضو ما بطال، تمدد معداتك داخل ارضك ودا بكلف حوالي عشرة الف دولار تقريباً
يختلف من منطقة لمنطقة
النوع الأخير وهو شائع في زون المزارع وهو لازم تحفر بئر لمياه الشرب
وسبتك تاك زي السودان والاتنين ديل ما بكلفوا اكتر من عشرة الف دولار
سأركز على الاستثمار في المزارع بشيء من التفصيل لان المزارع أكثر حرية
ممكن تعمل فيها اي شيء بعجبك مسموح بها كل شيء، ممكن تعملها مقابر لأفراد
الأسرة اذا اردت ومافي زول بقول ليك عينك في رأسك
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
المعلومات التالية معظمها مستقاة من تجربة
صديق اردني يمتلك مزرعة في امريكا
لفت نظري للاستثمار في العجول،
وهو ملاك مزارع الألبان لا يحبون العجول
وعندهم auction للمزارعين يبيعون العجول
الصغيرة بمقدار 20 دولار بس
انت تلقط العجول وتعمل ليهم بزازات
وبعد تلاتة شهور تبيع العجل بخمسمائة دولار
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
سلام النذير
شافيك سرحت فى تجربتك ورغباتك الشخصية وتجاهلت الرد على .
المهم للإخوان أخدوا معلومات النذير
ببعدها الشخصى ، يعنى الموضوع ليس
بهذة البساطة ، وكما اشرت استثمارات
العقارات فيها مخاطر ، لكن الكويس فى
أمريكا ان هناك خطوات تساعد لتجنب
هذا المخاطر وتساعد فى تقليلها
أولها معلومات الإنترنت عامة ، يعنى
يجب التعامل معها بحزر ، وهى مجرد
فكرة عامة .
وأما خطوات تقليل المخاطر ، ما هو
غرضك من شراء عقار ؟
وبعد الإجابة ، اختيار سمسار
real estate agent معترف به ولدية
رخصة للعمل بالولاية التى ترغب الشراء فيها ( معلومة معظم قوانين للاراضى
ولائية ، ولهم أعراف غير مكتوبة تخص
كل منطقة ) . وهنا ياتى الوكيل .
والسؤال الثانى كيف ستمول عملية الشراء ؟
وهنا عدد من الأساليب فى الشراء والتملك
مثل التمويل البنكى ، كاش ( وهذة لازم
تثبت المصدر ، غسيل الأموال ؟؟؟)
او الايجار بغرض البيع ، و...ووو . وهناك
الكثير من الطرق وهنا ياتى دور السمسار ،
الذى سوف يساعد فى اقتراح الطريقة
المثلى والقانوية التى تحمى حقك ، وهو
ملزم بالقانون ان يحافظ على حقك حتى
من بداية العملية الى نهايتها ، وبل يمتد
الى مابعد الشراء اذا ثبت انه اخفى
مخاطر عنك .
وبخصوص تقلبات الأسعار هناك ( مقيم
appraiser
وهو أيضا لدية رخصة من الولاية فى إجراءات تقيم الأسعار للعقار والاراضى
وهذا اذا تم التمويل عن طريق البنك
هم من يدفعون له اتعابة.
المهم كما اشرت الموضوع ليس كما
شراء عن طريق النت ، حيث حتى
الان 90 فى المية من عملية شراء وبيع
للاراضى تتم فى ارض الواقع . وذلك
لعوامل ومتغيرات الكثيرة ، وليس مجرد
عرض وطلب ، لذا انبه الى التفريق
بين السعر والقيمة .
مثال من يشترى بيت ليسكن فية ، ليس
كمن يشترى منزل للإيجار .
تنبيه :
ما كتبت هو معلومات عامة وونسة ومن يستفيد منها يتحمل كل المخاطر .
وللمعلوميه أيضا عملتreal estate agent لفترة
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: هاشم احمد ادم)
|
يا هاشم، وريني الخطأ وين فيما قلت؟!
وبعدين كلامك دا تحصيل حاصل،
زي كأنك بتقول لمن الأرض تعجبك تدفع قروش الارض
وتوقع اوراق، كلامك دا اسمو إجراءات
ومافي فيها مشكلة اطلاقا
وبعدين شراء الأراضي غالبا بالكاش أو الكريديت
أو اتفاق مع المالك، قروض الأراضي وقروش الانشاء
غير قروض شراء منزل، بوستي دا كلو ما جبت سيرة شراء منزل
وبعدين اجاوب ليك انت براك ليه؟!
انا بجاوب بناء على زمني وفكرة البوست الأساسية
وهو تمليك المعلومات وانا ما ح استفيد ماديا منها،
ولا حتى شغلتي
دي تجاربي وتجارب أصدقائي
فمن شاء فلؤمن ومن شاء فليكفر
وفي الحالتين أنا ما مستفيد شيء
سوى خدمة مجانية لتنوير أبناء جلدتي
أرايت رجلا ينهى عبدا اذا صلى؟!
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: النذير حجازي)
|
نجي نتكلم عن الزون zoning ordinances
وهو كيفية استعمال الارض أو التصريح للأرض هل هو:
مزارع ممكن تربي حيوانات
سكني فقط
مكاتب
تجاري
صناعي
وكهذا
الارض لمن يعرضوها للبيع لازم يكون مكتوب عليها الزون
وعادة يكون حرف او حرف ورقم
بعديها تبحث عن الزون في موقع المحلية بتاعتك
تفتش عن ال zoning ordinances
الذ حاجة في المزارع مسموح لك أن تضع فيها
Mobile Home
ممكن تحصلو في Craigslist بمقدار خمسة الف دولار بس
أو اقل، شوفوا التحت دا معروض بستة، في احلى من كدا؟
| |
|
|
|
|
|
|
|
|
|
Re: طريقة مبتكرة للاستثمار في الأراضي في أمري (Re: سفيان بشير نابرى)
|
هههههههههه@ سوفي
يا سوفي بعد ما اشترينا الارض ونزلنا فيها البيت،
باقي نجيب العناقريب، ونقعد في الهبريب ونتجمجر
في المستنير المضروب دا هههههههههه
تعرف يا سوفي اصل حكاية شن اب لمبة هجوم على السودانيين الأمريكان هو
اب لمبة دا لمن جاء جديد هنا، فتحت بوست عنوانه: رحبوا معي بالمستنير د. ابوبكر عباس
تلاحظ أنا أول من سماهو مستنير، اتغشيت فيهو هههههههههه، دي ما القصة، القصة
التفاتيح زي السلطان دينق وهجام وانت وكل ناس امريكا اظنو كانوا ناقشين نومتو
وعارفنو مستنير مضروب هههههههههه، وحاتك مافي زول جاء رحب بيهو في البوست
هههههههههه، اها الزول دا من ديك وعيك بقى مكچن السودانيين الأمريكان في هذا البورد هههههههه، شوف كل الناس اللي عادهم بالتحديد ناس امريكا، ومنهم انت ودينق وكمال عباس والخواض وصديق مهدي وانا والساقية واصلة هههههههههه
| |
|
|
|
|
|
|
| |
النذير حجازي
وضاحة
فيصل محمد خليل
عباس محمود
ناصر حسين محمد
محمد الأمين موسى
نصر الدين عشر
Mahjob Abdalla
سفيان بشير نابرى
هاشم احمد ادم
ترهاقا
جلالدونا
Kostawi
أيمن نواى على
اسامه العريفي
Ahmed Yassin
MOHAMMED ELSHEIKH
ياسر السر
ارصد محمد جلال
أحمد الشايقي
فيس بوك
تويتر
انستقرام
يوتيوب
بنتيريست