|
|
|
 Re: وتزداد الحياة قسوة (Re: عبدالحفيظ ابوسن)
|
ارتفاع يفحش كل يوم في اهم ضرورات الحياة
والدواء
وصعوبة الحصول علي المال
لايمكن تصور ان تعطي راتبا لموظف لا يكاد يسد رمقه . ثم تسلمه له علي اقساط يومية من البنك قد تصل لي 50 ج في اليوم فقط . لا تكفيه خبزا
وكما حكي لي موظفا قد يستغرقنا استلام المرتب 17 يوما من البنك . فنحن نضطر يوميا للذهاب للبنك
تعطيل لعمل الموظف الرسمي والاسري زاتو كونو زول يوماتي يمشي صف البنك
| |
 
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
قبل اكتر من 16 سنة خشيت لجان تسوية في السوق . لمعالجة سقوط بعض تجار السوق المالي . وأكتشفت حينها معلومات لا تكاد تصدق . المبلغ المطلوب من التاجر في اصله لا يساوي احيانا 10% من المبلغ . بل ان بعضهم يكون قد سدد اصل المبلغ نفسه ولازال مطالبا
ويظل التاجر يسقط في المديونية حتي يصل النقطة التي لايمكنه السقوط بعدها
ويظهر الامر للعلن
تذكرت ذلك مع سياسات الحكومة الاقتصادية
وستصل الحكومة نقطة لا تستطيع بعدها ابدا معالجة الانهيار
| |
|
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
صباحك خير ودابوسن
قالوا ظهرت تانى وظيفة الموترجي شايل تمكنا بس الشغل مختلف بستلم منك بطاقة الصراف وبحوم ليك كل ما يطلع ليك قروش بشيل حقو
بالميت كده بكون شايل ليهو 50 بطاقة
الموترجية بسترزقوا فى كل الظروف
| |
|
|
|
|
|
|
|
|
|
Re: وتزداد الحياة قسوة (Re: محمد البشرى الخضر)
|
وظهروا يا خالد سماسرة الكاش . مش اسمو منو داك قال
المضطر احلت ليه الفطيسة
واهلنا لأنهم مؤدبين وذوق بقولو
المضطر احلت ليه النبيلة
وهي ذات المعني
سمسرة كاش يعني شيك بي قروش آنية مع الفايدة لمالك النقد
والفساد دخل البنوك بشكل مستتر
تجيب كاش توردو .. الموظف يضرب لي زول عميل تعال شيل الكاش وحول ليهو من حسابك
يا خالد الناس بتتناقل اخبار الصرافة الشغالة
| |
|
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
عبدالحفيظ ...
Game is over
لا اظن افضل المتفائلين يتوقع انفراجا في الاقتصاد
اتوقع ان يزداد الضغط بوتيرة عالية حتي الوصول للانفجار الكبير
وهي ثورة الجياع .... انها قادمة وبقوة .. عندها لن تستطيع اعتي الجيوش من صدها
وسيبدا تاريخ جديد .. الله وحده يعلم مالاته
| |
|
|
|
|
|
|
|
|
|
Re: وتزداد الحياة قسوة (Re: Hani Arabi Mohamed)
|
والله يا احمد الامين كل يوم بنسقط غرض ... حوجة
كنا بنسقط بعض الرفاهيات بقينا نسقط الضروريات غصبا عننا
رب الاسر يعالج اطفاله ويهمل نفسه
تنوع الطعام البقولو عليهو الدكاترة .. فواكه مافي
لحوم مافي
سمك مافي
عاصرين سلطة دكوة وفاصوليا بيضا وفول ولوبا
| |
|
|
|
|
|
|
|
|
 Re: وتزداد الحياة قسوة (Re: عبدالحفيظ ابوسن)
|
سلام عليكم ابوسن
وبعد كل دا الكهربا غير مستقره تقطع كذا مره فى اليوم والمويه من كم يوم تقطع اليوم كلو ولما تجى بالليل تجى ضعيفه ويتعمل صف (كمان) لمواعين المويه جوه البيت ترجاهو الليل كلو
| |
|
|
|
|
|
|
|
|
|
Re: وتزداد الحياة قسوة (Re: Asim Ali)
|
صحي يا عاصم
والكارثة الاكبر تذبذب التيار والقطوعات بتبوظ الاجهزة
تلاجة المكنة بتكلف تلاتة مليون
اللمبة حقت الاضاءة واردأ نوع بي مية ألف
كتير تقطع الكهربا وتجي بتيار اقوي يحرق الاجهزة
في اسرة في حلتنا لو الكهربا قطعت وجات بتضرب لمبات البيت كلو . فأضطروا يتابعو قطعت يفصلو الاجهزة ويطفو الانوار
الموية امكن في الشتاء حاليا افضل
غير كدة سهر وعذاب
| |
|
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
السيد رئيس الوزراء
قال
اصبروا 15 شهر !
البسمعو بقول كنا عايشين في رفاهية قبل اليوم
سيادتك نحن عايشين في جحيم يفوق ال 25 عاما
غلبتكم عديل كدة
وبعد 15 شهر اذا استطعنا العيش حتي ذلك التاريخ ستكون الطامة والكارثة انكأ من ذلك
| |
|
|
|
|
|
|
|
|
|
Re: وتزداد الحياة قسوة (Re: عبدالعظيم عثمان)
|
تعرف يا شيخ العرب
واحد في الفيس قال ليهم ياخ ما ممكن كل ما نصبح تزيدوا لينا السعر والبصاعة في رفها
ياخ ابوجهل وابولهب ديل يجيبو البصاعة من الشام شهرين ماشين وسعرهم ثابت
قال ليهم علي الطلاق كفار انتو
في خبر عن اخو في قرض بستمية مليون مواعيد تسديدو حات
جات لجنة تتفاوض بشأنو قالو مل لقوهو مسجل في الدفاتر ذاتو
| |
|
|
|
|
|
|
|
|
Re: وتزداد الحياة قسوة (Re: عبدالله عثمان)
|
سلام عبد الحفيظ
فى جزء من حكاية لجنة التسويات التى ذكرتها ، جاء فى الخاطر خبر منذ منتصف
التسعينات ، عندما بدأت ظاهرة الكسر بالشيكات ، وهو ان النائب العام آنذاك
( على ما أظن كان سبدرات ) عمل لجنة لحل مشكلة ناس الشيكات فى
سجن أمدرمان ، وفى الخبر أنة وجد ان جملة
قيمة الشيكات تفوق حجم الكتلة النقدية
المطبوعة بأكثر من النصف .
يعنى المشكلة قديمة .
| |
|
|
|
|
|
|
|
|
|
Re: وتزداد الحياة قسوة (Re: هاشم احمد ادم)
|
يا عظمة تغيير بدون نسب زاتو . تنخلع بس
تسأل من سعر تمشي تجيب قروشك تلقاهو زاد
يا عبدالله بنسمع سمع مليارات خشت ومامعروف القبضها منو زاتو . يذيقون الشعب الامرين والمية مرارة زاتو
يا هاشم مواطن يكسر معقولا لكن حكومة تكسر ؟ البحلها منو ؟ ولو حلاها بستفيد شنو ؟
البحلك من الكسر بخليك تكسر زيادة تبقي عبد ليهو لامن تموت . يعني اوزنها
| |
|
|
|
|
|
|
|
|
|
Re: وتزداد الحياة قسوة (Re: هاشم احمد ادم)
|
يا عظمة تغيير بدون نسب زاتو . تنخلع بس
تسأل من سعر تمشي تجيب قروشك تلقاهو زاد
يا عبدالله بنسمع سمع مليارات خشت ومامعروف القبضها منو زاتو . يذيقون الشعب الامرين والمية مرارة زاتو
يا هاشم مواطن يكسر معقولا لكن حكومة تكسر ؟ البحلها منو ؟ ولو حلاها بستفيد شنو ؟
البحلك من الكسر بخليك تكسر زيادة تبقي عبد ليهو لامن تموت . يعني اوزنها
| |
|
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
نصة نهار
حكي لي تاجر وهو متأثر وزعلان
مشي بنك ال..... كوستي يورد 11 ألف . بعد سلم القروش لقا ليهو موظفة . قدمت شيك بي ألف ج ادوها 300 . قالت ليهم دايرة دوا بي 800 و 200 مصاريف . رفضو .
قال لي سمعت القصة دي وقلت ليها اديني شيك بي الف وانا بديك ليهو كاش
مشيت للموظف وهو بسمع وقلت ليهو داير اورد عشرة بس
الموظف رفض
قال ليهو اي قروش بنستلمها ما بنرجعها !!!
قلت ليهو امكن دخلها السيستم
قال لي لا ابدا ما دخلها وشبكة زاتها مافي
قال لي قدر ما حاولنا ناس البنك رفضو
| |
|
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
سلام ابوسن
من الاحوال لاحظت فى خط الحافلات بين البيت والشغل انو ناس الحافلات استغنو عن الكمسارى
رغم زيادتهم التعريفه بعيد عن ناس اداره النقل لكن لسه معصورين بين التزامات البيت والتزامات السياره حتى فقد الكمسارى (المعصور) ايضا عملو واخاف ان ياتى يوم يقرش صاحب وسيله المواصلات سيارتو لعدم قدرتو على الايفاء بالتزامات بيتو والتزمات السياره.
الى اين يقودنا هؤلاء؟؟؟؟
| |
|
|
|
|
|
|
|
|
|
Re: وتزداد الحياة قسوة (Re: Asim Ali)
|
وكتير من الاعمال يا عاصم
زي ما استغنينا عن بعض ما كان ضروريا لنا .. والاعمال والاشغال برضو
كل ماتستطيعه ولو بمشقة ويوفر ليك بتعملو براك
السواق بستغني عن الكمساري والمواطن بستغني عن السباك والكهربجي والنجار والبنا
تجي من شغلك مرهق تسلك الحمام . او تركب لمبة او تفك مروحة
وبتتعلم شوية شوية
وولدك بتشغلو طلبة مع بنا ولا نجار للبيت بدل يراجع دروسو ولا يرقد ياخد راحتو اثناء العام الدراسي
ما يجي زول يقول لي الخواجات بعملو كدة
نحن زمان برضو بنعمل كدة لكن في اوقات فراغنا ومش شغل اضافي ألزمنا عليه قلة المال
االوالد عليه رحمة الله كان طوالي بقول في زي الحالات دي
ما تعملها براك . في زول غيرك بسترزق منها وفاتح بيها بيتو
| |
|
|
|
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
والله جمبي هسعتي
واحد بتكلم مع واحد بالموبايل
عندي شيك مصرفي بي 50 مليون وداير افكو
.......
شيك مصرفي يعني كاش
.....
كتيرة والله
...
اربعين !!؟؟؟
....
ما يعني تشيل عشرة مليون
...
لامن شافني مركز معاهو نظر لي شذرا وابتعد
شيك بي 50 يخسر فيهو 20%
وداك عندو 40 تربح 25%
تجارة بدون بضائع
| |
|
|
|
|
|
|
|
|
|
Re: وتزداد الحياة قسوة (Re: Yasir Elsharif)
|
ب
تغبيش الوعي يا ياسر
قال
الفقر لا يصنع ثورة وإنما وعي الفقر هو الذي يصنع الثورة.. الطاغية مهمته أن يجعلك فقيراً وشيخ الطاغية مهمته أن يجعل وعيك غائباً
وقال آخر
تظن وسائل الإعلام أن الإجهاض وزواج المثليين هي القضايا الدينية الوحيدة.. الفقر قضية أخلاقية، قضية إيمانية، قضية دينية.. -
| |
|
|
|
|
|
|
| |
عبدالحفيظ ابوسن
محمد البشرى الخضر
Hani Arabi Mohamed
Asim Ali
عبدالعظيم عثمان
عبدالله عثمان
هاشم احمد ادم
Yasir Elsharif
فيس بوك
تويتر
انستقرام
يوتيوب
بنتيريست