|
|
|
 Re: بص السَيرة (Re: Fatima Alhaj)
|
رغم أنو أختفا من المدن الكبيرة إلا أنه ما زال موجود عند أهلنا في الاقليم
وبعض مناطق العاصمة، حيث ما زال الناس يتمسكون بأن يقام زواج البنت في بيت أهلها
حيث الحيشان حدادي مدادي وبالعدم تُنصب الخيام الفاخرة في الشارع الكبير.
| |
  
|
|
|
|
|
|
|
|
Re: بص السَيرة (Re: Fatima Alhaj)
|
ميزة بص السَيرة أن أي زول ممكن يركب فيه، بغض النظر عن هيئته، قدراته
أو ما يؤمن به ( أصلاً هو عدم موضوع) فهناك المريخاب والهلالاب وحتى ناس الروابط.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
أول العريس ما يفتح البص تلاقي الناس كلها تتسارع للركوب، خاصة أصحاب العريس ،
البعض يعرف وجهة البص والبعض يركب لشيء في نفس يعقوب، وفئة قليلة حتى ما بسألوا البص ما شي
على وين المهم إنو يركب، خاصة إذا كان العريس أو واحد من أصحابو VIP.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
شكراً يا فاطمة، على تهييج الذاكرة بهذه الذكريات الجميلة.
لمان كنا نصل بيت العروس
البنات بغنن لسواق البص
دور بينا البلد داك
يحرق الجازلين البابور جاز
دور بي
حبيبي
دور بي
صديقي عز الدين بابكر قال لي:
في سنة تانية جامعة مشيت مع صاحبي لقرية جنب الدمازين لعرس أختو،
اللحمة الكتير والأكل الدسم لمدة اسبوع قبل العرس فتح فيني بلف،
يوم العرس وقبل السيرة تصل كنت في واحدة من نوبات الإسهال ومصنقر في مستراحم في طرف البيت والمستراح ما عندو عرش،
فجاءة تقيف فوق راسي والواطة عصر لواري السيرة،
كلهم شايفني
الرجال يبشروا بالسيطان
أبشر
والنسوان تزغرد
وأنا أعاين
| |
|
|
|
|
|
|
|
|
|
Re: بص السَيرة (Re: Fatima Alhaj)
|
البعض لازم يلاقي كرسي ويتحكر والبعض يكتفي بالشماعة
والناس التُقال تختار بالوقوف على الرصيف مكتفية بمتابعة مجريات الامور،
يتداخلون بعض المرات لمحاولة تهدئة اللعب ونصح الركاب بعدم الخشونة والركوب بعقلانية
| |
|
|
|
|
|
|
|
|
|
Re: بص السَيرة (Re: Fatima Alhaj)
|
الغريب أنك في بعض الاحيان تشوف دأخل البص أشخاص كنت تحسب
أنهم لا يسايرون، أي لا يركبون باصات السَيرة ولكن الله غالب اللوم بجي بالغفلات.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
مشكلة بص السَيرة أنو إذا ما عملت حسابك بتتورط، لان البص بعمل بمبدأ شيلني وأشيلك،
يعني أنا ركبت معاك في بصك أنت لازم تركب معاي في بصي بغض النظر عن نوعية البص الانا بفتح بابوا
سوى كان بص فاخر ومعروف وجهته أو كان قلاب تراب ساى.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
خطورة بص السيرة انو مثال لسيطرة العقل الجمعي أو سلوك القطيع حيث يتبع الفرد فعل الجماعة بغض النظر عن صوابه،
فأنت في البص لازم تغني مع المغني، أذا أعترضت على الغناء الهابط فأنت هلالابي وتابع للاتحاد المحلي،
وأذا اعترضت بأنك لا تحب غناء الحقيبة فأنت مريخابي بتاع نسنسة وتابع للاتحاد الدولي.
| |
|
|
|
|
|
|
|
|
|
Re: بص السَيرة (Re: محمد البشرى الخضر)
|
سلام فاطمة
لا زال بص السيرة يقع ضمن بروتوكولات الأفراح وخاصة في القرى والأرياق وبعض ضواحي المدن.
تقاليد الزواج تغيرت كثيرا وخاصة في المدن. دخلت أمور كثيرة وتمددت العادات التي لم تكن سائدة ،
بص السيرة كان يعني إلتحام أهل العروسين وسط أهازيج الفرع وزخم الزغاريد. ( وبمبدأ ، النفوس لو إتطايبت فالعنقريب بيشيل عشرة ) فإن بص السيرة كان يئن من الكتل المتراصة من النساء والرجال والأطفال.
| |
|
|
|
|
|
|
|
|
|
Re: بص السَيرة (Re: ابو جهينة)
|
الحبيب ابوجهينة ان ادرى انك اديب ونظرت للبوست من زاوية اخرى ويا ريت
تنظر للبوست بعين صاحبة البوست مع كامل الاحترام لشخصك الكريم
| |
|
|
|
|
|
|
|
|
|
Re: بص السَيرة (Re: Fatima Alhaj)
|
Quote:
اللحمة الكتير والأكل الدسم لمدة اسبوع قبل العرس فتح فيني بلف، |
هههه أخوي ابوبكر أضحك الله سنك. وحات الله أنت خسارة في الناس ديل.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
سلام عليكم
ظاهره صالات الاعراس فى المدينه اثرت على بص السيره كطقس اعلان عن اعلان البهجه و بدايه الحفله فى بيت العرس ومشاركه اهل الحىكانما خم جزء من اسره العروس..
الناس مع ظروف الحياه والمشاغل ومشاكل المواصلات الناس بقت تختصر وتمشى مباشره للصاله كل ول بطريقتو كان بى سياره البيت او امجاد او حتى ركشه والناس البعيدين شويه بتلمو يجو فى هايس او حافله من مكانهم.
اما بص السيره من بيت العريس بقى زى مايكون واجب انو يطلعو بص من البيت لكن مافيهو طعم بص السيره زمان البيلم الاهل والحبان وجو البهجه واحيانا الطرائف خلال السيره خاصه لو كانت من مدينه لى مدينه..
.
زمن البال رايق .مره مع صاحبى جايين من من سينما النيل الازرق راجعين الحله كدارى سمعنا حفله فى دار الشرطه مشينا قلنا نسمع شويه وقعدنا فى تربيزه مطرفه جونا شباب بابتسامه بوزعو فى العشا قالو لينا اهلا ناس مدنى(الظهر انو السيره من مدنى) وقبل مانردكان صحون العشا اتخت فى الربيزه وواصلو طريقهم.المهم كملنا استمتاعنا بالحفله مع عشوه.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
صباح الخيرات على الكل
ياخونا عليكم الله فهموني قصة الكوتة بتاعت
المدخالات دي بحسبوها كيف؟ يعني زول مونساتي
زي كدا يكون كوتو كم؟
وبعدين Tomorrow بتاعت الباشمهندس دي بتعني
الساعة كم؟ والله أمس قعدت مصاقرة المنبر دا للساعة
2 صباحاً الباشمهندس ما حنا في النهاية قلت أكل العيش أولا
اتخمدت نمت.
والحين صباحاً ومازال Tomorrow الباشمهندس لم تأتي
الحمد لله فُك الحظر
| |
|
|
|
|
|
|
|
|
|
Re: بص السَيرة (Re: Fatima Alhaj)
|
صباح الخير ود البُشرى وأنت لك من اسمك نصيب
Quote:
في رمزية عالية هنا يا فاطمة ما اظن ناس ابوحسين ومنو ومنو يفهموها ل يك من اول مرة |
طمنتني يا محمد يأخي الله يطمن قلبك
| |
|
|
|
|
|
|
|
|
|
Re: بص السَيرة (Re: Fatima Alhaj)
|
الباص عبارة عن لوري اتعمل ليهو صندوق وكراسي وبيبانو تفتح للخارج و بطىء
كل الناس في منزل العريس / الروس .. مترقبة ومتأهبة لوصول الباص طبعا بدون (كمساري)
الشمور مكوية بعناية والتياب الفاخرة والملونة تبقبق في ظلمة الليلة وهرج ومرج
تسمع صوت البوري (ابوتلاتة) ياتيك من بعيد.. بلحن " الليلة جينا "" تاهبا للوصول
وتعبئة الحمولة والانطلاق في (رحلة قصيرة) الى منزل العروس او صالة الافراح
قبل ان يوقف الباص تماما يتشعبط البعض لحجز اماكن لامهاتهم واخواتهم واقربائهم او حتى جكسيهم
وتبدأ الزحمة والاصوات .. يلا يا فتحية اركبي اركبي بسرعة .. واي رجلي .. التوب ياهناية فستاني يا عوضية
يمتلىء (الباظ) عن آخره وتبدأ الرحلة القصيرة .. ويبدأ الغناء وطبعا الصفوف الامامية هي التي تحتكر الدلوكة
وتبدأ البنات في الغناء (الليله ساير ياود القبايل البندورا ليه) .. (مغس مغس يا العذابة بس تموتو مغس يا العذاااااابة)
(انا وانا .. انا وانا .... الليلة انا ) .. (ابو لي بيه يا لبن ابو لي بيه) .. (هل لي يا هلالو ظهر وبان لي الليلة)
وشوية تقوم شمطة لانه البنات الورا عايزين الدلوكة وعايزين يغنوا
وتواصل المحموعة التي في الامام مع خركة الباظ الروتينية مقتربا من منزل العروس (ام العروس... جينا ليك )
ويبدأ السواق في الدوران (7) مرات مع ارتفاع الحناجر من داخل الباص بالمطالبة
دي رحلة الذهاب
| |
|
|
|
|
|
|
|
|
|
Re: بص السَيرة (Re: Fatima Alhaj)
|
الاخ صديق السلام عليك
ما حا اتجاهلك رغم إنك تجاهلتني وفي بوستي.
بس حاديك فرصة تانية أقراء البوست مرة تانية
وشوف حتمرق بشنو، وإذا ما مرقت بشيء فما ذنبي.
I will give you a clue
للبوست مدخلين من أيهما يمكنك أن تدخل.
وسلام مرة تانية
| |
|
|
|
|
|
|
|
|
|
Re: بص السَيرة (Re: Fatima Alhaj)
|
سلام على بت الحاج وضيوفها،
ياخي دا بوست لذيذ جدا، من أي مدخل تدخله، وجالب للذكريات حلوها ومرّها.
الُمرّات ديل مثلا ساي هههها...
زي يعني السيرة مفروض تكون المساء، يقومو يعلنو حظر التجول في نشرة تلاتة.
بمناسبة لوري السيرة يا ود الشيخ،
قالو قريبي الهدندوي، لمّا حرّت وقامت بيهو الدلوكة في لوري السيرة
قام سلّ سيفو وبشّر، ثم أخد ليهو (عرضة) نط بيها عاليا، من مكانو على حافة التنده،
لما نزل لقى اللوري فاتو.. خشمو والتراب:)
| |
|
|
|
|
|
|
|
|
|
Re: بص السَيرة (Re: Fatima Alhaj)
|
Quote:
أيوااا كان رايح لي صديق دا !
اهو دا من ناس منو ومنو :) |
ههههه ود البشرى عليك الله ما تعصر على أخونا صديق دا شديد.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
أووو أبو جهينة طالي علينا ؟ يا دا الهنا، سلامي ومودتي التي تعرفها
تعرف يا أبو جهينة لما كنا صغار كانت أعز أمنياتنا أن نذهب
في بص سيرة إلى خارج الخرطوم أو ننط البحر لاهلنا في الشرق،
دا يكون يوم المنى، أحساس جميل ياخي حتى الاكل يكون طعمو غير،
أحب هذا الطقس جداً رغم أني كنت أخاف الزحمة وحتى الأن.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
أهلين عاصم سلام من الله عليك
Quote:
ظاهره صالات الاعراس فى المدينه اثرت على بص السيره |
تعرف يا عاصم أعراس الصالات دي ما قاعدة أحبها بالمرة لما امشي بقعد في أخر
تربيزة، وطبعا لو بقى العرس حق البيت ما بنفوت حلبة الرقيص.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
أبو حميد سلام يوصك أليك يرجع إلينا
عليك الله يا أحمد أتحفنا بنانسي عجاج يا روحي سلام عليك خلينا نتحكر سمح،
أختك بليدة في الحاجات دي ما بتظبط معاي.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
| Quote: الباص عبارة عن لوري اتعمل ليهو صندوق وكراسي وبيبانو تفتح للخارج و بطىء |
لالا يا أحمد ياخي ما للدرجة دي كمان :)
كلامك دا ذكرني حاجات ما تتنسي أبدا، أكتر حاجة بتضحكني لما البص يقرب من بيت ناس العروس
تلاقي الشباب بدو ينطو من البص قبل ما يقيف في صورة استعراضية ههه شيء جميل.
| |
|
|
|
|
|
|
|
|
|
Re: بص السَيرة (Re: Ali Alkanzi)
|
شكراً دكتورة فاطمة على البوست الجميل ..
عندنا في الشمالية ( دنقلا ) السيرة داخل الجزر كانت مشياً على الاقدام
من ساقية إلى أخرى لأن العربات غير متوفرة في الجزر ..
والجميل أن مسافة الفرحة كانت طويلة جداً والأغاني كلها كانت تمجيد للعريس والعروس
والمغنيات من عائلة العريس في الغالب .. أغاني كلها فخر بالنسب والاملاك والاطيان والارض والجروف والنخيل
وتتناوب البنات لحمل (الدلوكة) على الظهر وهذه المهمة كانت لذوات البنية القوية من البنات ..
وأثناء السيرة ( المسيرة) كان الشباب يركبون على الحمير المزينة بالسرج الجميل وقلادة العنق .. ويطوفون حول الركب .
وكل واحدة مشاركة في السيرة كانت تحمل في يدها جريد النخل ( من أملاك العريس ) حتى منزل العروس
وعند الوصول كان أهل العروس يقومون برش السيرة بالعطر وخاصة العطر المصري ( 555) ثم كانت السيرة الثانية
إلى النيل على نفس النسق بعد التبرك من مياه النيل .. كان الحفل الغنائي يقام على ضفاف النيل حتى يقترب المساء ويرجع
الجمع إلى بيت العروس ..
أما إذا كانت العروس بالضفة الشرقية أو الغربية للنيل تكون السيرة بالمراكب على الأقل مركبين أو ثلاثة ..
ثم من شاطيء النيل إلى منزل العروس ..
(( سيرة صديقة للبيئة لا بنزين لا جازولين لا كربون لا تلوث )) هههه
شكراً على البوست الجميل .. حافز لإستحضار الماضي الجميل ..
| |
|
|
|
|
|
|
|
|
|
Re: بص السَيرة (Re: Fatima Alhaj)
|
Quote:
عشان خاطرك
وجبرا له ندخل منبر سودانيزاونلاين
دون تعليق |
ربي يجبر بخاطرك أخي علي وشكرا على الإثراء
سودانيزاونلاين فضاء فسيح لا يمكن لاحد أن يتحكم فيه أو
يفرض علينا ما لا نريده حتى الباشمهندس ذات نفسو.
نعم بعض المرات يتم الضغط علينا لاجبارنا على الترجل رغم
أنفنا، وهذه سواة سودانيزاونلاين. استاذي إذا كان هناك خاطر لبعض
أعضاء هذا المنبر لديك فارجو أن لا تتوقف عن الكتابة.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
هلا أخي هاشم
Quote:
قالو قريبي الهدندوي، لمّا حرّت وقامت بيهو الدلوكة في لوري السيرة
قام سلّ سيفو وبشّر، ثم أخد ليهو (عرضة) نط بيها عاليا، من مكانو على حافة التنده،
لما نزل لقى اللوري فاتو.. خشمو والتراب:) |
اتخيلت المنظر يا هاشم ههه اهلنا ناس الشرق ديل أظرف ناس،
Quote:
ياخي دا بوست لذيذ جدا، من أي مدخل تدخله |
أي والله يا هاشم هناك مداخل أخرى
| |
|
|
|
|
|
|
|
|
|
Re: بص السَيرة (Re: Fatima Alhaj)
|
| Quote: كيفن يعني يا محمد ونصكم الحلوة يركب كيف في اللوري دا؟ |
هههه
نص شنو الحلو ؟؟؟
الحلو عندنا 1/10 بس
ود مابيركب .
الباقي كلو جوة اللوري
| |
|
|
|
|
|
|
|
|
|
Re: بص السَيرة (Re: Fatima Alhaj)
|
صبحك الله بالخير كله أخي علي
Quote:
تحمل في يدها جريد النخل ( من أملاك العريس ) حتى منزل العروس |
أهلنا المحس عندهم عادة حمل العريس لجريدة النخيل دي خاصة لحظة الجرتق،
وكمان السيرة الى البحر في مناسبات عديدة مثل الختان وتكملة المرأة لعدة النفاس
هذا الارتباط بالمسطحات المائية خلق عندي هوس بالسباحة لا استطيع
الغياب عنها يومين تلاتة. شكرا على الطلة
مودتي علي
| |
|
|
|
|
|
|
|
|
|
Re: بص السَيرة (Re: Fatima Alhaj)
|
تدوم الضحكة ود الشيخ
Quote:
هههه
نص شنو الحلو ؟؟؟
الحلو عندنا 1/10 بس
ود مابيركب .
الباقي كلو جوة اللوري
|
هههه محمد الكلام دا بدينك أخير تخليه في سرك،
سرك هو المكان الأمن الوحيد، وحات الله الحكومة
تسمع بالكلام دا تدخل نفسك في حيص بيص. وبعدين
ياخي مصطلح النص الحلو دا حق أصل لنا لا يسنطيع أخد إنتزاعه
منا حتى ولو بلغنا ارزل العمر، لانه متلازم مع إحداث العشرقة الفي الحلق.
مودتي محمد
| |
|
|
|
|
|
|
|
|
|
Re: بص السَيرة (Re: Fatima Alhaj)
|
فاطمه الحاج
تحيه واحترام
بوست خفيف ومهضوم
في الطيره المباريه السيره
دا بكون من نوعية معاكم معاكم اَي بص سيره ينط فيهو
وفي كمان ناس مرحلة ما بعد السيره
خرابين الحفلات
ديل كلهم مشاكل ومتلقين حجج
| |
|
|
|
|
|
|
|
|
|
Re: بص السَيرة (Re: Fatima Alhaj)
|
يا هلا علي منور أخي
Quote:
في الطيره المباريه السيره
دا بكون من نوعية معاكم معاكم اَي بص سيره ينط فيهو |
تعرف يا علي دا بالظبط لأنا عايزة أقولو ( الطيرا المباري السيرة)
جيت لي في وجعة هههه
تسلم علي
| |
|
|
|
|
|
|
|
|
|
Re: بص السَيرة (Re: Fatima Alhaj)
|
كم أسعدني تداخل أخوتي الاعزاء كلهم بلا استثاء.
سار البوست في مسار أسعدني كثيرا
لكن دعونا نضع البوست تحت المجهر لمرحلة قراءة ثانية
كما يقول أهل القانون . ود البشرى ياخي ما تحضرنا.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
Quote: لكن دعونا نضع البوست تحت المجهر لمرحلة قراءة ثانية
كما يقول أهل القانون |
انتي الظاهر يا فاطمة الباص دا لف ليك راسك
ونازلة منو ...دايخة....
| |
|
|
|
|
|
|
|
|
|
Re: بص السَيرة (Re: Fatima Alhaj)
|
أخلين أحمد
Quote:
انتي الظاهر يا فاطمة الباص دا لف ليك راسك
ونازلة منو ...دايخة.... |
لا والله يا أحمد لا دايخة ولا حاجة، كدي أقرا
مرة تانية، وشوف تعليق أخونا علي وذكره
للطيرة المبارية السيرة.
ههه عجبتني شديد الحته دي.
| |
|
|
|
|
|
|
|
|
|
Re: بص السَيرة (Re: Fatima Alhaj)
|
الأخت فاطنة تحية طيبة
يعني الليلة ظهرتي بسيرة؟
السيرة كانت مناسبة جميلة لينا نحن الأطفال ...و نحن صبية و في حالات بسيطة شباب لسه صغيرين...
ياما كنا نبتهج بوجودنا محشورين داخل الباص و نحن نتخبأ من عيون الراصدين العايزين ينزلوا الأولاد الصغار ..
و عشان خاطر ناس بثينة و سعاد الواقفين تحت الباص بقيافتهم و هندمتم ..يعني عشان خاطر عيونهم هم ينزلونا نحن و يكسروا خاطر الصغار..
ياما لف بينا الباص الصينية و نحن نرفع الصوت :دوِّر بي دوِّر بي...
كنا نتمنى أن يدور في لا نهاية
اها في زول بيعرف بحر سماحة يا السمحين؟
ياما نزلنا و قطعنا جرايد النخل...
يا حليل أيام زمان..
و شكرا يا فاطمة بت الحاج الرجعتينا سنين لي وراء...لكن ما بقول كم؟ إلا يقول أحمد ياسين و بقية العقد الفريد..
دامت أفراحك و أفراح الجميع..
| |
|
|
|
|
|
|
|
|
|
Re: بص السَيرة (Re: محمد عبد الله الحسين)
|
Quote: الرجعتينا سنين لي وراء لكن ما بقول كم
إلا يقول أحمد ياسين و بقية العقد الفريد
|
عليكم النبي عاينو عمو محمد حمزة دا..بقول شنو !!!!
دا بكون ركب السيرة من زمن باصات السجانة والديم ..اللونا احمر
| |
|
|
|
|
|
|
|
|
|
Re: بص السَيرة (Re: Ahmed Yassin)
|
السيرة مرقت عصر فوق الشيخ ود بدر يا عديلة ....
بوست جميل وفيه ما فيه منالق الذكريات الجميلة في تلك الايام النضيرة التي غابت عنا كلمح البصر فلم نشبع منها وقد اطل علينا فجر جديد فجر فيه السيرة اصبحت بالهايس والتوسان وهلم عربة ...
شكرا اختي الاستاذة فاطمة على هذا البوست الذي احال غربتنا الى ليل شحن جميل متعك الله بالصحة والعافية وهيهات يعود الكان ولى ... وما اطنو يعود الكان ولى ...
تحياتي : ياسر العيلفون .....
| |
|
|
|
|
|
|
|
|
|
Re: بص السَيرة (Re: ياسر السر)
|
| Quote: ود البشرى ياخي ما تحضرنا. |
, و الله يا فاطمة اختي انا احترت
كنت قايل ابوحسين براه و ناسه بس الحيروحوا من رمزية البوست!
لكن وقت القصة الناس شايفنها باص سيرة خلاص سيرة سيرة 
| |
|
|
|
|
|
|
| |
Fatima Alhaj
أبوبكر عباس
محمد البشرى الخضر
صديق مهدى على
ابو جهينة
Asim Ali
Ahmed Yassin
MOHAMMED ELSHEIKH
هاشم الحسن
Ali Alkanzi
علي عبدالوهاب عثمان
walid taha
علي محمد الفكي
محمد عبد الله الحسين
ياسر السر
فيس بوك
تويتر
انستقرام
يوتيوب
بنتيريست