القائمة السوداء كبر يحي قباني بريمة دينق عزيز ناذر الخليفة الموصلي . مع انه درسني لكن شين محمد الشيخ...الكهربجي صلاح زبير ابوحسين منتصر ..باﻻنجليزي محمد البشرى الخضر محمد المسلمي ... للقائمة بقية
11-03-2018, 11:46 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
نجي لنمبر ون..اﻻشنا قياسا كبر ياخي دا من شدة ما شين....بس تسمعوا عقد الجلاد باضافة (دشن) لكن بى شناتو دي...الله عوضه بحلو الحديث وبكتب بى حب عجيب مثلا لو عايز يكتب عن فنانة او اغنية...بكتب من قلبو...والله تحس انه بدمع....من المتعة...ونحن نبكي من اصالة هذا الشين حارجع ليهو...
11-03-2018, 11:55 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
الشين التاني....بريمة طبعا هو والشين التاني الفوق اﻻتنين( ول ابا) دا شناتو ما بتتقابل..خاصة لمن يكون رايق..مثال حي للبقاري العتيد طبعا انا البقارة ديل وكل المناطق ديك درستهم فنيا دراسة ...واتعمق حبي ليهم بصورة ما تتخيلوها اعشق اهل تلك المناطق عشق رهيب عشان كدة انا بريمة الشين دا بحب حنانو زاتو ...ماعايز اقول نوناتو ﻻنه ماعندو نونات....عنده عضلات....مداخلاته ممتعة وخفيفة الظل واحيانا قوية.....عموما ما بفوت ليهو اي مشاركة ايها الشين موش كان لبست طاقية
11-04-2018, 00:06 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
الشين التالت يحي قباني ..مفروض يكون التاني حسب القائمة لكن لقيت بريمة اشنا شوية طبعا يحي حتى لو ابيضاني برضو شين ...زي توم لي جونز شين ور نا شين؟ دا بقى فنان ومداخلاته فنية وغلى مستوى فني رهيب وباماتة قاعد استفيد منه جدا فنيا خاصة في القديم .عشان كدة بكون حريص ما افوت حاجة بكتبها
11-04-2018, 00:16 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
محمد البشرى الخضر....مع انه اسمه كبير وليهو هيبة اسم شيوخ كبار ومع دا كله....شين... وشناتو براها لكن بارع في السخرية...ساخر لدرجة شخصيا اكون مارايق ومعكر اقرا اي مداخلة ليهو...استمتع واعرف الى اي درجة ذكي هذا الرجل ...غريب الزول دا مهم جدا تقرا ليهو بي شناتو دي
11-07-2018, 07:22 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
الشين الدشن الرابع....سناري مع تضارتو دي وبدلتو الكحلية برضو شين لكن الزول دا رهيب جدا ..انا متاكد ان افلاطون دا معشعش في راسو والراس مليان حاجات عجيبة وممتعة ... عارفين يا ايها الشينين والشينات جميعا.....الذكاء في المنابر شنو؟ تلقى ليك واحد زي سناري دا وتسكو محل ما دخل تكون وراهو لانه بتطلع منه حاجات بتدهشك وبتجمل حياتك ...طويلا
11-04-2018, 01:18 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
ابو قرعة🤣 أقبح واشنا من الشناء ظاااتا🤣🤣🤣🤣 رامي رقبتوا زي شوال الفول😂 كرش وشنا وسخ اما زعبلة فحدث ولا حرج 🤣 شنا ومعاها قلة ادب وعدم اخلاق وتفاها وعدم قراية ولسة فاكر نفسوا شباب المسكين جاري وراء نسوان الرجال وهو فات الستين البليد وشو بقي زي خريطة السودان🤣 شعر راسوا عدم السبيبة🤣 بقي زي الديك الجلدتوا المطر😜 و هو طولوا طول النخلة وعقلوا عقل السخلة🤣 وبجيكً راجعة 🤣
وتاااني السؤال
هل من حق الزول الشين ان يتزوج ؟🤣🤣🤣🤣🤣
11-04-2018, 01:48 AM
جلالدونا
جلالدونا
تاريخ التسجيل: 04-26-2014
مجموع المشاركات: 9390
هههها وضاحة كلاى ازّيك و كيفك انتى بالنسبة لى سؤالك هل من حق الزول الشين ان يتزوج اجيب من حيث الظن و الله اذا كان زعبلة بالمواصفات القلتيها دى و هو متزوج يبقى من حق الزول الشين ان يتزوج اما من حيث الدلالة القاطعة سفيان متزوج
11-04-2018, 02:10 AM
وضاحة
وضاحة
تاريخ التسجيل: 01-16-2005
مجموع المشاركات: 9116
جلال الشووق انا تمااام احمد ربي واشكرو زواج الشينين خشم بيوت 🤣 ممكن تقبل بي واحدة بايرة وهاملة ما عندها اسرة أصيلة او واحدة نظرها ضعيف ما بتشوف تمام🤣 بتقوم بعيونها بتشوفو تيّم حسن😂
11-04-2018, 03:36 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
أكتر شيء طمني وخلاني أتصالح مع شناتي هو صورة بروفايل سفيان نابري. بعدين البزيدك طمأنينة انو هو في المنبر مبسوط وينكت ومنتشر ويضحك، مما يعني أن الشنات لا تُحد من الإبداع إطلاقاً
11-04-2018, 04:01 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
محمد جمال الدين دا شناتو في المستوى الخامس ..بالله تشوف البدلة في الحفلة وقشرتوا في اﻻراضي المنخفضة تقول دا سيد اﻻناقة انا مرة شفتو من بعيد انا قايلو دمتري نقوﻻ البازار ...والغريبة كان شايل ليهو كيس اظن فيهو اسطوانات الحقيبة من زمن مرجان سيد النقرزان وزمن كرومة بغني بى كبايتين وعصاية ومثلث. مع شناتو الحكوا عنها شعراء الحقيبة الميامين....لكن عنده ملكة للشرح والكتابة تمخول او ( تمكول) زي ما كان بنطقها ابو دمتري البازار صراحة الشين بتاعنا دا عبارة عن درس متنقل في المنبر....يشهيك الحقيبة نفسو طويل ومتمكن من ادواته جيدا .. يجعلك تلهث خلف مشركاته....وزول ذكي حيكون عندي معاه لقاء ناري ومواجهة من العيار التقيل والغريق في بحور وعروض شعر الحقيبة السوداني اﻻصيل وليس الموشحات والمواويل اﻻندلسية محمد جمال الدين الشين طبعا قرب يبقى ابن رشد في التاريخ اﻻندلسي التليد
11-04-2018, 04:26 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
@أحمد ياسين يا راقي ياخ، عمرك فهيم و لميح. كويس جدن والله إنك لك (كرتلكة) بهما للشينين. عشان الما بلقى روحو في لسة ود أب سن ، يجي بجا أوتوماتيكالي يلقى رقبتو مصنقر متبوئ مقعده بهنا من الشنا اللي تكطع الخميرة من البيت.
# بس الشيء المُحزِن و مُحَيِّر في نفس الوكت ، إ نو الواحد لا لقى روحو بهناك ولا معاك بجاي. الشيء الحكاية شني يا ربي ، يعني لا إلى أولئك و لا إلى هؤلاء؟!! شكلو ح ينطبق علينا قوله تعالى و لله المُثُلُ العُلْيَا (وَ بَيْنَهُمَا حِجَابٌ ۚ وَ عَلَى الْأَعْرَافِ رِجَالٌ يَعْرِفُونَ كُلًّا بِسِيمَاهُمْ ۚ وَنَادَوْا أَصْحَابَ الْجَنَّةِ أَن سَلَامٌ عَلَيْكُمْ ۚ لَمْ يَدْخُلُوهَا وَهُمْ يَطْمَعُونَ). و يلا نفضلمطوطحين كدا لحدي ما تفتو في أ مرنا!!
11-04-2018, 06:16 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
اصبروا الشينين كتار ايها الشينين القائمة الفوق دي مبدئية يعني محمد جمال اسمو في القائمة المعاي وما اتعلقت في البورد اي زول عارف روحو حلو ما عندنا معاهو شغلة.. طالما انت وشك يقطع الخميرة من المنبر فاذن انت موجود
11-04-2018, 06:19 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا احمد كدى اصلا لينا مصطلحك الشناة يا طقعنا معاك ولا انسحبنا بي وشنا مع انو دراجيا بنقول لي زول يا شين اعجابا لحظيا لتصرف مدهش غير متوقع داير اتعلم غلاط ودو وما اكضب عليك خليك حذر لابد ليك
11-04-2018, 06:33 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
اها يا الشينين ومقطعين الشنا مرة دخلت بين بريمة ودينق طبعا شناتوم اصلا ماعايزة وصف المهم من كترة(العبابير) اﻻتبادلوها اﻻتنين ...انا راسي لف ..حسيت انه انا ماطبيعي والمصيبة كان عندنا جلسة فنية خاصة مشيت وجيت اغني ليهم ..العجايز ديل اغنية بدل ما اقول (بدر الكون على غصن البان نزل) قلت غصن البان على بدر الكون نزل مع اني حافظها صم ..غمك زي قباني ومحمد جمال قال لي خفف العيار ..ﻻنه دي اصلا مابتجي
11-04-2018, 08:28 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: أكتر شيء طمني وخلاني أتصالح مع شناتي هو صورة بروفايل سفيان نابري. بعدين البزيدك طمأنينة انو هو في المنبر مبسوط وينكت ومنتشر ويضحك، مما يعني أن الشنات لا تُحد من الإبداع إطلاقاً
يكفينا جمال استنارتك ولمباتها الباقه بق ....
11-04-2018, 09:16 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
بالله شوفو الشنا دي رقدت هبطرش كيف الما يشيل مجان بيتفرج عشان ماتقولوا جندر وكدة والشنا خاصة بى اصحابنا في المنبر دا كدي استهدوا كدة و(نشني) البوست دا بى الجنس الصعب كنت عايز ابدأ بى (نور تاور) لكن دي نخليها هسي و(نشني) بيها الجايين تماضر الطاهر طبعا انا عارف انتوا متخيلنها كيف .. لكن انا شفتها كانت مشتركة في ليلة شعرية مع شاعرتين والندوة دي في مركز ثقافي كبير جدا .. والقت بعض قصائدها بصورة جميلة وان كان يشوبها بعض من خجل عشان (شناتة) دي ..الواحد بيسبح مع كلماتها في اعماق مشاعر مرهفة
11-04-2018, 11:34 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
عبيد الطيب هو اصلا بشبه الفنان العظيم دا اسما وشكلا وموضوعا ودا من الجيل الاول زي ناس حسن عطية / أحمد المصطفى / إبراهيم الكاشف / عبدالعزيز محمد داوود/ عثمان حسين / التاج مصطفى / سيد خليفه / صلاح محمد عيسى / محجوب عثمان / رمضان حسن عبيد بتاعنا الشين دا.. اصلا ما بخش المنبر فاضي بجي مليان .. سطر سطرين بتلقى نفسك بتقرأ بسرعة عايز تلتهم حروفه ولا تشبع.. ممكن يعرج بيك على الفرجوني تصحى تلقى نفسك في رحلة صيد
11-04-2018, 12:25 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
مولانا ودالعمدة الملك جا بى رجلينو ... من قبيل والله بفكر اوصف شناة البنى آدم دا كيف ماشاءالله طبعا هو من عائلة عريقة ووالده عليه الرحمة والمغفرة كان العمدة له هيبة ومكانة وشخصية تاريخية اها مولانا الشين الفوق دا ...اول حاجة نظروا ضعيف وانا صغير شقتو في البلد وهي عبارة عن جزيرة لغاية هسي متذكر شكلو ...لكن بامانة مع شناتو المرة دي الراس دا مليان فل ممكن يتكلم ليك في اي حاجة اقتصاد سياسة مالية قانون فنون فن مسرح شعر ادب اي شىء ممكن يبدع ليك فيهو لانه محظوظ جدا لان البيئة التي نشأ وترعرع فيها كانت بيئة صحية وواعية .. عشان كدة طلع مثقف وصلعتو التحت العمة دي ما ساي منو الفي المنبر دا ما بريد الزول لشين دا؟ الناس ممكن تختلف في اي زول في بكري ابصلعة الشين التاني دا الناس بتختلف .. لكن في مولانا محمد علي طه الملك .. لايوجد فيه اي اختلاف ولا خلاف بى شناتو دي انا بحبو حب عجيب
11-04-2018, 12:52 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
معاوية المدير حقو الواحد يجمعوا مع معاوية الزبير في صينية واحدة لكن هو بى صلعتو دي قلنا يتصدر طبعا كلكم شفتوهو واخر صورة نزلها اخونا (الهادي الشغيل) جنب المغلق بتاعو وتاني جوة الركشة اول مرة اشوف لي صلعة بتلمع جوة ركشة... والصورة حديثة وهو جاي من بلاد الشمال حيث الحرارة منخفضة والصور بتاعتو دي وفرة علينا جهد كبير في وصف شناتو المرة .. مورة .. ما بتقدر نطيييييييقا اها البنى ادم دا مرات تكون غايب تجي تقلب المنبر دا فوق تحت عشان تشوفو شارك وين وكتب شنو دا لو كلمتين منو بس .. بتكون لامة صفحات جواها...
11-04-2018, 01:50 PM
ياسر السر
ياسر السر
تاريخ التسجيل: 08-06-2010
مجموع المشاركات: 3204
غايتو يا صاحب البوست بعيدا عن شناتك اللذيذة دي انا مرة لاقيت واحد كان من كتاب المنبر دا اسمو بدر الدين شناة ، لمن مشيت مرة اسجل لي بت اختي في الجامعة الوطنية بالخرطوم ياخ الزول دا اتعامل معاي بي شناة ليها شنة ورنة، يعني اسما وشكلا ومضمونا ذكرني الآية (فنفشت فيه غنم القوم) ما عارف العلاقة بين الموقف وشرح الاية شنو غايتو
11-04-2018, 09:10 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
بهدوء شديد وتركيز ندلف الى الشخص الجاي دا ﻻنه ليس ككل اﻻشخاص ..نوع من البشر رهيب فعلا رهيب بل يكاد ان يكون فظيعا ...قصته ويا لها من قصة يبدو انها تكررت.في تثبيت لمفولة ان التاريخ يعيد نفسه..في اشارة لما حدث معه عند بداية دخوله للجامعة.نفس المجال والتخصص نفس الدراسة ..مجال البيطرة ..الذي حدث للعالم الفذ النذير دفع الله وليس حجازي الشين حقنا دا انه الشين جدا ابوبكر عباس طبعا ﻻيوجد دلع و بكور نسبة للشكل ......ستشرح بالتفصيل للاستنارة ابوبكر في الثانوي كان جاب نسبة تؤهله لجراسة الطب البشري وتم قبوله عميد الكلية كان ذكيا وعنده فراسة ..لاحظ مدى شناة الطالب دا وبحصافته استدعى الطالب واقنعه بان يتحول للطب البيطري وان الحيوان مخلوق مسكين وﻻيستطيع ان يشكو نرضه والمه ويحتاج لطبيب ذكي والمعي وشاطر ..وتم اقتاع ابوبكر وقدكان وهو ماعارف ان العميد عمل كدة ليه ﻻنه المريض ﻻزم يقابل طبيب وجهه جميل ومقبول عشان نفسياته واحتمال وي ابوبكر جا يركب صلعته ةيقوم يتخصص اطفال تبقى مصيبة نفس الحصل للعالم بروف النذير دفع الله في كلية غردون والخواجة اقنعه ليتحول الى طبابة الحيوان المهم دا زول متنور ومتعلم ولذيذ ومستنير والله مع شناتو الفوق دي ..طاعم وعبقري عديل كدة
11-04-2018, 11:14 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
ياخي ضحكتني لمن قربت اتفلسف ليك في شغلانة (المدح بما يشبه الذم) لكن خفت شبهة العروبية الشديدة ديك ، خسوسا مع مزاج امسودان اليومين ديل..قاعدين على الهبشة ..حكامة تقول ليك (جعلي امو جموعية) وعينك ما تشوف الإ النور..ياخ المتسبل ذاتو بقى بتبكيهو حاجة اخف من الريشة..!!!!
عارف يا احمد ، زمان ايام الشباب (طبعا يعني قبل شوية ، نحن لسع شباب بدري يا عم ، وعين الحسود فيها عود وكمنجة ذاتو..ولو في طريقة جيتار وطرمبة كمان..!!)..كتبت لي نص اسمو (يا حلوة يا بت الحرام)..جيت طابقة ورقة الكراس المسطرة ديك..واشيل واتشرشح لمن واحدة لذيذة بت لذينا ختفت ليك الورقة..وقعدنا في المساومة: على بالحلال يا كبر ما ارجع ليك الورقة دي الإ تقول انا ياها الحلوة بت الحرام..! قلت ليها: عاجبك تطلعي بت حرام يعني؟ قالت لي: في شان الحتة دي..امي مريم يااااااااااااااااااااااااااااخ.. (لول الله يسترنا من المطاوعية: يا ناس هوي ده كلام الزولة بي ضبانتو مش كلامي انا..!!)..
اها ، هي طشت الطشة الياها (ومعاها الوريقة) وانا طشيت الطشة الياها لمن بقيت مصاقر الجليد واشياء اخر ياااااااخ..!
الطريفة يا احمد..لغاية البوست بتاعك ده كنت قايلها غنية واحدة والعالم بتتجدع بيها زي ما تدور..ولكن..!
اللحظة فقط اكتشتفتها انها تلاتة اعمال ، من اميز الأشغال الرومانسية في امسودان..
اهديك الشغل الذي اعتبره الأساس الذي مرقت منو بقية الحاجات..
منى الخير: تخاصم يوم ، وتصالح يوم..
متذكر متين اخر مرة سمعت الصوت ده يا احمد؟
ياخي حقو نرجع نمجد الشلوخ..يمكن يرجع لينا رحمن الذات..!
التانية ، تتفتشها بي طريقتك..صالح الضي( دلال)..والتالتة ، برضك تفتشها بي نفسك .. ابراهيم حسين ، يتخيل لي اسمها (عتاب)..يخاصم يوم ، ويرجع يعاتبنا..!! أو كما قال..!
كتر خيرك يا صديقي..الفكرك ما حقرك تب..!!
يتخيل لي يا حبيب ظلمت: الموصلي ، عزيز ، ناذر الخليفة..وبريمة..!..ياخي نحن نطول؟..
شكرا يا صاحب..ذكرتني صديقات واصدقاء..كانوا بيقروا كبر بطريقة عجيبة ومدهشة..والمحزن، زولك خذلهم كتير وكتير..!
كبر
11-05-2018, 05:33 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
كبر في شنا اكتر من كدة؟ دا في الشنا فات الكوبار والقدرو وكان شاف ..(ولا بلاش) اصلا الداير يشوفو منو دا مجنون رسمي .. وبتلفق معاهو اغنية الكحلاوي (قالو لي شين ومجنون) وليس شقيا فالشقي في النار اهو كويس انحنا ندخل معاك في تفانين عجيبة وقبل ما نجى لـ منى انت اصلا بى شناتك ولونك الكحلي بتبعث على الحماس .. وبتجي (الحميراء) بى دلوكتة المحمسة في النار طَمَح النيل البِلالئ وجاني أب زيد الهلالي يا دوبا، صعيبة دربه وبعيدة ميسو وتواصل في ذات النهج: وحاة أبوي أنا بمشي الكَيْ كدي و صاقعة هجايم الليل و : تقيل يا ود برنو هووي و ..جِدْ لي يا يُمَّة وحويتو الحي عارف يا كبر يا اب قسمات اغنية (ياطير ياطاير) الاستهل بيها وردي دخوله الاذاعة اصلا خليل احمد لحنها لـ منى الخير واسماعين حسن اتوسط وعمل الصعب عشان يديها لوردي وهو في بداية مشواره .. وفعلا سجلها وردي وترضية لصاحبة الصوت (الالطو) الفريد وريثة مهلة العبادية وشريفة بت بلال وفاطمة الحاج .. خليل احمد لحن ليها (الحمام الزاجل) و - اهو كلو طيور - واغنية منى اشتهرت بصورة عجيبة وكانت على كل لشان
11-05-2018, 05:44 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
فاطمة الحاج اسم فنان لكن والله ... يا سلام الصوت (الالطو) وريثة مهلة العبادية زفاطمة خميس طبعا انتي في نص القائمة حقتنا دي بالرغم من غيابك المتكرر عن المنبر انا ماعارف يا فاطمة الحاج العلاقة شنو بين (الشنا) والابداع خاصة في الكتابة لانه كل ما زادت مقاييسه بالتالي يزداد الابداع بطريقة طردية
11-05-2018, 10:52 AM
عبيد الطيب
عبيد الطيب
تاريخ التسجيل: 08-31-2012
مجموع المشاركات: 1801
تحياتي ومعزتي أستاذنا المبدع أحمد يس ولك من المعزة مايفوق الهطل الهتون ياخ دي شنات السرور ،البتخلينا حيران لمبدعنا الشفيف الأستاذ عبيد الطيب حيّاه الإبداع وصدحت علي ضريحه طيور رياضه القوقايا الشاعر الفارس الأغبش ودالفكي عاش في السلطنة الزرقاء وتوفي في التركية، زاحمه عيال البريق في فتاة،ووقتئذ يحبو إلي السبعين من عمره، وقد كان فارسا مهابا،والدرفونة عيطبونة وهنانة،كانوا عيال البريق يتحلقون حول خيمتها،وكانت بهم سفاهة ولهم لسانٌ طويل وحادق فقال راجزا: صبيّا لي رفاقتو مو قليل مغسه وماتالَب خصيمو وبي أم شِدوق رفسه والضيفان ماطِروه قالوا: القَدَح معَسَه ولويب الكاشِرات ماقبّلُو وكرسه إت ياعِجيلة الخنفري الدّهسه كيف يجلس معاك وإتشبعي ونسه وعندما لم تلفت له الفتاة،وهو (الشايب التورو فارق البقر) داير (أشنيها) ضُر ساكت كيف شناتك لينا دي فقال راجزا: أنا الشينات مابواليهن مابقعد معاهن مابخاليهن عيل أمّات أزمّه البي محاضيهن ولّا دُرع القِناف الجازا واديهن كم جقّيت بدارة فوق شواشيهن أكِس أمّات مخالي البي مغاطيهن كليمات العوايل مابقوم فيهن الأيّام دي نردد مع شيخنا الفرجوني: عيني تلج ونفسي بلا سبب متضايقة قيدي قصير وحاكماهو الظروف العايقة وين وجهت بلقاها القِبَل مي لايقة تقول راكب علي الريح أم عواصفا سايقة شكرا لك أيها الرجل الإنسان والمبدع الشفيف علي البوست (الدمُّو خفيف)
11-05-2018, 01:38 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
ياسر الشريف ايها الشين صراحة اذا انت في المانيا او حتى في اي مكان في الارض .. لاوم الواحد يستفيد ويستمتع بكل مشاركاتك عارف يا ياسر الشين .. قبل كدة انت تكلمت عن (الموت) وانا لازلت محتفظ بالمداخلة حقتك المضمونها انتقال الانسان من حيز الى حيز آخر ... دي انت كتبتها كيف انا ماعارف فعلا شىء عجيب عموما .. نحن نعتبر من حيرانك
11-07-2018, 03:20 PM
Kabar
Kabar
تاريخ التسجيل: 11-26-2002
مجموع المشاركات: 18537
طلب يا احمد يسن.. سالت هدى عربي في بوست يحي قباني وكنت ناوي اسأل انصاف في بوست عثمان موسى..
حكيت القصة ذات تداخل في بوست
يحي قباني..القصة تاهت..ومحتاجة..نعيدها تاتي..
منية صغيرة يااحمد (هل تدق كنت بكتب لي بوست عن مجاهد عمر) كنت داير اقول ليهو..يا ريت تغني (الليلة شوفتك مستحيلة)..طيعا حكيت ليك المناحة يا احمد ومعاك هاشم الحسن,,,طبعا هاشم الحسن القصة واقعة ليهو ..!!
ياريت تشوف ناسك..اصدقاءك..أي زول أو زولة..يغني (الليلة شوفتك مستحيلة)..و ح احكي القصة الحقيقية تاني وتاني يااحمد...!!
!!!
عفوا للخروج عن النص ي قريبيززونحن ناس:راعي عهدي ونص الغرام....!!
كبر
11-07-2018, 06:51 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
حبيب الشعب كبر خروج عن النص قال....ياخي اخرج ونص وخمسة..دا خروج جوة النص انا حارجع ليك لشوفتك مستحيلة دي لكن اول شىء سامع ( بنقز) خميس مقدم؟.. سامع ( الجيرك) اختيارك لمجاهد عمر دا داير ليهو بوست منفصل بالعود الخاص بمجاهد بالمناسبة يا كبر ..انت زول موش فنان ..وبس انت زول عجيب( مرة واحدة) كدي البين قوسين ماتقراها ..عاوزك تنطقها
11-08-2018, 10:33 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
الفنان الراقي الاستاذاحمد يس سلامات بعيد عن القائمة شخصياً افتح المنبر كثيراً وعندما اجد لك اي مداخلة اقرا دون اي تردد وده يوكد انك من الذين يكتبون بواقع دون اي حسابات اخري أحييك علي منهجك الذي سلكته 🌷🌷وحتي عندما فتح لك بوست بالخطا كنت حكيماً وردودك في حدود ماكتب خطا عنك . هذا راي احتفظ به وكتبته دون اي إشارة الي الشنا حقتنا كمان ماسك انا الاول مقلوب 😂 عبرك احي كل الزملاء والصحاب الذين مروا من هنا وتحية خاصة جداً لو ابا كبر فهو يكتب مايومن به مهم كان راي مخالفيه ولديه درب عديل لإيراه اعوج الا من لايتذوق طعم السهل الممتنع الذي يقدمه
---- دينق اختشي 😂😂😂
11-08-2018, 08:44 AM
عفاف الصادق بابكر
عفاف الصادق بابكر
تاريخ التسجيل: 08-10-2009
مجموع المشاركات: 4188
doma الشينة (دومة) طبعا هي بت بت حلتنا وجارتنا واكيد في البوست المهبب دا حأغني ليها ماجارتنا .. بت حارتنا (شينة شينة ) بنريدا و يا (الشينة) نوار فريقا (حجر العسل) يا النشفتي ريقنا تخصص زراعة يا سلام على جيرة زمان وناس زمان .. البيوت كانت واحدة وناس بيت جارتنا الشينة دي ياسلام عليهم يعني ماحنقدر نوصف المهم .. الشينة بتاعتنا دي كانت مافي .. بعد فترة جات من (المانيا) والحلة اتقلبت فوق تحت اصبح فيها حراك اجتماعي انساني عجيب وهي طبعا شخصية وفكر وثقافة... وطبعا (شنا) تجي ماشة ميدان الكورة كلو كان بوقف اللعب .. عشان الكورة ما تضربها وياويل الـ (22) والاحتياطي والمدرب والحكام والجمهور.. طبعا يبدو انها مقيمة بالصين .. ولعلها هي واسرتها بخير... وطبعا وهي راجعة لالمانيا بعد الاجازة المتميزة عملنا ليها حفل وداع وغنينا للصباح بعد ان سكبنا العبرات واظلم الفريق يا بت الفحل
عفاف الصادق ايتها الشينة .... طبعا شناتك زادت في اثناء غيابك عن المنبر وتركتي ذلك الفراغ العريض والحمد لله جات كداري الى حيث تنتمي مع ناس هنا ديل وبالمناسبة السعيدة دي .. بى شوفة عفاف ...علي عفافك دوم اها بالمناسبة دي حنستقبلها بـ رممية الجنزير التقيل.. البقلها ياتو وندخل في الحماسة مع خلف الله حمد .. ياعيني على خلف الله حمد وكت العيش بِقى بالقُبَض ديوان (عفاف) ولا بنسد
طبعا ما عايز اقول ديوان (النعيم) لانه عفاف بت الصادق هي النعيم ود حمد
11-08-2018, 01:28 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: غايتو بي لغتنا معناها امرأة واحدة وكبر عجيب أن يكون موحد انا فهمتها كدي غايتو ( بس ناقصة علامة استفهام بعد واحدة)
منو ؟ كبر بتاعنا دا؟ انا برضو اتخيلت وحسيت من فهمو للغناء ومعرفتو الواسعة بالانماط المختلفة بانواعه والوانه قايل بكون عنده اربعة .. لكن اتت الاخبار انه موحد وبنوم بعد العشاء مباشرة حتى مع فارق التوقيت
11-08-2018, 02:25 PM
nour tawir
nour tawir
تاريخ التسجيل: 08-16-2004
مجموع المشاركات: 17638
شعار البوست دا .. واي زول ورد اسمه هنا يكون عارف وما انت الا شينُ (نن) .. وذو تاريخ في الشناة عريقُ ومن حسناتك على الاقل في البورد .. انك مبدع .. ودمك عسل .. صدقوني ايها الشناة دي ما مجاملة اهم شىء بتلقى الزول يكوس ليك ولى مشاركاتك وتعليقاتك ولى زعلك وفرحك وممكن الواحد بستشف من خلالها اعماقك ودواخلك و طيبتك واصلك الطيب.. وهي الحياة زاتا مشاركة وجدانية تأكد يا عزيزي الشين وياعزيزتي الشينة .. انك حلو من جوة حلو جدا.. شكلك دا خلي اصلا انحنا عرفنو البهمنا كيبوردك وحروفك وتجلياتك وابداعاتك حنجي لى (نور تاور) امسك الخشب
11-08-2018, 03:11 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
نور تاور شناتا اصلا مافيها كلام .. بس انا اشنا منها بى شوية عندنا صاحبنا (النور كوة مكي) شقيق المناضل الراحل يوسف كوة الله يرحمه.. النور دا انا قابلته في القاهرة انا في المعهد وهو كان يدرس تجارة كان زول فاهم شديد جدا ... طبعا افترقنا .. بعد سنين وانا بسال عنه دائما واحد صاحبنا يعرف ناس البورد دا فردا فردا من المتابعين من منازلهم جاب لي صور النور .. وهو عايش في اليابان ومتزوج يابانية .. وهو بفرجني الصور .. ومن ضمنها صور اليابانية زوجة النور كوة قام صاحبنا قال لي ( عليك الله هسي نور تاور ما اسمح منها؟) طبعا نور دي مدهشة بى مواقفها .. قوة الانسان دائما في فكره وموقفه.. حقيقة هي جزء من كيان جميل وكبير وعزيز لانها زولة عزيزة ومعتزة جدا بنفسها عشان كدة اول ما يكون اسمها في اي مشاركة .. جري عليها
11-08-2018, 05:04 PM
محمد عبد الله الحسين
محمد عبد الله الحسين
تاريخ التسجيل: 01-02-2013
مجموع المشاركات: 10924
نور تاور شناتا اصلا مافيها كلام .. بس انا اشنا منها بى شوية عندنا صاحبنا (النور كوة مكي) شقيق المناضل الراحل يوسف كوة الله يرحمه.. النور دا انا قابلته في القاهرة انا في المعهد وهو كان يدرس تجارة كان زول فاهم شديد جدا ... طبعا افترقنا .. بعد سنين وانا بسال عنه دائما واحد صاحبنا يعرف ناس البورد دا فردا فردا من المتابعين من منازلهم جاب لي صور النور .. وهو عايش في اليابان ومتزوج يابانية .. وهو بفرجني الصور .. ومن ضمنها صور اليابانية زوجة النور كوة قام صاحبنا قال لي ( عليك الله هسي نور تاور ما اسمح منها؟) طبعا نور دي مدهشة بى مواقفها .. قوة الانسان دائما في فكره وموقفه.. حقيقة هي جزء من كيان جميل وكبير وعزيز لانها زولة عزيزة ومعتزة جدا بنفسها عشان كدة اول ما يكون اسمها في اي مشاركة .. جري عليها ....
المصريين لما يحبوا زول بيشتموه.. و يدعوا عليه بالصوت الحّيانى : يخرب بيت أمك.. فأنا فهمت البوست على هذا السياق.. فالمقصود هو العكس لكلمة شين.... لآنى شايفة نفسى ذو حضور و ملامح افريقية صارخة.. و دى من نعم الله سبحانه و تعالى الما بتتوفر فى الناس بالساهل..
تشكر يا استاذ..
11-09-2018, 11:00 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27608
سلامات .. يا أخي، نحن البقارة .. لدينا أشياء خاصة .. بالذات عن الشناة .. لها أتجاه كثيرة .. شوف شناة أسماءنا .. مثلاً أنظر أسم "أب كناشل" و"أب شناشل" .. حسي دي أسماء ناس أم عفاريت من الجن .. "أب قُجه" .. "قطية" .. " أب شاخورة" .. "بشتنة"، "أب عوا"، "البرعص"، "حسن الشكلوته".
شناة الطبع .. مثلي أنا .. المنبر 14 سنة يغالط فيني لم أصبأ لهم ... الوالد رحمه الله .. يلقبي ب "باصروه .. ما تعاصروه" .. الوالد نقش خلقتي مبكراً .. أنا زول تنفع معي المباصرة وليس المعاصرة ..
وفوق شناة الأسم وشناة الطبع .. جات شناة الخلقة (والحمد لله) .. زول في الصفحة الأولي زهجان مني كتب "المنبر دا كله، لم أر زول أشني من هذا المخلوق .. دي شناة شنو دي" ..
صاح كلامك يا بريمة، يوسف مخائيل وثّق لكلامك دا في مذكراته قائلاً: "المعلوم عندنا نحن [أهل] كوردفان أي إنسان يحضر من البحر (يقصد نواحي النيل) كأنه حضر من بيت المقدس الشريف، أو مكة المشرفة، كونه لسان أهل البحر طلق ورطب، وجلدهم أملس. وعموم أهل كوردفان وحولها إلا بارا الجسم خشن واللسان تقيل خصوصاً في اللغة العربية، والأسما الوحشة من حِمِّير "ولد حمار"، ومَنْ يقول: "أنا اسمي أبو جعيرين"، ومن يقول "أنا اسمي دحيش، والكليب النكدرو"، وهلما جرا. ناس متوحشين غير أنهم في الكرم والجود أجود من أهل البحر، وأكرم منهم طاقات إذا كان نزلوا ضيفان عند أي واحد منهم، سوى كان عشرة أو عشرين يكرموهم غاية [الكرم] ويفتخروا بالجود، حتى النساء إذا نزلوا عند واحدة حرمه كتير أو قليل تزيد في إكرام الضيوف. وأما أهل البحر وخصوصاً أهل الجديد أو الحلاوين أبخل من كلبة يزيد، إذا نزل الضيف تفادو منه ...."
11-11-2018, 11:57 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة