|
|
|
 Re: π طالع حمال و نازل زبال √ (Re: نعمات عماد)
|
(2)
[} (شايلين بني آدم جنا 9) دي بصراحة قوية
لامن براها تسكت الخشامة و تنزل في العوازل كي.
و أنا بديها (گوز) مني كمان بعناء إرضاعه إلي حين
(فصاله في عامين أو حتى ثلاثون شهرا).
[} بعدين ياخي هو وينم الخشامة البشدو الحيل؟!!
فناهيل عن عتالة التموين و القمامة ؛ ياخي ديل من
النوع البورقولن الخدرة لحدي ما يلايقوها ، برضو
و لا يضوقوها! و لا كمان ديلك ناس المومنين بعبقرية
شعار شركة سابتكو البيقولك: "عليك فقط أن تستمتع
بمناظر الرحلة ، ودع مهمة القيادة لنا" فشايف گيف!!
| |
 
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
{ 3}
[} طبعن بعض الموحدين ح يكشو من الدخول و يقولو
ليگ الكلام دخل الحوش. و ما بعيد يحرضو سيد الحوش
يلصق لينا تحذير: (كل ما جاء في هذا البوست المهبب لا
يعبر إلا عن آراء گاتبه، و نحن في حل عن مسؤوليته).
[} لكن، يا زول،{تنقد الرهيفة إن شاء ما تترتق؛ و مرحبتين
حبابو الشر محل ما بتق} . بالمناسبة معاي رابط بوست هزلي
قديم، بعنوان" الحاج يريد تبديل المدام قدرما أنلزلو لي في
أي منتدى ، يثير غبار النور بموجة ردود أفعال( متلاطمة)ما
بين مناهضين گثر و بين موالين قليل ما هم؛ و هناك صنف
تالت متعب جدن؛ و ديل بالظاط ألعن و (أظرط) ، ياخي
ديل ، ماسگين ليك العصاية من النص ؛ فلا هم إلى هؤلاء
و لا إلى أولئگ؛ و إنما يتخذون بين ذلگ سبيلا.
| |
|
|
|
|
|
|
|
|
|
Re: π طالع حمال و نازل زبال √ (Re: عبدالمنعم الطيب حسن)
|
(4)
[} أفففو آعبد المنعم، أناخو الراسية. عاد
منو البتهرب، نحن المفطومين بعجين مر ،
و مگحلين بشطة قبانيت؟!! ما ظنيت.
[} نرجع الحاج يريد تبديل المدام ، و ما أدراگ.
طبعاً، أخوك، لا أؤمن بما يسمى هراءً بعيد الحب
(فالانتاين). دا في نظري شغل قساوسة ساي؛
و ظنيت كمان في القساوسة يكونوا حناكيش.
[}المهم أنو إن كان و لابد هم فاعلون فليكن شعار
الجميع فيه للسنة الجاية نكدياً، بحيث يفشل المناسبة
المهببة: الزوج يريد تغيير المدام ، على غرار ما نادت به
ثورات الشعوب المطحونة التي رفعت مثل هذه الشعارات
و أهو كلو تغيير في تغيير.. و من ثم لم يكن لها ما أرادت.
و الذي يجري ليس تغييرا؛ و إنما مجرد ترقيع للنظام.
[} فأولاً هذه شجاعه في حد ذاتها أحسد عليها و لم
يسبقني إليها أحد، بل و تجب تهنئتي عليها. و من هنا
أناشد الأخرين بالانضمام إليها و من ثم الصمود عليها؛ لا
أن نترخرخ شوية شوية؛ مع إني لا أثق فيكم را معاشر
الرجال لهذه الدرجة. فسوف لن تصمدوا و سينخفض سقف
مطالبكم بعد أول هرشة أو تلويحة بساطور من "الكتائب"
و سترفعون لافتات باهتة و شعارات أخف وطأة؛ ثم آخذة
في الانكماش إلى قول أحدكم:"الحاج يريد تربيط الحزام"
ثم إلى قولهم: " الخير كل الخير في بقاء المدام" ثم إلى
أن نهتف جمعنا: بالحاج يضرب تعظيم سلام للمدام"
[} عمومن، بوركتم والود بيننا. و لو دي مشاركاتكم
الأصلية، فخلونا أحسن خلينا ، نلقم خشمنا و نسگت.
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
(5)
مضطر لحد ما يجينا كائناً من كان مادي
راسو بهنا، نفضح ليكم كل سبق و سولتْ له
نفسه الوقوع في شر أفعاله معنا ثم ندم على
فعلته ، لا و مال يعني تحسبو لعب؟!
فهنا أخونا الحفيان يكتب متخاذلاً:
أنا يا ود الحيشان زاتي رغبة زي دي ما
عندي أساساً. أنا من جماعة (فَإِنْ خِفْتُمْ أَلَّا تَعْدِلُوا
فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا) .
مع الواحدة دي رضيـــــــان تبأورق خدرة
أعتِّل نفايات ؛ ماعندي أيتها مشكلة.
# قلنالو : يا حفيان ياخي هسي بس لو سعلناك
المخوفك ظاطو شنو؟!ياخ إتا بس أبقا جنا و مد
رويسك؛ و وتاني الباقي كلو ليك علي . بي فلستي
كلو كلو دي الما دايرة تفك دي ، نشوفلك أخوانا
المعطربين ا لكحيانين ديل ينعلتوك و يكسوك ،
يدجوكم أتا و سعيدة الحظاتنين اتنين مما جميعو
# بالمناسبة ي جفبتم أوعة تبقالي متل واحد أخونا
أخونا جوة الرابط دا و ما أفضلو عليك و كمان بتعرفو
زي جوع بطنك: قال لا بطقع و لا بجيب الحجار. فقلت
لو:أنت بالذات الحجار بجنكفي محلك يِفَلِّعن ك فوق
صنقورك الغليد و مقودس متل سرج العجلة دا .
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
أبو الدفينس
أسعد الله أوقاتكم بكل خير
كدي قول لي إنت بتسمع أصوات كده أو بتتخيلها مرات مرات ، بتنسي كتير يا دفع الله.
غايتو لو راودتك مثل تلك الأحاسيس فأنت تعاني من مشكلة ومن منا لا يعاني لكين دي أعراض تحمد الله أنها ليست كنكشة لكنها بحاجة إلي علاج وأخوك نظر وعبس وبسر ورأي ما لا تراه وقدر وفكر ثم نظر يعني عاينت مرتين كده أها عليك بالدخن مديدة أو عصيدة لا فرق وعليك بتغيير موبايلك وعمل ديليت لبرنامج الواتساب البجيب الريح وأكثر من الصلاة علي الرسول صلي الله عليه وسلم وإياك ومتابعة الرياضة السودانية أو ما يعرف بمباريات القمة أو فرق القمة ، وأنأي بنفسك ما أستطعت عن الشأن السياسي ولا تفكر كثير في أسباب صعود العملات الأجنبية مقابل الجنية السوداني أيضاً لا تفكر في مسألة الصرف علي أساس الدخل في بلادنا فالرجل علي سبيل المثال يتقاضي راتباً قدره عشرة ماركات ويصرف ما مقدره 15 ماركاً في بلد أصبح فيها الغش يربي القش والأجيال كمان.
سؤال: لماذا يبتسم الناس عند التقاط صور لهم
جواب: كي يقنعوا أنفسهم أنهم كانوا سعداء في الماضي.
ومع ذلك إنت لم تبتسم في الماضي ما تقول لي تمثلت بالقول المأسوف عليه "الضحك بلا عجب ..."
| |
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
Quote:
أيواااااا يا ود الأصيل خلي عصفك خفيف كدا وهادي قعدهـ
بس خليني ءآنتاقي الباب وأجيك بالزيت هههههههههههه
مع التحيات لله الزاكيات..
|
((((8))))
المبجل / محمد همزة ود الحسين تحيتي مردودة
إليك صاعاً بصاعين . و طبعن راجيك تتركش يابك
وتعمل تقدير موقف كويس .علا بس أوعك تكون جاييني
بي دحة زيت حار يشوي الوجوه و ساءت مرتفقاً). ما كويسين
في أمان الله مع عمنا المولا عمر آخر ونسات و فرفشات.
# لكن ، بصراحة ، ما تغرك الهترشة دي ساي، و لا بد أن أعترف ليك
بدءاً بأنني لم أجازف التصدي لهذه القضية إلا لحاجةٍ من بقابا حتى في نفس
يعقوب يريدُ قضائها ، ولكنن ولم يقضصها بعدُ، هو لعلمي أنه يا ما هنالك من
هم أشد من يعانون من الحتة دي و لستُ إلا ناطقاً باسمهم وجب لفت للرأيالعام
العالمي إلى حال ضحايا أزمة منتص العمر و التي من أبرز أعراضها المراهقة
المتأخرة في سن اليأس وهم كُثْرُ. و إذا قيل راهق الغلام فهو فسيولوجياً يعد أمراً
طبيعياً جدن ، إذا قارب الحلم.. و لكن ما بالك بمن ناهز الستين و نيفاً قضاها في
(البَّر و التَّقَوِّي) . ثم نإنو مادة (رهق)نفسها في المعاجم لو فتشناها نجدها تعني
فيما تعني السفه و الخفة و ركوب النزوات (فزادوهم رهقاَ)؛ وعند بعض علماء
النفسانيين هي حالة تراجُعٍ قسري من الاستقرار العاطفي نحوالعكس تماما\ً
# بالموناسبة ، البصيرة أم حمد قالو ليها لو لو زوجك الجولكين
دا قام فجأتن كدا راهق: أها بتسوي شنو قالت: براهق معاهو..
حتِّي بلبس جلابية رجال و بقعد أضحك معاه نقول قررر، برا شغلة!!
ماهو كده كده بقى مراهق خلاس ..نبقى في الهوا سوا، عشان ما يراهق
مع غيري، و يفكنيب في السهلة شفتو محن الحاحة..غايتو عليهن عاد جنس
شلااااااااااااااااااااااااااقة!! يعنيحتى في المراهقة و خفة العقل دي برضو بارياه؟؟
و الله ظنيت الواحدأكان دخل جحر ضب برضو وراك وراك.ما فاضل إلا تدخل
طه بحشر يلبسوك (أحفظ مالك, و برضو ح تجي فردتك البصيرة أم حمد سيك
سيك معلق فيك؟.بصراحة ح ترجعوننا تاني لحكاية البيضة و الجدادة.
غايتو أحس و كأنني أوشك أن ألمس موضع الأذى لدى الطرفين.
# فيا جماعة ، دا كلو كلام ساي ، وعلا لا بد في المية نعترف:
أنو الحلقة الضعيفة في هذه المنظومة هي الحب الحقيقي؛ إما أنه
مبني على أساسه غلط بين الطرفين أو أن أحدهما أو كليهما
لم يمنحاه الفرصة الكافية ليتنفس و يعيش. أو أنه
ولد بينهما أصلاً ك"حب منتهي الصلاحية".
بوركتم و الود بيننا
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
المشاركة الأصلية كتبت بواسطة/
nabsho [ مشاهدة المشاركة ]
يمين الله وقعت لي في جرح ، عابر يا ابن البادية
ماتقول انا بحب الثورات واموت فيها اها ليك عليحاعمل
ليك قروووب في الفيس بوك واحرروا ليك جنس حروريه
وما حنقيف إلا بعد سقوط اخر مدام ياخي ديل
طلعونا من الجنة وفي الارض ما ريحونا :
أغلى تحيـــــــــــــاتي
{{{{{9}}}}}
[} سعادة اللخو الودود اللدود/ نابشو
تحية طيبة و بعد، اللخو قالو بالبنابش المحن،
لا بد يلولي صغارهن فـأنا حاسسبيك جنبي و أي
حاجة لأنو الجرح واحد و داخرك لي حوبتن شديدة..
علا لاكين بقول أنو التريس برضو مطلوب ؛ ثم من باب
التكتيك.. يعني بلاش من حكاية "ما ح نقيف علا بعد سقوط
آخر مدام".. لأنو بكدا و بعد تهدأ "الفورة" تفوت السكرة و تجينا
الفَكْرة ح ننتبه نلقى روحن برانا في الصقيعة و ح تستوحش بنا
الطرقات. و الله ثحي ؛ لأنو قالو كمان أحبب حبيبك هوناً ما،
عسى أن يكون عدوك يوماً ما؛ و أبغض عدوك هونا ماعسى
أن يكون حبيبك يوماً ما. ياخي ما سمعت بعمنا داك القالو
عمل تكتيك مع أبليس ظاطو! ياخ قالو في الحج لما
مشى يرمي الجمرات مغتي و شو سالوه ليه كدا:
قال : خايف يمگن بعدين أدورو في حاجة!!
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
اقتباس مشاركة نادرة كتبت
بواسطة سايمون [ مشاهدة المشاركة ]
السلام عليكم يا ناس ( سيل الوادي المنحدر)
لعلكم طيبين - مع انو أكيد انتو ما طيبين الناس
تقاوم في مرض حامد وانتو هنا معلنين حرب دمار
شامل و إبادة جماعية ضد الجنس اللطيف؟! و أوعة
تقولوا لي ( اسأل المجرب و لا تسأل الطبيب )
لانو المثل ده انا ضربت بيهو عرض الحائط من
زمان العبوا غيرا .. غايتو، جنس دغمسة!!
{12) }
[} العم الىفيق سايمون صباحاتك لبن عشر.
اسمع أنت يا بتاع الصوتيات و المرئيات, دي طبعاً
فرصتكم والثورة ثورتكم ..بس دايرين جنازة و تشبعو
فيها ردحي و شق جيوب و لطم خدود؛ و هاك يا شمارات.
قلتو لناس قناة لجزيرة بتعرفو شنو! شكلك ماسك العصاية
من النص. و كلامك يوحي بأنك لسة خارج القفص ؛ و حتى
كنت جوة برضنا عاذرنك لظروفك الخاصة و اللي ما بتسمح
ليك بالفرفرة . أها مثل نوعك دا عندي ليك وصفة
سرية في حال سولت لگ نفسگ الأمارة بالسوء :
[} إني بنصحك و أنا طبيب اللخو و من باب الشفقة
عليك سااه إنك تبعد دمك و تكمل نص دينك دا إن شاء
الله صيام ساااه. و غايتو ثم غايتو بعد التصريحات
و التلميحات دي كلها لو مصر تجرب تركب الموجة
معناها رويحتك براها مجعرة. ودعتك الله.تحين
اسمعني و أنا أخوك ، ما تباري شفع الزمن ديل
( مفسفسين و متوترين),أخلوك في فرقة
و تجي جماعات داعش تلحسك المرقة.
[} ربما الحكاية صحيح فيها عسلية قد تتذوقها
في بداية شهرها الأول..لاكنها لا قدام بتكون مرة
شديد، بس حناضل القيزان. و لقد أعظر من أنظر
صراحة أخوك و خايف عليك تمد رويسك ينقطع
و بعدين ظرافتك دي كلها تطير ليك في لهاتك.
فأوعة ، يعني لو لزوم الكنية ممكن تتكنى
بدون أقفاص و سلاسل و دبل و قفف
و حلل و أخرتا علل!! أها بعدا شن
قت ما خير لك تغير رأيك؟؟؟.
................
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
((((15))))
اقتباس مشاكسة من عادل القاسم;
ود الأصيل يا ود الناس ياخي مية مرة
قلناگ ، بالطريقة دي يوم بتكتل ليك
زول.. أنا كلمتك ولقد أعظر من أنظر.
((((15))))
الله ي عضولي كتيرة منك ظاطو
كونك تتاوق في ظروف عصيبة زي دي
إن دل فإنما يدل على إنو لا يزال فيك دعكة
شجاعة و رباطة جأش. علا الخوف يلم فيك
صاحبك الموثبطاطي داك تقوم تتجشأ و
الاتنين تفكلو البيرق جري نضيف.
عمومن ، مرورك بعتبرو ليك براءة
من ملامة ا لتولي يوم الزحف.
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
(((((16)))))
كتب ود الطابية مستخبرا:
ياخوى ما قلت لى وين وصلت ثورتكم.
قلنالو: يا له من اسم ثوري"ود الطابية" المقابلة النيل
و العافية التشد الحيل في أم درمان.. ذلك السور المشيد
من الطين بثقوبه المنتظمة مقاوماً لعوامل ااتعرية عبر العصور
وإلى جوارها (بوابة عبد القيوم) و بيت الخليفة.. كان تصديها رائعاً
لجحافل الغزو البريطاني و كان مجهوداً حربياً من رجال صنعوا مجداً لبلادي.
الطابية رمز يجدر بالعناية وقبلة للثوار وهي تقف مطلة في صمت على الشط
كأنها تتحرق شوقاً ليوم فيه ذكرها؛ بينما النيل من هنا يلثمها بأمواجه و يفرد
لها أعطاف بانه . و يا خوفي إن صدقت أحاديث تدور الآن و تنذر بإزالة
صرحك الشامخ الراسخ في وجدان أهل السودان والذي بزواله تكون
أم درمان قد تيتمت.أوليس عيباً عليك يا رجل - وهذا حال أمك
- أن لا تقدم إلا بعدما تشوف شيل التمساح فينا ،
ثم تأتي في الصفوفو متأخراً جدن
اًو قد لا تأتي أصلاً؟؟؟
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
bentalneel ]
هوووووووووووووووووووووي ياناس الثورة شوفوا
ليكم ثورة نافعة ما يكون "كلام الليل يمحوه النهار" ولا "
لا تواخذوا السكارى فيما يقولون"اها قلنا عملتوا الثورة وانتصرتوا
بعد كدا برضو البتمسك الحكم دكتاتورية يعني فيك فيك وقالو الجن
البتعرفو ولا الجن المابتعرفو دحين انعدلو وارعو بي قيدكم ما نقوم
نعمل نحنا ثورة وثورتنا معروفة قوية والاسلحة فيها ما زيها
مثيل فتاكة ومدمرة والله تكترو ولا تقلقو تلحقو امات طه
ورونا الشطارة تلقوا العين الحارة فتكم بي عافية.
(((((17)))))
والله كان جينا للنصيحة و بيني وبينك برانا كدي
ياها دي ظاطا الخايفين منها.. يعني بصراحة الموقف
غير مطمئن أبداً. أول هام نونات النسوة لا يؤمنُ لهنِّ مكرٌ ؛
و تاني هام و دا الأهم إنو جماعتنا ما شادين الحيل خالس..دا غير
إنو فيهم طابور خامس عاملين خاينة خايفة. يعني بقرشين مستعدين
يشتغلو معاكن مرتزقة. والباقيين يعجبوك بس في الشمارات و قرع
الطبول و أول ما يشوفوالكوع حمى كتير منهم بتلحس.. يعني زي ما
تقولي مجانين ليلى كوتار لاكين شقي الحال هو البقع في القيد..
# طبعاً ياخوانا، سمعتو بمكيدة ليلي العامرية التي دبرتها لكي تكشف
قيسها الحقيقي. قالو أدت خادمتها صحن و سكين و قالت لها أمشي أقيفي فوق
خشم الدرب و كلما يجي راجل يظهر أنو مجنون ليلىأسعليه السعال دا: ألست أنت
قيس بن الملوح؟؟ فإن أجابك ببلى. قولي له : إنو سيدتي ليلى تقرئك السلام و تطلب
منك أن تجدع لي أنفك كي آخذها إليهاعربون غرام في هذ الإناء!!! فأول واحد جاء
ماش عليها أشعث أغبر و لابس ليك مرقع و حالتو بالبلاء قامت الخادمة نادتو ليك
و قالت ليه نفس الكلام. فزولك مما اشتم رائحة المؤامرة و لقى الحكاية فيها كطع
نخرة و سيلاندمي قام يتنحنح و يتلفت جاي ثم جاي و قال للخادمة: اسمعي آآلخت
هوي والله أنا مجنون ليلى وأي حاجة و حب ستي ليلى على العين والراس
علا لاكين أم كطيع النخرين دا براه بس ما فينا فغايتو بلغيها سلامي
الحار و ودعتك الله!و مسك دربو عديييييييييييل اتلحس.
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
................. Bentalneel
ما قبيل قلنا نوبة..مالكم اتخاذلتم وظهر
الطابور الخامسوظهر المرتزقة نحنا قلنا ليكم
العهرشة جابت نتيجة ، عارفين، ما بتقدرو علينا.
(((((19)))))
يصراحة دا كلاماً سديد بلحيل و يستعصي على التعقيب..
لكننا في النهاية لو ردينا الأمور إلى نصابها الطبيعي، سنجد أننا
لابد أن نعترف بأن لأنوثة المرأة بريقها كما لعنفوان الرجل أيضاً مزاياه
و مطلوباته.. إذ إن كلاً لما يسر له. ذلك أن معادلة الحياة جدلية أخطأ الناس
أصلاً لما جعلوها نزاعاً بين فرسي رهان و هي غير قابلة للحسم إلا بعناق سرمدي
بين نعومة المرأة و صلابة الرجل ليصنعا معاً صيرورة الحياة بكل ما حوت من حذافير
و ألوان و تفاوتات وربما تناقضات، فالمرأة ليست خلقاً ناقصاًّ أو مسخاً مشوهاً لنعيبها ،
ولا مدعاة في ذلك لنشعرها بالدونية. وإنما ضعفها خلق الله الذي وضع سره فيه وأنوثتها
الصدفة التي يتخلق في باطنها عبقري الخصال و يتلالأ من أحشائها ألق الروح..تلك ملكات
وجب على حواء أن تعييها جيداً فتحسن توظيفها بفن و مهارة بأن تعرف تماماً متى و كيف
تموضع شفافيتها و حنانها وعطفها و رقتها و صبرها و ذكاءها و قوتها موضع الاستحسان
من بعلها و في اللحظة المناسبة، لذا كوني أيتها الأنثى الصدر الحنون عندما تخور عزيمة
الرجال،و الطود الأشم عندما يغيب عنك بعلك، وكوني دائماً أنت ذاتك، لا نصف امرأة
ولا نصف رجل، فأنت إكسير الحياة، و بالمقابل نتمنى من الرجل أن يدرك
هذه الصيغة التكاملية في التعايش و يتخلى عن المرجلة في غير
محلها فلا يستمريء قمع الأنثى والسيادة عليها، بينما تكون
هي بأمس الحاجة لرجولة حقيقية تحقق لها
الحماية والأمان أولاً و أخيراً.
***ود الحيشان التلاتة***
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
((((20))))هنالك إضاءات ملفتة تلمح إلى أهمية
قوة الشخصية لدى المرأة كمصد في و جه رياح
التغيير العاتية و قد تطرق في ذلك أبواباً كثيرة.
بقي فقط على حواء أن توازن أين و متى وكيف تستغل
نعمة قوتها التي غالباً ما تستمد من الضعف ذاته (الأنوثة).
و أنا اشبه ذلك بالنار التي تنفع للتداوي ،غير أنها قد تحرق من يلعب
بها.و المسألة سهلة لمن تسلحت بالإيمان (أظفر بذات الدين تربت يداك).
و الدين في نظري معادلة بسيطة و مريحة حتى لغير المتدينين إن هم عملوا
بمعطياتها و أدوا مقتضياتها. و قد قيل إن الله قد ينصربالعدل دولة كافرة
و يهزم بالظلم دولة مسلمة. تلا حظ مثلاً أهل الغرب نجحوا في دنياهم
عبر تجويدهم العمل واحترامهم الوقت و قلة الثرثرة. و كلها
من صميم ما نادى به ديننا الحنيف.حتى أن الشبخ محمد
عبده لما ذهب إلى بلادهم أطلق مقولته الشهيرة:
(وجدت في الغرب مسلسمن بلا أسلام
و في بلادنا أسلام بلا مسليمن).
**************
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
((((21))))
فقد أجد لهم عذراً و أتساءل بدوري: " لماذا ثوران
في الزريبة الواحدة؟". كأن الزوجية مؤسسة مبحرة على ظهر
مركب في خضم ذي أمواج متلاطمة و لجج طائشة؛ لك أن تتصوري
أن لمركبنا قبطانين، قام أحدهما بخرق قعره معرضاً حياتهما للغرق. فإذا
ضربه الآخر على يده و منعه و سد الخرق نجيا جميعاً؛ و أما إذا ترك
الحبل لاخيه على الغارب هلكا جميعاً. إذا طالما أردنا لقوامة الرجل
أن تسود (و لو من باب حفظ ماء الوجه) نريد لقوة شخيصة
المرأة أن لا تكون خروجاً عن السرب بل رصيداً يحسب لصالح ذاك الميثاق الغليظ.
و كذا لأنوثتها أن تكون حكراً محكوراً لزوجها, وحمىً آمناً لايجوز لراع أن يحوم حوله.
هذا أهم ما يريده الشباب من زوجة المستقبل والباقي كلو هين.مفهوم الرجولة في حكم الشرع
مرادف ل(عبدالله في مقابل أمة الله). و أما الأنوثة فقد تعرضت لمحن شديدة و جلب إبلس عليها
بخيله و رجله وشارك فيها البعولة, حتى كادت تخرج من نصابها الذى فطرها الله عليه و تذهب أدراج
الرياح. أعلم أن الغرب و وراءه طابور خامس من بني جلدتنا ممن ينادون بتبرج وسفور المرأة و يسخر
من حشمتها و حجابها بذرائع ممعنة في السخف؛ كوصفه بأيقونة دينية صماء، شأنه شأن الصليب والنجمة.
أو كونه قبة متحركة ربما تخفي بداخلها ماهو أعظم. لمثل هؤلاء أقول: إن حجاب المرأة المسلمة فضلاً عن
كونه ستر و حرز لها من الفتن ( ذلك أدنى أن يعرفن فلا يؤذين) فهو قبل هذا وذاك ممارسة مشروعة كأي
شعيرة يتقرب بها للمولى عز و جل. و لعل هذا ما دفع الجالية المسلمة في فرنسا للانتفاض دون سواهم في
وجه حظره بالمدارس و مواقع العمل.لا للقول بـأن التحجب سمة وماركة مسجلة لعهود التخلف و الظلام؛ بل
إن المنطق يقول بالعكس إن التبرج هو الذي يتقهقر و يغوص بنا في مجاهل العصر الحجري ويتاعس بنا
غلى ما رواء شمس الحضارة الأنسانية؛ لأن الإنسان البدائي كان عارياً وعندما تحضر اخترع اللبس
أليس كذلك. يقول المولى عز وجل:(و لا تبرجن تربج الجاهلية الأولى). كذلك, لا للطعن بأن
الحشمة عقبة كؤود أمام تحرر المرأة في العالم, اللهم إلا إذا قصد عكس ذلك بأنها
عتق لها من حبائل الشيطان و مزالق السوء. و أما إن وجد في العالم
من يقتلهن إذا لم يرتدين النقاب فتلك شطحات فردية لا يقاس بها.
معذرة , أظنني فعلاً طلعت من النص شوية. ولكن لا بأس.
فلندع الكلام يجيء بالكلام والأفكار تلاقح الأفكار..
ودام الجميع عزيزاً على قلبي.
و دام الود عامراً بين الناس.
..............
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
...
كتب ود الطابية متردداً:
الاقتراح جاء منك يا ود الأصل، أها
اتقدم إتا أ ولنن , وبعدين\ن لو حيت،
تعال أحكي لينا الحصل والباقي باقي.
.....(22)......
و نان النجيض تلقاني وين الزمن داك عشان أحكي
ليك بعد ما أبقى ارباً أرباًً والله عاد ياهو ظاطو القالو لو تيس
قال علا تسوووووووووو لو شنو ماني عارف!! يا خوي شغلتنا
دي بالاختسار كدي دايرا لا واحداً صا ر في اباطو كفنو تحين يا صار
كفنك و تعال يا إما ربنا يسهل علينا وعليك و بعدين المتلك كتار .. متل
حكاية أخونا داك الله يطراه بالخير الحاجة قال ليك فقدت هبشت الفراش
نص الليل لقتوشتت فص ملح و داب, قامت واره رحيح نضيف قلبت
لي العوضة دي جحر جحر..في النهاية لقتو لابد في الحوش يبكي.
يلا بلئامة شديدة نزلت ليك ليه:مالك يا يا با مكنش كدي جابو ليك خبر أمك
و لا شنو؟لا، أبداً بي اتذكرت الليلة العيد العشرين لزواجنا, طبعاً و لا على بالك!
عارفاه لا كين أسوي لك شنو يعني دايرني أجيب لك مزيكة حسب الله؟ لا مش مهم
و بطنطنة (المشتهي الحنيطير يطير)، لا بس اتذكرت تهديد أبوك/سعادة اللواء, لي
لما اكتشف قصة غرامنا البريئة قال لي إلا تعرس البت و يا إما أسجنك تأبيدة ورا
الشمش! فاكرة؟. والليلة دابي عرفت أني غبي الما أتوكحت بالخيارالأول لأنو
قضبان الحديد كانت أهون من قضبانك.كان على الأقل الليلة إفراج
و فرح من جديد.أها شوف جنس دا عاد يا ود الطابية.
أه فتك بعافية و بجيك تاني ،،،
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
اقتباس : كتب abumalaz متفقداً:
وين يا ولدنا انشاء الله يكون كرعيك مرقنك انا اصلو
من امس والنت طاشة فى أم درمان كلها صدقنى مشيت
بالاب توب حتى كبرى شمبات ما لميت فيها و ده آخر شماار
قلت اشوف الحصل عليك شنو يا صديقى البطارية ضعفت؟!
((((((23))))
البطارية ضععت دي بقى عندكن أنتو هنوووووووووك في أمدرأمان..
علا عندنا هنا في ناس فاشوق و كريعات والفنيسة، طب ما تخاف أصلنا
بعيد عنك شغالين بالفحم الحجري.. بعدين ماعندي كرعين ظاطو عشـــان
يمرقني. أها ربك يستر من النقرس..احنا آبوي مانا سغار في دار الدنيا دي
دار ا لغش أم يبناياً قش. ترانا تاحِّين فوق الواطة دي منذ سنة مجاعة أم دقنوس
تعادل بالميلادي عام أول كعَّة 1948 .لاكين بيني وب ينك وكتين شفناها كتيرة
و خفنا قطار الحناكيش يفوتنا قمنا عملنا تنزيلات لحدي عام النكسة في1967.
وكمان هسي إجراءات التزوير شغالة تش،دايرين نطلع لينا بدل فاقد نلحق بيه
الألفية الجارية أكان نلقا لينا كدة و لا عضة مع شباب ثورة الفيس بوك..
علا لاكين برضو بشكرك كما لم أشكر من قبل للمشوار الطويل من
أجل التطمان على سلامة أخوك ودا أنا بعتبرو قمة التضامن من
أجل كفاح قِوَى الشعب العاملة مع الجهد الثوري في سلسبيل
شعار "الحاج يريد فقط إسكات و اليس إسقاط المدام"
.فا شنو يلا قرب تعال و ما تبتعد.
....(ود الحيشان التلاتة).....
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
مانشيستراوية
فليسقط الشعار بتاعك ياابن الباديه
ولتتحكر الناس في كل الأمكنه بمزاج رايق.
(((((((((((24))))))))
أولاً/ نزف إليكم خالص التعزية في مصابكم
معتذرين عن الانشغال.. ثانياً/ قررنا تخفيف الشعار
ليصبح "الحاج يريد فقط إسكات، و ليس بالضرورة
أسقاط النظام" .ثالثاً و هو الأهم / في بلدكن داك
أصلكن محكرين بمزاج وأضانكن
باردة من جنس العك دا.
...................
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
bentalneel :
يا ود البادية توب واسغفر الله رضينا ما دام هي
شعارات بس تنفس بيها شوية عن رويحتك قبل ما
تطلع باين عليك مدنك افراج مؤقت لمدة ساعة كل
يوم أخير تستغلها لكن عفارم عليك حركتالجماعة
بالبوست الرااائع دا يديك العافية
((((((((((((((25)))))))))))
والله كان جينا للنصيحة ، أنتو العفارم عليكم
كونكم قبلتو مبدأ الراي والراي اللاخر و العاجبني
فيكم أكتر هو روح الرأفة مهما بلغ بكم النفوذ.
ترجمة عملية لقولة"المرة هن بقت فاس ما بتكسر الراس"
..ثم هي ليش تكسرو أصلاً ؟؟ أللهم علا إذا كان راس باسم
مصلح معأتي و شطة خدرا ، و يلا..مرة ثانية تشكراتي
للثناء الباذخ عن البوست الذي ما استمد طعمه إلا من
وجودكم و دام الجميع عزازاً على قلوبنا
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
.............
اقتباس كتب ود الطابية :
عزيزنا ابن البادية بجد بوست
دمه خفيف ما تقيل واسلوبك بالجد في الرد
جميل تسلم يا امير و بالجد الدبل حلو بس داير
ليه جيهة ونظام ما ينفع فيه التهور بدون تفكير.
(((((26)))))
@ عمومن ، تشكراتي الحارة لبك ود الطابية المقابلة
النيل و العافية التشد الحيلرغم إصراراك على مسك
العصاية من النص..أنت اللخو لازم تحدد موقفكو تجرب
و بعدين رب "ضرة" نافعة. خاصة إنو دي حاجة لا غبار
عليها و جائزة شرعاً بدليل معنى الحديث النبوي الشريف:
{أنه لا تؤمن إحداهن حتى تؤمن لأختها ما تحب لنفسها}.
يا خي بطلو الأنانية. ولا أقول ليك؟كدي تعال نضحكك شوية..
قال لك عمك دا عجوز وامرأته عاقر وكت شافت نفسها خلاس شمطت
وخافت الحاج عوينتو تزوغ قالت لو بعرس ليك واحدة تجيبها تختها حداناهنا
في الحوش.. زولك ما صدق طوالي عقد و جابها ليك شافعة "تين إيدجر" النوع
اللخليك تعاين للماضي كصورة مائية.. المهم في تسعة شهورأنجنبت لو ولد ماشاء الله
لمان عمك ستايل حياتو ظاطو أنقلب بقى تفتحيةعديل..يرجع من الخلا من عصراً بدري
يلقى ليك السراير مفروشة في الراكوبة تهبهب وهاك يا بخور و يا "تنوور" حاجة ترد
الروح.. وأطعم من دا كلو لما يجيبو لو الشافع يختو في حكرو و يقعد يلولي و يضحك
معاه من جو قلبو..و طبعاً ما ننسىالسيدة الأولى بهناك مراقبة الشئ المو عاجبها و لا
سار بالها دا بمغسة شديدة.. كان ليها مراد تشيل ليها كبريتة و جاز و تمشي عليهن.
أها في يوم الحاج مر يصبح عليها قامت شبت ليك في حلقو وقالت: بس دايراك
توريني الاندراوة الجاتك على كبرك دي بقيت تضحك طول الليل برا شغلة؟؟
قام ضحك وقال ليه لا لا يا زولة أنتي مخك مشى بعيد خلاس ياخيأنا بضحك
لي مع زول والله سنينات ماعندو.. بسزولتك مما سمعت كدا سكتت
وخلتو مشى. باكر مشى يسلم عليها لقاها ليك عادمة السن
الواحدة. أتاريها جابت ليها منقار حجر مسن و نزلت
ليك في سنيناتها حت نضيف قالت عشان
تخليهو يرجع يضحك معاها.
*************
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
كتب كبير المشاكساتية اعادل القاسم :
\@ أها يا جماعة لسة مافيش زول كتلوهو بركبولو
منشار طاير في صنقورو دابو خبرو لحقوه أمات طه!؟
عفارم ود الحيشان ، يا زول (أطلب الموت تأتيك الحياة
دي عبارة عمك صدام ، كان ماسك فيهالحدت ما أوردتو
المهالك. على حبال المشانق . و لكن إذا لم يكن من الموت
بدٌ فمن العار أت تموتَ جباناً. وبعدين تعال ورينا كيف
و يعني سمز : (الدولة: مُنْزَلِقٌ فُوْقَ جِدَارِ الْخَاطِرَةِ).
(((((27)))))
حاضر يا عضولي بس وريني إتا أولن،
هل سمعتا بفوائد الزوجة الكندية ، هي لو داير
النصيحة كان المقصود النكدية ؛ علا حورناها
عملنا شوية إعلال و إبدال ، منعا للانحراج.
كما نرجو النتباه: لدينا تنويهات استباقية لا بد منها:
نمرة 1) نعلن براءتنا التامة من أية مسؤلية تجاهأية حقوق
ملكية فكرية عن نشر أو تأليف هذا البوست الناري المهبب ؛
رغم أنه منكوت من أرشيفنا الخاص منذ أيام الجاهلية الأولى في
الراكوبة أي قبال ما نعلن توبتنا النصوح ، بدليل أنه قد تم لنا تحرير
شهادة تفيد بالتزامنا التام لحيطان البيت الأربعة ، كما تفيد صورتنا
الرمزية المرفقة و للمفارقة العجيبة والظريفةفي الأمر ،إنو أخونا
(عظمة) افتكرا بطاقة معايدة معايدة ولا كرت دعوة (باقي
أصلو جنوعضاتعامل لي راسو الماكن و مقودس متل
سرج العجلة دامين ي حبوب،كولو سنة و إتا طيب
2) الإخوة الجبناء الكرام ، لمن لا يأنس في نفسه (الباءة)،
قصدي الكفاءة الكافية ، فأنتم معفيُّونمن تجشم المتاعاب للقيام
بأية تعليقات.بل و بإمكانكم قراءة عناون النص بالمقلوب على
أنها(الزوجة الكندية) و ذلك خروجاًمن الخلاف و تفادياً
للاصصطدام بقوات مكافحة الشغب و ملاحقات أجهزة
الأمن بوزارات الداخلية في دياركم العامرة.
* ود الحيشان التلاتة ،،،
* مــؤذن في مــــالطا،،،
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
((((28))))
1)
إذن ، فمن قال لكم إن الزوجة النكدية ليست
لها فوائد البتة فهو ، إذن، قد كذبكم و هو صدوق.
كيف؟!أنا اقولك : إنها تجعل لسانك رطباً بذكر الله . تلقاك طوال
اليوم قاعد تدعو في حلك و ترحالك: شلاليفك يمشن و يجن بس في
"حسبي الله و نعم الوكيل"؛ أفضن من تعين على نعمة غض الأبصار
و حفظ الفروج لشعورٍ بالكره لصنف الحريم)تحسك على صلة الأرحام
على طول طفشان، وين عند ناس أمك)؛ كذلك المحافظة على الوزن لأنك
(دائما مقهوم من الأكل و اللهط) مع ممارسة يومية لتمارين شد و جذب
الحبال و و قضم الأصابع و الدفع والركل , إلخ... ) مما يحافظ على رشاقة
البدن المنهك أصلن. هذا فضلاً عن أهمية العمل بمبدأ: أمسك عليك لسانك ،
ليسعك بيتك، و ابك على خطيئتك ، و يا لها من قاعدية ذهبية. و إن كانت
زوجتك من النوع النكدي الأصولي، فأنت موفق ؛ ستصبح من العظماء
لأنك من القرف والزهج من هذه العيشة ح تدفن نفسك في رمال
شغلك المتحركة فتبدع وتدهش الناس وتثبت الحكمة
القائلة:"وراء كل رجل عظيم امرأة (نكدية)"
فباالله ، موش شي عجيــب وتحليلات حلوة شديد!؟
خلينا نقول ياخي إنها حيلة العاجز لإيجاد طريقة مبتكرة
تواسوبها نفوسكم ، ترا بي الكلام المتل ده. فيا حليكم النايمين
حيلكم نوم الديك فوق حبل الغسيل؛ الزمن جاريبكم ، و الحروم
خلوكم تهضربو بي قناعات سريـــاليــة من نوع (الواقعية الفائقة)
ما أنزل الله بها من سلطان. و طيب دايرين نفهم ، لو كان العكس ،
والراجل هو اللي نكدي،أها النساوين شن يسون و كيف يتصرفن؟!
نظام يعني تانيالواحد لو داير يعرس مايقولدايرا غراء فرعاءمصقولٌ
عوارضها ، و كمان تمشي لك الهوينة كما يمشيالوجي الوَحِلُ؟!!
و لشان يكسب ثوب الآخرة.بس يعزلا من النوع الفي شهر العسل
تجي تمسك يدها تنتلا وتقولك: فِك، دي بيمسكا الزيك إتا؟!
إ تْ أهلك ما وروك ولاشنو؛ ياعيني على النكد
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
Quote:
مشاكسة االباهيتة هنا، كتبت بواسطة عادل القاسم
عادل القاسم مسجل غياب ليهو كم يوم من النخبة..
.
.
.ارجو التعميم والنشر وذلك للمعلويمة و للفايدة كمان
.
|
(29)
أهو دا أول الفرسان يترجل بي ضنب الفرس.
علا أففااااا ود القاسم الرباطابي الحمش و أنا
الكونتا قايلك كان حفيان فوق الملالة تمش.
عمونن ي صديقي، برضو الواضح مو فاضح.
فشكلك عامل خت رجعة للانبراشة، و ناوي من هسي،
تمارس معانا شغل الشماتة. بس برضو بنحذر كل من تسول له
نفسه ليبارينا مفورض يعمل حسابو ما يتقع في شر أعمالو و ترانا أكان
بعدين الكوع حمى بنعرف كيف أمرق أو اسستعمل (دلدماسية فقه الواقع)
نفصل عدييل و نخليك في فرقة بتلحس المرقة ؛ ثم أخوك أصلاً جضماً معلم
على اللفخ. سمعت أولاد بمبتة عندهم مثل شين لاكين ينفع هنا لانشال المحل
بحركة اللامناسبة بقول :(اليد الما تقدرش تَعُضَها بوسها) .غايتو تقدر تقول
لهسي الموقف يبدو هادئ هدوء الهمبريب البسبق الطامة الكبرى. بس مطمنين
الحمد لله ما ح تشرفنا أيتها أنامل ناعمة . علا لاكين برضك ما تضمن خلو
المنطقة من الرادارات المتحركة. و لا القطر من المفتشين الشفوت ديلك
(معاهم سبغة و سواطير ، و الذي منو) . علا عاد حليلك ي فردتي
بشير ود التهامي البقيت في (تولا) و حليل أيامك مع ناس ناس بت
أبوها وست أمها ديلك و ناس دبيو بتالمطر ! و هناك واحدة كمان
بت عم (الفل و القرنفل و اللافندر).علا ،ترا يا زول و الله
فعلن العاقليختا السكة أخيرلو خرتومية مرة!!
*************
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
Quote:
المشاكسة المهببية دي كتبت بواسطة عادل القاسم
ود حيشان الاصيل يا عابر سبيل بتعرف تعمل ميت..
.
.
بس اعمل ميت..
.
.
.
|
((((30))))
مشكور عضولي على النصيحة المهببة،
علا برضك أخير من باقي الجماعة عفنو البوست
خلو ضبانو يون؟؟؟ ظنيت زعلو(حت إتو ي الرجال) كمان!؟
أناعارف في ناس هنا عاملين فيها و لا (سي قاسم أمين زاتو).عمومن،
إحنا ما بندور زعلكم ..و حفظاً لبعض ماء الوجه و تصليحة للانبراشة؛
ونسميه(حل وسط)يعني ممكن نلعب باللفظ شوية ونخليها بدل نكدية (كندية).
فأيش رايكم؟بعدين دي في حد زاتا فايدة و بشارة للناس الكايسة تطفش برة البلد
دي,هناك تتزوج طوالي يجنسوك(ما عارف الجنا كدراوي أكان لسة باقي عليها)!
أها عاد نسوي شنو؟؟ الناس دي ما خلينا ليها حيلة نكتنا ما نفع! مؤتمرات أبوجا
و نايفاشا حتو ؛ كولهن طلعن فشنك! جبنا سيرة اتبرة قربو يعضونا في اضانَّا
عديييل.وعاد كان لي صديقنا داك إلا نسوي لينا واحد من طين ونكطع
رويسو. و بكدا يا ستاذ يا بنوت خلاس ح نتفق على الشراكة
و الوحدة (غير الجاذبة) , لأنو دا طبعاً بيني و بينك
مجرد تكتيك ح نفضل عين معاهم وعين تانية
(على الباب) و في أقرب فرصة هدي خميرة
العكننة راقدة في جيبنا. وح نشوف.
************
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
Quote: المشاركة الأصلية كتبت بواسطة Abdelazim
اسمع ود الأصيل ين هوي يا عابر السبيلين لو سمحت البوستن
داأصلن بتكلم عن شنوووووو، فياخ، بترجاك لا توهقنا معاك.
|
(31)
تصدق يا عظمة لامن الجنا عضولي افترى عليك
و قال إنكم أتا و هو أصلن ما بتخافوعلا من (نقط نقط)
بالله قلت الجنا عظمة داهسي ح يجي مارق جار عوكازو
مو ياهاو الكالوتيلقطو يجدعو متل هنووك . و يقولو: إتا مين
الخولك تتكلم بألأصالة عن نفسك و بالنيابة عني ، و من نصبك
أصلن ناطقن رسميان باسمي؟!.علا و كتين جيت و بتسعل عن البوستن
عن شنو من أساسو، فترا الفيك انعرفت ياخوي. قال سبع البرومبة قال .
لكن طلعت واحدن من رفاقة (أم رخم الله). عدولي الكويسة راجل واضح؛
علا أول مرة أعرفكك اللخدر ، من جماعة حزب الخُدُر (حماة البيئة ضد
التلوث جراء االنبعاثات الغازية ) و بالدارجي كدي ياهم ظاطم ناس
شركة سابتكو: بتعرفم زي جوع بطنك وغرة مصارنك .
ديل بتاعين( دع القيادة لنو استمتع بمناظر الرحلة
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
(((32)))
..............
(5)
عمومن شكراً ، عظمة لأول مرور
و أأأسف جداً للخشونة غير المتعمدة، مع إنها
بقصد و سبق إصرار!! طيب هبشة: بالله رايك
شنو لامن نهادن شوية و نقلب من نكدية ل(كندية) .
يعني كأنها خميرة (نكد) ، و لو إنها مغلفة بورق
"لمسة حنان" موش دي حلوة خالس دي يعني :
نكد وعكننة, بس حميدة بعض الشيء ؛ و ليست
خبيثة, برضو طمنتونا؟ وبكدا صدق ظني فيكم
لامن قلت للجماعة المرة أصلها حنينة.. أهلنا
بقولو دي أكان بقت فأسما بتفجخ الراس.
| |
|
|
|
|
|
|
|
|
|
Re: π طالع حمال و نازل زبال √ (Re: دفع الله ود الأصيل)
|
(((34)))
و الله ما كان العشم فيكم يا سيادة العنتر.. لم نكن نعهد فيك انبراشة مدوية
كهذه في العراء و مع عطلة نهاية الأسبوع. و قبل أن نلج إلى أستديو التحليل ،
لدي سؤال واحد بس، هل كان عملت تقدير موقف جيداً يومئذ و قبل أن تقدم
أصلاً على مغامرة من ذاك العيار؟! لينتهي بك المطاف سيداً لشباب الأخوة
المشوكشين في الأرض؟ يبدو أنها كانت وثبة في ظلام حالك، تلقيت على
إثرها صفعة قاضية من يد ناعمة (soft-handed) كنعومة رأس أفعى،
فجاء موتك بطيئاً ولكنه أكيد (Slow but shure ). فما ذا
دهاكم أخوتي النشامى لتتساقطوا الشهيد تلو الشهيد.
إذن دعوني أهضرب و أهرطق و أقول أي كلام في نعي النشامى ..
فماذا بقي للرجل من مساحة؟ :الرجل في قصائدي سوف يغدو منذ الآن
كائناً صغيراً جداً.. ربما لا يتعدى حجم أنملة من إصبع امرأة جموح. سيصبح
بجوارها قدر نقطة تحت شولة هكذا (؛) ليغرقه شبر ماء.. و سيفقد وجوده في
حضرتها المتعاظمة في خواء .. بات هو يشخصن الريبة و الضباب بينما تكون
هي اليقين .. لتصبح حواء هي الواقع الذي سيطغى على آدمية ناهيك عن رجولة أخينا
المسكين و الذي كان و لم يعد (Was ,but ceased to be). و لأنه مازال يوهم نفسه
بأنه السماء (تجوزاً) لزوم الحماية والغطاء بينما هي الفراش الذي يمتص من عرق السماء .
و يتعمد بمائها, و يشرب الدماء..ومن هنا فصاعداً,فلينقشع الضباب ولتسقط الأقنعة و لتتبعثر
المواقف الفضفاضة !!!قل لها:متى جاز لك أن تفعلي مثلما فعلت بي حين وضعت نسخة مني
مكاني و قمت تغادرين. لكن سطوة الأرض تبقى أقوى من تلك التي ترسلها السماء.. أحقاً،
سوف أغدو في قصيدتي مجرد وهم مبتور و حقيقة ناقصة؟! مجرد أضغاث حلم و روح
انكسار؟! بينما تظلين أنت حالة مادية لتجسيد الوجود، ضمن حيز معين لا تصيبه لعنة
الشتات؟! ففي لقائنا تمثلين حقيقة ملموحة كإحدى المسلمات .. بينما يمثل أحدنا حالة
مما يختلج به و جدان شاعر أو مجنون، يفتؤ يتوهم الأشياء ريثما تأتيه استفاقة
من سبات طويل , كان اسمه رجولة من صفيح أو بطولة من كرتون رقيق.
يا حبيبي كل شيء بقضاء .. فعندما التقينا ذاك اللقاء كان صوتها يتوثب الليل برعشة
كالغبار، وكانت نشوتي يباباً ذهب مع ريح هباب (Gone with the wind). و حين
تصبحين أيقونة للحضور و البقاء في كل شيء، فسأكون مضطراً لأسجل غيابي مع
قصاصة عتاب .. حتى كأني سوف لن أشكل رقما ً صعباً و لا حتى طرفاً مادياً في
علاقة بين شطري قصة مصيرها فناء.. و حين تكونين أنت النضج و الاكتمال
سأكون أنا فارساً رماه جواده في مضامير السباق، أو فتى توقف عن النمو
عند نقطة تحول فارقة معيّنة و في عز صباه .. و هنا يكمنالصراع
على البقاء و تطغي سطوة النساءعلى قيادةدفة المسير ، فيما يشبه
علاقة الطفل المحرمة بأمه..طفلٌ توسّد دفء عزلته و راح
يقرُأ في كتاب اليتم عن وعد الرجالْ و في
عينيه كم تلمح من وثبة نضال؟!!!.
| |
|
|
|
|
|
|
| |
دفع الله ود الأصيل
نعمات عماد
عبدالمنعم الطيب حسن
almulaomar
محمد حمزة الحسين
فيس بوك
تويتر
انستقرام
يوتيوب
بنتيريست