|
|
|
 Re: أمير بوب (Re: أبوبكر عباس)
|
Quote:
عندي إقتراح لبكري:
يوقف قباني والخواض لمدة شهر
يرجع بوب وحاتم
ثم يوقف بوب وحاتم لمدة شهر
وهكذا |
الاقتراح خاطئ..
لكن نفس الاقتراح الخاطئ لو كتبه قسم الفضيل او منتصر كان حيكون عندو نكهة مرِحة مختلفة تماماً...
يبدو أنهما فُطما من ثدي الفكاهة ههههههههه
المشكلة كانت ع. م. صالح.
هذه المشكلة زالت تلقائياً بفصل المشكلة نفسها.....
| |
  
|
|
|
|
|
|
|
|
Re: أمير بوب (Re: osama elkhawad)
|
أوووووو حبيبنا عبد العظيم
سلامات ياخي ، و شكراً على سؤالك ، و الشكر كذلك للأخ ناصر امين الذي نبّهني للبوست !
و تحياتي لكل الشباب الذين مَرُّوا على البوست و سألوا عني.
انا موجود ، حي أفرفر !
ابتعدت قليلاً عن البورد ، الوضع صار قميء و طارد .
شايف مجموعات الفلول و خساير البورد بقوا متجدّعين و البعض يعرض خارج الحٓلبة !!
شاعر ( مايخرج من السبيلين) ، حرامي المراحيم و حُطيئة المنبر ! شايفوا ماخد راحته شديد ، و كمان قبل فترة مقبقب المستنير !!
لقى الناس بتتكلم حول الكتابة و الرواية ، جا طوالي إتفوجج في النص و بدأ يغمر البوست بنماذج من كتاباته السمجة و يعرض للناس بضاعته الكاسدة !!
عشان يثبت للناس شنو ما عارف !!😂
غايتو ذوق بي تعريفة ما عندو !!
رسلت للمستنير الكيشة في الخاص ، قلت ليه شايف الزول التعبان دا داير يضقّل بيك ! و قلت ليه لو إتعصرتا قول عووك ، و انا بعرف أخارجك منو (أدونيس) الغفلة دا !!
شايفوا يتحاوم بين البوستات زي كديس المطاعم !
• ابوبكر عباس طلع بُمبة كبيرة و كيسو فاضي ، لسه شايل جك فولو الزمان داك و لم يبارح تلك المحطة !
عارفني لو فضيت ليه بطقطقو ، عشان كدا قاعد يتجنّبني ، ما سلكتُ انا طريقاً في المنبر إلا و سلك المستنير فجاً آخر !😏
...
يا عظمة ، شايفك لاعب ضاغط مع الفلول و انا قاعد اتفرّج و اشجّع اللعبة الحلوة !
واصل يا حبيب و نحن كمان جاهزين للكوماج !
ولو دايرين طقطقة صاح ، فليخرجوا لنا نظراؤنا !!🙄
تحياتي للجميع
| |
|
|
|
|
|
|
|
|
|
Re: أمير بوب (Re: امير بوب)
|
أها انا جيت
وح أبقى ليكم زي عمرو بن عبد وُد !
ما خُيّرت بين ثلاثة إلا إخترت واحدة
و ما خُيّرت بين أمرين إلا إخترت الأصعب !
😂
و حاتم كمان جاي !
أها ...
يبقى الخواض يكرب جريدتو صاح و يركز !!
| |
|
|
|
|
|
|
|
|
|
Re: أمير بوب (Re: امير بوب)
|
تنسيقات مريبة
من هو عبدالعظيم/حاتم يا أمير
لتقبل لنفسك بالخوض معه فيما يبيت من نوايا
كيف ستغفر لنفسك بالمشاركة ودعم أعماله
على كيفك فمن علا زلقاً عن غرة زلجا
| |
|
|
|
|
|
|
|
|
|
Re: أمير بوب (Re: امير بوب)
|
بتك عسووولة يا بوب ربنا يحفظها ليك ويحميها من شرور الدنيا الحقيرة .
انا اليومين ديل عندى ابوة طافحة زى الصرف الحى , بشعر بحزن شديد لما اشوف اطفال الروضة واطفال مرحلة الاساس فى الشوارع وانا طالع الصباح , ديل منتظراهم ايام ما يعلم بيها غير الله .
وما اوسخ من حكومة بلادى الا مُعارضة بلادى , وشبيحة المجتمع المدنى الارزقية .
فلتكن الريح فى الارض تكنس هذا العفن , آمين .. عشان خاطرهم هم , احنا كجيل مخصى خلاص انتهينا , ما فارقة نموت فى خرابة او معسكر لجوء او بنيران صديقة , لكن الاطفال لا .
ابوتى الطافحة مثل ماسورة صرف صحى .
| |
|
|
|
|
|
|
|
|
|
Re: أمير بوب (Re: shaheen shaheen)
|
Quote:
تنسيقات مريبة
من هو عبدالعظيم/حاتم يا أمير
لتقبل لنفسك بالخوض معه فيما يبيت من نوايا |
انت يا عبد الغني الزول يغيب و يجي يلقاك لسة واقف في نفس الحتة ؟!!
حاتم دا لو عامل ليك حبس كبس ، بالله اجتهد شوية براك و جيب لينا التايهة
بدل تقعد تجقلب كدا و تعيش أجواء نظرية المؤامرة العايشة جوّاك دي !!
....
كان داير تواصل في الزمن دا ، الله معاك و خلينا تسوّي سواتنا
و انت اقعد تابع خيوط المؤامرة الكونية و حاول توجد نقاط التقاطع بين امير / عظيم / حاتم !!
...
غايتو !
| |
|
|
|
|
|
|
|
|
|
Re: أمير بوب (Re: امير بوب)
|
Quote: بتك عسووولة يا بوب ربنا يحفظها ليك ويحميها من شرور الدنيا الحقيرة .
انا اليومين ديل عندى ابوة طافحة زى الصرف الحى , بشعر بحزن شديد لما اشوف اطفال الروضة واطفال مرحلة الاساس فى الشوارع وانا طالع الصباح , ديل منتظراهم ايام ما يعلم بيها غير الله . |
سلام استاذنا شاهين
أسعدني مرورك و فيض الأبوّة الجاري جوّاك كجدول رقراق ، صرف صحي شنو ياخ
رغم انو الفيك إتعرفت !
دا ولد ياخ ما بت !!
هسّي الراجل زعل و قال لي عمو دا ما بفرز الود من البت !😂
...
زي ما قلت ، الحال لا يسر و الرؤية قاتمة و مستقبل الأطفال في خطر
ما زلنا نأمل ان يتصلح الحال.
تحياتي
| |
|
|
|
|
|
|
|
|
|
Re: أمير بوب (Re: امير بوب)
|
| Quote: دا ولد ياخ ما بت !! |
تمام يا باشا .
ابوة طافحة .. ونظر طشاش .
ربنا يحفظو , ويحفظهم كلهم دون فرز .
وما تقطع وتنقطع وتقاطع .
| |
|
|
|
|
|
|
|
|
|
Re: أمير بوب (Re: امير بوب)
|
منور يا دكتور امير
تحياتي عبدالعظيم وبوب وكل الرهط العظيم هنا؛
ونقول جملتنا الشهيرة المحورة
الحاتم بنانا
احب طرفو الكحيل....
| |
|
|
|
|
|
|
|
|
|
Re: أمير بوب (Re: عبدالعظيم عثمان)
|
عبدالغني وجودك في المنبر مهم جدا عشان الناس تعرف لي ياتو درجة ممكن الزول يبقي موهوم وعنده وسواس ومهلوس وفي نفس الوقت يكون قايل نفسه متوازن وطبيعي..
| |
|
|
|
|
|
|
|
|
|
Re: أمير بوب (Re: امير بوب)
|
Quote: بالله العظيم شوفوا الزول دا قال شنو فوق؟
آمنت بالله.... بوب بالله ما تنتحر سمح؟ |
حبيبنا سفيان
تصدِّق و تآمن ، علي دفع الله أب شنباً بُرادة مغنطيس دا للمرة التانية يقول الحكاية دي و يدمّرني !!
و طبعاً المستنير الكيشة مبسوط ، يتكشّم زي نار القصب !!
كلام ( علي) وقع ليه في جرح !!
و سمعنا تحت تحت قالوا شايل صورتي قاشر بيها 😂😂
...
هسّي الاتنين جابوا لي نفسيات !!
...
غايتو كان لحقنا حرّكنا ال يو إس إس إيزانهاور ، معدّية شندي بتروح فيها ، والله صحي 😂
| |
|
|
|
|
|
|
|
|
|
Re: أمير بوب (Re: امير بوب)
|
عبد العظيم يا راكز
اضرب الفلول بيد من حديد !!
قالوا نابليون كان لما يحاصر ليه مدينة و يطبق الحصار عليها
بيوصي قادة الجيش انو يخلّوا ليهم منفذ صغير للإنسحاب
و كان بقول : أسوأ شيء هو ان تقاتل جيشاً يائس !!
لأنو اذا ما عندهم منفذ للهرب ، فسيقاتلوا بشراسة و ضراوة لأنه لا خيار و لا بديل لديهم !!
دحين يا صاحبي ، شايف الفلول ديل يائسين خلاس
و بدوا بخبطوا في الحِلل ، يا ربي نفتح ليهم نفّاج عشان يقدّوا سِلك ؟😂😂
.....
تحياتي
| |
|
|
|
|
|
|
|
|
|
Re: أمير بوب (Re: امير بوب)
|
يا بوب '' عبدالله ود سعد '' كان عنده حمارين، يوم وهو راجع من البحر لقا ناس الحلا يكوركوا (حمار ود سعد قطع الحبل وشرد).. قام جاري على الزريبة ووقع خبت في الحمار المربوط!! ناس الحلا قالوا ليه المربوط ذنبه شنو؟ قاليهم دا كان قطع الحبل ازرط من اخوه.. دحين يا بوب القد السلك من الفلول خله اقرع الباقين
| |
|
|
|
|
|
|
|
|
|
Re: أمير بوب (Re: امير بوب)
|
Quote: غايتو كان لحقنا حرّكنا ال يو إس إس إيزانهاور ، معدّية شندي بتروح فيها ، والله صحي 😂
|
يا قريبي معدية شندي زايد مراكب حنتوب زايد معدية كريمة البحر سنار اليو اس اس إيزانهاور كتيرة عليهم ديل بس دايرين يو إس بي من الجيل الأول و ينتهو
| |
|
|
|
|
|
|
|
|
|
Re: أمير بوب (Re: سفيان بشير نابرى)
|
| Quote: ديل بس دايرين يو إس بي |
.
آمنت بالله !!!! سفيان انت قي كندا ؟
قالوا البرودة والارتفاع اساس الجودة ، وبعد القانون الجديد تبقي جودة ونخب اول
| |
|
|
|
|
|
|
|
|
|
Re: أمير بوب (Re: MAHJOOP ALI)
|
Quote: آمنت بالله !!!! سفيان انت قي كندا ؟
قالوا البرودة والارتفاع اساس الجودة ، وبعد القانون الجديد تبقي جودة ونخب اول |
ههههههههههههه هههههههههه محجوب نحنا شمال بس هبت علينا هبوب الجديد و ضربنا باكات ساي
| |
|
|
|
|
|
|
|
|
|
Re: أمير بوب (Re: MAHJOOP ALI)
|
إتّا موش قلت تاني ما جاي راجع؟!
جني وجن الزول يحرد، وأول ما يجيهو تحنيس من شبح؛ يجي راجع
بعدين منو البضمن لينا إنك ما عبد العظيم عثمان؟
ما عندك أي زول يفتقدك
براك من حساب التاني إفتقدت روحك
| |
|
|
|
|
|
|
|
|
|
Re: أمير بوب (Re: أبوبكر عباس)
|
| Quote: إتّا موش قلت تاني ما جاي راجع؟! |
ابوبكر عباس يا كيشتي
طبعاً انت ما صدّقت اني قلت ماشي من المنبر
إنبسطّا و قعدتٓ تنطط !
و أخدت راحتك في المنبر !!
عارفني بطقطقك عشان كدا جيتي بتزعّلك 😂
...
انا طلبت انو انا و حاتم يخرجوا لينا نظراءنا من قومنا
و انت بالتأكيد ما منهم ، لأنك حمام ميت ساي ، يعني بضقّل بيك عادي و انا لاعب قيم وِست !
😂😂
• الجماعة قالوا بتاعين بنيوية و ما بعدها و تفكيك !!
انت خليك في جك فولك و بس ! و ما تشتّت مجهودنا ساي !
داير اشوف إنسان النياندرتال داك لابد في ياتو دهليز !!
...
أنج سعد ، فقد هلك سعيد !
عموماً ، ما تلاوز 😜 ، دي طلة خفيفة بس
لاكين لو مستوي الكياشة دا إستمر ، ياني الجاي تاني راجع 😂
...
تحياتي يا تعبان !
| |
|
|
|
|
|
|
|
|
|
Re: أمير بوب (Re: امير بوب)
|
لا حولاااااااا
اخرجت الارض اثقالها وقال الفلول مالها
بوب الشبح لعلك بخير ياخي
لكن انا بصراحة واقف المرة دي مع عبدالغني
هناك تحت الضباب ما يُطبخ ويُعد
في البداية ظهر حاتم سلم على النيس وقال حا ياخدلو غيبة بسبب المشغوليات
ثم ظهر الشبح الكبير احمد محمد عمر ؤ برضو قال عندو شنو كدا ما عارف وراح
تبعه ظهور الشبح عبدالعظيم الذي استدعى امير الاشباح بوب سواغر ذات نفسو
كونو صريحين ووروني انتو قاعد تطبخو في شنو .. ان شاءالله في الخاس
ولو الطبخة بامية ما عايز معاكم
| |
|
|
|
|
|
|
| |
عبدالعظيم عثمان
جمال ود القوز
علي دفع الله
أبوبكر عباس
osama elkhawad
shaheen shaheen
عبدالمنعم الطيب حسن
سفيان بشير نابرى
MAHJOOP ALI
MOHAMMED ELSHEIKH
Nasser Amin
فيس بوك
تويتر
انستقرام
يوتيوب
بنتيريست