|
Re: يابكرى ابوبكر حدد لى المداخلات عشان تفكنى (Re: زهير عثمان حمد)
|
Quote: هههههه احسن ليك انداح كم يوم ونجي |
شايفة ياامتثال الاعتراف قالت احسن ليك انداح يعنى جايانى للمراسيل والنقة وودينا السوق وناس تهانى اختك جاين يتعشو معنا ونا تعبانة شوية اغشى معاك مطعم مرمر اسطنبول جيب مشاوى مشكلة وماتنسى امير ومحمد ودتهانى بحبو البيتزا والعصاير خليها فريش وهى البتكون اتصلت بتهانى وقالت لها تعالو اتعشو معانا ياحليك يابدرالدين ياود الحرم بت على خلاص ولا زمان الاندياح
| |
|
|
|
|
|
|
Re: يابكرى ابوبكر حدد لى المداخلات عشان تفكنى (Re: بدر الدين الأمير)
|
Quote: يا ود الامير وضيوفه الكرام تحياتي
والله أخوك مكفل ما قصة أسهل كتابة ساي أنشالله ينتهي التكاليف بنهاية العام ويطل عليك فارس جديد لكين كان جيت قطر حالف طلاق ما أزوك ولك كل الود |
ابو الزهو حرق الدستور وبعدين كيف تجى الدوحة وماتزرنى على بطلاق تزورنى على الاقل انداح معاك انت ماشايف تهديدات هادمت الملزات
| |
|
|
|
|
|
|
Re: يابكرى ابوبكر حدد لى المداخلات عشان تفكنى (Re: MOHAMMED ELSHEIKH)
|
غايتو يا ود الامير بعد القنبلتين الأخيرات الفكيتن في (البوستين) بول كديس ديل .... انا بقترح بكري يديك تلاتة مداخلات فقط في اليوم .. صدقني حيأدن الغرض وبيجيبن مفعول كافي .. عامل زي الحمار الداراوي لامؤاخذه طقة واحدة منو بتجيب قون مغربية ,, غايتو انا بقيت لامن أشوف مداخلاتك بتضاير .. خخخخ.. ضربة عكاز في عضمة الشيطان بس .. شتارتك تقع في الجبال والحجار ..
قلت لي دبة التور فتوشوب ياحاسد ..
والله كنت داير اكتب كلام أخير منو السكات .. كان باريناك بنروح شمار في مرقة .. بتغري الواحد بالاندياح القلتو فوق ده .. المشكلة ميدان سودانيز (خماسيات) .. مابتحمل فتح اللعب .. والا كان خليتك تكوس ليك مروحة تتهبب بيها مع الاسبليت الضاربك ده .. تحياتي لك ولنجمة (برضو لك) .. انت قايم في الناس وناسي نفسك بتغني وبتشيل .. ..
| |
|
|
|
|
|
|
Re: يابكرى ابوبكر حدد لى المداخلات عشان تفكنى (Re: بدر الدين الأمير)
|
Quote: شايفة ياامتثال الاعتراف قالت احسن ليك انداح يعنى جايانى للمراسيل والنقة وودينا السوق وناس تهانى اختك جاين يتعشو معنا ونا تعبانة شوية اغشى معاك مطعم مرمر اسطنبول جيب مشاوى مشكلة وماتنسى امير ومحمد ودتهانى بحبو البيتزا والعصاير خليها فريش وهى البتكون اتصلت بتهانى وقالت لها تعالو اتعشو معانا ياحليك يابدرالدين ياود الحرم بت على خلاص ولا زمان الاندياح |
ياامتثال شفتي ود الامير ده جنتل مان والله وزول واجب بدر ههههههه ياسلام عليك حافظ كويس وفيهم سوق معاك امير المكتب دايره انوم 😴😴😴
| |
|
|
|
|
|
|
تفسير القرطبي: "كان موسى أسمر شديد السمرة".. يعني بشاشا صاح (Re: بدر الدين الأمير)
|
اثناء اطلاعي على كتب التفسير.. استوقفني وصف سيدنا موسى عليه السلام للون بشرته بأنها سمراء شديدة السمرة.. صراحة كانت معلومة جديدة لي.. رجعت لتفسير الطبري فوجدت نفس الوصف ووصفه بالأدم اي الاسمر.
الأعراف - الآية 108 وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ
تفسير القرطبي ونزع يده أي أخرجها وأظهرها . قيل : من جيبه أو من جناحه ; كما في التنزيل وأدخل يدك في جيبك تخرج بيضاء من غير سوء أي من غير برص . وكان موسى أسمر شديد السمرة ، ثم أعاد يده إلى جيبه فعادت إلى لونها الأول . قال ابن عباس : كان ليده نور ساطع يضيء ما بين السماء والأرض . وقيل : كانت تخرج يده بيضاء كالثلج تلوح ، فإذا ردها عادت إلى مثل سائر بدنه
| |
|
|
|
|
|
|
|