|
|
|
 Re: احداثيات الانسان (Re: muntasir)
|
شكرا منتصر
عنوان البوست
عنوان لرواية للكاتب المبدع المابصاقع محسن خالد...
| Quote: يا زول محسن ما بتصاقع |
عارف يا منتصر عندنا صاحبنا في حلتنا فاضي سطير لكنه اعقل من كتير من قابلتهم لاحقا...
مرة اشتبك في الثانوي مع أستاذ الرياضيات
وحاولت إقناعه بان لا يصعد قائلا له:-
ان هذا الأستاذ قريبا منه فكريا فهو اشتراكي....
رد سري: يعني شنو اشتراكي؛
انا كافر عديل لا بعرف ......ولا ....!!!
المهم (ما بتاعة تبارك)...
صاحبنا دا بحب الخواجات جدا ومتاثر بيهم لدرجة انو ما عندو جلابية ولا عراقي؛
اها
جابوا ناس التلفزيون خطاب نقد في الجمعية التاسيسية إعادة
قتا ليه اسمع الخطاب
وكنت سمعته سابقا
بعد انتهاء الخطاب
جاني مباشرة قائلا:
نقد دا عقليتو دي ما عقلية سوداني؛
اههها
محسن خالد عقليتو ما عادية كلو كلو
ابداع حقيقي؛
غايتو ما لاقاني زيو تب
....
لا حولتن
| |
 
|
|
|
|
|
|
|
|
Re: احداثيات الانسان (Re: عبدالمنعم الطيب حسن)
|
خير جليس في الزمان كتاب؛
ومش اي كتاب
ولكن مع محسن خالد تحلو الجلسة،
منذ تلاتة شهور وطنت نفسي ان استفيد من ساعات انتظار
ايميل
او عميل
او معاملة؛
ان املاها بالكتاب...
كنت منذ سنين ابحث عن
كتاب المنسي للطيب صالح...
وسالت
ادريس خليفة علم الهدى
وهو من اباطرة النت؛ ومن من يهتمون بالكتاب وبالقراءة
ارسلي في ظرف ساعة المنسي
واصبح يرسل لي كل يوما كتاب ويعقبها برسالة مداعبة
اسف على الازعاج
واستمر الارسال والاسف
احفظ على الفرونديسك
واستفيد من الانتظار
زملائي في المكتب استغربوا اللنقطاعة الشديدة من الشمارات والعنكوليب!
عزوها امكن الزول دا مشغول
لكن معقول للدرجة دي؟
المهم انا سابح من بحور لبحور القِّط في البنور واستجم...
..............
| |
|
|
|
|
|
|
|
|
|
Re: احداثيات الانسان (Re: عبدالمنعم الطيب حسن)
|
محسن خالد؛
في هذا الكتاب يفتح المجال امامك واسعا للتامل
وللتمهل،
وللسباحة مع تيار اللغة الباذخة الهادية الهدية
ورضية زي لبن السعية؛
تقرا الجملة وتقيف فيها؛تهيم وتستنيم...
وتحلق ليس في كل في الجملة فقط
ولكن في كل كلمة في الجملة
ووتغيب مع المفردة المنتقاة النقية
اي كلمة مكانها ما كان لها ان تزبط
كان هذا الكلمة قد نحتت خصيصا لتنزل في هذه
الجملة
والجملة بكلماتها كلها من اعظم الكلام
والكتاب بجمله كلها من اجمل ما قرات على الاطلاق
.........
ما زلت متمهلاً جدا
لم اكمل امنيتي حتى الان
ولكني سابح في بحر النغم؛
| |
|
|
|
|
|
|
| |
عبدالمنعم الطيب حسن
حسين عبد المجيد
فيس بوك
تويتر
انستقرام
يوتيوب
بنتيريست