|
كتب الكاتب الفاتح جبرا المتوفرة بمعرض الدوحة
|
|
 Re: المواطن سبب رئيسي في انهيار الوطن (Re: عبدالحفيظ ابوسن)
|
لا انكر انني اردت توريط معاوية الزبير في إرجائه الكتابة
الحكومة واديناها حقها والمعارضة ما قصرنا منها باقي الكراع التالتة البتشيل تربيزة الوطن دة . التربيزة يا لعبنا فيها الكوشتينة والضمنة ولا بقت طاولة اجتماعات لحل قضية الوطن
وبعضهم جعلها مائدة للاكل
| |
 
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
صار هم المواطن الاغتراب او الهجرة
فالوطن عنده محطة ثانوية . قبل ايام قرأت في صفحة صديقة بنتي وهي طالبة في بواكير سنتها الرابعة بالجامعة . قرأت لها منشورا تقول فيه
الصوت الوحيد الذي تحب سماعه هو صوت عجلات شنطتها في ارض المطار
وتابعت معظم الردود ولم تختلف عن نفس الامنية
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
لا انكر اننا كآباء وناس فوق سن الشباب خذلنا اولادنا
قاعدين نتفرج فيهم وهم يقعون بين سوء السلطةوبطشها وتقاعس المعارضة الحزبية
المظاهرات كانت بتم انو الطلاب بمرقو ولا يقف الشارع يتفرج
الشارع بمرق معاهم ليس تضامنا بل يهمهم جدا ما يحدث
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: معاوية الزبير)
|
صحي فاضلابي
اللامبالاة
اول من زرعها فينا المعارضة !
حابسين الرادي نتابع اخبار الحركة الجاية تخلصنا
وبعد الحركة هادنت الحكومة
حبسنا الرادي راجين تحالف المعارضة والحلو قال وكتل
المعارضة قالت لينا اقعدو ونحن بنجي نخلصكم
عمرنا كلنا ما كنا بنرجا زول يخلصنا . برانا بنخلص نفسنا
بنكاتل جوة بلدنا
ما بنفز ! ولا ما بنقعد في الآخر نبارك
راجين من الزمن داك
ولي هسة
جلدنا بقا حلو
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
معاوية لو حلف كل الناس ضدك ولم تحلف
لصدقتك
انا اعرفك
هاك رغم الالم
سأل طفل ابوه
يا أبوي : ليه كل الاغاني الوطنية بتذكر الحكومة و إنجازاتها وبس؟!
وين المواطن و وين الشعب 😦
قال الاب: كيفن الشعب ما ذكروه !!
شفت القصيدة البتقول انا بلدي بلد الخير و الطيبة ارضه خزاين فيها جناين؟!
قال الطفل: ايوه
الاب : بسسسس #الجناين_ديل_نحنا ج
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
علمونا ان الشعب هو من يصنع التاريخ
المعارضة راجية الشعب يتحرك عشان تجي تحكم
ومجتهدة في الاجتماعات خارج الوطن
والتحالفات خارج الوطن
والمظاهرات خارج الوطن
والادانات خارج الوطن
المعارضة راجية الشعب يتحرك وياهون ديك قاعد تحرش فينا . امرقوا .. اطلعوا
والشعب راجي المعارضة تجي من برة
يستشفون يتمطقون
للاسف الشعب
العليهو الرك راقد رز
بفرح بي انجازات تافهة
لقا انبوبة غاز .. رغيف
وحتي كمان نستغل نفسنا في اننا نستغل من اهل السلطة في تجاوز ماهو حق لنا
نحن زاتنا بنشبه السلطة
نثور في محلنا زي الجدادة الراكضة .. تاخد ليها فرة بي جنحينها تنفض الغبار وتقعد تحضن بيضها
بنشبه السلطة نجوط عشان مالقينا رغيف . لكن عشان بنعرف الفران يسرب لينا دون الناس عشرين عيشة ونشيلها وننظر للصف الكنا فيهو بشماتة
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
الشعب دا يا وداب سـن فاضلة (متبقيـه) منـه ثلاث قطاعات:
الأول: هــو القبائـل وبالذات في الأطراف الشرقية والجنوبية والغربيـة
الثاني: هــو الطرق الصوفيــة وبالذات ما انشــق منها بفعـل فاعــل ... محمول على معرفتـك بـه ...
الثالـث: الرشـوة ... أي والله ... عديــل كـداً (ودي طبعاً أشكال وألوان على حسب ما عندك وذوق المسؤول)
ولا عزاء لحركــة التاريــخ ...
| |
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
وشغالين بالفارغة
والهيافة
ننقز زاي في مأتمنا
اسأل اي زول متنور عن امريكا
ولا بتلفت ليك زاتو
امريكا هي الامبريالية الحديثة
طيب يا مثقف ويا متنور وقت هي كدة راجي منها شنو ؟
كما يقول الفرنسين
لا يوجد اغلي من المجاني
راقدين مصران جداد نحن
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
بقرأ مرات انو فلانة ولا فلان فاز في بلدية ام طرقا عراض
يكتبون فرحين بهم
كأنهم في لاوعيهم يقولون
اهو نحن شطار
واقرأ ذلك كأن السياسة مهنة
واقرأ ذلك انه انجاز شخصي محض
لا يهمني في شئ
احتفي بمن يقاتلون داخل الوطن متخطين صعاب قاهرة . اناس عاديون
ستات شاي ولا اطفال درداقات هؤلاء من يستحقون الاعجاب
وليس من يمارس السياسة آمنا في سربه مطمئنا علي مستقبله ومستقبل عياله
قول بقا رئيس امريكا
سو واط
اوباما
قالوا كيني وقالوا مسلم
ولكنه لم يكن سوي امريكيا!!
هنا السياسة تكلفك
عملك
مستقبلك
صحتك
حياتك
هل يمكن ان نقول
سي جديد
نقطة سطر جديد ؟
ممكن
لكن بي تمنها
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
كان في مظاهرة في كلية الهندسة بكوستي
تلاتة اولاد جو جارين نص السوق . ووقفو يملأهم الحماس وبهتفوا
وطالبوا الناس يمرقو
كانوا منفعلين مفعمين بالحماس
الناس بقت بتعاين ليهم في لامبالاة
وواحد قال ديل صعاليك ولم يرد عليه احد محتجا
فأنكسرت نظرات الشباب وهمدوا
واحد منهم قال للناس
والله انا عايش احسن منكم لكن مرقت عشانكم
واستسلمو دون مقاومة لشرطة الشغب ودون ان يهربوا وكانوا لهم ذلك
انهزم شيئا داخلهم
نقلت كلية الهندسة من كوستي لضواحي ربك في مكان ليس ذي زرع ولا مواصلات زاتو
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
سلام عمدتنا ود ابسن ....
دعني اختلف معاك قليلا
الشعب ده الفيو مكفيهو من مشاكل لا حصر ولا عدد لها واولها واهمها
هم المعيشة فقد نجحت الحكومة في اشغال الشعب بالمعيشة والجري وراء لقمة العيش الصعبة
اعتقد المشكلة في المستنيرين و النخب والاحزاب وقادتها هم اساس البلاء علينا فاغلبهم
الحكومة عرفت تمنهم كم يا وزارة او عمارة او منصب او سفارة ووحدين فيهم بقوا كيزان اكتر
من الكيزان نفسهم ومثال لذلك الوزير احمد بلال والاخرين .... ووحدين خرجو واصبحوا معارضة فنادق وسوشال ميديا
ويطالبو الشعب بالخروج على الحكومة الظالمة القامعة لأي انفلات او احتجاج تقابله بالرصاص الحي
واحداث سبتمبر ليست ببعيده عن الاذهان ..
الهوه كبيرة بين الموطن والمعارض او المسيس او المستنير ...
المواطن والشعب يحتاج من يقوده يحركه يحمسه يتقدم الصفوف امامه في الشارع عندها تجد
الشعب كما تتمنى واتمنى ان نكون ... المرحوم قاليهم شنو حضرت ولم اجدكم ....
وتحياتي
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
Quote:
الهوه كبيرة بين الموطن والمعارض او المسيس او المستنير ...
المواطن والشعب يحتاج من يقوده يحركه يحمسه يتقدم الصفوف امامه في الشارع عندها تجد
الشعب كما تتمنى واتمنى ان نكون ... المرحوم قاليهم شنو حضرت ولم اجدكم .... |
شكرا محمد عبدالله
سلام حفيظ والجميع
| |
|
|
|
|
|
|
|
|
|
Re: المواطن سبب رئيسي في انهيار الوطن (Re: عبدالحفيظ ابوسن)
|
ود ابو سن
الشعب موجود وانا اراهن عليه
وكثير من المواقف اثبتت انو شبابنا وشارعنا لسه بخير رغم شراسة النظام
شباب صدقات
شارع الحوادث
مظاهرات سبتمبر
مخاطبات الاسواق والاماكن العامه البتعمله كوادر المؤتمر السوداني
وما ننسى النظام بي قبضتو الباطشه واساليبو الملتويه حجم دور النقابات
بالسيطره عليها من خلال انتخابات التزوير
وكمان التنميه السياسيه الحصلت حاول يعمي بيها الناس عن احتياجاته الحقيقيه
ودا نوع من الرشوه القاله مولانا الشايقي
مره من المرات في قروب المنطقه كان هناك نقاش محتدم حول تعديات واحده من شركات الحكومه على اراضي تخص الناس
وكنت ومعي اخرين بنحرض الشباب التصدي للاليات ووقف عمله
جاء تعليق من واحد من الذين يصنفون في خانة العقلاء
وقال ما معقول انتو خاتين يدكم في المويه البارده وفي المهاجر وعاوزين الاولاد يتصدو للرصاص ويتعرضو للسجن
فهنا دا محك حقيقي لينا لابد نضحي من اجل التغيير ولابد من ازالة اللبس اننا لسنا محرضين فقط ولكن معكم يا شباب
والشاهد انو تحريضنا للشباب نجح وكان التصدي زي ما اتوقعنا اقتادت الشرطه مجموعه منهم لكن البقيه واصلو
والنتيجه النهائيه وقف العمل ورضوخ الحكومه للتفاوض
| |
|
|
|
|
|
|
| |
عبدالحفيظ ابوسن
عبدالعزيز الفاضلابى
معاوية الزبير
أحمد الشايقي
Rami Abdelkareem
علي محمد الفكي
فيس بوك
تويتر
انستقرام
يوتيوب
بنتيريست