|
|
|
 Re: عدم الشغلة يعلم الحلاقة (Re: عبدالحفيظ ابوسن)
|
بدري جدا حكي لي مهندس من الري في سنار
في واحد منقول جديد عامل لسنار
وما لقا ليهو بيت بسعر يناسب بحثو
ونحن نعجبك اي زول يوصف ليك بيت بيتين
الوصف وصل لي زول عندو بيت جديد غير مسكون لأنو مسكون 😆😆
قال دايرو
الناس حذروهو وسيد البيت ذات نفسو حذرو
لكن ركب راسو
سيد البيت اداهو ليهو مجانا لكن رفض الا بايجار ان شاء الله
اتفقو ايجار واحد ج لمدة خمسة سنة
| |
 
|
|
|
|
|
|
|
|
Re: عدم الشغلة يعلم الحلاقة (Re: عبدالحفيظ ابوسن)
|
ابسن المبدع دوما
لك التحية و التقدير
عارف بوستاتك روعة و التقيل لجوة
لكن هنا انا حارد عليك بسطحية
ههههه ياخى الحلاق انت ظلمتو
الحلاقة مهنة بتجيب دهب
و بدون عنكبة و لا شقلبة و لا كلام كتير
انت قاعد و بتشوف هو بيعمل ف شعرك شنو
يعنى ما عندك حجة لو حلق ليك حلاقة انت ما عايزها
و ف النهاية حيقنعك بانو شعرك حيقوم ف خلال اسبوع بالكتير
ضيعنا عمرنا ساكت بدون ما نتعلم لينا صنعة و لا مهنة تنفعنا
ههههههههههه
...
ابسن الغالى اعرف ان اهدافك و مراميك بعيدة و ذكاءك لا يجارى
و اعذرنا ف تعاملنا السكحى مع عنوان البوست
و صباحات الحلاقة الراقية
مودتى و تقديرى
| |
|
|
|
|
|
|
|
|
|
Re: عدم الشغلة يعلم الحلاقة (Re: محمد بدرالدين)
|
بحكي لي المهندس
العامل جا سكن براهو . بالليل سمع كركبة قام مرق من الصالة للحوش ما شاف شي . داير يخش لقا باب الصالة اتقفل من جوة
مشي طوالي جاب نص عرقي وجا
النص بقا يومي
يجي يخش الحمام يلقاهو مقفول من جوة
يدق ليهو الباب
يا اخينا مزنوقين افتح ولا دايرينا نقلب العربية
ولا نايم يقلبو من السرير
ما تهظرو ياخ
المهم تعابش مع الامر شهور
ثم اختفت الظواهر
وبحكي المهندس قال لي بعد داك بيتو بقا جمبتنا
نضييف مافيهو شي
اداها شهرين اطمأن جاب اولادو
خايف يجيبهم اول يجنو
والبيت رخيص ومبني جديد وسمح
جنية واحد بس ما اكتر بجيب ليهو علبة برنجي
| |
|
|
|
|
|
|
|
|
|
Re: عدم الشغلة يعلم الحلاقة (Re: عبدالحفيظ ابوسن)
|
العقدة وين
سيد البيت بعد سنة قال داير بيتو
وحجتو مافي بيت زي دة بأجرو بي جنية واحد ليه اصلو مسكون 😆😆
لكن ببناتنا العقد والعقد شريعة المتعاقدين
انا قبيل لامن قلت ما بسكن مجان الا بي عقد
عارف اللولة دي
اها هسة بعدينك البطلع الزول دة من البيت بعد يتم خمسة سنة شنو 😆😆😆😆
| |
|
|
|
|
|
|
|
|
|
Re: عدم الشغلة يعلم الحلاقة (Re: محمد بدرالدين)
|
الجنحويد نكروها حطب
وكذلك الشرطة
وبيان الشرطة عتب على المواطنين برضوخهم للحلاقة
يعني الشعب غلطان..
والفيديوهات بتوضح انو في حلاقة تمت
تكون دي كتايب الملايكة الزماااان ديك حاربت معاهم في الجنوب
ما لقت ليها شغلة
قالت احسن نحارب الظواهر السالبة ..
اتوقع فتوة من اسحق احمد فضل الله في هذا الباب
| |
|
|
|
|
|
|
|
|
|
Re: عدم الشغلة يعلم الحلاقة (Re: Haytham Ghaly)
|
يا محمد نحن بنليس ساي
مرات يطلع مكعوج ومرات يعجب الناظرين حين يستوى علي ساقيه
واحد بحكي
اولاد حلتهم عطالة بقعدو تحت شدرة نيم . داير تحلق تقعد بس وتتونس
الجماعة بتفننو فيك
واحد حلق والمقصات تطاقش في راسو
رجع البيت ابوهو جا راجع معاهو غاضبا يتطاير الشرر من عينيه
الولد دة الحلق ليهو منو ؟
الجماعة اتناكروهو
وهو ما عارف
كان مدنقر وينظر للامام
| |
|
|
|
|
|
|
|
|
|
Re: عدم الشغلة يعلم الحلاقة (Re: عبدالحفيظ ابوسن)
|
ما شاء الله يا علي الملايكة في زمن المشروع الحضاري بقو ينشافو شوف عين !!؟
عمنا في السوق سمع نبي الله الخضر بجي في هيئة رثة ومزدراة
لكن اكتر شئ بميزو ما عندو ضل
اها بجيهو الشحاد خاشي جوة الدكان
ولدو عارف النظام .. بشيل قرش في يدو وزي الداير يديهو . وبلطف بسوقو برة الدكان يمرقو للشمش
ابوهو بناديهو
اها
يقول ليهو طلق ضلو مباريهو سلبة ويخت القرش في الدرج
فدحين
اتأكدو في ضل ولا مافي 😆😆😆
| |
|
|
|
|
|
|
|
|
|
Re: عدم الشغلة يعلم الحلاقة (Re: عبدالحفيظ ابوسن)
|
Quote: الجنحويد نكروها حطب
وكذلك الشرطة |
الامن منفرط يا ابو علوة
كل من هب ودب ممكن يلبس كاكي ويحلق للشعب
ياخي لمن عربات خليل جات داخلة ام درمان
بتاعين المرور سبتو كل الاتجاهات وخلوها تمر
حتى النظاميين بقو ما فارزين
فعادي جداً انو يكون الحلق للشباب ديل
هم شباب المؤتمر الوطني متخفين في زي رسمي
وشوية تاتشرات بدون لوحات من حظيرتهم التي تنضب
| |
|
|
|
|
|
|
|
|
|
Re: عدم الشغلة يعلم الحلاقة (Re: عبدالحفيظ ابوسن)
|
يقول المثل
الرجال صناديق
يعني ما تعرف الجواها الا تفتحها
كذلك الرجال لن تعرف مروءتهم من عدمها الا ان يجد موقف يتطلب المروءة او غيرها من القيم
كذلك الشباب
انا شخصيا أؤمن بقدرات هؤلاء الشباب . سعة افقهم وجرأتهم وشجعاتهم
ان وصلو الشباب فذلك نذير معركة النصرة فيها للشباب
| |
|
|
|
|
|
|
|
|
|
Re: عدم الشغلة يعلم الحلاقة (Re: محمد حمزة الحسين)
|
تخيل يا أبو ســن
حملات باللاندكروزرات في الشوارع المزدحمـة (في لفــة الكلاكلـة)
الشرطة موجودة بكل أقسامها ولو قامت (مظاهــرة) اللواري تظهر بعد دقيقتين بالكتير
لكن الحلاقة باللاندكروزرات المصورة بالتليفونات (ما شايفينها)
ومع ذلك في نفس اليوم يصدر بيان من وزارة الداخلية (يندد بالظواهر السالبة) من
قصات شعر وخلافــه
واتحاد الطلاب الاسلاميين بالجامعة الاسلامية يصدر بيان يستند إلى قرار (مجلس الوزراء)
بمحاربة (الظواهر السالبـة) ويحذر الأسر من التفريط في (زي) ابناءها وبناتها
(يعني ذنبكم على جنبكم) ويهدد بالنزول للشوارع لـــ (ضبط المظهر العام)
يعني الامور دي كلها صدفــة ؟؟؟؟
ياخي في منبرنا دا في ناس (ايـــدوا) حلاقة الصلع دي وقالوا (تمام التمام)
يودوا وشهــم ويــن بعد ما جماعتهــم (نكروها حطــب) عالم وسخــة ......
| |
|
|
|
|
|
|
|
|
Re: عدم الشغلة يعلم الحلاقة (Re: عبدالحفيظ ابوسن)
|
يا الشايقي شوف لامن تجيب زول يزدري اهل المدينة قبل ان يدخلها . وشايفهم عوين ساي وما ناس دواس
بل وتجد من يعجب به وهو يعيش في اكثر مدن العالم رفاهية ويعجب بهمجيته . لاهو جا كاتل معاهو لو كان صادقا . ولا ادان سلوكو
ولا اهل المدن من المسؤولين من يستحسنون عمله صمتا او نكرانا
لا اعتقد الامر تفلتات فردية
بل عمل منظم ومدروس
بالمناسبة الدعم السريع صار يضم جامعين وذوي شهادات عليا
| |
|
|
|
|
|
|
| |
عبدالحفيظ ابوسن
محمد بدرالدين
علي دفع الله
محمد أبوالعزائم أبوالريش
محمد حمزة الحسين
أحمد الشايقي
فيس بوك
تويتر
انستقرام
يوتيوب
بنتيريست