|
|
|
 Re: النت لا يصلح لانسانية هؤلاء (Re: عبدالحفيظ ابوسن)
|
| Quote: تركب ليك مكنة عربية ستة سلندر اخر موديل في هيكل عربية من 80 بحصل شنو ؟ |
مع التدويرة بترجف كلها وبعد شوية تبدا تظهر المشاكل في الشكبزورات (المفاصل) و البلالي (الركب) و الشاسيه (الضهر) و في النهاية العادم (####) بجيب زيت
| |
  
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
كلامك فيه قدر من الحقيقة
لذلك على المعنيين التعامل معه بهذا القدر
بالتأكيد الفيسبوك يناسب الشباب تماما لأنه إنتاج ثقافة جيلهم
لذلك تجد المتضررين من الفيسبوك هم في الغالب من جيل كبار السن
لأنهم تعاملوا معه بثقافتهم التي لم تعد أدواتها صالحة لهذا الزمان
أكرر على أبناء جيلنا التعامل مع الفيسبوك بقدر وليس الاندياح الكامل
زول يستبدل لي كلمة " بقدر " دي. ما مستحضر كلمة غيرها الآن
| |
|
|
|
|
|
|
|
|
|
Re: النت لا يصلح لانسانية هؤلاء (Re: معاوية الزبير)
|
ود ابوسن لك التحية
ما يكون نظرك ضعف ههههههههه
يا أخي لما أحكي لأولادي أنه كنا بنعمل الشراب (كرة قدم) والعلب (عربات) ولبسنا تموت تخلي ونلعب (بللم) وشلنا شنطة دمورية (كأنهم ما مصدقين)
عموما (الأيسكريم وخاصة أبو بسكويت والشوكولاته وووووو (أولادي بقول ليهم أمشوا بشرط جيبوها البيت وأقعد اكل معاهم وأتذكر - لما سفينا التراب هههههههههه)
معاوية الزبير قلت:
| Quote: زول يستبدل لي كلمة " بقدر " دي. ما مستحضر كلمة غيرها الآن |
ممكن نقول (بحذر)
لكم التحية جميعا
| |
|
|
|
|
|
|
|
|
|
Re: النت لا يصلح لانسانية هؤلاء (Re: فتحي عباس نقد)
|
حفيظ حاول وصله ما بعد اخر السبعينات
شنو مصعبه كده
السوشيال يا حفيظ صالحه لي كل الاعمار
وكل عمر بلقى حاجاتو وناسو
لكن مشكلة البعض فاكر نفسو لسه ابن 20 وهو الى ال 60 يزحف
فيدخل في حتة ناس العشرينات ويخلي ميدان ناسو
فتحصل الحوادث ووجع الركب والانزلاقات والكسور
| |
|
|
|
|
|
|
|
|
|
Re: النت لا يصلح لانسانية هؤلاء (Re: فتحي عباس نقد)
|
| Quote: النت لا يصلح لانسانية هؤلاء |
مواليد ١٩٩٠ ديل لو أضفتا ليها (+ or -) ١٠ سنة
بنمرق من تصنيفك دا ...
عموما" عشان المكنة ما تجيب زيت ويحصل
ليك القالو ودو في إجابته علي سؤالك ..
المطلوب تقنع نفسك وما تستعمل النت إلا لي
ما يفيدك في إنجاز بعض صعوبات الحياة
العملية والفكرية وحتي الاجتماعية ...
يعني مثلا" بوستيك بتاع سارة أنا قريت فيهو
المداخلة الأولي والتانية وعملتا ساين اوات ..
بعدين النت والحريق (دي كوشتينه لغير الناطقين
بها) بعلمو الخماله ويخلي الضبان ينوني فوقك
وما تكون جايب خبرو ... العمر مش بعزقه ...
| |
|
|
|
|
|
|
|
|
|
Re: النت لا يصلح لانسانية هؤلاء (Re: muntasir)
|
صحي يا معاوية
اكثر ضحايا الحرب الالكترونية ما بقدرو علي الجري دة وفهم ارضية المعركة
متعودين علي ونسة العمود والاستك والكبري
يتنوسو 3 لامن يجو يتفرقو يكونو 15 نصهم عرفو ناس جداد اول مرة في الجلسة دي
ونسة حميمة بدون حواجز
وقول لو كان معاها الفرح المعبأ في الكبابي يملصو عديل كدة . الواحد يمشي البيت كيوم ولدته امه
والسايبر ما كدة . في زول قاعد معاك وانت ماشايفو
ولا قاعدين معاك ناس وانت قايلهم نفر واحد
| |
|
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
تويتر غلبني يا ود الشيخ وماقسم معاي
يا فتحي كنا نعيش حياة حقيقية وتفاعل حي فجأة لقينا نفسنا في عالم ماقدرنا نفهمو
يا علي ما ياهون دي المشكلة انك بتختار عمرك براك ونوعك كمان 😆😆
يا احمد يسن ما كلهم
ههه عبدالله تشكر
يا صلاح النفس امارة باللهو والمتعة . تشوف المنقة لافة كدة وتقنب تعاين؟!
يا منص قاتل الله الويست 30 سنة تقريبا ما لعبتو
| |
|
|
|
|
|
|
|
|
|
Re: النت لا يصلح لانسانية هؤلاء (Re: امتثال عبدالله)
|
يا حفيظ قبل مدة قصيرة كنت داخل في نقاش مع مجموعة في واحد من قروبات الفيسجم ده
حول موضوع كده وتقريبا المداخلات انحصرت بيني وبين صاحبة الموضوع لعدد كبير من الردود
اها قامت في واحدة من مداخلاتها قالت لي الحاجة دي لو سألت منها ود اختك الصغير ممكن
يشرحها ليك!!
اصلو ما خطر على بال الزولة دي انو انا ممكن يكون عندي عيال وعيال كبار كمان.. دي قاعدة
في الداهي ده بافتراض انو الناس البيتداخلوا معاها ديل كللللهم طلبة وعندهم اولاد اخوات وإخوان
لكن هم لسه ما فكروا في الزواج حتى.. وفجأة اكتشفت انو انا قاعد لي وسط شفع ساكت وانو واضح
مافي اي إمكانية لتواصل معقول بدون ما تقيف وتفكر في الموضوع وتجي باستراتيجية مدروسة.
| |
|
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
الله يجازي محن العقد الخامس ويجازي شنينو،
والله ضحكت كما لم لم اضحك من شنين....
| Quote: أعتقد والله اعلم ال" توتر" مناسب معانا يا سنو |
| Quote: توتر اكتر من كده يا ود الشيخ |
| Quote: قررررربت يا شيخ العرب تقول "الإسلام برسالته الأولى لا يصلح لإنسانية القرن العشرين" |
| Quote: السوشال ميديا قصّرت المسافات.. وقصفت العمر |
| Quote: وقول لو كان معاها الفرح المعبأ في الكبابي يملصو عديل كدة . الواحد يمشي البيت كيوم ولدته امه |
| Quote: يا صلاح النفس امارة باللهو والمتعة . تشوف المنقة لافة كدة وتقنب تعاين؟! |
ذكرتوني عمكم ود الرضي.. يا الكبَّرتونا وقعدتو تضحِّكونا....
| |
|
|
|
|
|
|
|
|
|
Re: النت لا يصلح لانسانية هؤلاء (Re: هاشم الحسن)
|
😂😂😂😂😂😂😂😂
😂😂😂😂😂😂😂😂
كلكم طاشين شبكة .....
كل السوشيال ميديا صالحة للجميع
فقط
لو كانو مواصلين و متابعين ....
انتو لأنكم انقطعتو عنها فترة و لقيتو في مسافة بينكم و بين الناس قعدتو تنظروا في الفاضي ....
بقى في قاب كبير بينكم و بين ناس دخلو العالم دا قبل سنة او سنتين
التطور سريع فلازم تكون مواصل عشان يكون معروف ليك و تعرف كيف تتعامل معاه و كيف تستفيد منو ...
المشكلة في ناس الفارغة الجهلة اللي بستغلو النت دا للعبث ....
نسوان كبااااار عاملات فيها مراهقات ...
و رجال بي شنباتم عاملين فيها شفع ....
دي الحاجات اللي بتشوه استخدامات التكنلوجيا ....
العالم اتطور و اتقدم و انتو عايزين تشوفو ليكم اعزار لي تأخركم
😂😂😂😂
| |
|
|
|
|
|
|
|
|
|
Re: النت لا يصلح لانسانية هؤلاء (Re: ABUHUSSEIN)
|
الحبيب أبوسن والاحباب ..
بلا سوشال ميديا ..
أنا مازلت محتفظ بالجوال أبوكشاف ولا عرف حتى اليوم ناس آيفون والحاجات دي
في إجازتي الاخيرة في البلد في آخر دنقلا .. كل الناس كانوا مستغربين ..
إطلاقاً ما عندي رغبة ولا مزاج في الموضوع ..
والجوالات الحديثة مادياً مفيدة إتصال مجاني .. وبأقل تكلفة أحياناً
الحاجة في البيت تجهز مكالمات ناس البلد والشهادات العربية
وأنا أتكلم في جاهز .. وتجيب لي صور الحواشة والشتول كمان
مفيد ومهم لكني لا أطيق هذا الشيء ..
تحياتي أبو السن .. والاحباب
| |
|
|
|
|
|
|
|
|
|
Re: النت لا يصلح لانسانية هؤلاء (Re: Salah Zubeir)
|
Quote: إتا عارف أنا وسنو فهمنا علي قدرنا ...
غايتو الهاشات ممكن نجتهد فيها ...
لكن النقط دي نخت كلمة من سفيان
ولا نخت الليلتك ديك ... |
راعي عامل السن يا حاج الطيب
الكُبر بعمل أكتر من كدا... 
زي دا مفروض يعملو ليه فلتر خاص ...
غايتو لو ما نحن ناس صبورين و بنراعي للعشرة كان زمااااااااااااان هجرنا المنبر دا بي سببو ....
فحقو ما تدقق فيما يكتب عشان ما تلفت إنتباه المحترمين لي كلامو ...
| |
|
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
يا ابوحسين
مش ناس كبار عاملين صغار
لكن ناس صغار بقردنو في ناس كبار 😆😆😆
احكي ليك دي
واحد راكب في المواصلات شماعة . ركبت واحدة واحتكت بيهو وحدث ما يكره عقباهو
اتلفت عليهو ومسحت بيهو الواطة
اتلفت علي الناس وقال ليهم
يا جماعة انا ركبت قبليها . وهي جات براها
يعني تاني الواحد يخت العدة في البيت ويركب المواصلات
الحكاية بتصرف شديد 😆😆😆
| |
|
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
يا ودو خليك عميق ياخ
شلت كل الزوايد والاحاديث الجانبية وتعليقات الجمهور
وشذبتها وهذبتها واخرجتها مؤدبة تسر القارئين
ما تخليك شناف
هسة سألناك من نقاطك وشخبتاتك الفوق
نقوم ندخلها المترجم الشعبي هسة نقنب في الحلايف
| |
|
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
ثمة متغيرات كثيرة اصابتنا ورغم انف ودو فهي من الحكومة والسلطة
تغير مفهوم العمل الامني
الامن زمان كان براقب الفعل . هسة بصنع الفعل للقبض علي الذين يرجون فعلا ومستعدين له
يعني بدل يرجاهم يشتغلو . بجهز ليهم الملعب . ويزداد خبرة في كيفية نصب الشراك باكتساب المهارات واستيرادها
حتي التعيين بقا ما بخضع للرغبة ممكن تشتغل مضطرا وبكون بي مكاسب عمل اقل . تجنيد باستغلال الظروف
تكلفة الحياة صارت عالية وصعبة وقاسية
ما بتكون عارف الناس بتدبر معاشها كيف زاتو
بياتو طريقة
وبياتو تنازل
الناس بقت صناديق مغلقة باحكام
| |
|
|
|
|
|
|
|
|
|
Re: النت لا يصلح لانسانية هؤلاء (Re: عبدالحفيظ ابوسن)
|
ف شنو
تكتشف فجأة انو زولك البتعرفو ليك كم سنة ما ياهو
زول افتراضي ساي
لكن
في حاجة جواك بتقول ليك انو ما كان افتراضي معاك
تعامل معاك بذاته الحقيقية وكان صادقا في محبته لك مخلصا لك
آي الظهر عنو دة حقيقي
لكن ما ليك
وتبقا في مفترق طرق انساني زلق وحاد
تحتاج فيه لاكثر من عقلك لتتعامل معه
| |
|
|
|
|
|
|
| |
عبدالحفيظ ابوسن
محمد البشرى الخضر
معاوية الزبير
MOHAMMED ELSHEIKH
فتحي عباس نقد
علي محمد الفكي
Ahmed Yassin
عبدالله عثمان
Salah Zubeir
سيف النصر محي الدين
هاشم الحسن
ABUHUSSEIN
علي عبدالوهاب عثمان
فيس بوك
تويتر
انستقرام
يوتيوب
بنتيريست