|
Re: الحكومة الرشيقة_ صحي هي كدا (Re: زهير عثمان حمد)
|
نحنا لمن قلنا أرحل .. كان قصِدنا … انو ترحل .. مش تبدل في الكراسي … والطرابيز الدواير .. والترلات البتاكل … في ضهرنا ولا بتخجل ..
أرحل .. أرحل .. يعني شتت .. يعني فارق .. غوور في ستين الف جردل ..
ما بيفرق لو تغيير انت نافع .. او تخت في بدلو شافع ..
ولا مجنون لافي حايم في الشوارع .. او مُسطًل ..
نحنا دايرين .. زول زراعة .. يعرف الواطة البتنتج .. يعرف المحصول ونوعو .. والبذور الما بتفشل ..
نحنا دايرين … زول تمرجي .. يعرف المرض المُوطًن .. لينا يكشف كل علة .. ماهو بس دكتور ويصهل ..
نحنا دايرين .. زول مدرس .. يمسك الطبشيرة يشرح .. تمرق المعلومة منو … لي اقصي بلادنا توصل .. نحنا دايرين …
زول مهندس …. يفهم المكان المعصلج .. يركب الترحيل جماعي .. يلبس الابرول ويسهر … يلحق الفي الريف مُعطًل ..
نحن دايرين .. زول حقوقي … قاضي يحكم بالتساوي .. يستمد منهج قضاهو … من شريعة رب أعدل
نحن ماااااا دايرين كراسي … لا لا ما دايرين مناصب …
نحنا دايرين بس بلدنا …. تبقي لينا .. ونبقي فيها … ونبقي ليها … وهل تصدق ..
شان دا يحصل .. لازم …. كلو كلو … انت ترحل .. ؟
(منقول)
| |
|
|
|
|