03:58 PM September, 12 2018 سودانيز اون لاين Osman Musa- مكتبتى رابط مختصر قصص لا ليها حد لا ليها عد عن الدومة المسكونة . الدومة واقع عاشه سكان مدينة الدبة والمسافرين بي طريق المديرية الشمالية . حوادث سيارات بي الميات ما اتعرف ليها سبب عند المرور بي الدومة . و كل الحكومات المرت فشلت في قلع الدومة بي البلدوزرات . وكل البلدوزرات اتكسرت تحت ضل الدومة المخيفة . سبحان الله الاسبوع ده الدومة وقعت تحت فرك الرياح والرعود القوية الماحصلت . السكان مسمنها مثلث برمودا .
اعتقد انها خزعبلات ساى نفس القصه عندنا فى بلدنا دومة الوراريك وكانت بتخيف الناس بانو فيها جان وكل الناس بتحلف انها مسكونه وسبحان الله كبرت ووقعت وباقيها شالو الهواء لكن الحمد لله مافى اىزول اصيب ب ضرر منها بس كنا صغار ونسمع بانها مليانه جنون لكن اعتقد انها خيالات فقط لاغير
09-13-2018, 04:54 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا ابوالنسب د. عبدالله سلامات ياخ ديل كل شي فيهم تجندل . طاح عليهم زعل الامة . كلهم لحقو الدومة . اشهر دومة في العالم . قالوا في انجليز كان دايرين يعملوا عنها فيلم . ودقوا الخيمة و رتبوا المكان و في اول يوم شدوا الحلة في النار . بعد شوية الحلة اختفت . طوالي جماعتك كسحوا علي الخرطوم
09-13-2018, 06:37 AM
walid taha walid taha
تاريخ التسجيل: 01-28-2004
مجموع المشاركات: 4327
لعل هذا ما يُفسّر شراب أحمد سلطان ل 7 بيضات قبل كل سفرية بنيسانه الذى يمخر بها عباب الصحراء مارا بالدومة المزعومة فالرجل الى ان ادركه الموت لم يعطينا تفسير للشراب ده !
عصمان إزيك
09-13-2018, 08:50 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
الاخ الوليد كيفك البيضات ال 7 ما حلن زولك . دشمان كتير حصل حول الدومة المحروسة بالجن ود ابيض سيد اللوري التيمس حلف شاف بنات الجن يشون في قنقر عيش الريف و قال : لو ما مسك في قل هو الله احد . كان هسع مكتف في كدباس
09-13-2018, 07:41 AM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3576
Quote: فالرجل الى ان ادركه الموت لم يعطينا تفسير للشراب ده !
يا وليد لرقم 7 له اسرار ويقال البركة في الإفراد ممكن 3- 5-7-11-17 21-27 وهكذا أما البيض فله علاقه بالأتربه التي تتراكم في الصدر خاصة وذاك الزمان لم يشهد الشوارع المسفلته ... والله أعلم ... تحياتي للأخ عثمان موسي ومواضيعه المتفردهـ كم تمنيت ان التقيك فهل تمانع في لقاء الكيزان المعتدلين ههههههههههههههه : : : : : : مع التحيات لله الزاكيات
09-14-2018, 11:21 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
السنجك عثمان
عبدالله عثمان
walid taha
Hani Arabi Mohamed
فيس بوك
تويتر
انستقرام
يوتيوب
بنتيريست