|
Re: أها أخبار سد النهضة شنو ؟؟🤔 (Re: Munir)
|
السلام عليكم السد متعثر أطراف كثيرة متداخلة الفساد ضارب بأطنابه في الشركة الوطنية المنفذة البعض هل يقاتلون من اجل أنفسهم ؟ لا أري لهم مصلحة مباشرة ، التركي ولا المنورك
| |
|
|
|
|
|
|
Re: أها أخبار سد النهضة شنو ؟؟🤔 (Re: اخلاص عبدالرحمن المشرف)
|
لوسي تحياتي واشواقي .
أطراف كثيرة متداخلة الفساد ضارب بأطنابه في الشركة الوطنية المنفذة البعض هل يقاتلون من اجل أنفسهم ؟ لا أري لهم مصلحة مباشرة ، التركي ولا المنورك لو سمحتوا دخلونا في الصورة حقيقة انا ما نتابعة غير اخبار السودان . الحاصل شنو بالضبط لجيرانا البنحبهم ؟
| |
|
|
|
|
|
|
Re: أها أخبار سد النهضة شنو ؟؟🤔 (Re: اخلاص عبدالرحمن المشرف)
|
بت عمسيب سلامات .. الحاصل إنو فجأة كده رئيس الوزراء الاثيوبى الجديد صرح فى الإعلام إنو السد يوجه عقبات وربما لا يمكن إتمامه !!!! أها الناس قفلت على كده وتانى لا حس لا خبر على هذا الكلام المقتضب المبهم عن هذا السد الذى شغل دول حوض النيل .. دايرين نشوف لو فى أعضاء متابعين القصة أو عندهم تحليلات واستنتاجات عن الموضوع .. والشئ المحير هو كيف الاثيوببين مافى زول قال بغم عن هذا التصريح الذى يهدم آمالهم القومية ؟؟ !!!
طبعاً المصريين فرحانين ينططوا ويعتبروا توقف السد من كرامات مصر المحروسة .. !!
| |
|
|
|
|
|
|
Re: أها أخبار سد النهضة شنو ؟؟🤔 (Re: اخلاص عبدالرحمن المشرف)
|
التوترات الداخليه نتاج صراعات مختلفه الصراع على السلطه بين القوميات ودخول اطراف اقليميه لتعطيل مشروع السد (مصر). اثيوبيا كجزء من القرن الافريقى واهميتها الاستراتيجيه اصبحت جزء من صراع التحالف وايران اسرائيل على الخط ايضا. والسودان غير بعيد كطرف فى لعبه المصالح .
| |
|
|
|
|
|
|
Re: أها أخبار سد النهضة شنو ؟؟🤔 (Re: Asim Ali)
|
الأخ عاصم .. التوترات الداخلية دى نقول كانت بسبب هيمنة التقراى ومعارضة الأرومو .. لكن أهو ابى أحمد من الأرومو وبذا ممكن تنطفئ توترات الأرومو .. لكن الشئ المحير هو أن هذا السد يعتبر مشروع قومى كبير بالنسبة لأثيوبيا فكيف بهذه البساطة يأتى ابى أحمد ويهدم آمال الاثيوبيين ويصمت الجميع؟؟ هل يمكن الأمارات وعدت بتعويض اثيوبيا إن هى تخلت عنه فى الوقت الحاضر فى مقابل مليارات عاجلة ويكون ذلك لصالح مصر .. فبدلاً عن دفع المليارات لمصر قالوا لمصر ندفعها لأثيوبيا؟ .. وهل أراد ابى أحمد قبض المليارات الاماراتية العاجلة وربما مستقبلاً يستأنف مسيرة السد؟ ده إحتمال وارد جداً .. لأنه ماممكن بعدما شارف السد على النهاية تقوم تخش الامارات فى الصورة وتقارب اثيوبيا مع اريتريا، وثم وفجأة كده تطلع تصريحات بأن السد يمكن أن لا يتم !!!! الحكاية فيها إن !!! معقول حكم السيسى لمصر مهم للإمارات للدرجة دى؟؟ .. أنا شايف إنه استقرار السيسى فعلاً مهم جداً للإمارات لأنه لو السيسى سقط واستلم الأخوان السلطة فى مصر فذلك سيعنى سقوط حكم الامارات والسعودية لا محالة .. لأنو بدلاً عن أن تكون مصر حليفة للسعودية والامارات ضد قطر وتركيا ستصبح مصر خليفاً لقطر وتركيا ضد الامارات والسعودية .. إلخ ..
| |
|
|
|
|
|
|
Re: أها أخبار سد النهضة شنو ؟؟🤔 (Re: Munir)
|
تحياتي الاخ منير والمتداخلون الكرام
الشركة الاثيوبية المناط بها مراقبة اعمال السد فنيا وماليا هي شركة metec المهندس الذي تم اغتياله هو اول من سبر اغوار التلاعب، فدفع حياته ثمنا لهذا الاكتشاف بعد تحريات وجد الرئيس ابي احمد ان الفساد ينخر في جسد الشركة ماليا وتقنيا وهندسيا فكان ان تم ايقاف العمل حتى يتم رأب كل الصدع في جسد الشركة
| |
|
|
|
|
|
|
Re: أها أخبار سد النهضة شنو ؟؟🤔 (Re: ابو جهينة)
|
الأخ ابوجهينة سلامات.. يعنى نقدر نقول الاثيوبيين طلعوا فاسدين زينا؟ ..
لماذا الفساد ده بس ظهر مع ابى أحمد وفى هذه الفترة الوجيزة ؟ ثم إنو السد ده قايمة بيهو بيوت خبرة عالمية أعتقد .. فهل أولئك برضو فاسدين؟؟ وليه تلك الخبرات العالمية ما احتجت على تهم الفساد التى ستدمر سمعتها؟
| |
|
|
|
|
|
|
Re: أها أخبار سد النهضة شنو ؟؟🤔 (Re: Munir)
|
في الآونة الأخيرة الأخبار الجايه مش ولابد يامنير .. شي شح في التمويل وشي اضراب عمال .. ده غير مقتل المسؤول الأول في ظروف غامضة .. وافلات الجناة الشغلة كده ماشه للأسوأ .. وده المتوقع ولو من وجهة نظري البحتة .. أها المتضرر الاول نحن ديل ولا أحد غيرنا .. وحتى لو اكتمل سد النهضة ده برضو تضررنا المحيق .. سيتبدأ للناس لاحقا وحيشوفوه شوف العين .. الفوائد البيستعرضوا فيها الخبراء ديل .. لازالت شي نظري ده غير اتخاذها كوسيلة للاقناع .. ولتمرير المشروع البقى واقع يحثم على صدورنا .. مافي شيء ملموس كله تنظير في تنظير .. لكن صراحة التشاؤم أخير نبداه من هسه .. قبل الفاس تقع في الراس ..
النبوءات بعطش أرض الكنانة جاي .. والخرطوم يا حرقه ياغرقه .. برضوو حتتحمدنا .. بعدين يامنير خلي بالك للدور العظيم .. الحيلعبوا هذا الشعب المنسي في الخراب .. من لدن ذي السويقتين وانت جاي .. غايتو الله يكضب الشينة لكن الحيسووه الحبش .. الناس تعرفه لي قدام وتشوفه شوف عين ..
| |
|
|
|
|
|
|
Re: أها أخبار سد النهضة شنو ؟؟🤔 (Re: جمال ود القوز)
|
سلامات جمال القوز ... شايفك مسجل غياب ..
الحكاية كلها اصبحت ألغاز .. يعنى موت المهندس المسئول عدى زى الماحصل حاجة .. وبعدين حسب الصورة المهندس ما أظن عمره وصل الاربعين، فكيف كان مسئولاً عن هذا المشروع الكبير .. ؟؟ !! ده بالإضافة للملاحظات الأخرى الوردت فى مداخلتك .. بس أنا محيرانى البساطة التى جازفها رئيس الوزراء بإعلان نعيه للسد .. فماذا وراء الكواليس؟؟ .. ماأظن المعلومات المتضاربة المتداولة يمكن أن تؤدى للحقيقة .. فمافى حل غير بالاستنتاج بطريقة الكلمات المتقاطعة .. لأنو فى الزمن ده الأكاذيب تتطاقش ..
| |
|
|
|
|
|
|
Re: أها أخبار سد النهضة شنو ؟؟🤔 (Re: Munir)
|
الاخ منير - مساء الخير مازال هناك دوله عميقه للتقراى وحسب بعض بوستات هنا مثلا حدوث اضرابات وماتنسى تفجير احتفال حضرو ابى احمد وحديث عن بوادر صدامات فى بعض المناطق.. الخابرات المصريه بتستثمر الصراعات الداخليه لتعطيل مشروع السد. اظن انو الامارت (التحالف) مشكلتهم اكبر لانو دايرين يصنعو منطقه عازله مواليه فى القرن الافريقى وتامين باب المندب وحوض البحر الاحمر من تمدد النفوذ الايرانى من اليمن خاصه مدينه هرر فى شرق اثيوبيا تعتبر مدينه (قم) الافريقيه لدى الشيعه.
| |
|
|
|
|
|
|
Re: أها أخبار سد النهضة شنو ؟؟🤔 (Re: Asim Ali)
|
حبيبنا منير .. مودتي .. الحبيب منير لقد اصابني إحباط من توقف بناء سد النهضة كنا نحن في الشمالية أكثر المستفيدين من السد .. أنا شخصياً بعد مشروع السد وبعد الضمان بأن الفيضان بعد السد لن يصل إلى درجة الاغراق فكرت جداً في إحياء سواقي الاجداد أننا كنا لا نشتل فواكه أو نخيل قريباً من الجروف لأن مجهودنا سوف يضيع مع أول فيضان .. كنا نريد أن نكون مثل المصريين بعد السد العالي أن يزرعوا كافة المساحات حتى ضفاف النيل أما نحن فقط نزرع الشتوي الفول أو القمح .. لأن الصيفي ما مضمون .. أما الفوالكه يا منير في الجروف وعلى النيل حاجة لاتصدق إنتاج عالي جداً ( تكلفة تقريبا زيرو مقارنة بالاستثمار خارج الجزر) ثمار في منتهى الجودة بدون سماد خاصة البرتقال والقريب والمانجو لأن زراعة الجروف لا تحتاج للكثير من المياه فقط ( رش )
تخيل ( المكادة ) الذرة الشامية يمكن زراعتها في الجزر ( 3 مرات في السنة ) لأنها فقط تستغرق حوالي (55) يوم ما بين الزراعة والحصاد وبدون سماد ..
الكارثة جاءت إلينا بعد غرق الجزر وعدم السيطرة على الفيضان والعكس مصر زادت إنتاجها من الفواكه والخضر المروية من النيل وفي الجروف وهي تصدر مباشرة إلى أوربا وبدون سماد ( خاصة الفراولة ) .. أما الفواكه الملوثة فتزرع بعيداً عن النيل .. فلا يمكن لنا أن نكون تحت رحمة مياه النيل طوال حياتنا
وايضاً كان أهلنا على أمل أن يعيدوا ترميم بيوتهم والرجوع إليها
إذا توقف هذا السد سوف يكون كارثة بالنسبة لنا .. تخيل جزيرتنا بعد دنقلا شمالاً بها 60 ساقية ( من الساقية 1 إلى 60 ) وكذلك الجزر الاخرى الممتدة .. يمكن الاستفادة منها ..
حبيبنا منير .. أنا ليس لدي تخصص ولكن كلام تربال مجرب من الجدود إلى الابناء
مودتي معليش نبرة الحزن .. كمان اللغة العامية عندي تعبانة ( ضواحي الدنيا )
| |
|
|
|
|
|
|
Re: أها أخبار سد النهضة شنو ؟؟🤔 (Re: محمد البشرى الخضر)
|
ياشماتة أبلة ظاظا ظاطا يا ودالبشرى ..
الراجل كلامه منطقى بالرغم من أنه لم يفوت إنو يتمه موية عن خبرة مصر وخبراء مصر .. النقطة المهمة فى كلامه هى عن استقالة الرئيس السابق وتسليم القيادة ببساطة للجديد بدون إبداء شوشرة وأسباب .. لكن المعلق المصرى قال ان الاستقالة كانت انسحاباً من مواجهة مسئولية السد الماسورة .. ويمكن قال يدرعها فى رقبة المسلم الأرومى ده (ده لو كان مسلم) .. لكنه بكده بيحصل العكس (إذا افترضنا فعلاً أن السد فيه مشكلة) . إذ بالطريقة دى الاثيوبيين حيقولوا ديسالين جبان أخفى الحقائق، وابى احمد شجاع تكلم عن الحقائق .. لكن أنا ماقادر أقتنع بإنه هذا المشروع يتوقف بالسهولة دى !!!!! .. وما موقف والجهات الممولة من هذه الأخطاء ومحاسبة المفسدين والشركة المصممة ووو....
ونحن حقنا وين ؟😎😎😎
| |
|
|
|
|
|
|
Re: أها أخبار سد النهضة شنو ؟؟🤔 (Re: علي عبدالوهاب عثمان)
|
أستاذنا الحبوب على عبدالوهاب عثمان.. والله السياسة دى حيرتنا وفى نفس الوقت الإعلام يودى الناس شمال ويمين فلا تعرف الصاح وين والكذب وين !! شخصياً اصبحت اعتمد على الاستنتاج النفسى ههههه .. وده معناه اضع نفسى فى مكان السياسى المعنى وأشوف حيتصرف كيف إزاء المعطيات التى تحيط به .. يعنى مثلاً انا غالباً اعزو تصرفات البشير لخوفه من الجنائية وإنو يقبضوه ويشمت فيهو الأعداء .. لذلك تراه يمشى لبوتين ويشحده الحماية عديل كده .. وكذلك نفسيات السيسى ونفسيات ابن زايد القالوا قرأ ابتدائى .. وكذلك ابى أحمد الاثيوبى وغيرهم .. بما فيهم ترمب زاتو.. ففى الآخر تختزل المواقف على شخصية الزول ونفسياته .. وتلك طبعاً تضخمها السلطة لأنو منظور العالم بيختلف وانت تنظر من فوق والسلطة لعبة الموت : قاتل أو مقتول .. ماشفت هيئة نميرى وهو يقرأ خطابه وسط زملائه بعد نجاته من الشيوعيين وقضائه عليهم .. كان نفسه قايم وعرقان ومضطرب .. لأنه فى تلك الأيام كان أمام قرارات صعبة بتصفية زملاء وأصدقاء ومجابهة أجواء تنتشر فيها زيفة الدم .. فالسياسة فى قمتها دموية .. وذلك عندنا فقط (العالم التعبان) .. لكين شوف السياسة فى اسكندنافيا حيث السياسيين يتفسحوا مع بعض بالعجلات ويدافروا فى المواصلات .. وووإلخ .. الأحوال جايطة ماعارفين راسها من قعرها . وكل منا جايط لما يُسّر له .. 😁 هسه عندنا الحكومة السودانية شابكانا سد النهضة سيوفر وسد النهضة سيجعلنا نستفيد من حصتنا كلها وسد النهضة شنو وشنو .. فهل شفتها جهزت نفسها لسد النهضة؟ هل شقت الترع؟ هل جهزت الطورية والمنجل والواسوق 😎؟.. هل عملت احتياطات لإحتمالات إنهيار السد أو حتى أن تستخدمه إثيوبيا ضدنا كقنبلة مائية مدمرة مقنطرة فوق راس جبل؟ دى ٨ مليار متر مكعب (والل كم هى؟) قاعدة فوق راسنا وممكن تنفتح فى أى لحظة لأى سبب وتدمر السودان ومصر مع بعض .. فنحن إذا كان خريف بسيط ومطرة واحدة بتغرق الخرطوم وتوقف الحياة فما بالك بقنبلة مائية بقوة ١٠ فيضانات تنطلق دفعة واحدة .. !!!! .. ماشايف أى تحسب للفرضية دى.. بل ماشين بحسن النية .. وحسن النية كان ماشى كويس مع رئيس اثيوبيا السابق، لكن شوف كيف تبدل الحال فجأة وتبدلت السياسة وجاء رئيس أظنه سيعمل على محاربة السودان بتحريض من الإمارات .. أما أهلنا الفى الشمالية غايتو الله يكون فى العون .. هسه الأيامات الفاتت دى شايف أهلنا فى الزومة قالوا البحر جاءهم كاسر وغرق درب الجمل (درب الجمل هو شارع العربات الترابى الذى يفصل بين بلد بى تحت والبيوت 😁... وحسب علمى فإنه يمتد من كريمة ويمر بكل البلدات واحتمال يكون واصل دنقلا زاتو !! ... بلد تحت هى الارض المزروعة نخيل ومزروعات أخرى ، وتمتد مابين درب الجمل والبحر ، واتساعها مابين كيلومتر واحد و٢ او ٣ كيلومترات .. ). معليش برضو اسهبت ليك فى معلومات من ضواحى الدنيا .. 😁😁 يخيل لى انى مع الاندياح نسيت الموضوع الاساسى ..😁🌹🌹
| |
|
|
|
|
|
|
Re: أها أخبار سد النهضة شنو ؟؟🤔 (Re: Munir)
|
حبيبنا منير .. شكراً على الاندياح .. ما شاء الله عليك ..دائماً كده .. كفيت ووفيت .. بدأت من الجنائية .. وإنتهيت بأهلنا في الزومة
أنا عندي المهم أهلنا في الشمال .. كما ذكرت لن نعرف اي حل ( هل السد قايم أم لا ) كم سنة وعود ورسم صورة جميلة عن السودان بعد السد وبعد أن هيأ الناس أنفسهم .. نرجع للصفر .. هؤلاء الناس .. فقط أهل لخطاب اللحظة لإثارة التكبير والتهليل ومن كثرة الحماس يتخيل إليهم أنه يخاطبون الاموات ( المقابر) وليس بشراً ممكن بعد أيام نسمع أن السد كان كارثة للسودان وأن الله قد أنقذنا من شر هذا السد
شعور بالاحباط .. تحياتي منير الحبيب ..
| |
|
|
|
|
|
|
Re: أها أخبار سد النهضة شنو ؟؟🤔 (Re: محمد حمزة الحسين)
|
الحبيب منير .. مودتي .. كل مرة أطل على البوست لأجد أي خبر عن السد .. السد وبناؤه مهم لنا في الشمال .. لنرتاح من الفيضانات والدمار والاستفادة من الجزر حتى المصريين بطلوا الكلام عن السد أظن في حاجة في الموضوع غير ظاهرة للعيان يبدو كمان أبي أحمد لديه ملاحظات على السودان أو بالأحرى على الرئيس البشر .. ربما البشير أطلق بعض الكلام على عواهنه في الاجتماعات المغلقة معه .. والعبارات العفوية لا تصلح في تناول السياسي لكن في الظاهر ما في شيء .. نظريات أنهم إخوان مسلمين أو كانوا داعمين للتقراي .. إلخ لا أظن لأن البشير قوبل بإحتفائية بالغة وبعد التواصل والاجتماعات قل الحماس
شكراً منير تحياتي ..
| |
|
|
|
|
|
|
Re: أها أخبار سد النهضة شنو ؟؟🤔 (Re: مهند سوركتي)
|
مهند وو تونجل .. سوركتي ..
أبدأ من مقاصر إلى بدين .. موسنارتي مراوارتي بلنارتي أرتقاشا عبدالله نارتي بدين ...إلخ وكل هذه الجزر قريبة جداً من بعض
كل سنة نكون مهددين بالغرق عايزين استقرار للمنسوب لأن الزراعة في الجزر تكلفتها أقل ( حتى بدون سماد )
التحية لمنير الحبيب صاحب البوست حتى منير أهله في الشايقية نفس وضعنا
| |
|
|
|
|
|
|
Re: أها أخبار سد النهضة شنو ؟؟🤔 (Re: علي عبدالوهاب عثمان)
|
Quote: أبدأ من مقاصر إلى بدين .. موسنارتي مراوارتي بلنارتي أرتقاشا عبدالله نارتي بدين ...إلخ
افوو اون اما ارمود ارقي جابوسكون والله ياخ الايامات دي الموية زايدة شديد خلاص الله يستر وناس مقاصر الآن واقفين في الجسر الله يديهم العافية |
| |
|
|
|
|
|
|
Re: أها أخبار سد النهضة شنو ؟؟🤔 (Re: مهند سوركتي)
|
المنيّر والضيوف سلام نعم قال رئيس الوزراء الاثبوبي ان السد يواجه مشاكل فنية مواليه اذ ان الشركة ميتوك المناط بها المكون المحلي ليست ذات خبره في المجال وهذه يقودنا للفساد عينه في ظل الدولة العميقة واثببوبيا ليس استثناء الفساد موجود لكن السؤال درجة الفساد ونوعيه الفساد لذا اصدر رئيس الوزراء قرار سحب العمل من الشركة في إطار المراجعات ثانيا ماليا بما ان هناك شركات غير مؤهله ألقت بطلال علي موضوع الفساد وان هناك مليارات مفقودة وهذا يفسر في انتحار المدير بعد الحقيقة الصامده بعد ان كان بطل قومي يغني لع في الجانب هذا هو مشروع العمل الاثبوبي لايمكن للشعب التنازل عمه مهما كانت إغراءات الدول والتداخلات الإقليمية والدولية فالشعب هنا في اثبوبيا عمل بنك مساهمه ساهم فيه الكل ريعه للسد اسمو بنك اباي واباي بلغه الحبشة نهر النيل او السد لذا قد يتعثر السد وتواجه المشاكل لكنه سيقوم لو بعد حين رئيس الوزراء الحديد رجل ذو روية ومنفتح ويذكر الشعب دائماً انه ابن اثبوبية وخادمها وليس الارومو القومية التي ينحدر منها وهذا ما جعله محبوب وبطل يستطيع ان يخفف الاحتقان الاثني.
| |
|
|
|
|
|
|
|