|
|
|
 Re: ابحث عن عمي الذي لم اسمع به ولم اره ابدا (Re: ABUHUSSEIN)
|
التحايا و التقدير
ربنا يلمكم مع بعض
....
و سانزل لك هذا ف قروباتنا .. و خصوصا المشترك فيه مع اخوانا النوبيين المصريين
...
كثير مثل هذه يا استاذ ف مجتمعاتنا النوبية بالاخص
ناسنا زمان كانو بيمشوا ف مصر .. و اهو بياكلهم الزحمة هناك و بيرحوا
و خصوصا المشوا هناك زعلانيين او هربا من مشقة الحياة
و كتير من الصدف و السؤال و البحث كانت سببا ف لم شملهم
.. و حدث احد طلابنا بمصر كان يربطه باحد زميلاته علاقة جميلة و هو ف السنة الاخيرة اراد ان يتوجه بالرباط الابدى المقدس
و ذهب لاهل البنت .. و قابل والدها و اثناء السؤال و الجواب انت من وين و اهلك وين و ناس منو ... اذا الوالد يبكى فجاة بحرقة و تشنج و
و بعد الاستفاقة و بمدة .. سال زولنا انت بتعرف كان عندك خال اسمه فلان ؟ الولد قال ليه ايوة و يحكى عنه انه شرد زمااان و فتشوا عليه وم لقوه
الوالد قام و حضن الولد و قال ليه انا خالك فلان
و بقى الفرح مش فرحين افراح
ف انشاءالله حبيبنا الموصلى حتتلم فيهم .. و انت برضو وسع دائرة البحث .. و ما تنسى تسال ف مصر و علاقاتك برضو واسعة هناك
و ممكن برضو ف احدى لقاءاتك التلفزيونية تتكلم و يعجلك السودانيين ف الشهامة و المروة
و نسال الله ان يجمع الشمل .. و جزاك الله خيرا و انت تصل رحمك و تبحث عنهم
مودتى و تقديرى
| |
 
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: محمد بدرالدين)
|
و سانزل لك هذا ف قروباتنا .. و خصوصا المشترك فيه مع اخوانا النوبيين المصريين
...
كثير مثل هذه يا استاذ ف مجتمعاتنا النوبية بالاخص
ناسنا زمان كانو بيمشوا ف مصر .. و اهو بياكلهم الزحمة هناك و بيرحوا
و خصوصا المشوا هناك زعلانيين او هربا من مشقة الحياة
و كتير م
تسلم يا محمد كلامك وجيه انا عندي خيلان واعمام من بعيد هاجرو مصر زمان وعلافناهم بالص\فة هناك
قروبات النوبيين تساعد كثيرا لك الود
| |
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: ABUHUSSEIN)
|
يا أستاذ الموضلى إن شاء الله ربنا يجمعك فى عمك أو ابنائه وأحفاده
تعرف يكونوا بعرفوك ومعجبين (بالموصلى) لكن ما ناقشين القرابة
وإنت صعبتها عليهم حتى فى البوست دا وإنت تبحث عنهم وقعت بإسم الشهرة (يوسف الموصلى)
أول برنامج ليك فى التلفزيون سلط الضؤ على إسمك الرباعى وأن الموصلى إسم الشهرة المهنى ..
عسى ولعل تصلك مكالمة تسمع فيها .. ماك من دلى كريمى ! مع رطانة مكسرة ... هههههه
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: نادر الفضلى)
|
يا أستاذ الموضلى إن شاء الله ربنا يجمعك فى عمك أو ابنائه وأحفاده
تعرف يكونوا بعرفوك ومعجبين (بالموصلى) لكن ما ناقشين القرابة
وإنت صعبتها عليهم حتى فى البوست دا وإنت تبحث عنهم وقعت بإسم الشهرة (يوسف الموصلى)
أول برنامج ليك فى التلفزيون سلط الضؤ على إسمك الرباعى وأن الموصلى إسم الشهرة المهنى ..
الحبيب نادر كلامك في المليان
زصحيح زنحن في انتظار البوارق
كل الود
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: ياسر السر)
|
ففي رحلتي لجزيرة مروارتي بدنقلا عرفت المعلومة اسمه
" سعيد محمد بلال النور" الرواية تقول انه هاجر من دنقلا
في اتجاه منطقة الشايقية ولم يره احد بعدها.
==================
ووو بلالتود .. سيرناقمي ..
خطوة جميلة جداً زيارتك لمراوارتي .. يا سلام سحر النيل هناك
الجزر بالترتيب .. موسنارتي .. مراواتي .. بلنارتي .. ثم ارتقاشا جزيرتي .. وعبدالله نارتي .. وبعدها جزيرة بدين
كلها في مسافات قريبة جداً .. من أجمل البقاع داخل النيل ..
أنا زاتي مشتاق لي مراوارتي .. خاصة الشاعر الرائع جلال عمر ( شكسبير النوبة ) مشكلته إنو متواضع جداً ولا يحب الاعلام
موضوع عمك .. ممكن طرحه من خلال لقاءاتك التلفزيونية .. ليس كنداء ولكن في سياق الكلام .. مثال هجرة النوبيين
كمان ما تنسى مقابلة مع الفنان دولا .. ( فنان بدنقلاوية ) شاب رائع ..
مودتي .. بلالتود ..
ربنا يجمع الاحباب
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: علي عبدالوهاب عثمان)
|
حبيبنا علي عبد الوهاب عثمان
الحمد لله لقد كانت زياتي لمروارتي رائعة فيها استقبال رائع من الحبوبات والاجداد الاخوات بل والحفيدات
اما الرجال فقد احاطوني بكرمهم الفياض
وكنت قد قررت الاستقرار هناك مع البلح والمنقة والبرتقال والقريب والملوة القراصية والحليب الصافي
مشكلتي كانت الانترنت ووسائل الاتصال التي يعتمد هليها عملي كله
وقد قابلت "جلال عمر في منوله تحت راكوبة ظلها كثيف في الجزيرة وتصورنا سويا"
باذن الله نعثر على الاقارب
وقد تم تثقيفي بكل الانساب بدأ بمؤسس الجزيرة دليل انتهاء بالفرع الاساسي للأسرة النور وابنه بلال
تحياتي
باذن الله اور تلك الجزر
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: ياسر السر)
|
قصدت اقول صباح الخير واشوفك كيفن اصبحت ...
استاذنا الموصلي كل عام وانت واسرتك بالف خير ياخي وربنا يجمعك بعمك وتجده بخير ان شاء الله ..
يا جامع يا رقيب ...
تسلم حبيبنا ياسر وماتنسى تعمل لينا سيرة حياتك الاجتماعية والعلمية والفنية
عشان ننشرها في موسوعة الموسيقى السودانية
ياريت لو تعملها في
ورد دوكيومنت
مع الصور على ايميلي
[email protected]
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: Elmosley)
|
يا جامع يا رقيب ..
تحياتي استاذنا .. في قروب في الفيس لامي لمة كبيرة لمن عملو معاهام لقاء في البي بي سي مرة اسمو بسال من زول فيو قرابة (ال282 k )الف او ا كثر .. ابحث هناك واعمل بوسست بي صورتو
هنالك قروبات مشابهه بس الاصلي بتعرفو بي كثرة الاعضاء فيو ..
تمنياتي بوافر الصحه لك وان شاء الله تجمع بيو او بي واحد من اولادو
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: جمال ود القوز)
|
الموسيقار الفنان ..
ربنا يجمعكم ..
هجرات أهالينا تقريبا في الفترة الزمنية ديك كانت مصر وجده ..
أما الهجرة الداخلية اغلبها كانت من نصيب الروايسية والبحارة ومن التحقوا بالعمل في السكة حديد ..
ووجهتهم كانت كريمة عطبرة كوستي بورسودان..
ثم بدأت العاصمة تستقبل اعداد منهم بخلفيات مهنية مختلفة خلال ستينات وسبعينات القرن الماضي..
عندنا ود خال ابوي طلع من البلد عمرة 17 سنة ..
وصل مصر واشتغل بحار في السفن البريطانية ..
رجع لينا بعد 45 سنة .
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: محمد على طه الملك)
|
الموسيقار الفنان ..
ربنا يجمعكم ..
هجرات أهالينا تقريبا في الفترة الزمنية ديك كانت مصر وجده ..
أما الهجرة الداخلية اغلبها كانت من نصيب الروايسية والبحارة ومن التحقوا بالعمل في السكة حديد ..
ووجهتهم كانت كريمة عطبرة كوستي بورسودان..
ثم بدأت العاصمة تستقبل اعداد منهم بخلفيات مهنية مختلفة خلال ستينات وسبعينات القرن الماضي..
عندنا ود خال ابوي طلع من البلد عمرة 17 سنة ..
وصل مصر واشتغل بحار في السفن البريطانية ..
رجع لينا بعد 45 سنة .
حبيبنا الاستاذ محمد
فعلا هذا الاحتمال وارد شديد
فعند كثير من اهلي التقيتهم بمصر
عند ابتعاثي هناك
اتوقع ذلك
علما بانني عرفت ان اول هجرة له كانت لمروي
كل الود
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: صديق مهدى على)
|
الاستاذ الموسيقار يوسف الموصلى
ربنا يجمع شملكم
النوبيون يحبون الهجرة الى مصر من قديم الزمان وربما عمك هناك
وياريت الاخوة بورداب مصر يشيرون البوست فى قروباتهم فى الفيس والواتس ووسائل التواصل الاخرى .
لى صديق عزيز جدا فى جزيرة مروارتى الاستاذ - عبدالله شرفى
زرت مروارتى مرة واحدة قبل فترة من الزمان فى مناسبة للاخ عبدالله
يا لها من جزيرة تأسر القلوب .
| |
|
|
|
|
|
|
|
|
|
Re: ابحث عن عمي الذي لم اسمع به ولم اره ابدا (Re: Elmosley)
|
تحياتى و تقديرى الاستاذ الموصلى ..
اتمنى ان تجمع فى عمك قريب جدا ..
ارجو الا يكون قد غير اسمه .. بعض ممن يذهبون و يبعدون عن أهلهم و مناطقهم يغيرون اسماءهم الى اسماء اخرى مختلفة تماما عن الاسم الاول ..
و فى هذه الحالة يصعب العثور على الشخص الذى يبحث عنه .. الا ان يعود الى اهله و منطقته هو بنفسه طوعا ..
نسأل الله سبحانه و تعالى ان ييسر لك الامر ..
تحياتى
| |
|
|
|
|
|
|
| |
Elmosley
ABUHUSSEIN
محمد بدرالدين
نادر الفضلى
ياسر السر
علي عبدالوهاب عثمان
الطيب عباس
جمال ود القوز
محمد على طه الملك
صديق مهدى على
علاء سيداحمد
الطيب رحمه قريمان
فيس بوك
تويتر
انستقرام
يوتيوب
بنتيريست