|
Re: بالضبة والمفتاح قفلنا الباب من الوهم تاني (Re: توفيق عيسى مكي)
|
معتمد الخرطوم قال انا لفيت اليوم علي المخابز
ومحطات الوقود ، الرغيف متوفر والطلمبات فاضية
اكتشفت انو الازمة مفتعلة من النازحين الذين رجعوا
يعيدو في مناطقهم ، النيل الابيض كلها في الخرطوم والجزيرة
حتي سنار كلها في الخرطوم والشمالية كلها في الخرطوم
هؤلاء النازحين للعاصمة هم سبب الازمة وسوف نجد حلول
نوطنهم في مناطقهم ، لايجونا لانجيهم
رسالة منقولة # برق-السودان
| |
|
|
|
|
|
|
Re: بالضبة والمفتاح قفلنا الباب من الوهم تاني (Re: nour tawir)
|
العزيزة الاستاذة نور تاور كل سنة وانتي والعائلة الكريمة بخير توفيق يمثل نفسو بس كلام المعتمد الفوق ده نقول في شنو مصيبتنا مصيبة كل المدن يدخلها وافدونوتقدم لهم الخدمات بس زي ناسنا ما شفنا كل العواصم عدد مراجعين المرافق الحكومية بها كبير الخرطوم المشكلة مركبة لان الأقاليم لا توجد بها خدمات المشكلة عند الوالي ورئيسه ومجلسه ولاة الأقاليم ايضآ مسئولين اثبت والي الخرطوم عدم جدارة يحاسب عليها
| |
|
|
|
|
|
|
Re: بالضبة والمفتاح قفلنا الباب من الوهم تاني (Re: munswor almophtah)
|
عمدة العاصمة توفيق .ز كل سنة وإنت طيب
حقأً من أمكبر مآسى الإنقاذ ترييف العاصمة .. فبدلا عن الإنفتاح على الريف قامت بإنفتاح الريف على العاصمة الإنفتاح على الريف يعنى التنمية .ز بينما الإنفتاح على العاصمة وترييفها يعنى البطالة ولا تنمية فعلها الترابى وناسو لأهداف سياسية .. ضاعت العاصمة ولا سبيل لإصلاحها .. كما ضاع السودان لا يعقل أن يقدر سكان العاصمة بأكر من عشرة مليون بما يعادل ثلث السكان و، والزيادة السكانية وتوسع رقعتها لم يكن تدريجيا ولظروف عادية بل كان إنفجاراً سكانيا فى وقت وجيز، وبدون تخطيط لإستيعاب الزيادة والخدمات فى الرقعة المتسعة مساحة وسكاناً .ز فتحولت العاصمة لمزبلة كبيره
أصبح شعار الإنفتاح على الريف أكثر ضرورة (لإنقاذ) السودان .. هذا مع التأكيد على أن من بالقصر وكافورى من حكام ناس ضهارى وريف .. أفسدوا السودان ريفه وحضره وعاصمته!
| |
|
|
|
|
|
|
Re: بالضبة والمفتاح قفلنا الباب من الوهم تاني (Re: Asim Ali)
|
الهادي الضلالي وجه السؤال دا زمان لعمر البشير
قال له في زمن نميري ، اي مسؤول يغلط بنمشي ليهو في البيت
ونشكي لابوه ، انتو كان غلطتوا نشكيكم لمنو ؟
الغريب كلهم من الاقاليم ولم يقام مشروع تنموي واحد فيها
ليقلل من ظاهرة الزحف نحو الخرطوم ....
| |
|
|
|
|
|
|
Re: بالضبة والمفتاح قفلنا الباب من الوهم تاني (Re: اسامة محمد ابوبكر)
|
كل عام و انت طيب يا توفيق...
انت بتتكلم عن الزحمة دى... كأنهم ناس جايين من الفضاء الخارجى.. و ببساطة كدا... الزحمة دى سببها سياسات حكومات الشمال.. الولعّت الهامش.. و حرقت الآخضر و اليابس.. و خلت الناس تفتش أرزاقها فى شوارع الخرطوم.. فدحين.. خاطب حكومتك.. و خلى أهلنا فى حالهم...
| |
|
|
|
|
|
|
|