|
|
|
 Re: فضيحة السوّآد، أنا ما دُخت في Starbucks ... (Re: معاوية المدير)
|
مدخل أوّل،
أولاً بالتبادي نحن زمان مُحرّم علينا دخول الخُس أو التُكُل لمن يتحنكشون
ولا يعرفون الخُس، أما القُعاد فيهِ فهو رجسٌ من عمل الشيطان، فيا ويلي
ؤ سوآد ليلي كان أبوي لقاني حايم جنب الخُس .
عشان كدي أنا جيّت لماوراء بحر الظُلمات الجنا جدآد ما بعرف اسلِقو، لكن
حِكمة الله التبيّخ بقى لي هوآية ؤ بقيت حريف في الحِلل وغيرها رغم إني من
الله خلقني ماني زول عضة واللكل دا والله أكان ماني خايف أموت رقبتي
أدمسو رغم إني عندي الدغت والقُصفي . تباخ تباخ بس من غير عراقي رِهيّف .
الشي الوحيد الممكن أدرُش فيهو الليل والنهار التمر، لكن السُكري وقفني
مِنّو، بس مرة مرة كدي بقوم عليهو آكلو ...
| |
 
|
|
|
|
|
|
|
 Re: فضيحة السوّآد، أنا ما دُخت في Starbucks ... (Re: معاوية المدير)
|
أها، بعيد عنكُم كمان عندي إلتوا في الفقرتين الآخيرتين من السلسلة
الفقرية مع رطوبة حادة في نفس الفقرتين (الدكتور قال لي إنت خِلآقة) .
الحاجة دي مسببة لي الآم فظيعة جداً مخلياني صديق حميم للدكاترة . قبل إسبوع
الدكتور قال لي، تمشي تعمل صورة أشعة . مشيت عملت الصورة، ؤ بعد كم يوم
ناداني عشان يوريني النتيجة .
أها مشيت، أوّل شي قال لي، يا زول إنت أصلك كنت قاعد تشتغل شنو، ؤ مستحمل
الشغلآنية دي كيف !؟، عموماً تعمل (MRI) لكن لآزم تنتظر اقلّ حاجة 3 شهور ؤ حتي
ذلك الحين بكتب ليك حُقن في السلسلة الفقرية .
قلت خير ؤ بركة ...
| |
|
|
|
|
|
|
|
|
|
Re: فضيحة السوّآد، أنا ما دُخت في Starbucks ... (Re: معاوية المدير)
|
Quote: أها، أخدت الفورم بتاع الحُقن ؤ مشيت لأقرب محل من البيت لقيت مافي حجز قريب .
قُتلهم، أنا ماشي السودان شوفوا لي حجز قريب، لقو لي حجز لكن بعيد من البيت .
أها قبُل يومين مشيت للحقنة الأُولى، هِن حُقنتين وآحدة في الجنب اليمين والتانية
في الجنب الشمال .. |
كفارة وسلامتك والف مستنير كرامتك
تحياتي
| |
|
|
|
|
|
|
|
|
|
Re: فضيحة السوّآد، أنا ما دُخت في Starbucks ... (Re: معاوية المدير)
|
كفارة ياخ وألف سلامة
مال عدوك ؟ رماك حمار واتا صغير وما متذكر ولا شنو ؟
عندي زولة صديقة واخت والله اتا احسن حالا منها . بقت تحبي بالواطة
اخدت حقنة كورتوزن بواسطة عملية صغيرة وهي الآن بأحسن . اخدتها في الخرطوم دي
بس محتاجة لمحافظة فترة
ما بتجيك عوجة تب
انك واصل للرحم مقيل للعثرات
| |
|
|
|
|
|
|
|
|
|
Re: فضيحة السوّآد، أنا ما دُخت في Starbucks ... (Re: امتثال عبدالله)
|
أها وقفنا وين ؟، ايوآآآآآ كما ذكرت آنفاً (بالمناسبة نستأنِف من ناحية لُغوية خطأ) ما علينا .
كما ذكرتُ آنِفاً أنا مكجِن اللكل عليهِ في يوم المواعيد قمت إسوكتَ ؤ قرطعت لي كوز موية
ؤ رِكبت الظلط من غير أسوّق زول معاي ؤ من غير أكُل شي . وصلت ؤ عملت الإجراءت
الأولية ؤ فضلت منتظر دوري .
جات الممرضة ندهتني ؤ دخلتني الغرفة رقدت فوق النقالة ؤ جا الإخصائي عمل تخدير في
موضع الحقنة واداني الحقنة من غير أشعر بشئ غير هبشة الإبرة ثم بعدها شعرت برآحة
لم أشعر بها منذ سنين علماً بأنو الحقنة دي مفعولآ بيظهر بعد يومين تقريباً ؤ حكاية
مفعولآ يظهر فوراً دي برضو ممكن تحصل . بعد شعرت بالرآحة وإنتهى الألم الدخلت بيهو
المحل وأنا أجرجِر في كرعي إستكنت في الرقدة لحدي ما الممرضة قالت لي، يا زول قوّم
إتخارج !. قُتلها، أنا لي زمن ما شعرت برآحة نفر دي، فدحين خلِيّني اللِنجم شوية . قالت
لي، قوم إتخارج وأقعد برّا 10 دقايق أقلّ حاجة حتي نسمحلك تمشي .
قعدت برّا، جاتني قالت لي، أها كيف إنت تمام ؟، قُتلها، ايِّ، قالت لي، بتقدر تمشي ؤ
تسوق ؟، قتلها، أيِّ، قالت لي، خلآس أقطع وشّك .
مرقت برّا الجوع قارضني، عاينت لقيت إستاربكس قدامي قلت أمشي آكل لي قطعة كيكة
وأشرب لي جبنة حتي أركب الظلط ...
| |
|
|
|
|
|
|
|
|
|
Re: فضيحة السوّآد، أنا ما دُخت في Starbucks ... (Re: معاوية المدير)
|
Quote: آكل لي قطعة كيكة
وأشرب لي جبنة |
اسمها بنانا لووف واسبريسو ولّ موخا إت كمان، ما تفضحنا مع المثقفين بتوع القهاوي!!
لكن الممرضة دي باقي لي بهتها في صمة خشما،،،
حرّم ما بتكون قالت ليك يلا قوم فز وأقطع وشّك!!؟؟
وقطع شك إنّك كنت بتهلوس وقايل نفسك في الخرتوم.
ألف لا بأس عليك يا معاوية وإن شاء الله شفاء تام وعافية خالصة.
| |
|
|
|
|
|
|
|
|
|
Re: فضيحة السوّآد، أنا ما دُخت في Starbucks ... (Re: معاوية المدير)
|
ود المدير وصحبه حياكم صوب العارض الغادى
ستاربكس حته واحدة فسبحان الذي أعطاك ملكاً وعلمك الجلوس علي السرير ، وسبحان الذي أخرجك من التكل إلي الكوفي شوب ، فأنت بهذه الطريقة بتكتل ليك زول إبتداء وأنت بهذه الكيفية بتعضد ما يعرف بالـ Social Evolution عض كلب سعران من يعاديك فأنت شأنك شأن هجرتنا الأولي للخرطوم من قريتنا الكائنة مكان جميع الكائنات إنتقلت من نمط مبسط جداً إلي حيص بيص وزاد حيصك وبيصك بعد أن خبرت الإستاربكس هذه فنحن ما زال ستات الشاي في شارع النيل وأمام محلات الأكل بكافة أنواعه والتي يسطير عليها الشوام والمصريين والإتراك في الخرتوم تمثل غاية إستاربكسنا هذا.
كفارة يا ود المدير وأسأل الله أن يعافيك ويرفع ويكشف عنك الضر.
أنتظر مع المنتظرين دخولك إلي ستاربكس هذا ، وقد علمت من أحدى محبي الإستاربكس أن الشركة أسسها 2 مدرسين وواحد ماتب يعني مقهي ثقافي عديل كده ، ومثل هذه الأماكن الراقية أتحاشي شخصياً دخولها لأنها تسبب لي الدوشه وكرعيني ببردن عديل كده وحات خوتك المنبرية نوعي دا حلواني بحري يجرسو تقول لي ستاربكس حته واحده
| |
|
|
|
|
|
| |
معاوية المدير
تماضر الطاهر
Hassan Makkawi
Yousuf Taha
عبدالحفيظ ابوسن
هاشم الحسن
محمد على طه الملك
محمد أبوالعزائم أبوالريش
Abdullah Idrees
almulaomar
فيس بوك
تويتر
انستقرام
يوتيوب
بنتيريست