وعدت وزيرة الاتصالات وتكنلوجيا المعلومات في السودان، الدكتورة تهاني عبد الله، بالتحقيق حول ما أُشيع عن إرغام شركة زين للاتصالات موظفيها على العمل حتى في لحظات المرض، وذلك بعدما تداول ناشطون صوراً لموظفة بالشركة مع الوزيرة، ظهرت "كانيولا" طبية في يدها، أثناء طواف الوزيرة على الشركة. وقالت عبد الله في منشور بصفحتها على موقع فيسبوك: "لم أكن على علم بمرض موظفة الكول سنتر، وبعد وقوفي لفترة بيمينها جلست في كرسي بجوارها وعندها فقط لاحظت للكانيولا في يدها وسألتها مالك سلامتك فأشارت إليّ وقد بدأت الرد على أحد العملاء وفهمت أنها بصحة جيدة والحمد لله". وتعهدت تهاني بالتحقيق في الأمر، وأردفت قائلة:"أقدر كل المداخلات المفيدة وأعدكم أن أتقصى عن الأمر حتى نهاياته بإذن الله تعالى فكل العاملين في قطاع الاتصالات وتكنولوجيا المعلومات عام كان أو خاص هم مسئوليتي أمام الله سبحانه وتعالى". منقول
08-05-2018, 05:13 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ود ابو سن انا سمعت ان الناس قاعدة تشكر في الوزيرة الأسمها تهاني دي وقالوا انها نزيهة ودغرية وما تعرف تجامل زول ...مش حقو ننتظر ونديها فرصة يمكن فعلا تعمل تحقيق وتتخذ إجراءات صارمة ...وبالمناسبة المثل السوداني الضو ما بقولولو سو عايز شوية شرح ...ما فهمناه لسع ومع وافر التقدير والاحترام
يعني هي شافتها ولاحظت للفراشة وسألتها ولم يحرك ذلك فيها شيئا لا تعاطف كونها مريضة وتعمل ولا سألت رئيسها المباشر البت دي عيانة وشغالة ليه ثم انتبهت لكل ذلك لامن نشرو في الميديا هسة هي ساكة تحقق ليه البت شغالة وهي عيانة ؟ ولا ساكة انها تخلق بطولات اسفيرية ؟ عب عين مثل سوداني
يا امتثال معني المثل يعني الزول الضو والشهم والجيد بشوف الغلط براهو وبصلحو . ما محتاج زول ينبهو ليهو والضو وصف واسم يطلق علي اي شخص جيد وشهم ومفيد وذؤ مروءة وخير
08-05-2018, 07:35 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11858
ممكن البت دي بالليل طرشت وودوها المركز الصحي (لقوه وين ذاتو) وبعدين ركبو ليها الكاميولا دي و ما ادوها راحة. قامت نست الكاريولا في يدهاما طلعتها. المشكلة وين؟يعني اي زول مركب كاسيولا ولا كمامة في نخرينو لازم يكون مرضان"باكي شاكي"؟تحياتي طبعا
مسيت بي غادي بوستات زوزو وقبل ان افيق من حكاية الابيولا لقيتو كاتب موضوع عن " هاكثون الحج"
حيرتني في كنكوجي زاتو يا ودالشيخ شافت بي عينها وسمعت بي اضاناها ودايرة تعمل تحقيق زي بتاع الاغتصاب داك .. ساكين الزول النشر المقطع وخلوهو مهمة اولي صحي هو قبضوهو ولا ما قبضوهو 😆
08-05-2018, 03:12 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 2070
الاخ عبدالحفيظ ابوسن الدكتورة تهاني عطية ...اعتقد ان كل من درس هندسة في نهاية التسعينات و حتى تاريخ تعينها وزيرة خاصة قسم الكهرباء و الالكترونيات و معظم من له علاقة بالحقل الهندسي يعرفونها و يعرفون درجة اخلاصها في عملها في تلك الفترة ...الا ان ادءها كوزيرة ...تقيمها بكون بشكل اخر .....
08-06-2018, 10:36 PM
هاشم احمد ادم هاشم احمد ادم
تاريخ التسجيل: 02-28-2014
مجموع المشاركات: 260
اها يا هاشم دي من عينة التصريحات المجانية والقصد منها مزايدة اخلاقية ودينية ممكن الموظفين معاك تكون مسؤوليتك .. لكن ناس شركات الاتصال خاصة ولو كانوا مسؤوليتك اقلاها ابحثي في ليه الموظفين البردو علي الاتصالات مؤقتين وبياخدو رواتب متدينة دون حقوق؟ والتانية نحن المشتركين في الخدمات دي مسؤوليتك الاولي . يفترض انك تسعي لمصلحة المشتركين وتضغطي شركات الاتصال لتقديم خدمة ممتازة ومعقولة السعر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
بشير حسـن بشـير
MOHAMMED ELSHEIKH
محمد حمزة الحسين
مدثر صديق
هاشم احمد ادم
فيس بوك
تويتر
انستقرام
يوتيوب
بنتيريست