أجمل فيديو

Quote: عمك بدري رضي الله عنه، مشى مع جماعة لخطبة بنت من بنات أسر ام درمان، وهناك قال ممثل أهل العريس ما معناه: نحن ساعة جدنا الفلاني جاء ام درمان سنة كده، عمنا الفلاني جاء ام درمان سنة كده، حبوبتنا الفلانية جات أم درمان سنة كده. قصد الرجل أن يؤكد للعريس وأهله، أنه من أعرق الأسر في أم درمان. فقام عمك بدري وقال جملة واحدة: نحن ما جينا!. وحسبما أكد لي بعض رواة الحكاية أن عمك بدري أضاف: لا جابنا قطر لا صبانا مطر. وبالفعل: أهل السروراب في الأعياد يعودون، ما عندهم بلد بعيد يعيدون فيها. وقصصت الحكاية دي في رواية منغولي قبل سنوات، والمغزى: الفخر بالمنطقة أهم من الفخر بالعرق، يعجبني ناس ام درمان، يفخرون بقريتهم وكأنها واشنطون، وفي الواقع أن ام درمان ... ولكن!! ده جمال شنو؟! ياسر محمد الأمين فنان جدا، بيتهم يجاور نادي السروراب، وكنا نطرب لصوته في كل وقت متاح. ومرات نأكل فتة الفول في دكان "بلاوي". وكان ياسر يشجينا ويطربنا. وفي الحقيقة لم أتوقع أن جمال الصوت يورث، الوحيد الذي استطاع فعلها وتفوق على قوانين الطبيعة، عبد الله عبد الفتاح، وحكايته ووجعه يفطر الكبد. قالوا: دي بنت ياسر محمد الأمين، ولا أقول سوى: أصلو ممكن! صوت من تركة سيدنا مزمار غنى الله وصلى وسلم. لو صدق حدسي: القيامة السمحة قائمة. نحن ما جينا!!