الحكومة وسلطات مطار الخرطوم يؤكدون توفر وقود الطائرات!؟!

(عدل بواسطة زهير عثمان حمد on 07-29-2018, 05:58 AM)

Quote: والمرحلة الأخطر يا عثمان هى بالنسبه للطائرات السودانية وللسفريات الداخلية بالتحديد فاجئونا بي فورم وهو إجراء جديد وغريب. .. تكتب فيه اسم الشركة الناقلة والرجستريشن بتاع الطائرة ووجهة الرحلة وكمية الوقود المطلوبة وتشيل الفورم وتمشي لمدير المطار عشان يصدق ليك ومن غير الفورم وامضاء مدير المطار شركات الوقود ما بزودوك بالوقود. ..لحدي هنا الإجراء ممكن يكون عادي لكن تعال شوف الادهي والامر. .. مثلا الرحلة للابيض ويفترض تزويد الطائرة بي 3200 باوند وقود up anddown زايد كمية إضافية في حالة حدوث أي طارئ في مطار الأبيض وتحويل المسار الي مطار آخر (اولتيرنت ايربورت) هنا بقوم سعادتو يصدق ليك بي 2800 باوند فقط بالبلدى كده حق البوديك ويجيبك بس😅 مخالفا للقوانين والسلامه .... ورفض أغلب الطيارين هذا الإجراء الغريب والغيت العديد من الرحلات الداخلية والعالمية. ... تخيل بس يا باشمهندس ....هذا هو الوضع الآن وعندي الدليل form مليناه بالكمية المطلوبة لكن سعادتو شطب الكمية الحددناها وصدق لينا بي كمية أقل. ..قاطعها من راسو. ..قلنا ليه الكمية دي يدوب توصل الطيارة هجليج ولمن تنزل مطار الخرطوم بكون الوقود المتبقي بسيط جدا ولو لقينا كتاحة في الخرطوم نقول يا منو...ههههههههه. ..قال انا بنفذ في تعليمات. ... اعتقد هذا هو السبب في إلغاء الرحلات والله يجازي اللي كان السبب

Quote: كذبت الحكومةالسودانية وشركة مطار الخرطوم الدولي ما اثير عن الغاء شركات طيران رحلاتها الى السودان بسبب انعدام الوقود، وأكدت توفره بالمطار. وفي العادة تتعاقد عدد من شركات الطيران العالمية والمحلية مع شركات لتوزيع الوقود تعمل على تزويد طائرتها التي تهبط في مطار الخرطوم او تغادره الى وجهات أخرى. وبحسب مصادر تحدثت لـ (سودان تربيون) السبت فإن رحلات طيران عربية وأجنبية تلقت اخطارا من هذه الشركات بعدم توفر الوقود مما أدى لإلغاء رحلة الخطوط التركية الى الخرطوم ليل الجمعة، بينما توجهت الخطوط الكينية الى أديس أبابا للتزود بالوقود قبل مواصلة الرحلة الى الخرطوم. وقال المتحدث باسم مطار الخرطوم محمد المهدي نصر عبدون إن إدارة المطار درجت على إصدار نشرة (نوتام) في حالة عدم توفر الوقود بالمطار لشركات الطيران والجهات ذات الصلة "وهذا مالم يحدث". وأفاد في تصريح صحفي أن طائرة الخطوط التركية اتصلت مباشرة بشركة الوقود المتعاقدة معها وأفادتها بعدم توفر الوقود بالمطار، وأنها لم تؤكد هذه المعلومة من إدارة مطار الخرطوم. وأكد عبدون أن الحركة الجوية بالمطار تسير بصورة طبيعية ومعتادة. ورفعت شركات الطيران المحلية والعالمية أسعار تذاكر الطيران من الخرطوم الى المحطات الداخلية والعواصم الخارجية الى أرقام فلكية بحجة زيادة أسعار وقود الطيران علاوة على تسجيل الدولار ارتفاعا كبيرا في مواجهة العملة السودانية