|
|
|
 Re: حزب بناء السودان ( رؤية مغايرة للتغير والع (Re: عبدالعظيم عثمان)
|
نقاط :
## تغيير مؤسسات الدولة وتقويتها بالرقابة والحوكمة الداخلية
## تغيير قواعد اللعبة السياسية التي أنتجت أحزاب طائفية ولوردات حرب وأحزاب عقائدية
## لابد من توفير شرطين لإستدامة النظام الديمقراطي : 1- جهاز دولة بيرقراطي قوي 2- قدم معقول من سيادة القانون
## الأهم هو كيفية إستدامة النظام الديمقراطي قبل التفكير في إستعادة النظام الديمقراطي
من وجهة نظري نقاط وجيهة وتفكير خارج صندوق الطبقة السياسية في السودان
| |
 
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: عبدالعظيم عثمان)
|
| Quote: الحزب يستمد أفكاره من حاجات الناس |
سلام يا عبد العظيم
حقيقة أول مرة إسمع بالحزب ده..
ولم اطلع بعد على افكارهم او ما يدعون له..
شاهدت بوست لافى فى الواتساب فيه مقترح لحكومة
فيها احد الاسماء فى الفديو الفوق ده ولا اعرف مدى صحته. ولدى تعليق عليه حتى اتحقق من صحته.
على العموم داير اعلق على الجزئية الفوق دى او الاقتباس الفوق ده.
حاجات الشعب السودانى اعتقد واضحة جدا.
حياة كريمة وقدرة على مقابلة متطلبات الحياة الاساسية من أكل وشراب علاج وصحة وتعليم بالاضافة لحرية وانعتاق من هذا النظام. هل فى مقدور هذا الحزب تحقيق هذه المطالب..؟؟
فى أوروبا عندنا اصبح موضوع وقف الهجرة رغبة ومطلب للكثيرين فى مما ادى لظهور احزاب يمينية متطرفة بنت كل سياساتها على حماية اوروبا من الهجرة او ما يسمى بسياسة الpopulism او سياسة ما يطلبه المستمعون. فهل لدى حزب بناء السودان هذا القدرة على تلبية ما يطلبه السودانيون؟؟؟
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: سيف اليزل سعد عمر)
|
سلامات سيف
حكومة أنور دفع الله (لصق فيها أسماء من طرف)
وائل أوضح أنه لا علاقة له بها..
الشباب ديل أفكارهم قريبة من فكرة الهبوط الناعم، زي فكرة ناس خالد سلك في الانتخابات القادمة... ، الشباب ديل عاوزين يغيروا الولاءات الحزبية من ولاءات مرتكزة على الدين والقبيلة والطائفية الي ولاءآت للبرامج والمصالح
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: عبدالعظيم عثمان)
|
عبدالعظيم عثمان كيفك
اذا هم بستمدوا الوعي من الشعب السوداني
طيب ما ياهو وعي الشعب في احزابه التقليدية
دي وصوفيته
ولا كيف
طيب كيف عايزين يغيروا الانتماء الحزبي البرنامج
المهم
مع انه انا ما شايف الان بالتحديد في
ضرورة لحزب جديد.بقدر ما محتاجين
للتغيير
ولكن ياهو ده جزء من تشظيات الساحة السياسية
نتمني ما يكونوا ضمن احزاب
الفكة
وفي اتم الجاهزية لي ٢٠٢٠
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: فرح الطاهر ابو روضة)
|
Quote: عبدالعظيم عثمان كيفك
اذا هم بستمدوا الوعي من الشعب السوداني
طيب ما ياهو وعي الشعب في احزابه التقليدية
دي وصوفيته
ولا كيف |
سلامات أبو روضة
الأحزاب التقليدية للأسف الشديد مختطفة من قبل الطرق الصوفية
وما قادرة تتحرك بدينميكية وأسيرة لطموحات البيت الطائفي الذي يورث
القيادة والزعامة داخل الأسرة الحاكة ( وباقي الناس جمهور ساكت ورعاع)
زي نوع الفهم دا لابد من تجاوزه بتغيير الولاء ( يعني العاوز يبايع شيخه في مسيده له الخيار)
قد تكون مصالح هذا الحوار ليست من مصالح شيخ الطريقة في التعليم أو الصحة أو التنمية ونطها
الطرق الصوفيه مواعينها ضيقة ومحدودة ....
أتمني يكون واحد من ناس حزب بناء السودان معانا في المنبــر ( عشان يقدر يجواب علي أسئله الزملاء في المنبر)
انا بقول وجهة نظري (ممكن ما تكون متظابقة مع ناس بناء السودان)
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: عبدالعظيم عثمان)
|
الظاهر حيكون زي الليبرالي ومشتقاته وحزب الخضر !!
ما جذبني للتعليق هو التناقض الكبير البدعو ليهو الحزب ده!!
Quote: هذا الحزب يطرح رؤية مختلفة عن التغيير في السودان
يتحدث عن التنافس السياسي والبرامج السياسيه للأحزاب
يقدم رؤية تتجاوز الأيدلوجيات
|
يتكلم عن التنافس السياسي للأحزاب وفي نفس الوقت
| Quote: تغيير قواعد اللعبة السياسية التي أنتجت أحزاب طائفية ولوردات حرب وأحزاب عقائدية |
وهنا بقولو
Quote: لابد من توفير شرطين لإستدامة النظام الديمقراطي : 1- جهاز دولة بيرقراطي قوي 2- قدم معقول من سيادة القانون
## الأهم هو كيفية إستدامة النظام الديمقراطي قبل التفكير في إستعادة النظام الديمقراطي
|
وبعدو طوالي
Quote: الشعب السوداني لا يثق في الطبقة السياسية في البلد
ونفس الشعب السوداني إئتمن الأحزاب علي ثلاث ديمقراطيات وفشلوا في صون الأمانة
الشعب لا يرغب في ثورة تطيح بالنظام لعدم ثقتها في الطبقة السياسية
|
يعني الفهم ديمقراطية بدون احزاب ولا الحكاية شنو!!
سلامات عبدالعظيم
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: السيد المسلمي)
|
سلام عبد العظيم
فكرة تعطى امل لكن بحكم التجربة الشخصية ( وان طال عليها الزمن )
سوف تتكالب عليهم كل القوى ، لطبيعة
تشكيلها . يعنى عليهم التفكير فى ذلك
مقدما .
اما العقبة الكبرى فهى ان التركيبة الدمغرافية مختلفة الان فى السودان
(من ناحية النوع والعمر ) ، والاهم
ان الان أزمة الحكم فى السودان
تدوّلت ، وليس بالبعد السياسي المعتاد
بل بالمصالح الاقتصادية التى تشكلت
خلال 30 سنة .
فكرة جميلة واقترح ان يبدوا طرحها
وممارستها فى المؤسسات الطلابية
ليكون لها مستقبل .
سؤال فى نفس الاتجاة
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: هاشم احمد ادم)
|
سلامات هشام أحمد
لا تخشى عليهم من التكالب، الشباب ديل عندهم تجربة كبيرة في العمل الحزبي، وجربوا الصراع وخبروا دروب الحفر، التحدي أمامهم في الانتشار والمناصرة والوصول لجماهير الشعب السوداني، الخوف من أن يتحول الحزب الوليد إلى مجموعة نخبوية صفوية معزولة عن الجماهير
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: عثمان الأمام)
|
| Quote: يعني الفهم ديمقراطية بدون احزاب ولا الحكاية شنو!! |
سلامات عثمان الأمام
الأحزاب دي ما قاعدة الزمن دا كله وعاجزة عن تقديم مشروع نهضة للسودان
كلها منذ مؤتمر الخريجين وحتي اليوم (الصراع محصور علي السلطة والحقوق السياسية)
عشان كدا خطاب الأحزاب السياسي عاجز عن حشد المواطنين السودانين حول فكرة التغيير
لانه بيقول ليهم ( يلا معانا نسقط النظام أول وبعدين الله كريم ) ويحلها ألف حلال
كأنما الأحزاب تقول للمواطنين السودانين يلا يدكم معانا نزح الكيزان ونقعد نحا في السلطة
وبعدين نفكر في إدارة الدولة ... النقطة دي مركزية في طرح الشباب ديل (حزب بناء السودان)
الناس شافوا أن العلة في الحكومة وفي المعارضة .. وبحاولوا سشقوا طريق ثالث
يجاوب علي أسئلة الناس عن سؤال البديل , وفي نفس الوقت يبعث برسائل للمواطنين بأن مشروعهم
مختلف ولا يرتكز فقط علي تغيير السلطة السياسية ولكنه يستهدف بناء جهاز الدولة البيرقراطي القوي
بالنسبة للأحزاب فكرة الشباب ديل يا أن تتطور الأحزاب وتطرح برامج تتناسب مع حاجة المواطنين
السودانين لحل مشاكلهم الحياتية أو أن حركة التغيير ستتجاوز هذه الأحزاب اذا رفضت أن تتغير
لانه عندها ستكون هنالك بدائل أخري أمام المواطنين ( ودي نقطة جوهرية في برنامجهم برضه)
تحياتي
برضه أتمني يكون في عضو من هذا الحزب (تحت التأسيس) في المنبر عشان يقدر يشرح
رؤية الحزب بصورة أكثر عمقا
| |
|
|
|
|
|
|
|
|
|
Re: حزب بناء السودان ( رؤية مغايرة للتغير والع (Re: عبدالعظيم عثمان)
|
جزء كبير من أعضاء المنبر أعضاء في أحزاب قاومت هذا النظام
طيلة ال 30 عام الماضية ..
أحزاب المعارضة مشلولة وما قادرة تحشد الشعب السوداني للتغيير
لانها داخليا مأزومة , كلنا بنعرف الكلام دا , ولكن ديكتاتورية حكم الجبهة
جعل أن أولية هذه الأحزاب تنحصر في المقاومة وإسقاط النظام ( الكلام دا تسبب في عدم تجديد هذه الأحزاب)
كلما برز السؤال عن التجديد كانت الإجابة ( نسقط الجبهة الإسلامية أول) بعدين التجديد ملحوق
ونفس السؤال عن البديل شنو ( ومنو) = الإجابة أيضا نسقط النظام أول وبعدين ربك يحلا
محدودية التفكير والإنغلاق من هذه الأحزاب جعلها طارده لكوادرها وغير جاذبة لجماهير الشعب السوداني
الكلام الفوق دا اذا أضفنا اليه عمليات التوريث السياسي داخل الأحزاب
وإحتكار أجهزة الحزب لأسر وقبائل وعشائر بعينها
إضافة الي شمولية الممارسة الحزبية وعدم إتساع المواعين الحزبية للأراء المتباينة
جلعت منها بيئة طاردة وغير فاعلة ومن الصعب بشكلها الحالي أن تنجز مشروع التغيير في السودان
مافي زول متحرر فكريا بيقعد في أحزاب تحمل المواصفات ( أعلاه)
عشان كدا الكوادر الحزبية والشباب في شوق لبديل موضوعي ومواعينه أوسع من مواعين الأحزاب
وغير شمولي وغير طائفي وغير عقائدي وبرامجي هدفه معالجة مشال البلد ووضع حد لمعاناة السودانين
| |
|
|
|
|
|
|
| |
عبدالعظيم عثمان
سيف اليزل سعد عمر
فرح الطاهر ابو روضة
نعمات عماد
هاشم احمد ادم
فيس بوك
تويتر
انستقرام
يوتيوب
بنتيريست