|
|
|
 Re: اعتذار مستحق للأخ الفاضل أحمد ياسين (Re: Basamat Alsheikh)
|
ابنتنا بسمات
تحية
الأختلافات موجودة بين الناس ومنذ الأزل
لا تتركي المنبر دافعي عن وجهات نظرك وما تعتقدين ولا تنتظرى التصفيق كل الآخر
ونؤكد للأخ عثمان ان بسمات الشيخ ليست شبح وهي انسانة معروفة لدى الأعضاء ومن سكان عطبرة وتدرس في احدى جامعات نيويورك ولا داعي للحدة عند اختلاف وجهات النظر
تحياتي لكما واتمنى رتق الفتق مهما كان الخلاف
| |
  
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Basamat Alsheikh)
|
الابنة بسمات
كتبتُ مداخلتي دون الاطلاع على المداخلات وبعدها اطلعتُ على المداخلات ومنها مداخلتك التي تقولين فيها:
وانا لا اتشرف أبدا أن اكون عضوة في منبر عام يكتب فيه مثلك...
هوني عليك ابنتنا العزيزة علينا جميعاً اعضاء المنبر وقراءه
وعهدناك حكيمة رزينة فما بال مثل هذه الكلمات تخرج من قلمك الذي ينضح بالحب والتفاهم والتآخي والمودة؟
انها مفردة لا تنسجم والصورة التي في اذهاننا وهي صورة ستبقى مثل بقاء ابي الهول لا تبديل ولا تغير فيها
ونحن نحزن لحزنك ونغضب لغضبك
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Osman M Salih)
|
يشرفني التواجد والاختلاف والاتفاق مع عثمان م صالح ..
بشرا سويا ومثقفا من مثقفي المهجر يخطيء ويصيب وصوابه كثير ويملك القدرة على الاعتذار ويمتلك تجربة حياتية شديدة الثراء والكثير من الاحلام بوطن نضيف ومعافى
سماحة احمد يس من ناحية آخرى سماحة حقيقية وسماحة زول حقيقي .. وهو اقرب ما يكون لقبول الاعتذار.
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Yousuf Taha)
|
افلا يكب الناس يوم القيامة في النار إلا حصاد السنتهم؟
هذا تنبيه من نبي الرحمة لنا جميعاً ان لا نخوض في امر ونحن غير متيقنين به
والاعتراف بالخطأ محمدة
والعفو عن من اعترف بجريرته حق له
والعفو خلق الانبياء وامر من الله لعباده في قوله في سورة التغابن:
... وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ (14)
وللاخ العزيز احمد يس، وابنتنا العزيزة على كل اهل المنبر بسمات الشيخ
نعتذر نحن لتأخرنا عن الرد على صاحب الطرح الذي عاد للصواب والرشد غير مرغمٍ
بل طائعاً ببصره وبصيرته
فله منا الشكر
ولكل جواد كبوة
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
.
.
يا عثمان م صالح أو أيا كان اسمك ...
ياخي انت واحد موسوس ومرتاب ومفتكر الدنيا دي كلها قاعد تتآمر ضدك ...
في حين انه ما في زول شغال بيك الشغلة وتأثيرك في الكون يكاد لا يحس به كائن من كان ...
ما ممكن ياخ كل اليوم منشبك ليك في زول وفاتح ليك بوست بتاع نواحة ...
يفكوك من شاهين شاهين تنشبك في ابو روضة يفكوك منه تنشبك في بوب ، يفكوك من بوب تنشبك في احمد يسن واسه جاي تنشبك في بسمات ...
داير تتطفشها كما طفشت اميرة السيد !!!
دا تخريب منظم ومقصود شكلو !!!
.
.
يا زول هوي ...
أهجد في واطة الله دي وأتفرغ لكتاباتك المسيخة والكلاسيكية التي لا تسمن ولا تغني من جوع ...
بدل كل يوم مقوِّم نفسك ومضيع زمنك وزمنا في لا شيء ...
.
.
اففففففف ...
.
.
ايه (الارف) دا ... ...
.
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: محمد على طه الملك)
|
Quote: شوف يا استاذ عشان انا زول حنيّن ورقيق الحال حاطلب منك او هو ما طلب قول شرطين
اختار واحد منهم .. وانا برضو عشان طيب حاختار ليك الاسهل ..
نمرة واحد
تغني لينا في البوس تدا اغنية (معذرة) لزيدان .. الكتبها كباشي حسونة (ما ابو درديري) ولحنها احمد زاهر
غني منها مقطع صغير ما عايز اقول ليك كوبليه لانو كتير عليك بى صوتك الخشن دا |
ذكّرتني يا احمد ياسين غناء "عقد الجلاد" في بيوت الأشباح بناءً على رغبة "الجلّاد" !!
شوف العلاقة بين "الجَلَاد" و"الجلّاد" !!!!!
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: osama elkhawad)
|
اسامة الخواض
Quote: ذكّرتني يا احمد ياسين غناء "عقد الجلاد" في بيوت الأشباح بناءً على رغبة "الجلّاد" !!
شوف العلاقة بين "الجَلَاد" و"الجلّاد" !!!!!
|
تخيل يا اسامة انت برضو ذكرتني بكلامك دا مشاركة (عقد الجلاد) في احتفالات زواج (شباب المؤتمر الوطني)
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
Quote: غريبة؟؟
احتمال مضغوطين ؟؟؟
أو أنّ ذاكرتهم "مصفاة"......
|
الخواض الاستاذ وليس استاذ اسامة
ياخ الملاحظ ان مداخلاتك أي منها والله العظيم ممكن تفتح بوستات طويل عريضة او حتى كتاب
طبعا (طارق جويلي) معروف وكان سبب في ان الفرقة تغني في القيادة العامة وفي تكريم (يوسف الكودة)
تخيل يا اسامة تكريم يوسف الكودة .. وعقد الجلاد هي التي كبرت ونمت مع شعراء المرحلة و(الاجتراح)
عاطف خيري ازهري القدال يحي فضل الله وقاسم.
وصل الامر الى خلاف شهير مع الراحل (حميد) ومنعهم من غناء الجزء الذي تم تلحينه من قصيدة (نورة)
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Osman M Salih)
|
مرحباً بإخوتي الأعزاء: محمد الشيخ ومحمد حيدر المشرف الذي اخجل تواضعي يحديثه الطيب عني ومولانا محمد علي طه الملك وأسامة الخواض
أمّا الضيف الذي أفردت له هذا البوست فقد رفض اعتذاري وبدلاً من أن يكتفي بعبارة رفض رصينة تليق بأهل الفن، سوّلت له نفسه طلب المستحيل. إن الانسان يحيا مرّة واحدة لاتتكرّر، وعليه أن يحياها عزيز الجانب مرفوع الجبين، ويصرفها في فعل الخير وإلا فإنّ باطن الأرض خير من ظاهرها.
---------------------
الشبح المدعو بسمات الشيخ،
لقد لعنتيني من قبل بلاسبب. اعلم أنك اسم مستعار للمدعوة أميرة السيد التي حنقت علي عندما تصديت والناس نيام للطريقة العجيبة التي تصرف بها المدعو ملهم كردفان في مال تبرع به بعض الإخوة للأخ قاسم المهداوي قبل اعوام فذهب المال في اتجاه آخر غير مفهوم ومن ديك وعيك.
لقد حنقتي عليّ لأن ملهم كردفان كان بنظرك رمزاً للسودان، يا للسودان المسكين الكترت رموزو!
وازداد حقدكِ عليّ عندما رددتُ علىك بأن تتبرعي أنتِ لأولئك الوارد ذكرهم في تلك القائمة التي أتى بها ملهم كردفان حينذاك. إن كلماتك تلك عن التبرع لم تكن إلّا للاستهلاك في مسرح كبير إسمه
سودانيز أونلاين يغصّ بجمهور يريد أن يسحره الممثلون فيغطّ في نومة عميقة تدفقت أثناؤها التبرعات على ملهم كردفان. لقد كانت نومة الجمهور هذه المرّة طويلة لم يستيقظ منها إلّا مؤخراً بعد أن وقع الفأس في الرأس وتبخّرت شقة القاهرة كما تتبخر الأحلام عند شروق الشمس.
لو طلعتي ماشبح أنا الحأغادر البورد ديّا الليلة قبال بكرة. استغلي الفرصة الذهبية دي واحشدي ناس من أميركا مشهود لهم بالصدق يشهدوا إنك ما أميرة السيد.
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Osman M Salih)
|
Quote: المدعوة بسمات الشيخ التي هي وجه آخر للمدعوة أميرة السيد.: مرقت بي غادي ودخلت بي جاي!
|
سلام استاذ عثمان محمد صالح و الضيوف
لو ما عندك دليل على إتهامك لبسمات، فمن الحكمة ان تعتذر لها ، و شكراً.
التحية للأخ أحمد ياسين و للعزيزة بسمات .
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
لا لا لا شو هادا يا عثمان
معليش نحن اليومين ديل متأثرين بكأس العالم ولغة المذيعين حفيظ دراجي ورؤوف خليف.
الأخ الفنان الرقيق وبشهادة الجميع من يعرفه مباشرة ومن لمس رقته عبر حروفه. أحمد يسين. قبل العذر لكن على طريقة الفنانين غير المباشرة وغلفها لك بلطافته المعهودة. كيف تقول رفض الاعتذار ونحن كلنا فهمناه قبول وكلنا شهود.
وبنتنا بسمات أصلا قبل ما تمنح لها (الباس ويرد) كانت تدخل باسم أميرة وعندما تكون أميرة في إجازة بالسودان. ولكن كانت حريصة مع كل مداخلة تكتب في المقدمة انا بسمات داخلة باسم أميرة ومن يرد لها على أساس انها أميرة تصوبه وتقول له أنا بسمات. بس لأني ما أعرف تنكيك أبو حسين وود البشرى في الاقتباسات القديمة كان احضرت لك نماذج. حتى طالبنا مهندس بكري بمنحها باسورد خاص بها نسبة لحرصها وتفاعلها المثمر ومواضيعها الجميلة
والزهرتين طالبات علم. وين؟ في أمريكا هناك بعيدات من الأهل حيث (الغربة في البلد البعيدة اليوم يمر زي السنة) على قول الراحل صديق عباس رحمه الله.
هذا المنبر كان بالنسبة لهن واحة بها الأهل والأحباب كان يحسسهن بالأمان. ورغم أنه نحن منتشرين في قارات الدنيا الستة لا نستطيع أن نمد لهن أي نوع من يد العون سوى هذه الكلمات التي ليست كالكلمات لكنها كانت كالبلسم الشافي. وبتصريحات كثيرة منهن انهن استفدن من بعض المواضيع في الدراسة صادفت تخصصاتهن. هذا شعور متبادل نبيل يحسسك بانك تساعد بناتك في المذاكرة والتحصيل.
ذهبت أميرة مغاضبة وبقت بسمات رضينا بها وتحسرنا على غياب أميرة رغم أنا صرنا (نبدل) بفردة واحدة مثل العجلة التي سقط خابورها.
لا تفجعنا فيها عليك الله وظني لازمك اعتذار لها عساه يرتق الشرخ ويعيد الأمور الى نصابها.
الا وقسما يا عثمان على قول أهلنا تاني البكا ما بيجيبنا ليك. وهذا يعني عندهم قمة المقاطعة. وأنت انسان اديب أريب رقيق يعي قيمة الكلمة وحجمها وتأثيرها. لن يكلفك شيء كلمة آسف لزهرة تستحقها ولم تسعى لها أبدا بل ظني أنها بدأت تحزم أغراضها لتحلق بأختها بكل حسرة والم.
ما تخيب ظننا فيك
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: درديري كباشي)
|
الله عليك يادرديري
ربنا يديك العافية
وهنا
اخواتنا العزيزات جدا اميرة السيد وبسمات الشيخ الله يديهن العافية ويحفظن
Quote:
الباشمهندس بكري
كل سنة وانت طيب
صديقتي اللدودة .. آسفة .. العزيزة بسمات الشيخ عبد الرحيم تقف ببابك وتلتمس ان تكون عضوة في سودانيز اون لاين
وهي شاركت بمداخلات عديدة عن طريقي وعن طريق النافذة .. ولكنها تريد ان تكون مستقلة ..
وهنا اود ان أزكيها لك كي تقبلها .. فهي اديبة وشاعرة ومتأكدة بانها ستثري المنبر العام بمواضيع شتى كما اخبرتك هي بنفسها
فهلا استجبت لها..
وانا متأكدة ان اعضاء المنبر العام من عطبرة سوف يزكونها كذلك ويدعمون طلبها
والله يديك الصحة والعافية
|
http://sudaneseonline.com/board/480/msg/1437766469.html
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
دي مداخلة من المسنوحة اميرة السيد
Quote: تسلمت اليوم اجمل رسالة من المسنوحة بسمات بت الشيخ عبد الرحيم تبشرني بان
الباشمهندس بكري ابوبكر قد وافق على عضويتها في المنبر العام .. وتود في هذه العجالة
ان تشكركم جميعا لمؤازرتكم فردا فردا .. وهي الآن تحاول الدخول للانترنت وهي تجلس بجوار العطبراوي
او الأتبراوي كما تقول هي..
ونقول لود حلتها ود الفاضلاب ان بسمات ستكون الشخصية الرابعة من الذين وهبوا جزالة العبارة..
لأنك بتقول هم: عبد الرحمن احمد السعادة، وابو جهينة وشاهين.. والآن زيد معاهم بسمات..
والله يديكم الصحة والعافية..
ومنتظرين دخولها عشان نرحب بيها
والله يديكم الصحة والعافية
|
ودي المسنوحة التانية بسمات الشيخ
Quote: عزيزي الفاضل خالد محجوب ود المنسي
يعني انت غايب عن الموقع الالكتروني شهور كيف حتلقى البوستات الكتبتها ..
وانا كتبت بوست شكر للترحيب .. وانت الوحيد الما جيت باركت لينا العضوية
في الحديقة الغناء .. ومعاك برضه ناس من حوش الاميرة اميرة..
وانا حتى الآن كتبت مواضيع جديدة كثيرة جدا ، ومنها :" كيف ننقذ الشباب السوداني
من البيئة المسمومة اجتماعيا,,
وانا اجتهدت اكتب المواضيع الكثيرة دي عشان بعد يومين ثلاثة حأغيب شهور عن النت
زي غيبتك الطويلة دي..
لكن اميرة اظنها حتواصل قصة اسرة حضرموت ( بن لادن ، من الاسبوع القادم..
ودمت بالف خير وصحة وعافية
|
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: فرح الطاهر ابو روضة)
|
اخونا العزيز الاصيل اب قلبا حديد ابوروضة
اول شىء لازم نحتفي بيك ياخ
- - -
لأنك عندي كل الخير وجيتك( فرحة) الدنيا
وننثر الأفراح .. درر
وزي إنك بتنبع من فرح جواي
وعشان أجيب ليكى الفرح
عمرك كلة فرح يازينة شيلى من الافراح وادينا
واخيرا يا فرح .. حالي بقى ترباس
مصير الزول حياتو ياما فيها يشوف .. وفي دنيانا بنلاقي الفرح والخوف..
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
والله اخجلت تواضعنا يا احمد فانا ما
قدر ده كله
وشكرا علي الاهداء
وده من كم السماحة الجواك وبس
وحقيقة انا والله بناشد
استاذنا الكبير الموصلي
والخواض
شايفهم قريبين من الزول
ده يدوهو النصيحة
الدنيا دي لا راحت لا جات
الناس بتختلف وبتتشاكل بدون كم الغبن المتواصل
ده وبدون الاجتهاد في التركيز علي اننا نختلف
خلاص الدنيا وقفت
يا احمد ياسين اصلا كونه الواحد يختلف مع
حد ده في حد ذاته شي كويس
بس انحنا كلنا للاسف ما بنعرف ندير
خلافاتنا
محتاجين نشوف نفسنا في المرايا اكثر
من اننا نثني علي بعض
الكلام ده انا بقوله لعثمان
وانا برضه داخل في الدائرة دي
نتمني كلنا نخرج مع بعض لاختلافات
رحيبة
واذا انحنا ما قادرين ننتصر علي معركة ادارة
الخلافات
يبقي كل البنكتبوا ده
كلام الطير في الباقير
احترامي وتقديري ليك وللجميع هنا
ولعثمان زاتوووو
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Osman M Salih)
|
مرحبا بالضيوف الكرام: نعمات عماد ومحمد الشيخ ومحجوب عبد الله ومحمد الشيخ والمسافر العائد بعد غيبة طويلة
--------------------------------------
السيد احمد ياسين
أنا لاأضمر لك ولالغيرك أي شر وليس في حديثي توعد بالويلات ولست أب ساطور كماصورني صاحب الكاريكاتيرات المحنطة عمردفع الله و لكن قسمك بالله هنا حيرني لان صدقك فيه منحصر في قبولك المتأخر لاعتذاري بلاشرط، أما في بداية هذا البوست فإنك قد اشترطت الغناء لقبول الاعتذار والغرض من الاصرار على تنفيذ هذا الشرط هو ان تأديبي أدبة في هذا المنبر لا أنساها ماحييت وجعل صوتي يرتجف ويقول:
" انا كان مالي ومال الشبح احمد دا " بالمختصر المفيد: إن قسمك بالله تنسفه مداخلاتك الأولى. واليك نموذجاً لماخطته بيدك :
عثمان صالح وشركاه
انت صعبت علي المسألة شديد لدرجة ان ساكسفون حاتم ظل ينفخ في اضاني طوال الليل
عشان كدة يا استاذي الفاضل .. انا برضو حاصعبها عليك ياعثمان يامحمد صالح
وحأدبك أدبة في المنبر دا عمرك ما حتنساها واخلي (صوتك) يرتجف وتقول
انا كان مالي ومال الشبح أحمد دا
شوف يا استاذ عشان انا زول حنيّن ورقيق الحال حاطلب منك او هو ما طلب قول شرطين
اختار واحد منهم .. وانا برضو عشان طيب حاختار ليك الاسهل ..
نمرة واحد
تغني لينا في البوس تدا اغنية (معذرة) لزيدان .. الكتبها كباشي حسونة (ما ابو درديري) ولحنها احمد زاهر
غني منها مقطع صغير ما عايز اقول ليك كوبليه لانو كتير عليك بى صوتك الخشن دا
يا ما بقيت حيران
و يا ما فشل ظني
وكل الحصل والله ما منًي
قسما بحق عينيك
يا سمير قلبي
من الحصل يا جميل
أرجوك أعذرني
نمرة اتنين
يا تغني لى (اللحَّان) صلاح مصطفى و..دي اسهل ليك بالمناسبة بس قول لينا
اني غلطان بعتذر ... بعتذر
سامحني غلطاااان بعتذر بعتذر
سامحني غلطان بعتذررر
ويكون التسجيل واضح وما تغني (فلات) صوت سطحي يعني
تاني تجي الحفلة؟
السيد احمد ياسين،
انفصام لغتك ظاهر في التعارض القائم مابين ماتكتبه في هذا البوست وبين مشاركاتك في بوست السيد عمر دفع الله الاخير المعنون " كامل تضامننا مع احمد ياسين..... كاريكاتير
أود أن تعلم أن البوست المختفي الذي اعتذرت لك فيه ليس سوى البوست المعنون ب " المشترك مابين الشبحين حاتم ابراهيم واحمد ياسين"
السيد أحمد ياسين،
لقد اضفتِ هنا كذبة جديدة حين زعمت أن الاخ العزيز عضو المنبر المذكور في مشاركتك التالية هو أنت، وهي كذبة فجة لايصدقها كل من ولد مكرَّماً بأنوار العقل:
اتصل علي زميل عزيز من المنبر وطلب مقال الآتي نصه:
احتمال عثمان محمد صالح يقول ليك (أنا ضعيف في التقنية) ومابقدر انزل تسجيل صوتي في البوست
وتابع.. اوعك توافق ليهو .. ودي بتكون مكنة منو ساي عشان ما يغني.
خلي يستعين بى صديق .. يجقلب ويزوغ .. المهم يغني لينا هنا في بوستيهو دا)
انتهى كلام زميلنا العزيز عضو المنبر
تاني تجي الحفلة ؟؟
---------------------
زميلك العزيز دا خليهو يجي يكتب في البوست دا مرحب بيهو عشان نتعرف عليهو ونسألو عن محتوى المكالمة التمت بيناتكم عني ونعرفو اي نوع من البشر هو بس ان شاء الله مايطلع كضاب ومنافق.
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: MOHAMMED ELSHEIKH)
|
عزيزي الأستاذ عثمان هون الأمر يا صديق ..
فالموضوع لا يستحق كل هذه الحمولات وليس الأخ أحمد يسين ممن يضمرون الهزو بالناس بأي حال ..
فهو رجل ربما لا يقل عنك جدية وأنا على ثقة بأنه أراد تلطيف رده بالهزر ..
أحمد يا عثمان ممن يكسو الحياء وجهه لو قلت له شكرا دعك من أن تكتب بوست اعتذار باسمه ..
صحيح الأسافير لا توفر لنا معرفة حقيقية بالشخوص لذا ليس من الحكمة الاعتماد عليها في التقييم ..
احمد ليس له شللية ولا معارف شخصية ربما من يعرفهم معرفة شخصية لا يزيد عني وعن نفرين ثلاثة..
أحمد أيضا لا يعرفك معرفة شخصية غير أنه أراد حسب ما فهمت وفهم نفر كريم ممن تثق فيهم أن يختار هذه الطريقة للتعبير عن قبول اعتذارك ..
فلا تحمل الأمر أكثر مما يستحق وقد تم قبول العذر حتى ولو جاء متأخرا كما تعتقد فهو في النهاية قبول ..
كما ألتمس من الأخ أحمد أن يتوقف عن الردود في هذا البوست ..
ليتك أيضا يا عثمان قبلت رجاءات الإخوة فيما يتعلق بالابنة بسمات..
مودتي.
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: محمد على طه الملك)
|
سوء تفاهم ليس إلا.. منذ البداية الموضوع خطأ وخلط وممكن يحصل .. أعقبه اعتذار واضح وفي حيز كبير .. الا ان مداخلة أحمد تمت قرائتها بصورة غير صحيحة حتى بالنسبة لي كقارئء.. والان تم توضيحها.. بالمحصلة توجد نهاية كويسه جديرة بأحمد وعثمان.. معليش اكتب من موبايل
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: محمد حيدر المشرف)
|
دا كلام بشبهك وأنت حري به يا دكتور مشرف ..
الأستاذ عثمان رجل أديب ودقيق والدقة صنيعة الحدس المرهف الحساس ..
ميله للمغاضبة لا يعدو كونه لوم دافعه حدسه المرهف ..
اليوم سوف اثقل عليه من عشم ومحبة لا من شيء سواهما ..
نسيت ياعزيزي عثمان الرجل الخلوق ود أب سن اسمح لي لأضمه بجانب الإبنة بسمات ..
هل طالعت ما كتبه ود اب سن عنك على الرغم من لومك له ؟
هاك أياه :
Quote: انا رأي في حاتم قلتو واكسبني عداوة عثمان
دي نظرتو للامر
انا احترم عثمان جدا لأني انظر له من زاوية مختلفة |
النفس العزيزة لا تقدرها إلا نفس مثلها عزيزة ..
دم بخير.
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: محمد على طه الملك)
|
مولانا محمد علي طه الملك
والله كلامك كلام طيب،واضافة للمكالمات التي تلقيتها من خالي وخالتي ومن بعض اعضاء المنبر ، فان كلامك
الطيب هذا كان له اثر ايضا في قراري بالاتصال مع الباشنهندس بكري بشطب البوست الذي فتحته غاضبة من
غضب بسمات الشيخ عبد الرحيم التي غادرت مغاضبة،،،واول مرة هي تكتب كلام سخن في بوست في المنبر ،،،
ولك مولانا محمد علي التحيات النواضر ،
ومع وافر تقديري واحترامي
| |
|
|
|
|
|
|
|
|
 Re: اعتذار مستحق للأخ الفاضل أحمد ياسين (Re: osama elkhawad)
|
اسامة
رغم التزامي التام بطلب موﻻنا ود ابونا العمدة طه الملك طيب الله ثراه
ﻻني بحب اسامة الخواض دا جدا
فاذن لي ياموﻻنا بالرد
Quote: هل كان تعليقك يا احمد "حمّال أوجه"؟؟؟
كان "تأويلي" له ،
أنه تعليق "فكِه"... |
بالضبط كدة يا اسامة...انا كنت بكتب وانا مبتسم على اﻻخر
وقلت في بداية الرد اعمل فيها زعلان وبعدين في اخر الرد حيضحك
وياخد اﻻمر ببساطة شديدة . انا اكتر من احلف بالله لصاحب البوست
في اكبر من كدة؟ في شنو تاني....؟ ياخي العامل جريمة بيحلفوهو
يبدو ان المنبر دا صارت ايامنا فيه معدودة ...والله يا اسامة زي ما انت
قلت (فكه) ...مع اني قريتها(فكة)
عموما انا عدلت مداخلاتي مع صاحب البوست فوق...حتى ﻻ نتفهم غلط
وللجميع ولكل من فهم كلامي على انه رفض للاعتذار....كلام اسامة الفوق
المقتبس دا هو الخلاصة
-----؛؛
عناية صاحب البوست
معليش ياخ انا ما حمل هجومك العنيف دا ومطلعني كاذب ومنافق...الله يسامحك....ارجو انك شوف احد غير احمد المسكين اﻻهبل دا و صب عليه
جام غضبك وملاسنتك واساءاتك ....ﻻني صراحة اذا كنت اعلم انك بهذا الغرور ...وسوءالظن بالناس لما تداخلت ولكن حسن ظني بك حينها هو
ما دعاني للتبسط معك
انا الذي اقدم اعتذاري
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
Quote: وللجميع ولكل من فهم كلامي على انه رفض للاعتذار....
كلام اسامة الفوق
المقتبس دا هو الخلاصة |
شكرا يا أحمد.
بس عليك الله الجزء التحت المقتبس الفوق دا، شوف ليك طريقة معاهو....
ويا عثمان بالمحبة والصداقة البينا ،
ارجو أن تقبل كلامي أو قلْ "تأويلي" ....
وفوق ذلك ، كله كلام أحمد يس "الفكِه" ،
وليس "الفكّة" هههههههههههه
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Osman M Salih)
|
التحيّة لصحابي الأعزاء : محمد الشيخ والمسافر ومولانا محمد علي طه الملك ومحمد حيدر المشرف وأسامة الخواض الذين سعوا في عمل الخير ونجحوا، وسوف أنسى ماوقع هنا ففي حياتي معضلات هي أهم عندي من مشادة في الاسفير.
للناس أن يعلموا أن وصفي لأحدهم بأنه شبح ليس شتيمة كماتبادر ذلك خطأ لأذهان بعض الناس هنا، بل هو توصيف لحالة كون الموصوف مجهول الهوية حتي تحضر بياناته الشخصية الغائبة. معا نحو منبر خال من الأشباح ! عثمان
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: حاتم إبراهيم)
|
عذرا مولانا محمد علي طه الملك ... للمرة الاخيرة
تأملوا الكلام دا
| Quote: ففي حياتي معضلات هي أهم عندي من مشادة في الاسفير |
ما دام في حياتك معضلات ارجو صادقا انك تدعو ربك باسمائه الحسنى كلها
ما علمت منها وما لم تعلم بانه يفرجها عليك ويحل معضلاتك، بدل ما انت
قاعد تسمى الناس بأسماء واوصاف . (الشبح ، انفصام ، المنافق ، الكاذب و ، و، و)
وافترعت مداخلات للنيل من آخرين بنفس الصورة البشعة والهجوم دون رحمة
غريبة !! تكررت كلمة (اديب) هنا عدة مرات والادب دا ياخ معاملة وحسن خلق وشفافية
واحساس بالاخر وتجرد ونكران للذات وبساطة وتواضع والمام بمناحي الحياة وتجاوز
عن الصغائر وتوافه الامور.
ارجو انك تغير العنوان من (اعتذار مستحق) الى (محاكمة مستحقة)
نفس الطلب البسيط (الفكه) على قول حبيبنا اسامة الخواض طلبناهو بهناك في بوست آخر
وقلنا ليهو سمعنا صوتك .. والمسالة بهناك ممتعة والله تدل على قدرة صاحب البوست
باانه يميز الجدية من (الفكاهة) والبساطة.
ما كنت عارف باني طلبي المهزار كأني كفرت او اتيت شيئا نكرا
واسفين جنابك لان مقامك السامي ومكانتك في الاسفير هي اكبر واسمى من التبسط ورفع الكلفة معك
اللهم لاتؤاخذنا بما فعلنا وتب علينا اللهم انت عالم بدواخلنا
ارجو من الله المغفرة ومن اخواني واخواتي المشاركين في البوست السماح والتجاوز
مع خالص محبتي وتقديري لهم
اما انت يا صاحب البوست .. اذا انا كنت استاهل اعتذار منك وشايف نفسي واانا وانا وانا
كنت طالبتك بالاعتذار مرارا وتكرارا بالسم المغلف بالسوليفان في مداخلاتك (كاذب ومنافق وانفصام )
هذه هي الحقيقة المجردة فعليك ان تختار ماتشاء وتظن ماتشاء
| |
|
|
|
|
|
|
|
|
|
Re: اعتذار مستحق للأخ الفاضل أحمد ياسين (Re: Ahmed Yassin)
|
Quote: التحيّة لصحابي الأعزاء : محمد الشيخ والمسافر ومولانا محمد علي طه الملك ومحمد حيدر المشرف وأسامة الخواض الذين سعوا في عمل الخير ونجحوا، وسوف أنسى ماوقع هنا ففي حياتي معضلات هي أهم عندي من مشادة في الاسفير.
|
شكراً يا عثمان.
قوموا إلى احتساء "كأس المحبة" و "كأس العالم" ههههههه
| |
|
|
|
|
|
|
| |
Osman M Salih
MOHAMMED ELSHEIKH
Ali Alkanzi
محمد حيدر المشرف
Ahmed Yassin
قسم الفضيل مضوي محمد
محمد على طه الملك
osama elkhawad
إبراهيم عبد الحليم
Elmosley
نعمات عماد
النذير حجازي
فرح الطاهر ابو روضة
Mahjob Abdalla
المسافر
حاتم إبراهيم
فيس بوك
تويتر
انستقرام
يوتيوب
بنتيريست