واو أعتقد يا قبة من هنا وردت عبارة الوتر الحساس التي ربطت بين العشق والوتر
طبعا هو حساس لكن كمان يحتاج لويكلس
هذه من الأسرار التي لا تفتح حتى لو فاق عمرها الخمسة وعشرون عاما
وهي التي ولدت الكراهية للجيل القديم من المغتربين
شباب تغربوا في الثمانينات دون أن يكملوا تعليمهم ودون أن يرتبطوا بأي حالة غرامية .
تركوا أندادهم بين الدراسة والعشق والحب العذري والرومانسي
ثم عادوا محملين بالحقائب والسيارات وبدأت حملات الدفتردار الانتقامية في تفوير العشاق
كان عندنا زميلتنا في الجامعة مرتبطة بولد جيرانهم موظف في البنك أضافة الى سيارة تاكسي يلقط بها رزقه يزروها وتعرف بنا جميعا واصبح صديق الدفعة صراحة حبيناه بحبه لها وحبها له ونفتقده في رحلاتنا وكل مناسباتنا . تخرجنا وواحد من دفعتنا عاد السنة في الاجازة قابلناه وسألناه عن الجامعة وما جرى فيها من ضمن أخباره سألنا عن المناسبات التي حدثت من ورانا قال فلانة دفعتكم عرسوها وحضرنا الحفلة بالله أخيرا الحمد لله فلان وفلانة تزوجوا قال القاليكم منو العريس فلان ومال مين العريس . يازول جا ها ليك مهندس من أبو ظبي حفلة بأبو اللمين البلد كلها تحكي عن العرس يا خسارة وفلان الراجل المكافح شغال ليك نهار بالتاكسي والبنك قال يا زول تاكسي شنو دا زمن تاكسي . أعتقد اخونا لو أمد الله في عمره يكون سمع هذه الأغاني أكثر من ألف مرة لو شفت غليله .
06-25-2018, 07:15 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يازول جا ها ليك مهندس من أبو ظبي حفلة بأبو اللمين البلد كلها تحكي عن العرس يا خسارة وفلان الراجل المكافح شغال ليك نهار بالتاكسي والبنك قال يا زول تاكسي شنو دا زمن تاكسي .
جيل كامل يا درديري ... مر بنفس السيناريو و ان اختلفت الوظائف و البلاد ...
ترى هل مرت أجيال بعدنا بأشياء مشابهة ...
المغترب الان ليس كما المغترب في السبعينات و الثمانيات ...
06-25-2018, 07:16 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
اغرب لحظة تمر على الانسان في حياته ... هي لحظة مصافحة يد محبوبته في ليلة زفافها على غيره !! تبتسم لها مع قولة مبروك .. و يديكما ترتجفان .. و انت حزين في داخلك .. تتمناها ان تكون سعيدة .. فهي محبوبتك .. و في نفس اللحظة تتمني ان تحدث معجزة أو ان تستيقظ من ذلك الحلم المزعج ... مظلوم الحب .. ليس بعد ظلمه ظلم .. ففيه الالم و فيه القهر ..و فيه العذاب بكل ألوانه ...
06-25-2018, 07:32 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
دي الاشكالية يا قباني نظريتك دى نظرية الزوجة الموسوسة سمعت ارتعاشتك بتحكي قصة احلامك معاي تزرزرك منو دي البتتراجف ليك ؟ ولا تقول لي الفراق مكتوب زي اول جمعنا قدر ولا ولا كون ان الغناء تجسيد لتجربة آنية عندك ياخ اتا قايل الا الزول ياخد شاكوش ؟ الاغنية براها زي قصة البؤساء تعبر عن نفسها بفصاحة احبطتني والله كنت داير اجي اتجرس ليك هنا رجعت عشان تماضر وسيد خليفة
06-25-2018, 07:52 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
هنالك قصة مشهورة في الخرطوم، عن واحد تم تزويج حبيبته لرجل أخر بسسب الامكانيات المادية. هذا الرجل العرست محبوبته بغيره، أغترب وعاد من الاغتراب كرجل أعمال كبير، ودفع خلو طرف لزوج محبوبته، وتزوج بها. دي قصة قديمة جدا، ولا يعرفها إلا ناس الخرطوم القدماء.
ياخ القصص كتيرة ومثيرة كمان.
06-25-2018, 08:14 AM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
طبعا نكبتي الشخصية مزدوجة: ضابط امن عديل كده يا عمك..! عشان كده ما حضرت (في الليلة ديك)..عردت ياااااااااخ..مرقتها في بحر ابيض والخرطوم..! وسبب التعريدة ، لأني محظوظ انطبق علي المثل (البخيت بيشوف في غيرو ، والشقى بيشوف في نفسو).. صديقنا واخونا وجارنا وود حلتنا ، كان ايقونة في الدلنج ، عندو قصة مشهورة ومعروفة وناس كتيرة لغاية الليلة بتتذكرها..! ياخي اعتى شاكوش ، والغريبة التاني بعدو طوالي شاكوش قريبك القاعد يتفاصح معاك ده..! اها في يوم (في الليلة ديك) حذرونا انو صاحبنا ما يظهر في الحفلة لأنو (الجماعة) ح يغمروا عشان يأكدوا ليهو انو الشغلانة ما بيدهم..! نحن ، اولاد الحلة ، كنا تيم الحراسة..ياخي مهنضبين الراجل من الساعة حداشر صباحا..!.. والخونة طبعا يعجبوك..طابور قلق عدييل كده..كل شوية يجينا سرب..وينفرد ليك بصاحبنا..نق نق..لازم تحضر الحفلة وحضورك ضروري..وشنو كده ما عارف..! وبعد ما يمشوا ، نحن نشيل ونصحح في الأوضاع: ياخي ديل بنات حاسدات والغيرة قاطعة قلوبهن ، يعني تصدقهن وما تصدق فلانة (الحنان وكده)..اها صاحبنا يقوم يهدأ شوية..! زي الساعة اربعة عصرا..ونحن تعبانين من كركون الشرف ، مرقت واحدة مفعوصة قلبت علينا الموازيين اب سايد داون..اول ماجات ماشة علينا ضحكت وصاحت:ووب علي فلان الجــــبان..مالك ما داير تحضر الحفلة..!! طبعا الأولانيات كانن شغل مفاوضات سرية (يسوقونو بعيد ويوسوسن)..اما دي..خطتها طاخ (طبعا لاحقا بعد المعركة بشهور سألناها ليه اتصرفت كده وقالت كانت قاصدة لأنو المفاوضات السرية ما جابت حقها)..!! اها صاحبنا ، اصلا متسبل ، حكاية جـــبان دي قسمت معاهو شديد..وطوالي الحنبكة حصلت..وقطم لمن نحنا ذاتنا لاوزنا..وبعد ساعة فتح بوزو وقال لينا: الحلة الجديدة ، داير زول يمشي معاي الحلة الجديدة..! لسوء الحظ كنت واحد من اتنين من الملازمية لمشوار الحلة الجديدة..! كباية الضواقة في غضب الله..تلات كبابي زي الترتيب(من بيت لبيت)..القزازة كملت في النص ..وجابت ليها حنبكة عشان نرجع ، ورجعنا تاني..صاحبنا التاني شال حاجة دساها على جنبة وقال لي زولك ده ما مضمون ح يرجعنا تاني..ضحكت وقلت ليهو ياخ اخير نقضيها ماشين وجايين..عشان نفوت الحفلة..! اها الإزبهلال حصل..المغربية..الساعة تمانية..الساعة تسعة..ونسة ما انزل الله بها من سلطان ، طبعا في حلتنا..ياخي لمن اطمئنت قلوبنا ذاتو..وقلنا خلاص يا مؤمن يا مصدق..! الساعة عشرة ..الحفلة بدت..وزيفة الخريف تآمرت..صوت المغني والمزيكا يعلو ويهبط..مرات التقول قدامك..والغنا العارفو داك..! صاحبنا..اخد دوش..واتعطر..وحلف كل واحد ياخد دوش ويتعطر ويقشر..! بعد التوضيب..قلنا ليهو خير ان شاء الله..! ياخي صاحبك الساعة الدق سدرو وجعر: أفو أنا جبـــان؟.. ومشينا الحفلة..نظام بودي قارد..! الفنان كان اسمو يوسف عبد الملك..لا خلا عثمان حسين ، ولا خلا صلاح مصطفى ، ولا خلا الخالدي..يشيل ويشرق ويغرب وصاحبنا كان واقف ساكت..وهادئ للغاية..وكنا حريصين الجماعة ما تكحلو..! طبعا الخطا التكنيكي وارد..وقد حصل..! كانت العادة عندنا يا ول ابا يحي انو البنات يعزلن الأولاد (يعني تجيك واحدة تختارك عشان ترقص معاها ، ليبرالية للطيش..!)..اها صاحبي فرح عزلوهو..مشى رقص وجا راجع..بعد شوية عزلوني ومشيت ارقص..وعينك ما تشوف الإ النور..! طوالي (الجماعة) لموا ليك في صحابهم سين وجيم..ككيف فرح وكبر جوا الحفلة؟..اكيد الزول (البطل) معاهم؟..وليه ما شايفنو؟..شفت الجمال دي ككيف يا يحي: صاحبكم ماخد شاكوش ويصدروا ليهو اوامر سلطانية ما يحضر الحفلة والأوامر مش تسري عليها براهو بل يمتد سريانها على اصحابو..!..طبعا كان عندنا حاجة جميلة اسمها اصدقاء/صديقات الغرام ، بيكونوا من الجنسين..ديل البيحلوا المشاكل والوساطات وكده..يعني المرة دي تحل مشاكل اصحابك والمرة الجاية يحلوا مشاكلك..وفيها طرائف عديدة..الحب العذري على اصولو يا قريبي..طبعا الظاهرة في المدن التانية عندها اسم وحش شوية ما ح نقولوا هنا..! اها نفس الجهادية بتاعين (ووب علي فلان الجـــبان ) ديلك ، توشك حددوا موقع صاحبنا البطل ..وجوا مسكوهو من ايدينو عشان يرقص..! غايتو اخر حاجة سمعتها ، شهقة ووراها (افو..انا جــبـــان ..!!).. الغنية كانت بداية فاصل (يا ريت كل زول ساير يلاقي الريدة في دربو..عشان الناس تحب الناس زي ما عيننا اتحبوا) والغريبة قبالها رمية (رماد الذكرى لو صحاك)..كوماج للطيش..! ياخي نحن كنا شغالين كركون وكل همنا انو صاحبنا يراعي نص الهوى والغرام..! بعد شوية الدايرة اتسعت..ونشوف ليك (الجماعة) بكل ابهة توب الزفاف..ماسكة ليك ايدين صاحبنا..حصل كيف الله وحده يعلم..طبعا كنا لابسين بناطلين والسكاكين مربوطة في السيقان ( نظام تأبط شرا عديل)..وناس كية كية..عياط شديد..! قايل شنو؟ (الجماعة) دقوا الدلجة بي طولهم..توب الزفاف اتملا غبار..ومرات المصايب بتخلي الزول يفكر بسرعة غريبة..صاحبنا فرح (البودي قارد التاني) صوتو جهور..صاح ليك في الجماهير : يا اخوانا العروس غمرت ، من الصباح في التجهيزات ..لا اكلت ولا شربت عصير..يا بنات جيبوا موية..يا بنات شيلوها جوه..! وانا طبعا اغتنمت الفرصة ..وجريت صاحبنا البطل..ومرقنا من الحارة..! فرح لحقنا بعد مربوعين..ودور ليك في البطل هوكات..وبركاوي بغل..وعياط: ياخي داير تضيعنا..!..وانا اشيل واحجز..! اغرب حاجة ، اول زول زارنا كان هو فنان الحفلة..لأنو سمع بالتفاصيل..ويشيل ويتعضر ..ياخي اعفى لينا..وما كنت قايلك في الحفلة..!! بعد خمس سنين ، سماية في حلتنا ، بيت عمنا المرحوم سودان جابر..السماية كانت فطور..طبعا نحن اولاد البيت..نفس التشكيلة المعهودة..فرح كحل ليك (الجماعة)..الدهب..الميك اب..التوب المختلف..الوزن الزايد شوية..عمك بعد ما اتفرج كويس..وعاط ليك: كبر تعال..! اها جيت..صاحبي نفسو قايم..وقال لي: سوق فلان (صاحبنا البطل) وامرقوا امشوا اي حتة..! قلت ليهو نمرق كيف يا فرح والضيوف داخلين ومارقين..! المهم اتبادلنا البركاوي..وقلت ليهو: انت زول موهوم ساكت..! واستمرينا..في شغلنا.. بعد شوية صاحبنا البطل..مشى يجيب صينية الكبابي بتاعة الشاي (زي عشرين كباية)..وطبعا لازم يتناولها من الحتة التانية (مكان النساء)..ياخي صاحبنا قبال ما يلحق يمسك الصينية ..الساعة النسمع ليك صوت دشدشة الكبابي..!! واخينا ما اتلفت ذاتو ولا شهودنا..بي عدلو فحط..! كنت اقرب زول ومشيت عامل فيها قاعد الم القزاز عشان ما اعاين..كحلت (الجماعة) الجهادية بترش فيهم موية.. قلبي بقى طاحونة عديييل..طبعا فرح جاني وقعد يلم معاي القزاز..واشيل واصرف ليهو في البركاوي..وهو يشيل ويرد ويقول لي ما قلت ليك..! وبقينا نتبادل الطرف في السنين اللاحقات ، لمن لاقيت سبأ..العادة عندنا انو نعرف اصحابنا ببعض..فعرفتها على صاحبنا البطل..ودسيتها من فرح (لشئ في نفس يعقوب)..وكان صاحبنا البطل بيضحك وبيقول لي: الكبابي هينة ، اوعك تكسر الزير..! ولمن جات (في الليلة ديك) ، عردت يا يحي ..جريت عديل..عشان ما اكسر الزير..! وعشان الناس توضب فيك المكاواة: المحلات والمشاغل يسموها سبأ ، العربات يكتبوا ليك فيها سبأ ، ياخي العجلات (طبعا وكت داك مافي مواتر) يكتبوا ليك فيها بخط انيق : سبأ.. ومقدمي الحفلات توشك خاشين شمال: اعذريني يا سبأ ..ان هتفت باسمك وسكبته لحنا فوق المدى ، فقلبي كان طفلا قد رأي الهوي في عينيك فصبأ..! والتاني يشيل ويكسرها: وسألت عنك تحاريق الجوى والحزن الدفوق فما نبأ ، وكأنما الدنا عصافير حلم تهتف بحرقة النداء ورقة الندى..سبأ ..سبأ..!! طبعا ذات مرة سبأ حصل ليها مثلما حدث لصاحبنا البطل..قاعدة في الحفلة في صمة خشمه ومتبلمة بي توبها..والجماعة يعيطوا: أعذريني يا سبأ..! قامت مشت للزول وقالت ليهو: الكلام ده حق منو؟..قالها ده كلام الأستاذ الرأئع ابن الدلنج الشاعر محمد النور كبر..!..قالت ليهو : الزول ده عامل كيف؟..قالها : والله انا ما شفتو..لكن شفت اخوانو ، والقصيدة دي اداني ليها صاحبو..! شهقت وقالت ليهو: الجــــبان..! صاحبنا (نظام داير يتظارف ويخش شمال) قال ليها باسما: ده منو الجبان؟ قالت ليهو: سيد الشعر وصاحبو..كلهم جبــــناء!! هنا تدخلت احد الملازمية ، وغمغمت ليك سبأ ودفرتها قدامها..! اللذيذة صاحبنا سك الشغلانة لغاية ما عرف البير وغطاها ، ويشيل ويعتذر لسبأ.. طبعا لغاية الآن صرت انا الجــــبان..! والليلة ، خليك من (في الليلة ديك) ، يا يحي كن لقيت لي خمسطاشر زير ح اكسرهن زي الترتيب..! الدنيا بت لذينا يا يحي..! (جماعة) صاحبنا..اقربائهم.. Niece معانا هنا في البلد البعيدة دي..وبكل حسن نية يقول ليك (خالتو)..! واخوك قلبو شح..سجاير شح..خالتو شح..! ما عارف لو صاحبي مر بموقف زي ده ح يسوي شنو؟.. ويا ريت كل زول ساير يلاقي الريدة في دربو..!
كبر
06-25-2018, 09:18 AM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
و الله بكايات بكاء مبالغ فيه بس داسينها.... 😂😂 بس الرجال بكاهم معلن كمان معاه (جعير)..... واحد كان زميلنا في يوم من الايام من ناس سنار و في غربة لسانو طوالي شغال ماااافي حتى رسالة واحدة 🎶🎶🎶🎶 قلت ليه ياخ كرهتنا ... ما حافظ ليك اغنية تانية ..؟؟؟ قال لي ياخ (الرسالة ) دي ياها المكسراني انا الجكس بتاعو اسمها (الرسالة) ... قلت اسي لو رجعت و لقيت واحد مرتاح اكل راسا و اتزوجها بتعمل شنو ... ؟؟قال لي بقول ليها :- خذوا دنياكم هاذي فدنياواتنا كثر 🎶🎶🎶🎶🎶 😂😂😂😂😂😂😂😂
سلام ابو الياء و كل ضيوفك الكرام
06-25-2018, 11:43 AM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2002
هل عشق (المراهقة)....يمكن اعتماده اساسا لبناء (أسرة) ...؟؟؟ اطرح سؤالي هذا ..وفي البال..كم من مغترب (خاصة اواخر السبعينات..و اوائل الثمانينات) هجموا على حينا بمدينة كوستي و اقترنوا بكل جميلات الحي (تقريبا) واللائي كن (معظمهن ان صحت العبارة) على علاقة ما بشاب ما... والان جميعهن (ما شاء الله ) ربات اسر يعشن في غاية السعادة مع ذاك (الذي كان ) مغترب
06-25-2018, 03:24 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
هنالك قصة مشهورة في الخرطوم، عن واحد تم تزويج حبيبته لرجل أخر بسسب الامكانيات المادية. هذا الرجل العرست محبوبته بغيره، أغترب وعاد من الاغتراب كرجل أعمال كبير، ودفع خلو طرف لزوج محبوبته، وتزوج بها. دي قصة قديمة جدا، ولا يعرفها إلا ناس الخرطوم القدماء.
ياخ القصص كتيرة ومثيرة كمان.
الواقعة كان مكانها ( شرق الخرطوم ) يا دينق ... كنا طلبة و كنا شهوداً على الحدث الغريب من نوعه في ذلك الزمن ...
و لكنها حقيقة ...
06-25-2018, 04:10 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
قباني وشركاه البكايين في داعي تصحوا الكوامن هسي انا ما من انصار الليلة ديك .. لانها خاصة بليلة واحدة فقط وماعارفين الحصل شنو صباح تلك الليلة لصاحبنا احتمال قام الصباح شرب شاي بى لبن . انا مع محجوب سراج ...والسني الضوي في الالحان و بالطبع ابراهيم عوض
ليه بتسأل عني تاني بعد ما شلت الأماني رحت خليتني لزماني انت عارفه علىّ جاني *** لو بتفتكر الليالي تداوي غلبي ولا تاني ترجع الافراح لقلبي انت واهم يا حبيبي *** دي اللـــيالي أمــرَّ لي من دموعي الفي عينية وكل لحظـــة تمـر علي تنقص الايام شوية وتطفي شمعاتي القليلة وافضل ابكي واقول حليلة في الدمـوع أنا كل ليلة أدفن اشواقي وحناني
06-25-2018, 05:14 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا الاخ الفنان قباني سلامات رجعتنا ياخ للعهد البديع . زمن كان الموت ركن . والحب كتامي . في الليلة ديك و الدبابة الكعب العالي و الشارلسون الحدادي و الشعر المنكوش وكوم المحبة الشايلو في الدقنوس الما كان شايل هم سنين الجراد العقبت . ولسع ما فكت . اول مره سمعت اغنية في الليلة ديك كانت سنة ١٩٧٣ في زواج في بيت المال الشاب زيدان بالقميص الاحمر و الفرقة قدام بيت المناسبة طالعين في ترلة قندراني مفروش عليها سجاد كانت هي المسرح . وفسحة الفرح كانت مستفة من الامدرمانيات النجف وكانت الحياة ملبن . وكنا ما ساعلين حتي في ميركل. .
طبعا نكبتي الشخصية مزدوجة: ضابط امن عديل كده يا عمك..! عشان كده ما حضرت (في الليلة ديك)..عردت ياااااااااخ..مرقتها في بحر ابيض والخرطوم..! وسبب التعريدة ، لأني محظوظ انطبق علي المثل (البخيت بيشوف في غيرو ، والشقى بيشوف في نفسو).. صديقنا واخونا وجارنا وود حلتنا ، كان ايقونة في الدلنج ، عندو قصة مشهورة ومعروفة وناس كتيرة لغاية الليلة بتتذكرها..! ياخي اعتى شاكوش ، والغريبة التاني بعدو طوالي شاكوش قريبك القاعد يتفاصح معاك ده..! اها في يوم (في الليلة ديك) حذرونا انو صاحبنا ما يظهر في الحفلة لأنو (الجماعة) ح يغمروا عشان يأكدوا ليهو انو الشغلانة ما بيدهم..! نحن ، اولاد الحلة ، كنا تيم الحراسة..ياخي مهنضبين الراجل من الساعة حداشر صباحا..!.. والخونة طبعا يعجبوك..طابور قلق عدييل كده..كل شوية يجينا سرب..وينفرد ليك بصاحبنا..نق نق..لازم تحضر الحفلة وحضورك ضروري..وشنو كده ما عارف..! وبعد ما يمشوا ، نحن نشيل ونصحح في الأوضاع: ياخي ديل بنات حاسدات والغيرة قاطعة قلوبهن ، يعني تصدقهن وما تصدق فلانة (الحنان وكده)..اها صاحبنا يقوم يهدأ شوية..! زي الساعة اربعة عصرا..ونحن تعبانين من كركون الشرف ، مرقت واحدة مفعوصة قلبت علينا الموازيين اب سايد داون..اول ماجات ماشة علينا ضحكت وصاحت:ووب علي فلان الجــــبان..مالك ما داير تحضر الحفلة..!! طبعا الأولانيات كانن شغل مفاوضات سرية (يسوقونو بعيد ويوسوسن)..اما دي..خطتها طاخ (طبعا لاحقا بعد المعركة بشهور سألناها ليه اتصرفت كده وقالت كانت قاصدة لأنو المفاوضات السرية ما جابت حقها)..!! اها صاحبنا ، اصلا متسبل ، حكاية جـــبان دي قسمت معاهو شديد..وطوالي الحنبكة حصلت..وقطم لمن نحنا ذاتنا لاوزنا..وبعد ساعة فتح بوزو وقال لينا: الحلة الجديدة ، داير زول يمشي معاي الحلة الجديدة..! لسوء الحظ كنت واحد من اتنين من الملازمية لمشوار الحلة الجديدة..! كباية الضواقة في غضب الله..تلات كبابي زي الترتيب(من بيت لبيت)..القزازة كملت في النص ..وجابت ليها حنبكة عشان نرجع ، ورجعنا تاني..صاحبنا التاني شال حاجة دساها على جنبة وقال لي زولك ده ما مضمون ح يرجعنا تاني..ضحكت وقلت ليهو ياخ اخير نقضيها ماشين وجايين..عشان نفوت الحفلة..! اها الإزبهلال حصل..المغربية..الساعة تمانية..الساعة تسعة..ونسة ما انزل الله بها من سلطان ، طبعا في حلتنا..ياخي لمن اطمئنت قلوبنا ذاتو..وقلنا خلاص يا مؤمن يا مصدق..! الساعة عشرة ..الحفلة بدت..وزيفة الخريف تآمرت..صوت المغني والمزيكا يعلو ويهبط..مرات التقول قدامك..والغنا العارفو داك..! صاحبنا..اخد دوش..واتعطر..وحلف كل واحد ياخد دوش ويتعطر ويقشر..! بعد التوضيب..قلنا ليهو خير ان شاء الله..! ياخي صاحبك الساعة الدق سدرو وجعر: أفو أنا جبـــان؟.. ومشينا الحفلة..نظام بودي قارد..! الفنان كان اسمو يوسف عبد الملك..لا خلا عثمان حسين ، ولا خلا صلاح مصطفى ، ولا خلا الخالدي..يشيل ويشرق ويغرب وصاحبنا كان واقف ساكت..وهادئ للغاية..وكنا حريصين الجماعة ما تكحلو..! طبعا الخطا التكنيكي وارد..وقد حصل..! كانت العادة عندنا يا ول ابا يحي انو البنات يعزلن الأولاد (يعني تجيك واحدة تختارك عشان ترقص معاها ، ليبرالية للطيش..!)..اها صاحبي فرح عزلوهو..مشى رقص وجا راجع..بعد شوية عزلوني ومشيت ارقص..وعينك ما تشوف الإ النور..! طوالي (الجماعة) لموا ليك في صحابهم سين وجيم..ككيف فرح وكبر جوا الحفلة؟..اكيد الزول (البطل) معاهم؟..وليه ما شايفنو؟..شفت الجمال دي ككيف يا يحي: صاحبكم ماخد شاكوش ويصدروا ليهو اوامر سلطانية ما يحضر الحفلة والأوامر مش تسري عليها براهو بل يمتد سريانها على اصحابو..!..طبعا كان عندنا حاجة جميلة اسمها اصدقاء/صديقات الغرام ، بيكونوا من الجنسين..ديل البيحلوا المشاكل والوساطات وكده..يعني المرة دي تحل مشاكل اصحابك والمرة الجاية يحلوا مشاكلك..وفيها طرائف عديدة..الحب العذري على اصولو يا قريبي..طبعا الظاهرة في المدن التانية عندها اسم وحش شوية ما ح نقولوا هنا..! اها نفس الجهادية بتاعين (ووب علي فلان الجـــبان ) ديلك ، توشك حددوا موقع صاحبنا البطل ..وجوا مسكوهو من ايدينو عشان يرقص..! غايتو اخر حاجة سمعتها ، شهقة ووراها (افو..انا جــبـــان ..!!).. الغنية كانت بداية فاصل (يا ريت كل زول ساير يلاقي الريدة في دربو..عشان الناس تحب الناس زي ما عيننا اتحبوا) والغريبة قبالها رمية (رماد الذكرى لو صحاك)..كوماج للطيش..! ياخي نحن كنا شغالين كركون وكل همنا انو صاحبنا يراعي نص الهوى والغرام..! بعد شوية الدايرة اتسعت..ونشوف ليك (الجماعة) بكل ابهة توب الزفاف..ماسكة ليك ايدين صاحبنا..حصل كيف الله وحده يعلم..طبعا كنا لابسين بناطلين والسكاكين مربوطة في السيقان ( نظام تأبط شرا عديل)..وناس كية كية..عياط شديد..! قايل شنو؟ (الجماعة) دقوا الدلجة بي طولهم..توب الزفاف اتملا غبار..ومرات المصايب بتخلي الزول يفكر بسرعة غريبة..صاحبنا فرح (البودي قارد التاني) صوتو جهور..صاح ليك في الجماهير : يا اخوانا العروس غمرت ، من الصباح في التجهيزات ..لا اكلت ولا شربت عصير..يا بنات جيبوا موية..يا بنات شيلوها جوه..! وانا طبعا اغتنمت الفرصة ..وجريت صاحبنا البطل..ومرقنا من الحارة..! فرح لحقنا بعد مربوعين..ودور ليك في البطل هوكات..وبركاوي بغل..وعياط: ياخي داير تضيعنا..!..وانا اشيل واحجز..! اغرب حاجة ، اول زول زارنا كان هو فنان الحفلة..لأنو سمع بالتفاصيل..ويشيل ويتعضر ..ياخي اعفى لينا..وما كنت قايلك في الحفلة..!! بعد خمس سنين ، سماية في حلتنا ، بيت عمنا المرحوم سودان جابر..السماية كانت فطور..طبعا نحن اولاد البيت..نفس التشكيلة المعهودة..فرح كحل ليك (الجماعة)..الدهب..الميك اب..التوب المختلف..الوزن الزايد شوية..عمك بعد ما اتفرج كويس..وعاط ليك: كبر تعال..! اها جيت..صاحبي نفسو قايم..وقال لي: سوق فلان (صاحبنا البطل) وامرقوا امشوا اي حتة..! قلت ليهو نمرق كيف يا فرح والضيوف داخلين ومارقين..! المهم اتبادلنا البركاوي..وقلت ليهو: انت زول موهوم ساكت..! واستمرينا..في شغلنا.. بعد شوية صاحبنا البطل..مشى يجيب صينية الكبابي بتاعة الشاي (زي عشرين كباية)..وطبعا لازم يتناولها من الحتة التانية (مكان النساء)..ياخي صاحبنا قبال ما يلحق يمسك الصينية ..الساعة النسمع ليك صوت دشدشة الكبابي..!! واخينا ما اتلفت ذاتو ولا شهودنا..بي عدلو فحط..! كنت اقرب زول ومشيت عامل فيها قاعد الم القزاز عشان ما اعاين..كحلت (الجماعة) الجهادية بترش فيهم موية.. قلبي بقى طاحونة عديييل..طبعا فرح جاني وقعد يلم معاي القزاز..واشيل واصرف ليهو في البركاوي..وهو يشيل ويرد ويقول لي ما قلت ليك..! وبقينا نتبادل الطرف في السنين اللاحقات ، لمن لاقيت سبأ..العادة عندنا انو نعرف اصحابنا ببعض..فعرفتها على صاحبنا البطل..ودسيتها من فرح (لشئ في نفس يعقوب)..وكان صاحبنا البطل بيضحك وبيقول لي: الكبابي هينة ، اوعك تكسر الزير..! ولمن جات (في الليلة ديك) ، عردت يا يحي ..جريت عديل..عشان ما اكسر الزير..! وعشان الناس توضب فيك المكاواة: المحلات والمشاغل يسموها سبأ ، العربات يكتبوا ليك فيها سبأ ، ياخي العجلات (طبعا وكت داك مافي مواتر) يكتبوا ليك فيها بخط انيق : سبأ.. ومقدمي الحفلات توشك خاشين شمال: اعذريني يا سبأ ..ان هتفت باسمك وسكبته لحنا فوق المدى ، فقلبي كان طفلا قد رأي الهوي في عينيك فصبأ..! والتاني يشيل ويكسرها: وسألت عنك تحاريق الجوى والحزن الدفوق فما نبأ ، وكأنما الدنا عصافير حلم تهتف بحرقة النداء ورقة الندى..سبأ ..سبأ..!! طبعا ذات مرة سبأ حصل ليها مثلما حدث لصاحبنا البطل..قاعدة في الحفلة في صمة خشمه ومتبلمة بي توبها..والجماعة يعيطوا: أعذريني يا سبأ..! قامت مشت للزول وقالت ليهو: الكلام ده حق منو؟..قالها ده كلام الأستاذ الرأئع ابن الدلنج الشاعر محمد النور كبر..!..قالت ليهو : الزول ده عامل كيف؟..قالها : والله انا ما شفتو..لكن شفت اخوانو ، والقصيدة دي اداني ليها صاحبو..! شهقت وقالت ليهو: الجــــبان..! صاحبنا (نظام داير يتظارف ويخش شمال) قال ليها باسما: ده منو الجبان؟ قالت ليهو: سيد الشعر وصاحبو..كلهم جبــــناء!! هنا تدخلت احد الملازمية ، وغمغمت ليك سبأ ودفرتها قدامها..! اللذيذة صاحبنا سك الشغلانة لغاية ما عرف البير وغطاها ، ويشيل ويعتذر لسبأ.. طبعا لغاية الآن صرت انا الجــــبان..! والليلة ، خليك من (في الليلة ديك) ، يا يحي كن لقيت لي خمسطاشر زير ح اكسرهن زي الترتيب..! الدنيا بت لذينا يا يحي..! (جماعة) صاحبنا..اقربائهم.. Niece معانا هنا في البلد البعيدة دي..وبكل حسن نية يقول ليك (خالتو)..! واخوك قلبو شح..سجاير شح..خالتو شح..! ما عارف لو صاحبي مر بموقف زي ده ح يسوي شنو؟.. ويا ريت كل زول ساير يلاقي الريدة في دربو..!
Quote: طبعا لغاية الآن صرت انا الجــــبان..! والليلة ، خليك من (في الليلة ديك) ، يا يحي كن لقيت لي خمسطاشر زير ح اكسرهن زي الترتيب..! الدنيا بت لذينا يا يحي..! (جماعة) صاحبنا..اقربائهم..
كبّر يا صديقي ...
الجبن عار ... هههه
لذلك يا صاحب اخوك مشاها خطىً ...
حفلة و صبحية كان ما عجبك ... و لبست كما يجب اللبس ان يكون ... عريس عديل ...
لكن ما كرهت زول اليوم داك قدر ما كرهت نجم الدين الفاضل ...
ياخ ده ظلم الانسان لأخيه الانسان ...
عندي صاحبي يا كبر الله يطراو بالخير اين ما كان ... يستفز فيني طول الليل عشان اركز ...
المشكلة الحب ده بجيك زي القدر ...حتى هي في ثوب الزفاف حبيتها ياخ ...
غايتو ... انطبق علي كلام بن المنبرش :
ضيعني الدكتور عشا البايتات وعاد خطبوكي لزولا عريض و كبير وعلمو كتير و لابس ليهو نظارات عربيتو تسوي حي وا ليل وحافظ الكيميا في راسو و حاكي أشنابو نص رباط و عاد شغال و حالتو كويسة باني البيت رضيتو بيهو طوالي و ما قولتيلو oh too late !!
و يبقى الحب يا صديقي ... يذهب المرار و يبقى الحب الخالص ...
06-27-2018, 06:18 AM
Kostawi Kostawi
تاريخ التسجيل: 02-04-2002
مجموع المشاركات: 39979
الدنيا دي صغنتوتية جدا يا قباني عندي تجربة مع المرحوم في واشنطون ممكن أكتب عنها "معلقات" لو جاز التعبير!..وعن نفس الغنية " في الليلة ديك".. بداية القصة كانت في منزل المذيع القدير في صوت أمريكا الأستاذ الزبير الطيب و نهاية القصة في آخر حفل للمرحوم في واشنطون... بس الله يدينا الوقت للحكاوي... رحم الله العندليب زيدان و دعواتنا لله له بالرحمة و المغفرة . و شكرا ليك يا قباني على هذا البوست.
06-27-2018, 08:06 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22959
ياقبانى ياخى في داعى للقبقبة اخونا الفنان محمد السنى بقول اى سودانى عندو في الليلة ديك والغريب انو عزمى احمد خليل كتبها وهو طالب فى الوسطى شخصيا عندى اربعة حان زفاف والخامسة مقطعها في مصارينى
06-27-2018, 11:28 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
يااخ قلبت علينا المواجع .. و الذاكرة بقت ما تسعفنا كتير ... الا البتذكرو ... نحنا جيل السبعينات .. وجيل الليلة ديك .. والليلة القبلها كمان .. والوكت داك كنا مقددين الخرطوم في اي اتجاه .. والشاكوش جاهز في ايدينا ... نشوكش ساااي .. لحدي ما لمت فيني زميلة من ناس نمرة اتنين وطبقت فيني نظرية الحدادة .. وشاكوش على كيف كيفك ... مازالت اثاره باقية ( مرسي الزناتي اتهزم يارقاالة ) ... دنيا بت دووق .. وفي ليلة زفافها قمت هنيتها بكل روح رياضية .. وخليت ليها البلد ... دي بتذكرني قصة الممثل الكبير مكي سنادة .. والتي سردها صديقه هاشم صديق يوما ما وكتب على لسانه قصيدة النهاية التي تغنى بها سيد خليفة .. ثم مكارم بشير .. اها الاغنية دي بتاكل معااي جنبتين .
عاالم بطاالـــــــــــــــــــة ,,
06-27-2018, 02:40 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: و الله بكايات بكاء مبالغ فيه بس داسينها.... 😂😂 بس الرجال بكاهم معلن كمان معاه (جعير)..... واحد كان زميلنا في يوم من الايام من ناس سنار و في غربة لسانو طوالي شغال ماااافي حتى رسالة واحدة 🎶🎶🎶🎶 قلت ليه ياخ كرهتنا ... ما حافظ ليك اغنية تانية ..؟؟؟ قال لي ياخ (الرسالة ) دي ياها المكسراني انا الجكس بتاعو اسمها (الرسالة) ... قلت اسي لو رجعت و لقيت واحد مرتاح اكل راسا و اتزوجها بتعمل شنو ... ؟؟قال لي بقول ليها :- خذوا دنياكم هاذي فدنياواتنا كثر 🎶🎶🎶🎶🎶 😂😂😂😂😂😂😂😂
سلام ابو الياء و كل ضيوفك الكرام
عدولة يا جميل ...
تعرف قصة دنياواتنا كثر دي ... قدر ما تسرح معاها ...
برضو ترجع لي قصة نقل فؤادك ...
ياهو الشاكوش الأولِ ده اصو الزول ما ببرا منو ... :)
06-27-2018, 03:00 PM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
Quote: هل عشق (المراهقة)....يمكن اعتماده اساسا لبناء (أسرة) ...؟؟؟ اطرح سؤالي هذا ..وفي البال..كم من مغترب (خاصة اواخر السبعينات..و اوائل الثمانينات) هجموا على حينا بمدينة كوستي و اقترنوا بكل جميلات الحي (تقريبا) واللائي كن (معظمهن ان صحت العبارة) على علاقة ما بشاب ما... والان جميعهن (ما شاء الله ) ربات اسر يعشن في غاية السعادة مع ذاك (الذي كان ) مغترب
هسي الجاب سيرة الاسرة منو يا زكريا :)
حب و وجع قلب و شاكوش ... الاسرة وين هنا ؟
بعدين عرفت كيف ( انهن يعشن في غاية السعادة ) ... هل تعلم مافي القلوب و لا بس الشكل العام :)
06-27-2018, 05:01 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
لم تعطيني فرصة للاختيار بين "حان الزفاف" و "في الليلة ديك" فلقد كان حفل زفافها ب "زيدان" !!
كانت خيمة العرس امام منزلنا (كنا جبران بيوتنا قصاد بعض" تأهبت جيدا لذلك الحدث وقررت ان أذهب وأبارك لها و أعود .. هل يجدر ذكر انني كنت محل اهتمام الجميع من ابناء وبنات ونساء وبعض رجالات الحي؟!!
المهم يا قبه كن بنات الحي يتجهزن للحفل من منزلنا .. لا اعلم لماذا بالتحديد ؟! اصررن أن أدخل الحفل معهن .. شكل من اشكال التضامن على ما أظن .. ولعلها كانت الطريقة الوحيدة للتضامن السمج .. فسودانيزاونلاين لم تكن خرجت لمثل هذا بعد ..
عندما تخرج من باب منزلنا بالتحديد يكون الفنان على يدك اليمين .. والكوشه أمامك يا الله كم كانت جميلة يومها !! حزنت كثيرا وأنا اتطلع نحوها اوان خروجي .. وكان زيدان يغني "في الليلة ديك" بالتحديد !!
06-27-2018, 10:00 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: قباني وشركاه البكايين في داعي تصحوا الكوامن هسي انا ما من انصار الليلة ديك .. لانها خاصة بليلة واحدة فقط وماعارفين الحصل شنو صباح تلك الليلة لصاحبنا
احمد ياسين يا فنان ...
القال منو خاص بليلة واحدة فقط ؟
يا رجل الليلة ديك قعدت معاي 24 سنة ... الى ان التقينا ... ومشينا فى طريق مقمرٍ .. تثب الفرحة فيه قبلنا وضحكنا ضحك طفلين معاً .. وعدوّنا فسبقنا ظلنا وانتبهنا بعد ما زال الرحيق .. وأفقنا ليت أنّا لا نفيق
المهم ...
06-27-2018, 10:17 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: عزيزنا الاخ الفنان قباني سلامات رجعتنا ياخ للعهد البديع . زمن كان الموت ركن . والحب كتامي . في الليلة ديك و الدبابة الكعب العالي و الشارلسون الحدادي و الشعر المنكوش وكوم المحبة الشايلو في الدقنوس الما كان شايل هم سنين الجراد العقبت . ولسع ما فكت . اول مره سمعت اغنية في الليلة ديك كانت سنة ١٩٧٣ في زواج في بيت المال الشاب زيدان بالقميص الاحمر و الفرقة قدام بيت المناسبة طالعين في ترلة قندراني مفروش عليها سجاد كانت هي المسرح . وفسحة الفرح كانت مستفة من الامدرمانيات النجف وكانت الحياة ملبن . وكنا ما ساعلين حتي في ميركل. .
اخوك كان بفصل بناطلينو عند مامون الترزي في الخرطوم جنب الأتينيه في عمارة ابو العلا ...
مرة قلت ليو داير قطعة الشارلستون 46 سنتمتر !!!
عاين لي و قال ... انا بعمل ليك 46 لكن انت شفتو وين و اشمعنى 46 ؟ و انت متأكد حتلبسو ؟
ضحكت و قلت ليو عندنا صاحبنا مفصل شارلستون و شابكنا ده 43 و نص ... و انو دي آآآآآخر موضة ...
فقررت اعمل 46 من راسي كده و امش اخمو بيها و اقول ليو الموضة بقت 46 ... و رقم 46 شكلو حاجة جادة و محدده كده ... هههه
تعرف يا عثمان ... صاحبة الشاكوش مرة قالت لي ( بعد عرسوها ) و انا خالف كراعي و الشارلستون عامل عمايلو ... قالت لي ... شرابك ماشي شديد مع لبستك ...
بالله حسيت كانها رجعت و اتزوجتها ... شوف ليك جنس رهافة قلب ...
06-27-2018, 10:21 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الليلة ديك وهي فد ليلة استمرت معاك (8766) ليلة!! ؟ وبعدها انقلبت من في الليلة ديك الى (هذه ليلتي) لتصلح تلكم الليالي زي ماقال مصطفى عبدالرحيم جرحي الأليم الشايلو تذكار طول حياتي أسى وهموم جرحي الدفين العذبك يا قلبي طول عمرك أنين داريتو في الأعماق سنين غنيتو للعشاق حنين شكوى وشجون غنيتو أصدق أغنيات أصبح مجرد ذكريات وين الصلات وين الشموع الفي دروبنا منورات وبقت هموم أصلو القلوب الهايمة تعبد في الجمال
Quote: يا رجل الليلة ديك قعدت معاي 24 سنة ... الى ان التقينا
06-27-2018, 10:09 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
"مات الهنا" أغنية لاحقة كانت لتلك "الليلة ديك" .. سمعتها مئات المرات في ظرف شهرين تلاته مع العلم ان العلاقة امتدت من اولى عام للاولى جامعة "د سنوات"
وانا ما بلوم يوم الزمن ولا برمي دمعة على الظروف لكن بعيش كل الشقا واندم على قلبي الولوف ياريتو تاب من ساعتو ديك ياريتو ما كان ليك عطوف ضيعت فرحو وبعت عزو وريدك اصبح كلو خوف الخ الخ
شفت الكبرياء الذليل ده كيف :)
06-28-2018, 00:08 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: الدنيا دي صغنتوتية جدا يا قباني عندي تجربة مع المرحوم في واشنطون ممكن أكتب عنها "معلقات" لو جاز التعبير!..وعن نفس الغنية " في الليلة ديك".. بداية القصة كانت في منزل المذيع القدير في صوت أمريكا الأستاذ الزبير الطيب و نهاية القصة في آخر حفل للمرحوم في واشنطون... بس الله يدينا الوقت للحكاوي... رحم الله العندليب زيدان و دعواتنا لله له بالرحمة و المغفرة . و شكرا ليك يا قباني على هذا البوست.
شكرا ليك انت يا جميل ...
و انت توثق لما كل هو جميل ... رغم انو تصويرك تعبان و الصوت سجمان ههههه
بشاغلك ياخ ... و الله مجهود خرافي لمن يعلم ...
06-28-2018, 06:28 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
و المسكينة دي شابكانا لو احبك انا ... و انت بدر السما ...
ليها الجنة ... على ضمانتي ... ـــــــــــــــــــــــــــــــــــــــــــــــــــــــــــــــــــــــــــــــــــــــــ ياقبانى خليك مع الزمن ياريس نحن بنتكلم عن الماضى وافراحو
06-28-2018, 03:46 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات يا هندسة وزوارك المشوكشين .. طبعا انا ما بعرف اقعد الحكي زي ناس كبر.. لكن في خمسينات القرن الفات .. طبعا ما أنا بتبالغوا .. زي حكاية شرق الخرطوم دي حصلت مع عما لينا .. سكي الزول العرس حبيبتو لحد ما طلقها منو .. وعرسها على الرغم من إنها كانت انجبت بت .. لكين بصراحة ما عارف كان شغلتو كان فيها خلو رجل ولّ لا.. يبدو إنها كانت ظاهرة مباحة زمان.
اﻻحبة اللي هنا الشواكيش انواع منها البارد ودا ممكن انت تنتقم او تتشفى من الطرف التاني بمرور الوقت وفي الشاكوش الحار البطول معاك واخطرهم الشاكوش الفجائي والنوع دا اثره بيمتد سنوات وسنوات وزي ماقال هاشم ..ألمي كله عشانك كدي اتخيلوا الشاكوش دا انت ماشي تعزف مع فنان كبير في حفلة ..والحفلة دي ما اي حفلة عادية...ﻻن العريس له مكانته في البلد كلها وتحرك الجميع للحفل المنظم والمرتب ووووو ..بعض البروفات المعتادة قبل الصعود....وفجاة تكتشف ان دا عرس هسي الواحد يكمل كيف
06-30-2018, 02:31 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
زمان في منتدى سابق ذهب مع الريح وتاه في مقبرة الاسافير حاولت أعمل بحث عبثي لتصنيف الشواكيش . ليس بالضرورة أن تكون نتيجته زفاف لشخص آخر. بعدين شاكوش الحب من طرف واحد يختلف عن شاكوش اثنين كانت بينهما علاقة استمرت ثم تفرقوا بسبب زعلة عابرة أو طمع وإغراء من طرف ثالث أو تدخل أسري من النوع (جبروها على ودعمها). كما أن الشاكوش القهري يختلف عن الشاكوش الارادي. وأكثر تجمع سكاني سوداني تحدث فيه الشواكيش القهرية كانت مجمعات الموظفين والتي كانت تعرف ببيوت الحكومة. وهي مصلحة حكومية واحدة مثلا إدارة الكهرباء أو مؤسسة زراعية أو مصنع سكر. حيث ينشأ أبناء وبنات الحي في بقعة واحدة وتنشأ بينهم علاقة غالبا ما تتطور الى حب. ولأن هذه البقعة فيها تفاوت طبقي بصورة ما. مثلا يحب ابن الموظف الصغير بنت مدير المصلحة. ويتهور الأب بعد اكتشاف هذه العلاقة فيطالب بنقل الموظف الى مدينة بعيدة لا يسمع فيها ابنه ببنته ولا في الخيال. هذه المرارة تذكرني مقطع في رواية الجذور الأمريكية عندما عالم السيد بأن هناك علاقة حب بين الخادمة الزنجية المراهقة (كيزي) وأحد الشباب العبيد. أصر علي بيعها في نفس اليوم لم يبالي ببكائها وبكاء والديها دون أي سبب سوى الحسد والغيرة. كما أن الشاكوش الارادي غالبا ما ينتج من التهور وغالبا سببه الغيرة الشديدة والاتهامات وعادة ينتهي بعبارة (أنت طالما ما واثق فيني للدرجة دي من يوم الليلة انا من سكة وانت من سكة) وبعدها يبدأ الندم ومرحلة (عزة نفسي مابية علي أسلم قلبي ليك تاني). أما شاكوش الحب من طرف واحد عبر عنه طارق الأمين بقصيدته الحلمينتيشية الشهيرة ( يا عبدو لا ).حيث يظل العاشق من بعيد ينتظر ان يعبر الحب عن نفسه دون افصاح أو تقدم من جانبه حتى يظهر صقر حريف ويخطفها منه لتبدأ مرحلة ( الجقلبة) ومن ناحية الغناء عبر عنها الراحل هاشم ميرغني برائعته ( أسبوع تمام أنا كنت عائش في الخيال .أنشد حروف ريانة زي دمعا حنين من عيني سال ).
06-30-2018, 12:33 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
كانت الحفلة حفلتها ... وهي في كامل ابهتها في الوقت داك مافكرت في الليلة ديك ولكن الراس اتملى ب (قصتنا) وعثمان حسين وفي الخاطر المُلَح بيت واحد اللبتتبعه لزمة العود ( لكن حنانك لي أو حتي مشاعرك نحوي ما كانت حقيقة) لغاية ما يجي في اكبر حتة: كــــــــــــانت وهــــــــــــــــــــم عثمان حسين لم يكن يغني .. كان يحكي وجدانا منزوعا وبعدها الكمنجات تلعب دورا في الافصاح عن هذا الشجن الغامض طبعا الفنان الكبير البيحي الحفل يستحيل يغني لفنان آخر وانا في خاطري ادفع عمري الان والاغنية دي تتغني باي طريقة الليلة دي وتلك قصة اخرى
06-30-2018, 12:49 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
سلامات قباني و الضيوف الراقيين أعترف.. البوست عميق و بوجع القلب، خاصة قصة العازف ( احمد ياسين) و اللي نقلوها هي و ابوها ( درديري) ! أهديكم الأغنية التالية من اليوتيوب : Ed Sheeran- Photograph Lyrics
06-30-2018, 12:59 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الشكر ليك انتي يانعمات عماد يا بنت النيل وبنت النيل برضو اغنية بد\ا فيها احمد المصطفى الاغنية بايقاع (الرمبا) ويستمر حتى (الكسرة) البقول فيها احبه واحب نوناتو نوناتو الفي وجناتو ... بغنيها عشرة بلدي
اها كل ما نشوف اطلالتك المتباعدة عبر شاشات التلفزة بنقول في الفؤاد ترعاهو العناية ... بين ضلوعي الوطن العزيز
06-30-2018, 01:42 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: أحي الفنانة الكبيرة نعمات حماد أينما كانت، أما انا فقد أصابني من غناها الصيت،
(حماد) اختفت منخمسة و تلاثين سنة او يزيد الاطلالة كانت عبر سهرة تقريبا او حفل او برنامج خاص بالمغتربين وتحديدا من دولة الامارات اها .. الغني ولا الصيت ؟
07-01-2018, 07:58 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: أخيراً مى ليك سلام وقبل ما تجـف دمـوع العيـن وقبال منى ما تعـدى وقبـال الفـراق مـا يحيـن بخيت وسعيد عليك إن شاءالله يبقالك عمار وبنيـن وقلبى أنا خلى فى أناتو بعدك يامـا راجـى أنيـن ولو كان يا قلب حبيت بعـدو بعـد قسمـت يميـن ما ينتمّ ليك مـراد لا تضـوق لا حلـو ولا زيـن وتفضل طول حياتك تبكى طول عمرك تعيشو حزين وعمرك ما تجيك سعـادة مـا تتهنـا قـول آميـن وتانى الحب عليك حرمان ووعد الحر أمانه وديـن
بمناسبة الشارلستون يا قبة وجامعة الخرطوم شاكوش باتريوت حكاية واقعية حصلت لصديق وحكاها لي بنفسه وهو كان في كلية الآداب برلوم متحمس للمذاكرة والتفوق. قشر ومشى المكتبة قبل الدراسة ما تسخن في أول أيام الجامعة. لقى المكتبة فاضية بطبيعة الحال. أختار موقع استراتيجي ناصية جوار مروحة (استاند ) وجلس يذاكر مندمج . بعد قليل سمع حفحفة ملابس وعطر فواح عم المكان رفع رأسه وجدها حسناء تثير غيرة القمر والشعر المهفهف والخصل لا طرحة ولا توب اسكيرت وبلوزة فقط. رصت أغراضها وجلست في الجهة المقابلة منه مباشرة رغم أن المكتبة فاضية. بدأ عقله ينشغل وقلبه يشتغل رفع حالة الطواري. تحول الكتاب الى صفحات بيضاء من غير سوء. رغم أن عيونه ورأسه تسمرا ناحية الكتاب الا أنه لم يكن يرى كلمات كالكلمات. ظل على هذا الوضع الى أن شعر بلكزة خفيفة على ساقه. رفع رأسه مذهولا نظر ناحية الحسناء وجدها منهمكة في كتابها كأنها لم تفعل شيئا. عاد الى كتابه وضربات قلبه أصبحت كطاحونة خريستو. مرة ثانية تكررت اللكزة وكذلك رفع رأسه نظر ناحية البنت وجدها في وضعها السابق لم ترفع رأسها من الكتاب. صحيح هو سمع بغراميات الجامعة من السابقين السناير وبدأ يهيئ نفسه لهذه الأجواء لكن لم يتخيل أن الموضوع يتم بهذه السرعة والجامعة في اسبوعها الأول. مما جره للتفكير في هذا الاتجاه هو أن المكتبة فاضية وكان ممكن تجلس في مكان بعيد منه لو لم تكن تستهدفه هو شخصيا. الدخول من هذا الباب وبهذه الجرأة لخبط حساباته. حسب فهمه من المفترض أن يتم تعارف وإلفه تسبقان هذه الخطوة. لكنه لن يصمت إذا كررت اللكزة للمرة الثالثة سيفتح معها الموضوع ويسألها عن الحكاية ويمكن كمان يعزمها على الكافتيريا. وفعلا حصلت اللكزة للمرة الثالثة رفع رأسه لكن قبل أن يفتح فمه لاحظ الحسناء وقفت على طولها لمت أغراضها بعنف وانزعاج بين. وقبل أن تخرج عادت وقالت له (بالمناسبة انت واحد مزعج) وغادرت فعلا. قال في نفسه (شوف كمان ضربني وبكى سبقني واشتكى. قوة عين فايتة الحد ) لكن المفاجأة كانت في حصول اللكزة للمرة الرابعة. سحب الكرسي للخلف وظل يراقب في ساقيه برعب (المكتبة مسكونة ولا شنو ) لكن بعد قليل وجد أن هواء المروحة كان يرفع حافة البنطلون العريض ( شارلستون ) ويخبط به الساق الأخرى .
07-02-2018, 06:18 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: كت بحلم بك انت معاي مجرتق بالعديـل والزيـن جنبك فى يمينك قاعده نسمع فـى دقـر يـا عيـن تبشر زين مع الأصحـاب وتتشبـل مـن الوزيـن
كنا يا دوب نستشرف "شرق المتوسط" وما افقنا من غرائبيات اللاتين أمريكا بعد عندما تم لفت انتباهنا ل "حبي ليك انا كان زادي" وغنا الطمبور
ونحن قساة قساوة أمدرماننا .. داكني الحنين والحنان لا نعرف الغزليات الا تليمحا .. ولا نفيهم الحب الا مكنونا في الصدور و "تحت تحت" يا عملات على ود سكينة عن سعاد "وبرضي عارف انها .. تحت تحت ... بتحبني"
لم ينجح "عثمان حسين" في فكفكة حالنا العاطفية ولا زيدان ابراهيم "ما تسمع كلامات "اولاد قلبا عن الشارلستون والذي منو" فلقد كانت الحقيبة مهيمنة لحد بعيد ..
هذا الوضوح .. هذه المباشرة كانت كالاحلام آنذاك ان تكتب انثى مثل هذا العشق كان جديدا علينا
ساواصل مكاتبتك يا عزيزي وريثما أعود. فلتكن في المودة في عزها واضحة
07-02-2018, 08:13 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: المهم يا قبه كن بنات الحي يتجهزن للحفل من منزلنا .. لا اعلم لماذا بالتحديد ؟! اصررن أن أدخل الحفل معهن .. شكل من اشكال التضامن على ما أظن .. ولعلها كانت الطريقة الوحيدة للتضامن السمج .. فسودانيزاونلاين لم تكن خرجت لمثل هذا بعد ..
عندما تخرج من باب منزلنا بالتحديد يكون الفنان على يدك اليمين .. والكوشه أمامك يا الله كم كانت جميلة يومها !! حزنت كثيرا وأنا اتطلع نحوها اوان خروجي .. وكان زيدان يغني "في الليلة ديك" بالتحديد !!
ظلم بائن يا محمد ...
الكل يعلم انها محبوبتك ...
و الكل يصر على اقناعك بان تكون سعيداً لسعادتها ...
و الكل يدفعك لمصافحتها هي و من بجانبها ...
ياخي ده مش ظلم ... دي مجازر كانت تركب فينا دون ذنب اقترفناه ...
ذنبنا اننا قلبونا دقت ( قبل اوانها ) ...
جرائم تترك في النفس آثارها ... و الكل يحاول ان يقول ( ده كان لعب عيال ) ...
اشكيلك ولا تشكيلي ...
ياخ داير اهديك غنوة ...
زانة لي في راسي من امس ...
اسمع بي رواقه و شوف ( الشافع في الزمن داك ) الاسمه عوض احمد خليفة كتب شنو ... و شوف كابلينا ... قالها كيف ...
07-02-2018, 08:19 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
كيف يهون عندك خصامي ؟ وترضى من عيني تغيب وانت بيك أسباب سعادتي وإنت اكتر من حبيب شفتَ بيك الدنيا نايرة عشت فيك أملي الخصيب إنت أحلى من الأمااااني لما تغمرني وتعربد واحلى من طير الخماااايل لما يتمايل يغرد ومن جميلة جديدها تمَّ لما تتنى وتزغرد إنت يااا أحلى الحباااايب ما بتخون حبي وتبدد عشرتي وباقات حناني قلبي بيك دايماً معيِّد حبي ليك يا نور عيوني كل يوم يخضر يفرهد ...
و رغم حبي ... عليك أهون ...!!!
انا لله ياخ ...
07-03-2018, 08:55 AM
نصر الدين عثمان نصر الدين عثمان
تاريخ التسجيل: 03-24-2008
مجموع المشاركات: 3920
حياك الله أخي ود المشرف وكل عام وأنت وأسرتك بألف خير،
Quote: داكني الحنين والحنان لا نعرف الغزليات الا تليمحا .. ولا نفيهم الحب الا مكنونا في الصدور و "تحت تحت" يا عملات على ود سكينة عن سعاد "وبرضي عارف انها .. تحت تحت ... بتحبني"
لم ينجح "عثمان حسين" في فكفكة حالنا العاطفية ولا زيدان ابراهيم "ما تسمع كلامات "اولاد قلبا عن الشارلستون والذي منو" فلقد كانت الحقيبة مهيمنة لحد بعيد ..
هذا الوضوح .. هذه المباشرة كانت كالاحلام آنذاك ان تكتب انثى مثل هذا العشق كان جديدا علينا
الحال من بعضو......... حتى أنتم يا أولاد أم در!؟ هههه
قاتل الله ذاك الحياء البليد.... بيد أنه قد وأد مشروعات حب كبيرة.. يااااه كلو رايح.. منو له..
وبالمقابل على طريقة فيصل القاسم.. نشوف الجوانب المشرقة لآدم وحواء.. كدي شوف التسامي والرفعة دي:
Quote: إذنك لحظة واحدة يا ضابـــط السجن أتزود بنظرة و أرجع أنسجن ،،،،، خمسة سنين طويلة مرت ليلة ليلة و دمع الشوق هميله ورى الدمعة الهميلة تشرح سايلة حالي و تكتب في مثيلها قصة وردة جفت من فرقت خميلها ،،،،، يشلع نور بسيمتو ده ينير الوجن ما إحلى دوام فريحو ده مافيهو ظن تحكي حنين مغرد بلبل ساب عشيشو راح ولهان يردد شوق الطير لي ريشو شوق للنادي خدو للبجرح رميشو لجاهلا بعذب صدو و يحلى طيشو ،،،،، طيب طيب طيبة حنين و كلو طيبة فرحان بي شبابو عامل حسنو هيبة و الأنظار تهابو ده لين ني صغير زي الزهرة دابو زي بلور أصابو يصحصح كتابو أسمح لي أشوفو يا ضابط السجن .....
07-04-2018, 06:19 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
عبدالحفيظ ابوسن
تماضر الطاهر
محمد أبوالعزائم أبوالريش
نعمات عماد
Deng
إبراهيم عبد الحليم
Kabar
عمر سعيد علي
دفع الله ود الأصيل
ABUHUSSEIN
Zakaria Fadel
Ahmed Yassin
Osman Musa
Kostawi
بدر الدين الأمير
محمد مجيدو
علاء سيداحمد
محمد حيدر المشرف
محمد على طه الملك
نصر الدين عثمان
فيس بوك
تويتر
انستقرام
يوتيوب
بنتيريست