|
كتب الكاتب الفاتح جبرا المتوفرة بمعرض الدوحة
|
|
 Re: اعلنت وزارة الصحة ولاية الخرطوم فتح بلاغ (Re: محمد المسلمي)
|
ومبدءيا شكرا للجوء نحو القضاء فهي خطوة أخرى في الاتجاه الصحيح ..
..........................
كل الشكر وكل التقدير لكم أيها الشرفاء على الدعم والمساندة .. مدير عام الوزارة وزمرته التفتوا خلقكم ، بالتأكيد لستم المعنيون .
الطيب عثمان يوسف
منقول من صفحة الزميل جنابو الطيب عثمان يوسف في الفيس بوك
| |
 
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: Osman Musa)
|
السلام لمحمد المسلمي والمتداخلين وكل عام وانتم بخير
بس عايز ارد على الاخ علي محمد الفكي
وهو يقول:
صارمه زي شنو ؟
اكثر من انها تشتكيهو في النيابه
هل عندها سلطات اكثر من كده
انا بوريك صارمة زي شنو إن كنتَ تجهلها.
في عهد الانقاذ اعادتنا لعهود الامارات
يعني كل وزير ممكن يعمل شرطة خاصة بوزارته وكمان واحدين عملوا محاكم والامثلة كتيرة
والبفتح حنكو هناي داك قاعد بوريك نجوم القايلة
فهمت ولا ازيدك بيت شعر ؟
اولاد ام زقدة تاني تجو السودان؟
لك ودي
| |
|
|
|
|
|
|
|
|
 Re: اعلنت وزارة الصحة ولاية الخرطوم فتح بلاغ (Re: Ali Alkanzi)
|
خلاص وزارة الصحة .
المفروض تمنع دخول الكاميرات.
و الموبايلات الذكية الي المستشفيات.
عشان الزبالة و الوساخة و الاهمال .
و عدم اللامبالاة و القرف .
و ترتدي الأوضاع الصحية.
الي الحضيض.
ما تطلع للاسافير .
و الجماهير المغلوب علي امرها.
و الناس تموت زي البهائم .
و لا حياة لمن تنادي .
وعاااااااش الوزير.
فضحتونا يا قرف.
عزالدين عباس الفحل
ابوظبي
| |
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: عزالدين عباس الفحل)
|
| Quote: لتسمم كحولى أحضرته على إثرها دورية الشرطة مؤكداً أن قرار الطبيب المعالج قضى بأن يُعالج على الأرض نسبة لاصاباته التي تستوجب ذلك ونفى غياب فى الأطباء |
طبعا الكلام بتاع الكحول والسكر دا عشان الناس تفقد التعاطف مع المريض ..وشوف التبرير بتاع العلاج علي الارض القذرة الملوثة بالجراثيم عشان تعرفو كمية الاجرام الموجود عند المسؤلين بتاعننا ديل ...
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: عزالدين عباس الفحل)
|
السلام عليكم اخ محمد وضيوفه الكرام
شكوى المستشفى لاتعدو ان تكون سوى كلمه حق اريد بها باطل
ومااكثر مخازى وزاره الصحه بدَأَ بوزيرها الذى لايتحرج من السفر لعلاج اهله خارج البلاد ويتعلل بكل صفاقه وإنعدام حس ملازم لهم ومن سار معهم ان التشخيص والعلاج غير متوفرين فى السودان لايعنيه السواد الاعظم من الناس ولا نساء حوامل فى اطراف الدوله الغير سعيده يدركهم الموت أثناء او بعد الولاده واطفال يموتون قبل بلوغ العام الاول والكثير المحزن فى دوله المشروع الحضارى عابر الدول
من الجانب الاخر نشر صور المرضى فيه إنتهاك لخصوصيه الاشخاص وكذلك خصوصيه المستشفى رغم الحال المايل لكن الالتزام بميزان العداله ملزم لكل الأطراف
تبرير المدير الطبى مخجل بحسب الوصف مريض مصاب بتشنجات السكرى وحاله تسمم كحولى يترك على الارض ولاتضع فى يده فراشه للمحاليل الوريديه فى مثل هذه الحالات يحول المريض على وجهه السرعه للعنايه المركزه لتجنب مضاعفات الكومه
لو كنت مكان الطيب عثمان ليه لذهبت إلى المحكمه وادنت الوزاره فى شخص وزيرها الغير مسؤول مستغلا جلسه المحكمه لمحاكمه الظلم المنتشر ليل نهار
نقل المعركه إلى بيت الخزف وابتداع اساليب جديده ربما تزحزح الظلام إلى النور
فى كل الاحوال افضل من ترقب صامت
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: Abdelrahim Mohmed Salih)
|
سلام يا مسلمي و سلامات لضيوفك
Quote:
قرار الطبيب المعالج قضى بأن يُعالج على الأرض نسبة لاصاباته التي تستوجب ذلك |
يعني نفهم من كده انه هناك حالات مرضية لازم تتعالج على الأرض؟
طيب ياريت الطبيب المعالج يدينا قائمة بالحالات التي يجب ان يتم علاجها على الأرض
و كمان يكمل جميله و يورينا الكلام ده درسه في اي كلية طب و ورد في اي مرجع
و لو كان ده تبرير وزارة الصحة فهذه هي الطامة الكبرى و على الدنيا السلام
لك الله يا وطني
لكم الله يا بني وطني
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: elsawi)
|
Quote:
قرار الطبيب المعالج قضى بأن يُعالج على الأرض نسبة لاصاباته التي تستوجب ذلك |
يهمنا جدا معرفة الإصابات التي يجب علاجها على الأرض كثقافة طبية و كدا،
عشان لو واحد فينا اصيب بإحدى اصابات العلاج الأرضي لا قدر الله طوالي يقع الأرض
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: حاتم إبراهيم)
|
قبل كده. - قبال عهد حميدة لكن في عهد الإنقاذ دي ذاتها- احد هؤلاء
المجهولين احضر لمستشفى حكومي طرفي مصاب بنزلة معوية، رموه
على الارض في غرفة معزولة وبعد كم يوم وبمعرفة المدير الطبي - كوز -
جابوا بوكس وشالوا الزول رموه في حتة فاضية قريب من الحزام الأخضر
الاجرام متأصل في العالم دي من زمان.
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: محمد أبوالعزائم أبوالريش)
|
شكلو جنابو الطيب أول مرة يدخل حوادث مستشفى حكومي وما عارف إنو ده الطبيعي !
منظر الحمامات الطافحة واحواض الغسيل الوسخانة وطرابيز الحديد المصدية وبوهية الحيطة المقشرة
والروائح النفاذة والناس المجدعة على البلاط ده أصلا المميز للحوادث في المستشفيات الحكومية حسب
الإكتظاظ !!
وشكلو جنابو الطيب فاكر إنو البشير أو الوالي أو الوزير ما عارف الحاصل ده وإنهم قايمين بي دورهم
لكن التقصير من المدير الطبي والإسطاف الشغال عشان كدة بيخاطب في الرئيس!!
ده حال المستشفيات العامة في السودان الطبيعي , لو انا شغال في نبطشية في المستشفي دي وعندي مريض
مات بخلص إجراءات شهادة الوفاة وأهلو مفروض يشيلوهو ولو ما عندو أهل الشرطة مفروض تجي وتتكفل
بالموضوع ده , ده أصلا أذا كان في وسيلة نقل للمستشفى او الشرطة إذن اساس المشكلة يا جنابو هو الفيل
الانت بتكتب ليهو الرسالة دي زاتا ! وهو السبب الرئيسي في التدني والفوضى المقصودة دي .
لو عندي مريض برضو جابوهو لي في حالة سكر او مافي كامل وعيو وحركتو كتير وما معاهو مرافق
وسيادة الرئيس و الوالي والوزير البتوجه ليهم الخطاب ده ما موفرين لي ممرضين كفاية يكونو برفقتو طوالي
ولا موفرين لي سرير طبي يمنع سقوطه كنت حأقوليهم خلوهو في الواطة دي زاتا والبلاط أرحم ليهم من النقالات
وسراريرم المهلهلة دي .
لو كنت نبطشي ومغطي لي كم عنبر في ورديتي وعندي حالة حرجة او حالة محتاجة متابعة حامشي أشوفا حسب تقديري
أنا شخصيا" للحالة ولو قاعدين منتظرني عشرين مريض فالمشكلة يا جنابو وردية في طوارئ مستشفى زي بحري على الأقل
تحتاج لما لا يقل عن 30 طبيب في الوردية الواحدة عشان يغطو كل الاقسام ! لكن الفيل البتوجه ليهو في الرسالة دي يصرف على
30 طبيب في الوردية الواحدة ليه إذا ممكن يخلي واحد او تلاتة يغطو والباقي يصرفوهو على الأمن ولا الدعم السريع .
أما شكل المستشفي والوسخ والفوضي المستغرب منو ده ما تفتكر السيد الفيل ووزرائه ما عارفين !! عارفين لكن يا إما يصلحو المستشفى
لي ناس ساي او يعمروا كافوري فما تفتكر انو المدير الطبي الكحيان ده ماكل القروش الصرفا ليهو الفيل عشان يصلح بيها المستشفى!
ياريت بعد ده تكون عرفت المشكلة مكانا وين ! مكانا وين !!
الفيل ياهو ده قدامك وما محتاج لي خطاب زي ده أصلا" فالناس عارفين مكانا وين !
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: عثمان الأمام)
|
تسلم اخى العزيز الطيب عثمان يوسف
كما عهندناك دائما بقلمك الذى يهابة المرجفين والظلمة
قدمت القليل من الحقائق التى عمت السودان فى هذا العهد العجيب والفريد
معك ربى ان شاء الله لن يصيبك الا الخير
كثر الله من امثالك الغيروين على بلدهم واهلهم
وباذن الله لن يطول عمر الظالم مهما جادت له الايام
فليكن الحق طريقيك الذى نشات عليه منذ ان خيرت بين ان تكون اداء للنظام او الصالح العام فاخترت الاخيرة لحسن تبريتك وبئتك التى نشات فيها
ان ينصركم الله فلا غالب لكم
كل التضامن معك حتى يرى اهلى ووطنى النور المين
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: محمد المسلمي)
|
الاخ الاستاذ حيدر جني عيد مبارك
جنابوا الطيب عثمان وثق وراي بعينه وكتب عن واقع وهو مدافع عن الحق الواضح الصريح
والوزارة ببيانها ده فتحت علي نفسها أبواب كبيرة واعلام اكثر ضد الفساد الحاصل في
المستشفيات تفتقد اقل المقومات وهي وجود سرير لكل مريض وبيئة نظيفة
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: محمد المسلمي)
|
هلا مسلمي
أنا اتحدث عن مسئول وزارة الصحة الذي أراد فضح وزارته حتى امام من لا يملكون إنترنت وذلك بتقديمه الشكوى
مع أننى ارجح ان هنالك جهة ثالثة أوعزت لوزارة الصحة بالقيام بالشكوى على طريقة جيبوا مدردق مع ان المفروض ان يكتب للطيب ادارة المستشفيات الحكومية في السودان وهو يملك القدرات الادارية المهولة امل ان لا يأتي احد محتجا لان الي قردة والذي على هرمها خريج السكرتارية لا علاقة له الا بإدارة المكاتب
جني
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: محمد المسلمي)
|
هلا مسلمي
أنا اتحدث عن مسئول وزارة الصحة الذي أراد فضح وزارته حتى امام من لا يملكون إنترنت وذلك بتقديمه الشكوى
مع أننى ارجح ان هنالك جهة ثالثة أوعزت لوزارة الصحة بالقيام بالشكوى على طريقة جيبوا مدردق مع ان المفروض ان يكتب للطيب ادارة المستشفيات الحكومية في السودان وهو يملك القدرات الادارية المهولة امل ان لا يأتي احد محتجا لان الي قردة والذي على هرمها خريج السكرتارية لا علاقة له الا بإدارة المكاتب
جني
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: محمد المسلمي)
|
وليه أصلا يكون في (مواطن) مجهول الهوية؟
كم وثيقة رسمية استخرجها هذا المواطن قبل أن يموت؟
------------------------------------------------------------
يعني الوثائق الرسمية بيختموها ليهو كوشم في ضهر كرعيهو؟
الزول دا عندو رقم وطني وجواز جديد وشهادة ميلاد
قام نساهن في شنطة في البيت.
سلامكو كلكو
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: محمد المسلمي)
|
2016
أعادت حماس رفات جنديين قتلا في حرب غزة إلى إسرائيل.
خبر عادي.
المضمون غير العادي مقارنة بحادثة البوست أن الحكومة الإسرائلية فحصت رفات
الجنديين للتحقق منهما، هذا يعني توفر البيانات الحيوية لكل فرد في جيش إسرائيل
يعني مواطني الدولة كلها عمليا ليس فيهم ما يمكن أن يطلق عليه (مجهول الهوية)
فلماذا الأحياء عندنا يعيشون ويموتون مجهولي الهوية؟
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: سيف النصر محي الدين)
|
الجمعة 22 يونيو 2018
الراكوبة
بلاغ ضد وزير الصحة
06-21-2018 10:36 AM | تعليقات : 11 | زيارات : 2324 |
هنادي الصديق
بدلاً عن تقديم الشكر للمواطن الصالح الذي قام بنشر صور تكشف مدى التقصير الطبي وتردي بيئة العمل بمستشفى بحري التعليمي، شنَ مدير عام وزارة الصحة بولاية الخرطوم د.بابكر محمد علي، هجوماً عنيفاً كاشفاً عن فتحهم بلاغ في مواجهته بنيابة جرائم المعلوماتية، بحجة نواياه في التشهير، مضيفا في تهديد عقيم "سنوقف هذا الشخص في حدوده لعدم اتباعه الخطوات الرسمية لتوصيل شكواه"، وتواصلت قرارات وزارة الصحة الانفعالية بمنع تصوير المرضى بالمستشفيات، ورهنت امكانية ذلك بموافقة المريض او اقاربه من الدرجة الأولى، والفكرة أساساً القصد منها منع كشف عورة المستشفيات التي باتت أسوأ بيئة يمكن ان يدخل فيها انسان، بل ويعافها الحيوان، وما شاهدناه من صور مثار الجدل لهو قليل جداً مما شاهدناه من صور لمستشفيات ومراكز صحية بالعاصمة أما الولايات فحالها يغني عن السؤال، ماعلينا، نحن الآن في قضية تصدت لها وزارة الصحة ولاية الخرطوم والتي بدلاً من أن تشكر المواطن الصالح الممتلئ وطنية، وتعتذر عن الوضع المشين الذي ظهرت عليه حقيقة الوضع وتبادر بالاصلاح، واصلت ذات السلوك المرفوض والمكابرة في الاعتراف بالفشل في خلق بيئة صحية وعلاجية محترمة.
أصغر سوداني يعلم تماماً حال معظم المستشفيات في السودان وفي الخرطوم العاصمة، ويعلم تماماً انه لا يدخلها إلا مضطرا، ومتى ما دخلها فإنه يلعن الساعة التي مرض فيها، من بؤس المكان وقذارته ونتانة رائحته وزحمة المرضى والمرافقين. ولن نتحدث عن التقصير الطبي المتمثل في غياب الادوات والمعينات الطبية ولا عن شراء المريض لابسط حقوقه من دواء وشاش وقطن وحقن على سبيل المثال، ولن نعرَج على ما حدث للجثمان الذي بقى لساعات دون ان يتم تحويله وحفظه في ثلاجة الموتى لحين تحديد الهوية واستخراج أرانيك 8 ، كما إدعى وزير الصحة في بيانه الفطير، والسؤال الذي يفرض نفسه، هل كان سيتصرف ذات التصرف في مستشفى الزيتونة، ام كان سيتخذ القرارات التي تحفظ سمعة المستشفى؟ فلماذا لا تتنازل وزارة الصحة وتعترف بالتقصير وتبدأ بمحاسبة المقصرين ومعالجة التقصير منعا لتكرار الاخطاء والاهمال، ولكن حماة الفشل وحماة الفساد يعمدون الى تحميل الاخرين مسؤولية فشلهم وفسادهم الاداري؟
الحل كما ذكر السيد المدير المسؤول لن يكون بفتح مدارس التمريض، ولا بتقديم مقترح للجامعات لإلغاء رسوم دراسة التمريض أو تخفيضها. ولا بالحلول الاخري التي لن تعالج المشكلات الا في خيالهم فقط، وانما يكون بمراجعة سياسات حكومته تجاه القطاع الصحي بشكل عام، ومراجعة سياساتهم ومعالجتها معالجات جذرية فيما يختص بهجرة الاطباء وبالكادر الطبي بشكل عام، وفيما يختص بكليات الطب بالجامعات، فالوضع يحتاج الى مراجعة في كمية الكليات التي يتم افتتاحها كل يوم دون وضع مطلوبات قيامها كما هو معمول به عالمياً، اما العنتريات والبلاغات المفتوحة ضد من يقدم لك النصح مطالباً بوضع افضل، فلن تفيد ولن تصلح الحال، ونصيحتي لكل مواطن متى ما وجد وضعا مائلا بالمستشفيات او بالمرافق الخدمية بالدولة عليه ان يكشفها فوراً للرأي العام المتضرر الوحيد لأن مثل هذه الحالات لن يجدي معها الطبطبة والغتغتة. ونصيحتي للمواطن الصالح ان يتقدم هو بشكوى وبلاغ ضد وزير الصحة مطالباً باسترداد الحق العام مشفوعا بتوقيعات مواطنين شرفاء قفلاً للباب في وجه مثل هؤلاء المسؤولين غير المسؤولي
***
ملحوظة :-
منقول من صحيفة الراكوبة الالكترونية
المصدر :-
صحيفة الراكوبة الالكترونية.
الاستاذة هنادي الصديق.
عزالدين عباس الفحل
ابوظبي
| |
|
|
|
|
|
|
|
|
|
Re: اعلنت وزارة الصحة ولاية الخرطوم فتح بلاغ (Re: سيف النصر محي الدين)
|
خلاص وزارة الصحة .
المفروض تمنع دخول الكاميرات.
و الموبايلات الذكية الي المستشفيات.
عشان الزبالة و الوساخة و الاهمال .
و عدم اللامبالاة و القرف .
و ترتدي الأوضاع الصحية.
الي الحضيض.
ما تطلع للاسافير .
و الجماهير المغلوب علي امرها.
و الناس تموت زي البهائم .
و لا حياة لمن تنادي .
وعاااااااش الوزير.
فضحتونا يا قرف.
عزالدين عباس الفحل
ابوظبي
------------------------------------------------------------
يا اخوانا عزالدين عباس الفحل صاحب الايفون من أبوظبى معقول ما عارف الكلام ده بيحدث في عهد الأسد النتر ( اسد العرب ) الذى يطبل له وينافق له وبعلمه ومباركته ؟
يا ناس أبوظبى فعلا عزالدين ده ساذج قدر ده ؟
| |
|
|
|
|
|
|
| |
محمد المسلمي
Hassan Makkawi
علي محمد الفكي
jini
Osman Musa
Ali Alkanzi
عزالدين عباس الفحل
Mohd Ibrahim
Abdelrahim Mohmed Salih
elsawi
Hani Arabi Mohamed
حاتم إبراهيم
سيف النصر محي الدين
محمد أبوالعزائم أبوالريش
Yousif A Abusinina
MOHAMMED ELSHEIKH
أحمد الشايقي
خالد حاكم
فيس بوك
تويتر
انستقرام
يوتيوب
بنتيريست