|
|
|
 Re: يا زول ات قايلني خايف ؟ أمسك أها (Re: طلحة عبدالله)
|
رغم أني ما ذاكرت كويس بسبب المشغولية
لكن أتوقع أن المنافسة على قمة العالم الكروية
ستكون بين أسماء تقليدية بداية من ربع النهائي وأنت ماش
يعني مثلا ربع النهائي
أنجلترا
المانيا
البرازيل
اسبانيا
الأرجنتين
الأورغواي
كرواتيا
بالإضافة للمكسيك
في نصف النهائي
أنجلترا
ألمانيا
الأورغواي
البرازيل
يتبع ..
خخخخخخخخخخ
| |
 
|
|
|
|
|
|
|
|
Re: يا زول ات قايلني خايف ؟ أمسك أها (Re: طلحة عبدالله)
|
للمعلومية جرجير ظل طوال شهر ماضى يتصل على
ويوسط كل من يعرفنى ولا يعرفني لأكتب هذا البوست
ولأنني عارف موضوعو ميت دا اذا عندو موضوع أصلا
فما هببتو ليهو ومع ذلك لم يستسلم وظل يتوعد ويهدد
ويتحدى وطبعا دي حركات منو عشان عايز يستمتع
بعمق التحليلات وفراسة الاستنتاجات والتوقعات التي
لا تخيب .. حتى نجح أخيرا في انو يجيب كثافتي ويدخلنى إلى
الحلبة التي طالما أسقطته فيها بالقاضية التي لا ترحم
أها تعال ورينا زيتك يا اللخو .
جررررررررر
يتبع ...
| |
|
|
|
|
|
|
|
|
|
Re: يا زول ات قايلني خايف ؟ أمسك أها (Re: محمد البشرى الخضر)
|
سلام يا عبد اللطيف وكل سنة وانت طيب يا الحبيب
ياخ الواحد يكون كسلان في أمان الله يجىء واحد
زي جرجير دا يحرضه على الثورة والعنفوان خخخخخخخخ
هسة عاين ليهو تحتك تلب براااااحة ختا ليهو مربع فاضى
وصدى بى بالحيطة الجا بيها .
غايتو زول ما بتوب أصلو كل ما أصرعو في مناسبة
ما يجيني مقنطر في مناسبة ما أخرى غير الأولى . خخخخخخخ
| |
|
|
|
|
|
|
|
|
|
Re: يا زول ات قايلني خايف ؟ أمسك أها (Re: حمد عبد الغفار عمر)
|
هلا يا حمدوف وكل سنة وانت طيب
برضو منطق والله
فرنسا وبلجيكا الاتنين ما ساهلات
لكن البرتغال أستبعدا مع الأسف للدون العملاق
ممكن بدل كرواتيا والأورغواي تخت فرنسا وبلجيكا
أو ممكن تشيل واحد من الفوق وتخت واحد من التحت
ما مشيت بعيد انت أسماء تقليدية برضو باستثناء بلجيكا طبعا .
| |
|
|
|
|
|
|
|
|
|
Re: يا زول ات قايلني خايف ؟ أمسك أها (Re: طلحة عبدالله)
|
الجماعة الحا يجوا يشهدوا على دردرة جرجير في البوست دا
أهديكم الطرايف التالية بمناسبة كأس العالم المهبب دا :
مصري أبوهو صحاهو لصلاة الصبح قال ليهو
قوم يا بنى صلى الفجر وأدعو ربنا عشان نفوز على روسيا
ولدو قال ليهو يا أبوي ندعو شنو دي السعودية العندها
الكعبة ذاتا الروس أكلوها خمسة عايزنا نحن العندنا فرعون
نكسب ؟
المنتخبات العربية كلها لو وقعت في مجموعة واحدة
ما ح يتأهل منها منتخب ..خخخخخخخ ( باتستوتا)
أقترح أن يتم دمج المنتخبات العربية في منتخب واحد
يكون دفاعو من تونس ووسطه من المغرب وهجومه
من مصر على أن تصرف عليه السعودية ..خخخخخخ
(واحد مجنون ) زي الجن القال عليهو عبداللطيف فوق دا 
| |
|
|
|
|
|
|
|
|
|
Re: يا زول ات قايلني خايف ؟ أمسك أها (Re: حمد عبد الغفار عمر)
|
أقترح أن يتم دمج المنتخبات العربية في منتخب واحد
يكون دفاعو من تونس ووسطه من المغرب وهجومه
من مصر على أن تصرف عليه السعودية ..خخخخخخ
(واحد مجنون ) زي الجن القال عليهو عبداللطيف فوق دا
ـــــــــــــــــ
برضو مابسووا شئ ، غايتو الا ياذن كدندار الخلا ول شنو المثل الزمان داك
| |
|
|
|
|
|
|
|
|
|
(Re: طلحة عبدالله)
|
سلام للكورنجيه و تحية لصاحب البوست الخبير الاخطبوط الصفوة طلحة
بتوقع المانيا بقت في امراً ضيق و ممكن تطير من كورتها الجاية مع اهلنا السويديين
السويد ديل ملوك العكلته في الدفاع عملوها في الطليان في التصفيات
الكاتاناشيو الإيطالية الشهيرة بالنسبة ليهم شوربه
أما الأرجنتين للأسف ما عندها تيم ولا كوتش عندها بس ميسي و بتوقع انها تطير بدري
مدربهم ماسك في اسماء منتهية و عنده شباب لعابين جداً أفضل يلعب بيهم و يخسر لأنه بفريقه ده برضو حيخسر
ما عارف هو خايف من شنو في مشاركة الشباب الموهوبين الكوره الفاتت لعب ميزا لاعب صغير من الدوري المحلي كان افضل لاعب
و هو عنده بافون و لو سيلسو و ديبالا خاتيهم بره و حارس الرواكيب
بعدين المدرب مركز على انه الفريق يساعد ميسي عشان يغلب ليهم و دي اتفه فكره
مفروض التيم اي تيم يتعمل بفكرة جماعية بدون تركيز على لاعب معين
إحتمال كبير المانيا و الارجنتين بره و بتوقع المفاجأة من بلجيكا و كرواتيا و كولومبيا
| |
|
|
|
|
|
|
|
|
|
Re: (Re: Yassir Mahgoub)
|
الاخ الاستاذ طلحة
دخلت اعيد عليك واسألك عن تسجيلات المريخ الصيفية ورأيك
والله ليك وحشة كما يقول التوانسة
كاس العالم دا رقيصا ما عندنا ليهو شعر
عشان كدا اي منافسة ما فيها السودان لا اهتم بها كثيرا
ولكن لأنو سويسرا البلد الذي ما زال يستضيفني ولاربعة عقود زمنية رغم بعدي عنه
اتابع النتائج فقط اكراما لهذا البلد وكذلك فرنسا الجارة
اطرف حاجة ساكنين في جنيف وكثيرا ما نتسوق في فرنسا للحاجات الاسبوعية خاصة سوق الاحد فهي الاقل سعراً
مرة زارنا من السودان خالنا الهادي بابكر
ويوم الاحد الرغيف كمل والمخبز الجنبنا قافل فقلنا لواحد عندو عربية امشي يا سمير فرنسا (فيرني فولتير) وجيب لينا رغيف
وخالنا ما صدق القصة دي كيف رغيف اجيبهو من دولة تانية
لكن القصة زي الشارقة والعين عندكم في الامارات
وما اكتر من كدا
| |
|
|
|
|
|
|
|
|
|
Re: (Re: Ali Alkanzi)
|
مربع فاضي قال!
دا يا مكيش وجه ضاحك ساخر من البتسوّي فوقه دا!
مرشح دور لسطاشر كله, اي طفل في سنة رابعة اولية في اي قرية من قرى الجزيرة ممكن يخت اللستة دي!
اديّنا قولا واحدا من اسي الفائز باللقب ووصيفه لو عاكل فيها الود قرّاي و اخطبوط عشان اوثق ليك و اكبشر
لكن عايز تتمحرك لحدي ما تتضح الرؤية وتجي تعمل فيها الود قرّاي
ما حزرت
| |
|
|
|
|
|
|
|
|
Re: (Re: محمد البشرى الخضر)
|
صديقي طلحة
والرفاق
عيدكم مبارك
الفريق الذي أتوقعه أن يذهب بعيداً هو أيسلندا ولا تستغربوا إذا وصل نصف النهائي وبل النهائي
فريق فيه شباب أقويا جسدياً ومكتملي اللياقة وينفذوا المطلوب منهم بدقة متناهية ..
بلجيكا عندها منتخب على مستوى الأفراد ما ساهل فقط ينقصهم التناسق كتيم واحد وإذا ما حدث ذلك سنراهم في الأدوار النهائية
أخاف على البرازيل والأرجنتين والبرتغال ..
المفاجأة قد تحدث لدولة لم تنال كأس العالم من قبل وسنرى
أتحسر على بلدي الذي غاب عن هذه الدوره وهم الطواحين الهوائية ولكن أبشركم بأن الدورة القادمة سيكون لهولندا تيم لا يشق له غبار
| |
|
|
|
|
|
|
| |
طلحة عبدالله
عبداللطيف حسن علي
محمد البشرى الخضر
حمد عبد الغفار عمر
Yassir Mahgoub
Ali Alkanzi
عزيز
فيس بوك
تويتر
انستقرام
يوتيوب
بنتيريست