|
|
|
 Re: ما عارف انصاف فتحي دي الناس ماكلين حقها � (Re: Osman Musa)
|
لا اخفي عليك يا اخ عثمان أني متيم بصوت هذه الانصاف منذ نعومة أدائها
غض النظر عن الرأي الفني المحترف، هذه الفنانة بتغني من جوه القلب
وبتكسبك راحة نفسية لمن تغوص بيك في اللحن وتتمدد بالاغنيه جواك
مسنغرب جدا ليهو الزي انصاف ما يتوجوها بتاج ملاك الغناء
مع اطيب التحايا والسلام
| |
 
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: عمر التاج)
|
عزيزنا الاخ عمر التاج سلامات
تعال عليك الله شوف استماع الناس الراجعين من صفوف انابيب الغاز و الجاز
النهار ليها في البرنامج بعد الافطار . دي اللحظات البمسح فيها صوت البنية دي
التعب . و ينسيك و جع الركب . صوت يفصلك من ساعات الشلهتة وسك
المعيشة حق النهار . صوت مريح يا التاج اخوي .
| |
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: Osman Musa)
|
هسى يا ود موسى لو سمعتنى بترنم بى اغنية اجلى النظر يا صاحى
و العزف على اوتار العود بالانامل ما بالريشة و رواقة و تقعيدة مهموسة
تساسق ما بين توق الروح و لعج الهيام
يمين الله تقول جلال ده الغنا من بعدو حرام
الزولة دى حالا زى حالى .. لقت نفسا فى غنوة ... و باقى الغنا بطلع اى كلام
| |
|
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: جلالدونا)
|
عزيزنا الاخ جلال سلامات ورمضان كريم .
يعني يا جلال برضك ماكلين حقك في الشهرة ؟
يا اخي بس اغنية اجلي النظر يا صاحي دي ما بتقدر عليها يازول .
ايام انطلاق الدورة المدرسية زمان منتصف السبعيات يا جلال . كتار حاولوها .
في واحد قال : في المحاولة من المقطع الاول فشفاشو ضرب .
لكن عليك الله يا ابو الجل عيد النظر واسمعها وانت ريلاكس .
| |
|
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: Osman Musa)
|
انصاف فتحى اتخرجت من نجوم الغد وكانت رائعة من البداية ،التقطا حسين خوجلى وبقت المغنية شبه الرسمية لقناة امدرمان الى ان انفتحت على معظم القنوات الاخرى ، دروب الغنا دى فيه دهاليز ومغارات وما بتفهم الحاصل فيها شنو كتير موهوبين لا يجدو حظهم فى الانتشار وتلقى اخرين اى كلام يملأوا الساحة بأصواتهم النشاذ ، انصاف اول ظهور فى نجوم الغد غنت الفينا مشهودة بمشاركة شابة مبدعة صداحة اسمها مساجد الامام ما بنسى اسمها لانو صوتا كان مبالغة فى الجمال ، اول إحباط تلقتو مساجد كان من امال النور عضو اللجنة قالت ليها صوتك صوت سباتا البت وجمت ، وجات المرة الجاية خانقة ذلك الصوت الطلق المجلجل وبقت تغنى زى بنات عقد الجلاد وبنات الكورال ،تانى ما سمعت بيها ولا شفتها
| |
|
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: Amira Hussien)
|
اخي عثمان الظااهر الفنانة انصاف ما عندها واسطة لكي تشق بنجوميتها عنان السماء الابداعي وكتيييييييييييير من الموهوبين الذين لا يجدون واسطة لكي يصلوا لما وصل اليه انصاف الموهوبين الذين يملؤون السمع والبصر الان وكما قال من سبقني هناك دهاليز في الفن لا تحتكم للموهبة ولا للغناء الجميل والصوت الجميل بل تحتكم لاشياء لا يعرفها المستمع او المشاهد العادي ,,,,, وكما يقولون الله يرحم الفن السوداني اخي عقمان ....
تحياتي : ياسر العيلفون .....
| |
|
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: علاء سيداحمد)
|
عزيزنا الاخ علاء سلامات
ياخ ربنا يجازيك علي نقلنا كلنا حول انصاف الرهيبة .
( جدي الريل العاتي ) عليك الله يا علاء يا اخوي منو اليقدر يطلع البيت ده بي
زي ده الجمال ؟
لحظة قالت : ( انا لو جنيت ما خاتي ) الناس في اللحظة دي كلها جنت . يا سلام
عليك يا اجدع انصاف . والله يحضرنا عرسك يا بتنا .
| |
|
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: ياسر السر)
|
الاخ الفنان ياسر السر سلامات ورمضان كريم
وندعوا مع اهلنا اهالي الدبيبة و العيلفون بالرحمة في هادا الشهر الكريم
لشيخ مشايخ الغناء الفنان الحاج مبارك حسن بركات عليه الرحمة .
..
عارفك والله يا ياسر حتجي مطفر حيطة حوش بكري ابوبكر من اجل
عيون الشابة صاحبة الابتسامة الجميلة و الصوت الرهيب انصاف فتحي .
يا ياسر البت دي في الدقيقة ٢ لحظة قالت : قومبيناااااا . انا دفقت صحن البلية
بدون ما احس وطلعت من المكان زي ما طلع مصطفي سعيد من ديك الجلسة
الاتعرفت في العالم كلو .
انصاف انصفتنا يا ياسر .
| |
|
|
|
|
|
|
|
|
|
Re: ما عارف انصاف فتحي دي الناس ماكلين حقها � (Re: سفيان بشير نابرى)
|
Quote: هسى يا ود موسى لو سمعتنى بترنم بى اغنية اجلى النظر يا صاحى
و العزف على اوتار العود بالانامل ما بالريشة و رواقة و تقعيدة مهموسة
تساسق ما بين توق الروح و لعج الهيام
يمين الله تقول جلال ده الغنا من بعدو حرام
الزولة دى حالا زى حالى .. لقت نفسا فى غنوة ... و باقى الغنا بطلع اى كلام |
طبعاً يا عثمان موسى أخونا أبوبكر عباس بدأ مشروع استوهام الاستنارة بنفس طريقة أخينا الفوق دي فكاها في روحو براهو وصدقه براهو و بقى يفرضه على الناس... اها هسي زولك الفوق دا ممكن عااادي تلقاهو جاري عودو و مندعر يغني.
لكن ما مشكلة دع الأشواك تنمؤ.
| |
|
|
|
|
|
|
| |
Osman Musa
عمر التاج
جلالدونا
Amira Hussien
ياسر السر
علاء سيداحمد
MOHAMMED ELSHEIKH
سفيان بشير نابرى
فيس بوك
تويتر
انستقرام
يوتيوب
بنتيريست