|
Re: للبيع مزرعة في سندس 15 فدان قطاع ثنيات الود (Re: يحي قباني)
|
بق بق السعر بالجديد ولا القديم...لان سعرين للعملة السودانية بتلخبط الرأس...وياريت عشان تسهل لينا الأمر حاول تدينا سعر المزرعة كامل بالدولار عشان نفرق بين الجديد والقديم ...وارسم لينا خريطة عن موقع المزرعة ...عندنا ناس جادين يفتشوا لمزرعة .. ورمضان كريم وعيد مبارك
| |
|
|
|
|
|
|
Re: للبيع مزرعة في سندس 15 فدان قطاع ثنيات الود (Re: Haytham Ghaly)
|
تمام يا باوقة سعر الفدان حسب عرضك دا حوالي 2360 دولار. سعرك دا عالي شديد و ما أظن تلقى مشتري بالسعر دا نزل السعر شوية و بيع، أحسن تتخلص منها بدري بدري أسعار الأراضي في السودان حتنهار إنهيار شديد بعد سنتين ممكن تعرض الفدان منها ب 300 دولار و ما تلقى البشتري.
| |
|
|
|
|
|
|
Re: للبيع مزرعة في سندس 15 فدان قطاع ثنيات الود (Re: Hafiz Bashir)
|
دي غير المزرعة ديك المشهورة زي شهرة بوفية السفارة ديك غايتو مزرعة السرور والعظمة ام دور ما أظنك تبيعا امكن دي واحدة تانية مزرعتين في عين الحاسد
............ غالية شديد؛ ما أظن في زول بشتري هنا .......... نصيحة غالية: حاول بيعا لجماعتك وزود السعر شوية أصلا القروش ما ضاربن فيها حجر دغش وما بشتروا مزرعة رخيسة.... علي فوق وغليها اها قصرت معاك؛
| |
|
|
|
|
|
|
Re: للبيع مزرعة في سندس 15 فدان قطاع ثنيات الود (Re: السيد المسلمي)
|
Quote: سعر الفدان حسب عرضك دا حوالي 2360 دولار. سعرك دا عالي شديد و ما أظن تلقى مشتري بالسعر دا |
مولانا حافظ ياخي ما تلخبت الاختساسات .. علي حسب كلامك دا يعني المتر بي أقل من نص دولار جوا ولاية الخرطوم ... ودا سعر ممتاز جدا" ... ههههه ود الباوقه أمكن اجيك في الخاس.
| |
|
|
|
|
|
|
Re: للبيع مزرعة في سندس 15 فدان قطاع ثنيات الود (Re: Salah Zubeir)
|
سلام يا مسلمي طبعاً 300 دولار دي حركات سوق مني لود الباوقة.😁😁😁 لكن بالتأكيد قيمة الأرض في السودان حتنخفض في السنوات القادمة لو حسبنا السعر بالدولار لو إستمر التردي الإقتصادي و هو الإحتمال الراجح. في الفترة من 1998 إلي 2010 أسعار الأراضي في الخرطوم تضاعفت عدة مرات حسب سعرها بالدولار. و دا عندو عدة أسباب منها إستقرار سعر الصرف و الإستقرار الإقتصادي الذي يشجع الإستثمار إلى حد ما. إضافة للفساد الذي يوفر تمويل سهل لشراء الأراضي.
مؤكد في ظل الإنهيار الإقتصادي الحاصل في البلد، حتنخفض أسعار الأراضي. و في زمن العولمة حتهرب حتى رؤوس الأموال الصغيرة من السودان بحثاً عن فرص في دول أكثر إستقراراً. لذلك أتوقع أن تنخفض أسعار الأراضي الزراعية عموماً و إيضا ستنخفض أسعار الأراضي السكنية في بعض أحياء الخرطوم.
| |
|
|
|
|
|
|
Re: للبيع مزرعة في سندس 15 فدان قطاع ثنيات الود (Re: محمد محمد قاضي)
|
ياحافظ يابشير .. إستقرار يعر الصرف في الفترة من ٢٠٠١ الي ٢٠٠٨ تبعه إستقرار في جميع أسعار السلع والخدمات ودا كان دليل عافية للإقتصاد .. وأسعار العقارات كانت متاحة وعادية بالمقارنة للهلع والجنون الحاصل الآن .. سألت خبير لا يقل عنك خبرنة :) عن سبب هذا الإرتفاع فأرجع ذلك لضيق مواعين الإستثمار وعدم ثقة المستثمر في المناخ السائد .. كل ذلك أدا الى إتجاه رؤؤس الأموال الى مجالات تقل فيها نسبة المخاطرة .. فكان الارتفاع المضطرد في اسعار الأراضي والعقارات .. بالدرجة التي تضاهي فيها أرقى مدن العالم .
| |
|
|
|
|
|
|
|