. الإخوة و الأخوات ...الأكارم السلام عليكم ورحمة الله وبركاته جيتكم الليلة وكلي عشم فيكم...وعارف ما حاتخذلوني بإذن الله....وعايزكم تساعدوني في البحث معانا عن راجل كبير وهو مفقود ليه 15 يوم في مدينة بورتسودان.... أهلو ساكنين في الخرطوم/بحري/الدروشاب شمال.... إسمه عم *قادم حماد* إستدعاه إبنه *عادل* ..شغال ومقيم في بورتسودان..عشان يصوم معاه رمضان ويقضي معاه الفترة دي لغاية عيد الضحية ويجو يعيدو مع الأسرة الكبيرة في الدروشاب... ورسل ليه صاحبه بعربية مريحة وفعلاوصلو بورتسودان بسلام قبل رمضان بيومين...وفي نفس يوم الوصول بعد ما إطمأن عادل علي ابوه إستأذنه لانه عنده محاضرة وتركه بمعية زوجته...وفي وقت صلاة الظهر اصر عم قادم علي الخروج للصلاة في المسجد... إترجته زوجة ابنه انه يصلي في البيت عشان هو يا داب جايي من السفر...لكنه رفض وقال هو متعود علي الصلاة في الجامع ...لما شافت اصراره ..رافقته للمسجد وإطمأنت لوقوفه بين صفوف المصلين وانتظرت إقامة الصلاة .. وبعدها خرجت ووقفت بجوار باب المسجد حتي تنتهي الصلاة...لكن طال انتظارها بعد خروج المصلين...وبعدها خرج رجل وسألها عن سبب وقوفها ..قالت ليه انا منتظرة ابوي راجل كبير وهو ضيف جانا من الخرطوم وخايفة ما يعرف البيت... قال ليها جوة في تلاتة من المصلين فقط شوفي لو ابوك معاهم..دخلت وما لقته وعرفت منهم انه بعض المصلين خرجو من البوابة التانية للمسجد غير الكانت منتظراه فيها.... *عم قادم* رجل تعلق قلبه بالمساجد خرج للبحث عن بيت الله ...وتاه عن بيت إبنه... والله لو شفتو حالة هذه الاسرة كيف ؟ يحننو ..زوجته وبناته هنا في الدروشاب .. واولاده مواصلين البحث ليل مع نهار عشان ما يلقو ابوهم ... والدنيا رمضان و ...سخانة...فيا اهل بورتسودان الحنان انتم أدري بشعابها وأدري بسخانتها... يا ريت تساعدو في البحث عن عم قادم ...عشان نقدر نرجع البسمة لأسرته ويحسو بفرحة العيد....برجوع ابوهم ..ومن فرج عن مؤمن كربة فرج الله عنه كربة من كرب يوم القيامة... والله لا يضيع اجر من احسن عملا وحزيتم خيرا... دا رقم ولدو عادل0912221604 رقم آخر0966940659 ولو سمحتو أرفعو البوست ب يا جامع يا رقيب
05-29-2018, 11:12 AM
الطيب بشير الطيب بشير
تاريخ التسجيل: 12-06-2003
مجموع المشاركات: 5762
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب بشير
معاوية الزبير
احمد حمودى
عمر دهب
Ali Abdalla Hassan
جلالدونا
عبد اللطيف السيدح
فيس بوك
تويتر
انستقرام
يوتيوب
بنتيريست