|
Re: باقي 31 يوم و ينتهي رمضان .. و الحمد لله ما ح� (Re: يحي قباني)
|
استاذنا يحيى قبانى بلغنا الله وإياك والجميع هنا بكل خير ورحم الله كل من فارقنا هذا الشهر. جعله الله شهر رحمة وبركة وفرج الله حالنا وحال بلدنا. تصوم وتفطر على خير.
آمين يا فتح العليم ...
نسال الله ان يبلغنا اجره ان شاء الله ...
و ان يجعله شهر تسامح و محبة بيننا ...
| |
|
|
|
|
|
|
Re: باقي 31 يوم و ينتهي رمضان .. و الحمد لله ما ح� (Re: يحي قباني)
|
يحيى قباني .. سلام مربع
بديت العد التنازلي قبل صفارة الإنطلاقة؟
غايتو كلامك دا يندرج تحت الجرسة الشديدة .. ههههه .. كان شايفو صعب جليهو يا قبة الصيام الصمتوا كفاية واعتبر نفسك على سفر وأهو فتوى جاهزة
هو رمضان خلاص يعني جا ولا شنو ؟ أنا الشهور العربية دي ما قادر أعرفها كلو كلو، بالله نبهوني قبل العيد ب 6 ساعات لو نسيت
تحياتي
| |
|
|
|
|
|
|
Re: باقي 31 يوم و ينتهي رمضان .. و الحمد لله ما ح� (Re: Asim Fageary)
|
Quote: يحيى قباني .. سلام مربع
بديت العد التنازلي قبل صفارة الإنطلاقة؟
غايتو كلامك دا يندرج تحت الجرسة الشديدة .. ههههه .. كان شايفو صعب جليهو يا قبة الصيام الصمتوا كفاية واعتبر نفسك على سفر وأهو فتوى جاهزة
هو رمضان خلاص يعني جا ولا شنو ؟ أنا الشهور العربية دي ما قادر أعرفها كلو كلو، بالله نبهوني قبل العيد ب 6 ساعات لو نسيت
تحياتي
|
انت يا عاصم اهلي و اهلك دحين ما كأنو بيدفعوا الجزية زمان ؟
شوف لينا بشاشا أمكن يفتي لينا لو طلع لينا اصولنا نصرانية أو حاجة ...
| |
|
|
|
|
|
|
Re: باقي 31 يوم و ينتهي رمضان .. و الحمد لله ما ح� (Re: يحي قباني)
|
انت يا عاصم اهلي و اهلك دحين ما كأنو بيدفعوا الجزية زمان ؟ شوف لينا بشاشا أمكن يفتي لينا لو طلع لينا اصولنا نصرانية أو حاجة ...
هي النصرانية بس ؟
اليهودية والنصرانية وأديان غيرها كتيرة
بس كانت أديان لذيذة وخفيفة
بعدما العرب عرفوا الإسلام قاموا لخبتوهو لخبتة شديدة وسوه كله قتل وقطع من خلاف وصيام شهرين متتالين وهكذا والكثير من الموجود في دين الزمن دا من صناعة العرب
لكن تتكلم يقولوا ليك كافر تسكت ياهو يقعدوا يعوسوا في عواستهم دي
ندمونا إننا نشرنا فكرة الدين ذاتها
| |
|
|
|
|
|
|
Re: باقي 31 يوم و ينتهي رمضان .. و الحمد لله ما ح� (Re: Hamid Elsawi)
|
ياسلام تذكرت حدتي لامي زهراء الهادي وهي تسكن بقرية الشريك الرباطاب وكانت من الناس البتجرسوا في الصيام وكانت جارتنا الجدة عزيزة امراة صالحة ومتدينة ويشهد لها بحب الصيام وفي اول يوم في رمضان تدخل جميع البيوت تهنئي وتتغنى باغنيات واهازيج رمضانية ولا انسى يوم ان دخلت على جدتي وهي تغني (رمضان اوحشتنا يارمضان اوحشتنا )وقالت لجدتي يازهراء ياحليلو انتهى خلاص الشهير جدتي قالت بزعل هوي ها يامرا صومي تلات شهور كان عايزة تصومي نحن الله يقدرنا نكمل الشهير دا ..) واعقبت شوفوا المرا المجنونة دي اسي اول يوم يادوب الصباح رحم الله جدتي واعطى الصحة والعافية لجارتها عزيزة فماتزال رغم كبر السن الا انها تحافظ على الصيام والصلاة في اوقاتها
وكل سنة وانتو طيبين محبتي نعمات حمود
| |
|
|
|
|
|
|
Re: باقي 31 يوم و ينتهي رمضان .. و الحمد لله ما ح� (Re: نعمات حمود)
|
سلام يا نعمات
غايتو عزيزة قربت تعملها في ناس قباني .. يعني من أول يوم تقول يا حليليو طيب ما تنتظر ليوم عشرين كدا بعد يدخل العضم زي ما بقولوا
ما عاوز أدخل ليكم البوست في نقاش .. لكن الآية واضحة (وعلى الذين يطيقونه)
يطيقونه دي كلمة حمالة أوجه ما عاوزين نقلب ليكم وجوها كلها
| |
|
|
|
|
|
|
|